זיך ציען קיין ענגלאנד! - גוט פאר די קינדער?

אלעס איבער חינוך הילדים

די אחראים: זייער נייגעריג,אחראי,thefact

חסדי אבות
שר האלף
תגובות: 1169
זיך איינגעשריבן אום: מאנטאג יולי 15, 2013 1:49 pm

זיך ציען קיין ענגלאנד! - גוט פאר די קינדער?

  • ציטיר
  • צו לייגן א דאנק דארפט איר זיין אריינגעלאגט

תגובה דורך חסדי אבות »

טייערע אידן, חברים מקשיבים און חשוב'ע לייט.

איך קום יעצט צו אייך מיט א דיעלעמע וואס שטייט מיר אין לעבן, אין בין נישט זיכער ווי אזוי איך דארף האנדלען און איך ערווארט צו הערן גוטע עצות, געדאנקען און וואס דער עולם האט צו זאגן איבער דעם ענין.

מען טראגט מיר אצינד אן, א געוויסער ענין אין ענגלאנד, א מקום פון וואו איך וועל קענען מאכן שיין פרנסה און לעבן מיט הרחבת הדעת. כמובן אז דער ענין גלאנצט פון אלע זייטן, אבער איך וועל זיך דעריבער מוזן ציען מיט דאס גאנצע געזינדל, זיך אויפהייבן און פארן וואוינען אויף לאנדאן. די זאך בעצם פאר זיך האט פארשידענע מעלות און חסרונות, מיר האבן שוין דאס דורכגעקלערט בכובד ראש. אלס פרנסה אויס איז דארט פיל גרינגער, דאס איז שוין אויסער די שטאטישע בענעפיטן וואס דארט באקומען מען מער און לייכטער ווי דאהי. אויך דער לייף-סטייל איז אן ענין וואס מיר האבן דורכגערעדט. הצד השוה שבהם, אז קעגן די מעלות בנוגע מיין פרנסה אין ענגלאנד, אז מען וועט קענען לעבן ברייט און מיט הרחבה, איז זיכער אז דער זאך לוינט זיך צו טון און אריינשפרינגען דערין.

עס איז פאראן בלויז איין זאך וואס האלט מיר אפ פון דאס טון, און עס מאכט מיר איבערקלערן מיין שריט, און דערפאר בעט איך דער ייעוץ און הילף פונעם ציבור.
מיינע קינדער זענען ביי מיר דאס טייערסטע און חשוב'סטע וואס עס איז שייך, איך וועל טון וואס איך קען צו מאכן מיינע קינדער שטייגן און זיי פירן צו א בעסערע און צופרידענערע לעבן. איך דאנק דעם אויבערשטן אז אלע מיינע קינדער זענען מציונים און זיי הייסן אין קלאס פון די בעסטע תלמידים, הן זכרים והן נקיבות, זיי זענען א דוגמא פאר די כיתה בלימידיהם וכו', איך האב ב"ה זוכה געווען צו פיינע קינדער, עכ"פ אויף וויפיל מען קען זען אין די דאזיגע יארן.

עס הייסט אז אין ענגלאנד איז די לעוול פון די לימודים, היבש הונטערשטעליג פון די לימודים אין אמעריקע. דאס מיינט אז מיינע קינדער וועלן אנקומען אין די ארטיגע חדרים, וועלן זיי לערנען ווייניגער, זיך חבר'ן מיט פארשלאפענערע קינדער וואס האבן א נידעריגערע איי קיו (אנטשולדיגט פאר די אויסדרוק - נישט געפינען קיין בעסערע וועג דאס אראפצולייגן) ווי די אמעריקאנער אקטיווע קינדער (אפשר שרייב איך אביסל צו שארף, איך ברענג פשוט ארויס מיינע געפילן ווי אזוי איך קוק עס אן). מיינע יונגלעך לערנען אין מתמידימ'ס נאך חדר, איינער פון זיי לערנט אפילו צו - אויסער א מתמידים - אנדערע לימודים און איז זיך משלים, א זאך וואס דארט אין ענגלאנד איז עס כמעט ווי נישט פאראן, און אויב יא, אויף פיל א שוואכערע רמה ווי אין אמעריקע. כפי השמועה לערנט מען דארט פיל ווייניגער הן בכמות והן באיכות.

ווער רעדט נאך פון די מיידלעך... בשעת אין אמעריקע איז די חינוך הבנות פיל מער אידישער, היימישער ווי דארט, וואס עס איז פיל שוואכער. אז מיינע מיידלעך וועלן אהין אנקומען, קענען זיי זיך אנשטויסן מיט שוועריגקייטן אין קאמיוניקאציע צווישן אנדערע מיידלעך אין איר עלטער.

מיין שאלה איז דעריבער: איז טאקע דא א חילוק צווישן א יונגל וואס לערנט ווייניגער און א יונגל וואס לערנט מער? - קלארער געפרעגט; ווען זיי וועלן זיין דרייסיג יאר אלט, וועט זיך דערקענען א חילוק צווישן א יונגל וואס האט געהארעוועט און זיך פארהערט ששה-סדרי-משנה מיט עטליכע מסכתות אלס יונגל? - אדער איז דאס איין חילוק - דהיינו, אז אויב האלט מען ביים לערנען, איז נישט קיין שום חילוק וויפיל מען האט געלערנט און געשטיגן אלס יונגל, ווען מען ווערט עלטער גראדט זיך עס אויס.

מענין לענין:
כדאי קלארער צו שטעלן די פראגע: א ירושלימ'ער יונגל, וואס הארעוועט אין לערנען, דרייט זיך ביי תלמידי-חכמים וכו', האט ער מער אויסזיכטן צו שטייגן ווי א יונגל וואס וואוינט למשל אין וויען, עסטרייך אדער אין אוסטראליע, אדער איז דאס דער זעלבער זאך, אין פאל אז דער יונגל האט א ריכטיגער אהבת התורה, דהיינו אז ווען ער וועט עלטער ווערן וועט ער פלייסיג לערנען און זיין פונקט אזוי פיין?

דאס איז די איינציגסטע קלער וואס איך קלער איבער, בנוגע גיין וואוינען קיין לאנדאן (אדער מאנטשעסטער).

ווער קען מיר ענטפערן דערויף?
יהיה כן
שר תשעת אלפים
תגובות: 9226
זיך איינגעשריבן אום: זונטאג מאי 03, 2009 2:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יהיה כן »

פון וואו איז די רעדע, פון אמעריקא אדער פון א"י?
בארן קלאפער
שר מאה
תגובות: 158
זיך איינגעשריבן אום: זונטאג מאי 11, 2014 9:41 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בארן קלאפער »

חסדי אבות האט געשריבן:דאס איז די איינציגסטע קלער וואס איך קלער איבער, בנוגע גיין וואוינען קיין לאנדאן (אדער מאנטשעסטער).


די נפק"מ פון לאנדאן קיין מאנטשעסטער איז כרחוק מזרח ממערב יעדער שאלה באזונדער
אוועטאר
שמעלקא טויב
שר חמשת אלפים
תגובות: 5396
זיך איינגעשריבן אום: דינסטאג מאי 04, 2010 2:41 pm
לאקאציע: אויפ'ן באשעפער'ס וועלט'ל!

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמעלקא טויב »

1. שווער צו גלייבן אז פון דא וועסטו קענען מאכן א החלטה, נאר זיכער הערן א "פיעס אוו מיינס"
2. אפשר זאל דיין גיין קיין ענגלאנד העלפן פארבעסערן די חינוך דארט, אריינקומען מיט א געזונדל פון לייטישע קינדער מיט פעסטע טאטע מאמע אפשר וועט עס העלפן מאכן א טויש?!
3.פארשטייט זיך שטארקע דעת תורה, אנע דעת תורה פון א גדול בישראל צו וועם דו ביזט מקושר קומט דאך עס נישט באטראכט, ס'איז דאך דער חינוך פון דיינע קינדער, דיין גאנץ לעבן איז דאך דאס

וואס אימער זאלסט נאר נישט טוען, איך וואונטש דיר הצלחה מרובה און איך גלייב אז אזוי טוען אלע חברים דא
הק' שמעלקא טויב
נו"נ להחסיד המפורסם רבי שלום טויב ע"ה
[email protected]
חסדי אבות
שר האלף
תגובות: 1169
זיך איינגעשריבן אום: מאנטאג יולי 15, 2013 1:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חסדי אבות »

יהיה כן האט געשריבן:פון וואו איז די רעדע, פון אמעריקא אדער פון א"י?


פון אמעריקע, כמובן...
אגב, וואס איז דער חילוק?

בארן קלאפער האט געשריבן:די נפק"מ פון לאנדאן קיין מאנטשעסטער איז כרחוק מזרח ממערב יעדער שאלה באזונדער


אדרבה; זיי'זשעעט מסביר דעם חילוק...
אני כשלעצמי קלער ענדערש פון לאנדאן, וויבאלד עס איז מער אן עיר ואם בישראל, אבער וויבאלד די יודעי דבר טענה'ען אז עס איז אצינד שווער דארט מיט דירות וכו' קלערן מיר אפשר פון מאנטשעסטער, אבער כמובן אז מיר זוכן לכתחילה לאנדאן.

אבער אדרבה, זייט מסביר דעם חילוק, לאמיר הערן...
לעצט פארראכטן דורך חסדי אבות אום דינסטאג מאי 26, 2015 5:22 pm, פארראכטן געווארן 1 מאל.
יהיה כן
שר תשעת אלפים
תגובות: 9226
זיך איינגעשריבן אום: זונטאג מאי 03, 2009 2:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יהיה כן »

חסדי אבות האט געשריבן:
יהיה כן האט געשריבן:פון וואו איז די רעדע, פון אמעריקא אדער פון א"י?


פון אמעריקע, כמובן... אגב, וואס איז דער חילוק?


ווייל איך קען דיר ריפערן צו איינעם וועלכער איז געווען אין זעלבן מצב, (כמובן, בהמשך באישי), ותושיה ברוב יועץ
לעצט פארראכטן דורך יהיה כן אום דינסטאג מאי 26, 2015 5:44 pm, פארראכטן געווארן 2 מאל.
חסדי אבות
שר האלף
תגובות: 1169
זיך איינגעשריבן אום: מאנטאג יולי 15, 2013 1:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חסדי אבות »

צוגעלייגט צום פריעדיגע תגובה.
שמע מינה
שר מאה
תגובות: 111
זיך איינגעשריבן אום: מאנטאג אוגוסט 18, 2014 1:59 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמע מינה »

מאכטס פלאץ... ס'קומט מיר צו לאכן...
חינוך, לאנדאן, צוריק געשטאנען...
ווי אזוי פלעגט די רבי צו זאגן, די אונגערישער זענען נארנים ווייל זיי גלייבן אז די פוילישע זענען די קלוגער...
די חסרון פון די לאנדאנער איז אפשר נאר אז זיי מיינען אז די אמעריקאנער זענען קלוגער פון זיי, געלערנטער, און מאר עדווענסד... אבער כאטש דו אויפגעקלערטער אמעריקאנער וואלסט שוין געמעגט וויסן אז אין לאנדאן פעלט ב"ה נישט קיין קלוגער לעבעדיגער געשמאקער מענטשן.
אויב מ'רעדט פון חינוך, אדרבה, קוק דיך אום, לאנדאן האט זיך גארנישט וואס צו שעמען פאר אמעריקא, אין יעדער בית המדרש דא זענען פאראן תלמידי חכמים, חסידים, יראים ושלמים. לימוד התורה איז אסאך שטערקער פון אמעריקא. א דורכשניטליכער יונגערמאן דא קען אסאך מער ווי אדורכשניטליכע יונגערמאן אין אמעריקא, במחילת כבוד תורתכם הרמה. גלייב נישט, קוק צו פאקטן פון די היינטיגע קהלות, די שענסטע אידן קומען פון לאנדאן...
אוועטאר
מי יודע
שר שמונת אלפים
תגובות: 8718
זיך איינגעשריבן אום: מאנטאג אוגוסט 31, 2009 4:35 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מי יודע »

שמע מינה האט געשריבן:מאכטס פלאץ... ס'קומט מיר צו לאכן...
חינוך, לאנדאן, צוריק געשטאנען...
ווי אזוי פלעגט די רבי צו זאגן, די אונגערישער זענען נארנים ווייל זיי גלייבן אז די פוילישע זענען די קלוגער...
די חסרון פון די לאנדאנער איז אפשר נאר אז זיי מיינען אז די אמעריקאנער זענען קלוגער פון זיי, געלערנטער, און מאר עדווענסד... אבער כאטש דו אויפגעקלערטער אמעריקאנער וואלסט שוין געמעגט וויסן אז אין לאנדאן פעלט ב"ה נישט קיין קלוגער לעבעדיגער געשמאקער מענטשן.
אויב מ'רעדט פון חינוך, אדרבה, קוק דיך אום, לאנדאן האט זיך גארנישט וואס צו שעמען פאר אמעריקא, אין יעדער בית המדרש דא זענען פאראן תלמידי חכמים, חסידים, יראים ושלמים. לימוד התורה איז אסאך שטערקער פון אמעריקא. א דורכשניטליכער יונגערמאן דא קען אסאך מער ווי אדורכשניטליכע יונגערמאן אין אמעריקא, במחילת כבוד תורתכם הרמה. גלייב נישט, קוק צו פאקטן פון די היינטיגע קהלות, די שענסטע אידן קומען פון לאנדאן...

בנוגע קלוג, דרגא אין לימודים אין לאנדאן, ווייס איך נישט, אבער אזויפיל קען איך זאגן, דאס ליגן אין תאות האכילה, דאס לעבן פאר יענעם, און דאס נערוועזע אמעריקאנע גייסט און חוצפה דאס וועסטו נישט טרעפן אין לאנדאן, און פאר דעם אליין לוינט זיך אהינצוגיין
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.
אוועטאר
בשבילי נברא
שר תשעת אלפים
תגובות: 9222
זיך איינגעשריבן אום: מאנטאג יאנואר 18, 2010 10:53 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בשבילי נברא »

שמע מינה האט געשריבן:מאכטס פלאץ... ס'קומט מיר צו לאכן...
חינוך, לאנדאן, צוריק געשטאנען...
ווי אזוי פלעגט די רבי צו זאגן, די אונגערישער זענען נארנים ווייל זיי גלייבן אז די פוילישע זענען די קלוגער...
די חסרון פון די לאנדאנער איז אפשר נאר אז זיי מיינען אז די אמעריקאנער זענען קלוגער פון זיי, געלערנטער, און מאר עדווענסד... אבער כאטש דו אויפגעקלערטער אמעריקאנער וואלסט שוין געמעגט וויסן אז אין לאנדאן פעלט ב"ה נישט קיין קלוגער לעבעדיגער געשמאקער מענטשן.
אויב מ'רעדט פון חינוך, אדרבה, קוק דיך אום, לאנדאן האט זיך גארנישט וואס צו שעמען פאר אמעריקא, אין יעדער בית המדרש דא זענען פאראן תלמידי חכמים, חסידים, יראים ושלמים. לימוד התורה איז אסאך שטערקער פון אמעריקא. א דורכשניטליכער יונגערמאן דא קען אסאך מער ווי אדורכשניטליכע יונגערמאן אין אמעריקא, במחילת כבוד תורתכם הרמה. גלייב נישט, קוק צו פאקטן פון די היינטיגע קהלות, די שענסטע אידן קומען פון לאנדאן...


לויט ווי איך בין אביסל באקאנט, איז די ניווא פון ערליכע אידישקייט וכו' אויף א היפש שטערקערע דרגא אין יוראפ, פארשטייט זיך אז בפרטיות זענען איבעראל דא אלע ערליי מענטשן שוואכערע און בעסערע, אבער בכלליות איז אין לאנדאן וכדו' סאך מער מצוי דעם אלטן אריגינעלן אידישקייט אן די אלע אמעריקאנע התגשמות, וכו' וכו'. ודו"ק כי קצרתי.
---
חסדי אבות
שר האלף
תגובות: 1169
זיך איינגעשריבן אום: מאנטאג יולי 15, 2013 1:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חסדי אבות »

שמע מינה, איך זעה אז דו ביסט א לאנדאנער, לאמיר דיר פרעגן א פראגע:

ווי אזוי וועלן די ענגלישע קינדער אויפנעמען אמעריקאנער קינדער וואס קומען לערנען אין זייער כיתה? - וואס וועט מען זאגן אויפן ר' הברה? - מען וועט חוזק מאכן, אננעמען צווישן אלע קינדער? - איך האב אמאל געהערט אז דער ענין פון בוליען קינדער איז אין לאנדאן ערגער פון אמעריקע...

אגב, קלוג, געלערנט, האב איך נישט גערעדט פון די עלטערע, נאר בנוגע דעם לעוול פון די לימודים צווישן די קינדער, וואס מען זאגט אז עס איז שוואכער. בשעת אין אמעריקע זענען פאראן צווישן די קינדער אמביציעס, מען לערנט מער אין די ישיבות, בכמות ובאיכות, קינדער ווילן זיך פארהערן און אויפטון, איז אין לאנדאן היבש ווייניגער, הגם עס איז מעגליך אז זיי וואקסן אויף געלונגען און קלוג... אויב איך מאך א טעות, ביטע מיר פארריכטן.
א טענצל!
שר האלף
תגובות: 1412
זיך איינגעשריבן אום: זונטאג אקטאבער 04, 2009 11:07 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך א טענצל! »

חסדי אבות האט געשריבן:אגב, קלוג, געלערנט, האב איך נישט גערעדט פון די עלטערע, נאר בנוגע דעם לעוול פון די לימודים צווישן די קינדער, וואס מען זאגט אז עס איז שוואכער. בשעת אין אמעריקע זענען פאראן צווישן די קינדער אמביציעס, מען לערנט מער אין די ישיבות, בכמות ובאיכות, קינדער ווילן זיך פארהערן און אויפטון, איז אין לאנדאן היבש ווייניגער, הגם עס איז מעגליך אז זיי וואקסן אויף געלונגען און קלוג... אויב איך מאך א טעות, ביטע מיר פארריכטן.

יא יא. דאס גאנצע געלערענעכץ און פארהערעכץ וגו' וגו' וואס איז דא אין אמעריקע אין חדרים אין ישיבות, מיט די 'אמביציעס' פון וואס דו רעדסט, איז נישט פארהאן (און זיכער נישט אויפ'ן זעלבן פארנעם) אין די אייראפעאישע שטעט, ווי לאנדאן, אנטווערפן, מאנטשעסטער. דאס גאנצע חיצוניות'דיגע טאראראם האט דארט נאכנישט קונה שביתה געווען.

מיט דעם אלעם זענען זיי גארנישט אונטערשטעליג פון די אמעריקאנער, און ס'פעלט זיי גארנישט.

דאס לעבן אין די דערמאנטע שטעט איז מיט א שטיק רואיגער, און מענטשן לעבן מער זיך רואיג פאר זיך איש תחת גפנו, מ'לעבט ווייניגער פאר יענעם ווי אין אמעריקע. ובנוסף צו די נקודות וואס 'בשבילי נברא' און 'מי יודע' האבן שוין אויפגעברענגט.
חסדי אבות
שר האלף
תגובות: 1169
זיך איינגעשריבן אום: מאנטאג יולי 15, 2013 1:49 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך חסדי אבות »

א רגע נאר:

סא, איר זאגט אז די אלע פראגראמען וואס מען מאכט אין אמעריקע, און אין ארץ-ישראל (אויף א פיל גרעסערע פארנעם ווי אין אמעריקע), איז סתם אומזינסט, ארויסגעווארפן, מען פייניגט די קינדער פאר גארנישט און עס ברענגט זיי נישט קיין שום תועלת.

איז דאס וואס איר זאגט?
אוועטאר
יאפין
שר האלף
תגובות: 1546
זיך איינגעשריבן אום: דינסטאג פעברואר 24, 2009 8:12 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאפין »

איז דען די פראגראמען אייביג געווען? ס'איז דאך א נייע זאך, זעהט מען דען א חילוק צווישן היינט אין אמאל?

איך האב געלערנט אין א חדר אן די אלע פראגראמען, מבצעים און פרייזעס וכו', און די תלמידים א אנדערע חדר וואס האט יא געהאט אביסעל פון די מבצעים, זענען נישט ארויס בעסער.
ת׳הא ש׳נת פ׳רנסה ג׳דולה
אוועטאר
סעלצער
שר חמישים ומאתים
תגובות: 418
זיך איינגעשריבן אום: זונטאג יאנואר 18, 2015 1:28 am
לאקאציע: דא, זייער באקוועם

  • ציטיר
  • צו לייגן א דאנק דארפט איר זיין אריינגעלאגט

תגובה דורך סעלצער »

מיט מיר אין ישיבה האבן געלערנט אפאר לאנדאנע און אנטווערפענע בחורים זיי זענען אלע געווען קלוגער, פלייסיגער, ערליכער, נארמאלער, פארשטענדליכער און וואס נישט... אקעגן דאהי'זיגע בחורים
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

חסדי,
איך מיין אז דיין הגדרה איבער לאנדאנער קינדער און זייערע לימודים איז זייער נישט ריכטיג.
כפארשטיי האסט בעסער ליב דאהי צוליבן גזירה פון חן מקום על יושביו, אבער כמיין זאלסט מאכן בעסער ריסערטש.
בעסטע איז, פרעג א בר דעת אדער א ת"ח, איינער וואס קומט פון דארט וכו' וואס קען ביידע מקומות
שוש אשיש בה', תגל נפשי באלקי! (ישעיה סא)
שמע מינה
שר מאה
תגובות: 111
זיך איינגעשריבן אום: מאנטאג אוגוסט 18, 2014 1:59 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמע מינה »

ס'קלאר באין ספק אז בנוגע חינוך אין יראת שמים, איז אין א געוויסע זון אסאך בעסער אין לאנדאן ווי אין אמעריקא. אין צייט וואס אין אמעריקא איז דאס גאנצע אידישקייט א סיסטעם, אלעס לויפט ווי געפראגרעמט, עס איז געווארן אנגעשטעלט ווען די זיידעס זענען אהין געקומען, און עס פארט ווי א באן דור אחר דור, אזש א מענטש ווייסט נישט וואס מיינט זיך פלאגן פאר יודישקייט, פאר כשרות, פאר הידורים, פאר פרומקייט, אלעס איז אינקלאדעד אין די סיסטעם [מ'רעדט נישט פון קיין נסיונות, נאר פשוט פון די אידישע טאג טעגליכן סדר היום], איז דא אין לאנדאן אינגאנצן אנדערשט. יעדער לעבט פאר זיך, יעדער מאכט זיך זיין חשבון הנפש, יעדער אינטרעסירט זיך אליינס וואס איז מער אויסגעהאלטן, וואס איז מער פאסיג פאר אים לויט זיין דרגא אין יודישקייט, צו איז עס מיט הכשרים, צו איז עס מיט די לבוש, צו איז עס מיט די מוסדות התורה, צו איז עס מיט זיך פארלאזן אויף היתרים, א.א.וו.
לימוד התורה איז דאך ממש אינו דומה, אסאך א גרעסערע פראצענט לערנט תורה ווייל זיי פילן אז דאס איז זייער ציל אין לעבן, נישט צוליב אנדערע זייטיגע און לופטיגע סיבות. איך בין נישט ווייניג אין אמעריקא, אבער דאס וואס מ'זעהט דאהי ביינאכט נאך מעריב פארענט פון די בתי מדרשים ווי ס'קופקענען זיך אידן איבער א דבר הלכה, איבער א שיעור וואס דער דיין האט יעצט געהאלטן, אדער פשוט איבער א שווער געבליבענע גמרא פונעם היינטיגן שיעור, א הלכה וואס איז נוגע דעם יום טוב אדער א שאלה וואס האט זיך פונקט געמאכט אין בית המדרש, מיט אן ערענסקייט און אינטערעסע, זעהט מען קוים אין אמעריקא, ווי די עיקר קופקעס נאכן באשטימטן צייט וואס מ'האט אוועקגעגעבן פארן שיעור זענען איבער ביזנעס אדער אנדערע נויטיגע אנגעלעגנהייטן [נישט רעדענדיג איבער פאליטיק - וואס פעלט ליידער נישט דא אויך נישט].
דאס איז כלפי די בעלי בתים. ווייטער ביי די בני תורה, דאכט זיך שטייען די בני תורה אויף אסאך א העכערן סטאנדארד אין ידיעת התורה די היגער יונגעלייט, אבער דאס איז שווער צו מחליט זיין, ווייל אין כמות פארמאגט אמעריקא אסאך מער יונגעלייט וואס זענען בני תורה, און פארשטייט זיך מיט אלע דרגות, אבער ווארשיינליך ווען מ'רעדט פון דורכשניטליכע יונגעלייט האבן זיך די לאנדאנער בני תורה ווייט ווייט גארנישט וואס זיך צו שעמען פאר די אמעריקאנער בני תורה.
בנוגע די שאלה פון טשעפענען פרעמדער קינדער. ס'שווער צו זאגן, קינדער זענען קינדער, ווענדט זיך אלץ מיט וואס פאר א קאנפידענץ דער יונגל קומט אריין אין חדר, אבער צו געפערליך קען עס נישט זיין, די היגער קינדער האבן ווי נישט ווי א געוויסע איידעלע צוריקגעצויגנקייט, וואס אפילו ס'מאכט זיך א יונגל פון כתה נעמט זיך טשעפענען איז דאס געווענליך די חלבנה פון כיתה וואס שלעפט נישט מיט די אנדערע קינדער, אדרבה, די איבריגע קינדער וועט זיכער אינטרעסירן די אמעריקאנער לעבנס שטייגער, און וועלן אים סך הכל אנווארפן מיט טויזענט שאלות און זיך פילן גליקליך צו קענען זיין זיין חבר, ס'וואלט נאר אפשר כדאי געווען דאס זיך אדורכצורעדן מיטן מלמד אדער מנהל זאל טאקע האלטן א וואכזאם אויג אין די ערשטער פאר טעג אז די יונגל פילט זיך באקוועם.
אויסער דעם זענט איר זייער וועלקאם, והשם יצליח דרכך.
לאקינג פארווערד טו סי יא!
כתר ישועה
שר חמש מאות
תגובות: 648
זיך איינגעשריבן אום: דינסטאג מארטש 17, 2009 7:36 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך כתר ישועה »

יאפין האט געשריבן:איז דען די פראגראמען אייביג געווען? ס'איז דאך א נייע זאך, זעהט מען דען א חילוק צווישן היינט אין אמאל?

איך האב געלערנט אין א חדר אן די אלע פראגראמען, מבצעים און פרייזעס וכו', און די תלמידים א אנדערע חדר וואס האט יא געהאט אביסעל פון די מבצעים, זענען נישט ארויס בעסער.

כווייס נישט ווי איר האט געלערנט, איך האב טאקע נישט געהאט די אלע זאכן, און כהאב נישט געלערנט קיין דריטל פון וואס מיין זוהן לערנט אדאנק דעם! יא, יא
כתרו ישועה - לבושו צדקה
הישועות בו מקיפות
אוועטאר
צו געזונט
שר שבעת אלפים
תגובות: 7050
זיך איינגעשריבן אום: מוצ"ש נאוועמבער 21, 2009 6:24 pm
לאקאציע: חשש גילוי

  • ציטיר
  • צו לייגן א דאנק דארפט איר זיין אריינגעלאגט

תגובה דורך צו געזונט »

כתר ישועה האט געשריבן:
יאפין האט געשריבן:איז דען די פראגראמען אייביג געווען? ס'איז דאך א נייע זאך, זעהט מען דען א חילוק צווישן היינט אין אמאל?

איך האב געלערנט אין א חדר אן די אלע פראגראמען, מבצעים און פרייזעס וכו', און די תלמידים א אנדערע חדר וואס האט יא געהאט אביסעל פון די מבצעים, זענען נישט ארויס בעסער.

כווייס נישט ווי איר האט געלערנט, איך האב טאקע נישט געהאט די אלע זאכן, און כהאב נישט געלערנט קיין דריטל פון וואס מיין זוהן לערנט אדאנק דעם! יא, יא

איז די פראגע אויב אן די פרייזעס וועט ער בכלל עפענען א אידישן ספר, וואס אין יוראפ איז דער ענטפער א באטעמטן יא
לערנט אייך אויס סקול באס סעיפטי. דאן פראקטיצירט עס מיט אייערע קינדער.
צו קאנען בעיסיק ערשטע הילף איז נישט א אויסוואהל. עס איז א מוז פאר יעדע טאטע, מאמע און ערוואקסענער.
שטארק זיך
שר שבעת אלפים
תגובות: 7778
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

איך קען אביסל לאנדאן, און אט איז מיין מיינונג.

1. כלפי לימודים, גלייב איז די אלע פראגראמן פון די קינדער האבן קיין סך אמת׳דיגע פנימיות נישט צוגעגעבן. און טאקע אין די באגריפן פון לומדי תורה, שטייען די ענגלענדער נישט שוואכער ווי די אמעריקאנער.

2. עס איז פאראן א געוויסע ״ענגלישע שטאלץ״ וואס די ענגלענדער קוקן זיך אן ווי זיי געהערן און זענען א חלק פון זייער לאנד מער ווי אין אמעריקע. (מעגליך אנדערע מערקן אנדערש)

3. אין לאנדאן איז פאראן א מצב פון בליעל, דער עולם לעבט א פוילע לעבן, מען האט ניט די נארמאלע געהעריגע לעבנסגייסט אמביציע. (כרעד נישט דוקא כלפי אמעריקא, אפילו כלפי ארץ ישראל וכדומה) איך קוק עס אן ווי אן איינגעבוירענע דעפרעססיע (נישט אויף א טרויעריגע אופן, מער א מטלאזיגקייט) עס זעהט זיך אן אין העגיענישע נקודות אויך, און גרויסן טייל ביים עזרת נשים.

4. עס הערשט דארט א מאסיווע אומפארגינישקייט, או היבש ביסל פארביסנקייט, געווענליך מיט א פרומקייט/מידת האמת שלייער. (איידער איר פרעגט מיר אפ, פרעגט אייך אביסל נאך), מען וועט ליבערשט שטיצן דעם גוי ווי דעם איד! (פאר די פרייז, פרייז קען איך דאך שוין גיין צום גוי).

5. דער גאנצער אייראפעער מענטאליטעט, איז עפעס וואס נישט מיט יעדן שטימט עס. איך ווייס נישט וויפיל מען איז באקאנט דערמיט, אבער דער טשולענט-טאפ אין די מקומות (לאנדאן-אנטווערפן) איז אביסל ווייניגער ארעסיוו ווי דאהי, אבער אויף א פאסיוון אופן איז עס פיל ארגער אין טיפער ווי דאהי. מען איז אויסגעקאכט דערין. ודוק כי קצרתי.

די אלע וואס לעבן אין די ״יענעמס גרינע גראז״ טרוים, זאלן מיר ביטע מוחל זיין פארן זיי ערוועקן.
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

חח שטארק,,

2. אויב די רעגירונג זאל טריטן נארמאל זייערע בירגער ווי אין ענגלאנד, וואלט אמעריקע נישט אנדערש געווען.

3. היינט איז שוין סאך בעסער.

4. מיינסט צו זאגן כילות נישט קנאה. ולמאי נפ"מ ?...

5. טשולענט ווייסעכנישט, אבער הערינג און קיכעלעך איז דארטן סאך בעסער. סיריעסלי לא הבנתי הקטע שלך
שוש אשיש בה', תגל נפשי באלקי! (ישעיה סא)
אשמרה לפי מחסום
שר חמישים ומאתים
תגובות: 363
זיך איינגעשריבן אום: זונטאג אוגוסט 17, 2014 11:24 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אשמרה לפי מחסום »

שטארק זיך האט געשריבן:4. עס הערשט דארט א מאסיווע אומפארגינישקייט, או היבש ביסל פארביסנקייט, געווענליך מיט א פרומקייט/מידת האמת שלייער. (איידער איר פרעגט מיר אפ, פרעגט אייך אביסל נאך), מען וועט ליבערשט שטיצן דעם גוי ווי דעם איד! (פאר די פרייז, פרייז קען איך דאך שוין גיין צום גוי).

5. דער גאנצער אייראפעער מענטאליטעט, איז עפעס וואס נישט מיט יעדן שטימט עס. איך ווייס נישט וויפיל מען איז באקאנט דערמיט, אבער דער טשולענט-טאפ אין די מקומות (לאנדאן-אנטווערפן) איז אביסל ווייניגער ארעסיוו ווי דאהי, אבער אויף א פאסיוון אופן איז עס פיל ארגער אין טיפער ווי דאהי. מען איז אויסגעקאכט דערין. ודוק כי קצרתי.
.

וואוו ביי אונז אין ביהמ"ד איז דא אסאך יוצאי לונדון און אויף ממש אלע האב איך באמערקט עפעס איך האב נישט געקענט טאפען וואס דאס איז איך האב געמיינט אז זיי זוכען צו זיין גבאים אדער "עסקנים"
אבער נאך איך האב געליינט דיין צוויי פוינטס שטימט עס אויפען האר און די אינטערסאנסטע זאך איז אז מען זעהט עס ממש אויף יעדעם נישט אזוי ווי אנדערע פלעצער וואס האבען א געוויסע מידה אבער מען זעהט עס נישט אויף ממש אלע יוצאי
טעגלאש
שר חמישים ומאתים
תגובות: 370
זיך איינגעשריבן אום: דינסטאג יוני 10, 2014 4:45 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך טעגלאש »

איך גלייך זייער די יורעפעיאישער מענטעליטעיט, מיין וואקאציע איז אלעמאל יוראפ, איך פאר קיין לאנדון לכל הפחות איין מאל א יאר, כאטש וואס איך פארמאג דארט נישט קיין נאנטע קרובים בכלל, איך קען נישט פין פוינטן פונקטליך וואס דאס איז, אבער איך גלייך עס, צומאל טראכט זיך מיר, הלואי ווען איך קען אהין גיין וואוינען, פון די אנדערע זייט אבער, קען גאר זיין אז וואס סגוט פאר א וואקאציע, איז גאר שלעכט פאר א וואוינארט, ווייסעך נישט, שטאק זיך קומסט אריין אביסל (אביסל?) שארף
אוועטאר
דרךהמלך
שר האלף
תגובות: 1225
זיך איינגעשריבן אום: מאנטאג יולי 30, 2012 11:38 am
לאקאציע: על הדרך

  • ציטיר
  • צו לייגן א דאנק דארפט איר זיין אריינגעלאגט

תגובה דורך דרךהמלך »

שטארק זיך האט געשריבן:איך קען אביסל לאנדאן, און אט איז מיין מיינונג.

1. כלפי לימודים, גלייב איז די אלע פראגראמן פון די קינדער האבן קיין סך אמת׳דיגע פנימיות נישט צוגעגעבן. און טאקע אין די באגריפן פון לומדי תורה, שטייען די ענגלענדער נישט שוואכער ווי די אמעריקאנער.

2. עס איז פאראן א געוויסע ״ענגלישע שטאלץ״ וואס די ענגלענדער קוקן זיך אן ווי זיי געהערן און זענען א חלק פון זייער לאנד מער ווי אין אמעריקע. (מעגליך אנדערע מערקן אנדערש)

3. אין לאנדאן איז פאראן א מצב פון בליעל, דער עולם לעבט א פוילע לעבן, מען האט ניט די נארמאלע געהעריגע לעבנסגייסט אמביציע. (כרעד נישט דוקא כלפי אמעריקא, אפילו כלפי ארץ ישראל וכדומה) איך קוק עס אן ווי אן איינגעבוירענע דעפרעססיע (נישט אויף א טרויעריגע אופן, מער א מטלאזיגקייט) עס זעהט זיך אן אין העגיענישע נקודות אויך, און גרויסן טייל ביים עזרת נשים.

4. עס הערשט דארט א מאסיווע אומפארגינישקייט, או היבש ביסל פארביסנקייט, געווענליך מיט א פרומקייט/מידת האמת שלייער. (איידער איר פרעגט מיר אפ, פרעגט אייך אביסל נאך), מען וועט ליבערשט שטיצן דעם גוי ווי דעם איד! (פאר די פרייז, פרייז קען איך דאך שוין גיין צום גוי).

5. דער גאנצער אייראפעער מענטאליטעט, איז עפעס וואס נישט מיט יעדן שטימט עס. איך ווייס נישט וויפיל מען איז באקאנט דערמיט, אבער דער טשולענט-טאפ אין די מקומות (לאנדאן-אנטווערפן) איז אביסל ווייניגער ארעסיוו ווי דאהי, אבער אויף א פאסיוון אופן איז עס פיל ארגער אין טיפער ווי דאהי. מען איז אויסגעקאכט דערין. ודוק כי קצרתי.

די אלע וואס לעבן אין די ״יענעמס גרינע גראז״ טרוים, זאלן מיר ביטע מוחל זיין פארן זיי ערוועקן.


כהאב הנאה
האסט עס גוט ארויס
עמוק עמוק
שטארק זיך
שר שבעת אלפים
תגובות: 7778
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

שוועמל, לייען: טשולענט-טאפ.
מיט די הערינג און קיכלעך האסטו א פוינט, אבער א פוינט.

כ׳דערמאן זיך אין לאנדאן ביי א קידוש... הו פא... עס הערשט א שטילקייט, די צען פינגער אין די הערינג... נו, שוין...
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
שרייב תגובה

צוריק צו “חנוך לנער”