'אניאגראם'- די 9 סארטן מענטשן און זייערע נאטורן

פסיכאלאגיע און מעדיצינען

די אחראים: זייער נייגעריג,אחראי,thefact

אוועטאר
דערבארומדיג'ער
שר האלפיים
תגובות: 2918
זיך איינגעשריבן אום: דאנערשטאג יוני 22, 2017 12:04 pm

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך דערבארומדיג'ער »

א גרויסע מערהייט פון די וואס טוען אינעם עניאגראם, (אדער סיי וועלכע אנדערע טיפעלאגיע סיסטעם) זענען מסכים זיין אז די פארשידענארטיגע מענטשליכע מידות און שטריכן זענען דא פון געבורט אן, דאס הייסט אז דער פינעווער -לדוגמא- איז געבוירן געווארן אלץ א גריבלער וואס פראבירט זיך דערגרונטעווען, אדער עכ''פ איז ער געבוירן געווארן מיט די הונטערליגענדע שטריך וואס ברענגט צו אז ער זאל וועלן גריבלען אלעס.

די שאלה איז נאר וועלכע שטריך איז די ערשטע שטריך וואס אויף דעם בויט זיך דער מהות, פארוואס איז דער פינעווער א טיפער טראכטער בעת דער זיבענער איז מער אויבערפלעכליך, צו איז דער פינעווער סתם אזוי באשאנקן געווארן מיט א בעסער מח ווי דער זיבענער, אדער אפשר איז ער באשאפן געווארן מיט א פחד פון זיין א לוזער וואס פארשטייט נישט אלעס און די פחד מאכט אז ער זאל וועלן טראכטן, משא''כ דער זיבענער האט א פחד פון זיין אראפגעבינדן צו איין נושא פאר צו לאנג און דאס מאכט אז ער זאל נישט וועלן טראכטן.

איך פארשטיי אז @מח לייגט אראפ די הנחה אז די פחד איז די ערשטע רעדל וואס דרייט אלע אנדערע רעדלעך פונעם מאשין, איך בין נישט זיכער צו דאס איז ריכטיג.

-עס איז יתכן צו זאגן אז דער פינעווער איז באשאפן געווארן א נייגעריגער, און ער האט אנערקענט אז מענטשן זענען מחשיב זיין אינטעליגענץ האט ער זיך אידענטיפיצירט דערמיט.

-עס איז יתכן אז מחמת זיין געבוירענע מתנה פון פארשטאנד ווייסט ער אז עס איז דא גאר אסאך אופנים וויאזוי צו ערלעדיגן עפעס דעריבער שפירט ער זיך פארלוירן ווען ער דארף טון עפעס און ער וועט ענדערש בלייבן אין זיין קאפ אויספיגערן וויאזוי צו טון ווי איידער צו טון בפועל, דערנאך ווען ער זעט אז אנדערע טוען זאכן געשיקט אן קיין שפעקולאציעס שטייט ער און שטוינט אויף זייער טויגליכקייט, ביז ער אנערקענט (מיט די הילף פון זיין צוקלאפטקייט קעגן יענעמ'ס געשיקטע הענט) אז באמת איז ער גאר דער טויגליכער ווייל ער טראכט גוט דורעך די נושא משא''כ דער אנדערע איז סתם א כאפ לאפ מענטש, און די אידענטיטעט וועט ער פראבירן אנצוהאלטן, אבער נישט די אידענטיטעט איז די ערשטע ציגל אויף וואס דער בנין איז אנגעבויט.

-אדער איז יתכן צו זאגן אז זיין געבוירענע מתנה האט אים צוגעברענגט אז ער ווייסט אז עס איז דא טיפע זאכן, און ער שפירט א תענוג אין די זאכן, און ער וויל זיך אלעמאל פארטיפן און פארשטיין אלעס פשוט ווייל אנהאלטן די תענוג, און הגם איצט איז עס שוין אויך געווארן א אידענטיטי, איז אבער נישט פשט אז אלעס דרייט זיך אים ארום נאר צוליב זיין אידענטיטי, עס דרייט זיך פונקט אזוי ארום זיין תענוג פון ארויסהאבן א זאך.

מיין פראגע איז: איז עס קלאר ווי דער טאג אז אלעס הייבט זיך אן ביים זוכן די סעלף אף סענס?
זקן מלא רחמים.
אוועטאר
מח בקדקדו
שר חמש מאות
תגובות: 717
זיך איינגעשריבן אום: מאנטאג יוני 19, 2017 2:14 pm

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך מח בקדקדו »

לאמיך קודם ענדיגן מיין גאנצע בילד, נאכדעם העמיר רעדן..
הנשמה שבמוחי
אוועטאר
דערבארומדיג'ער
שר האלפיים
תגובות: 2918
זיך איינגעשריבן אום: דאנערשטאג יוני 22, 2017 12:04 pm

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך דערבארומדיג'ער »

אקעי, וועל מיר ווארטן (אומגעדולדיג) ביז דער בילד ווערט ערגענצט מיט איר פולן פראכט.
זקן מלא רחמים.
בעל מנוחה
שר האלף
תגובות: 1166
זיך איינגעשריבן אום: מאנטאג אוגוסט 21, 2017 5:08 pm

Re: 'אניאגראם'- חלק ב

  • ציטיר
  • צו לייגן א דאנק דארפט איר זיין אריינגעלאגט

תגובה דורך בעל מנוחה »

מח בקדקדו האט געשריבן:דער זיבענער איז שוין אביסל קאמפליצירט, איך האב מורא אז דער זיבענער לאזט אויס די שלב פון זיין 'קוק אויף זיין פחד', און לויפט גלייך אוועק פון די פחד נאך בעפאר ער ווייסט אפילו ווער דער פחד איז..... אוי איך בין דא געלאפן אביסל צו פרי... אקעי וועל מיר דאס איבער לאזן פאר שפעטער מער מסביר צו זיין....

אויב איינער קען ארויסהעלפן מיט'ן זיבענער זאל זיך אנרופן (נישט אלעס ווייס איך...)

לויט דעם וואס דו האסט אויסעשמועסט קוק איך עס אהן אז דער זיבענער שפירט אז זיין עיקר תכלית און לעבן איז הנאה און תענוג,
און אויב האט ער נישט זיין הנאה גייט ער עס זיכן אויף אלע מעגליכע וועגן,
זיין פחד איז פון דעם אז איך קען נישט אריבערטראגן די הרגש אז איך טו נישט יעצט עפעס פארן תכלית (וואס די הרגשה איז דא ביי אלע נומערן צוגלייך נאר ביי יעדעם איז די עיקר און תכלית עפעס אנדערש)
וירא מנוחה כי טוב ויט שכמו לסבול
ווען מען איז זיך סובל קען מען שפירן די ריכטיגע מנוחה
אוועטאר
מח בקדקדו
שר חמש מאות
תגובות: 717
זיך איינגעשריבן אום: מאנטאג יוני 19, 2017 2:14 pm

'אניאגראם'- הוספה לחלק ב

  • ציטיר
  • צו לייגן א דאנק דארפט איר זיין אריינגעלאגט

תגובה דורך מח בקדקדו »

אלס א סרח 'העודף' צו חלק ב' - זיין מבט אויף זיין פחד, דארף מען פארשטיין, וואס איז די סיבה פארוואס דער 'איינזער' האט די סארט 'מבט' און דער צווייער די סארט 'מבט' אויף זייער פחד פון פארלירן זייער 'הרגש העצמי', זייער געפיל פון שפירן גוט מיט זיך.

די נקודה איז, אז אין צגאב צו די חסרון און צו די שלעכטע חלק מיט וואס א מענטש ווערט געבוירן - דהיינו די 'פחד' פון פארלירן די 'הרגש העצם' - ליגט באמת די נפש פון א מענטש אויף אן אמת א 'הרגש העצם' א 'גוטע געפיל', א געפיל אז 'איך בין גוט'.

לאמיר געבן א סטעפ אויף צוריק. פון וואו קומט דער מענטש, א מענטש באשטייט פון א 'נפש אלקות' און א 'נפש הבהמית'. בעפאר דער מענטש ווערט געבוירן, איז נאר דא דער 'נפש אלקות' וואס דאס א חלק אלקי ממש, און דער 'נפש אלקות' האט נישט קיין שום חסרון, ער איז זאט, אלעס איז מסודר, ער איז דבוק אין תכלית השלמות והטוב.

וואס געשעט איז, אז ווען דער אויבערשטער שטעלט צוזאם די 'נפש אלקות' מיט די 'נפש הבהמי' און עס ווערט אזא 'עירוב טוב ורע', ווערט די שלימות פארדעקט, די נפש פון דעם מענטש הייבט אן שפירן עפעס א געוויסע חסרון. וואס איז די חסרון? די חסרון איז די הרגש אז איך פארליר 'מיין עצם', פריער, א מינוט צוריק, בין איך דאך געווען א שטיק טוב און א שטיק שלימות, און פלוצלינג איז אראפגעקומען אויף מיר אזא 'וואלקן' וואס האט אינגאנצן פארדעקט מיין ריכטיגע גוטע אידענטיטעט.

דא ביי דעם שטאפל ווערט געבוירן דער 'פחד הבסיסי', אז דער מענטש האט מורא אז ער פארלירט זיין אמת'ע אידענטיטעט. באמת אבער טיף טיף אין די נפש פון דער מענטש ליגט נאך באהאלטן זיין עכטע עצם, וואס מיט די עכטע עצם האט א מענטש געוואלדיגע 'כוחות הנפש', וואס זענען נישט קיין תוצאה פון וועלן אנטלויפן פון די פחד, נאר זיי זענען כוחות הנפש מצד זיין 'שלימות' וויבאלד דער נפש איז מקורו מתחת כסא הכבוד.

יעצט, אויב אזוי וואלטן דאך אלע מענטשן געדארפט האבן די זעלבע כוחות. וויבאלד דער נפש פון א מענטש איז נאר שלימות באמת איז לכאורה דארט אין די שלימות זענען דאך נישט דא קיינע חילוקים אין כוחות, דהיינו אז דער מענטש האט מער די די כוחות הנפש פון שפירן א געוואלדיגע גוטע געפיל אין זיינע מעשים אבער אין זיין אוועק געשטעלט מיט א קלארע מהלך און טון וואס מען דארף טון אין דעם איז ער שוואך, ווידעראום זענען דא אנדערע נפשות וואס זענען פארקערט. לכאורה מצד היות מקורם שלימות הגמור, וואלטן דאך אלע נפשות געדארפט האבן אלע כוחות.

די ענטפער איז, דאס איז אלעס טאקע ווילאנג מען איז דבוק אין אלקות און דער נפש אלקות איז נאך אויף זיין פלאץ. די רגע וואס עס געשעט די 'עירוב טוב ורע', דעמאלטס ווערט נתהווה די אלע לבושים און כלים און הבדלות צווישן איין נפש און דעם אנדערן. ביי דעם פונקט קומט אריין דער 'פחד בסיסי' אין בילד, דער פחד פון נישט פארלירן די הרגשת העצם, וואס דארט הייבן זיך אן די 'חילוקים'.

דער אויבערשטער וואס האט געוואלט אז יעדער נפש בישראל זאל האבן זיין אייגענע עבודה ווי אזוי ער זאל מברר זיין זיין חלק הטוב, האט אריין געגעבן די געפיל אין די נפש פון א מענטש אז ער זאל מורא האבן פון די התרחקות פון זיין 'הרגשת העצמי', ווי אזוי? ער האט אין יעדן נפש מטביע געווען און אריין געלייגט אין יעדן זיין נקודה מיט וואס ער שפירט אז מיט דעם דערווייטערט ער זיך פון זיין הרגש העצם פון זיין געפיל אז איך בין גוט און איך האב נישט קיין חסרון.

דער איינזער שפירט: אוי וויי איך בין נתרחק געווארן פון מיין אידענטיטעט פון מיין עכטע איך, געוואלד און געשריגן, בין דען טאקע אזא גארנישט?! אבער איין מינוט! וואס פונקטליך איז מיין עכטע איך? עפעס ליגט מיר אין קאפ אז עכט בין געוואלדיג און א שטיק שלימות, אבער איך געדענק נישט פונקטליך וואס דאס איז די שלימות. וואס דארף איך טון אנצוקומען אהין? באותו רגע כאפט ער זיך ביים קאפ, נו א וודאי ווייס איך וואס מיין 'עכטע איך' איז, איך דארף טון אלעס וואס איז 'אויסגעהאלטן' און זיך מרחק זיין פון ראנג דואינגס און אז איך וועל אזוי טון וועל איך באקומען דעם הרגש אז איך בין גוט און איך וועל לכאורה צוריק באקומען 'יענע' הרגשת העצם, בינגא! דאס איז עס!

נו אויב, אזוי טאר איך בשום אופן נישט פארלירן די הרגש, ווייל נאר אזוי שפיר באקום איך צוריק 'יענע הרגש' פון אז איך בין א שלימות'דיגער מענטש.
די זעלבע איז מיט אלע טייפס איש איש לפי תכונת נפשו.

די פשט איז אז באמת בעומק האט יעדער איינציגסטער נפש 'אלע כוחות', נאר וויבאלד ער האט דערשפירט בצר לו אז ער האט פארלוירן זיין שלימות העצם, אז אין די ספעציפישע נקודה דאטר ליגט באהאלטן זיין עצם, ממילא איז ער נאר מגלה די גוטע כוחות וואס זענען אין איינקלאנג מיט די נקודה, מיט די די גוטע כוחות וואס טוען דעקן דינקודת הפחד וואס ער האט.

איך מיין אז די הוספה וועט צעפרידן שטעלן א חלק פון @נשמה'ס און @דערבארומדיגער'ס נקודות וואס זיי האבן ערווענט. בעצם וואלט איך דאס געדארפט שרייבן אלס א הקדמה בעפאר די גאנצע זאך, אבער מה אעשה אז איך האב עס פארזען דעמאלטס, און א דאנק פאר ידידי היקר הרב @חושב מחשבות וואס האט מיר מעורר געווען איבער די נקודה....
הנשמה שבמוחי
אוועטאר
חושב מחשבות...
שר האלפיים
תגובות: 2814
זיך איינגעשריבן אום: מיטוואך מארטש 16, 2016 9:25 pm
לאקאציע: בין שמים לארץ

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך חושב מחשבות... »

א יישר כח, זייער קלאר ארויסגעברענגט!

וואנדערבאר ;l;p-
סוף מעשה במחשבה תחילה.
אוועטאר
דערבארומדיג'ער
שר האלפיים
תגובות: 2918
זיך איינגעשריבן אום: דאנערשטאג יוני 22, 2017 12:04 pm

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך דערבארומדיג'ער »

לאמיר פארשטיין, דער גוי וואס האט נישט קיין נפש אלוקית, וויאזוי בויט זיך ביי אים דער איינזער פחד?

און מיין צווייטע זאך וואס איך פארשטיי נישט איז: לויט דעם חשבון איז דאך די גאנצע בנין מיט די ספירות צעווארפן, איך פארשטיי איצט אז דער גוטע כח קומט פון די נפש אלוקית, און ביי דעם איז יעדער פונעם עניאגראם אייניג, משא''כ די נפש הבהמית דארט שאפט זיך דער צומישעניש, איז דאך פשט אז די צוטיילונג פון 9 מהות מענטשן קומט נישט פון די גוטע זייט פון די עשר ספירות נאר פון די חלק הקליפה שבעשר ספירות.

והאמת יורה דרכו אז עניאגראם איז שייך ביי גוים אויך כאטש וואס דער קליפת נוגה איז ביי זיי אן קיין טוב בכלל פון דעסטוועגן האבן זיי דעם פחד פון פארלירן עפעס, און ביי יודן וואס זיי האבן א נפש אלוקי איז דער ענין פון עניאגראם נישט אנדערש ווי ביי גוים, אבער ער האט א רצון צו דינעם דעם באשעפער און ער האט א מעגליכקייט מקיים צו זיין די מצוה ואהבת את ה' אלוקיך וכו ווי באלד ער האט א יודישע נשמה אין זיך, ער האט אויך די אידישע מידות פון רחמנים ביישנים גומלי חסדים וואס קומט פון זיין נפש הבהמי וואס איז מעורב בטוב אנדערש ווי דער גוי, אבער דער ענין פון עניאגראם האט ער אויך אזוי ווי דער גוי האט.

און אז מען רעדט פון עניאגראם אליין אן די אידישע נקודה שבו בין איך נישט איבערצייגט אז דער 'פחד' איז דער איינציגער שליסל צום גאנצן עניאגראם נומבער, כאטש מתבונן האט עס יא אזוי אראפגעלייגט, עס איז יתכן אז דער עניאגראם טיפ איז א צוזאמשטעל פון עטליכע פאקטארן געבינדן צוזאמען.
זקן מלא רחמים.
אוועטאר
חושב מחשבות...
שר האלפיים
תגובות: 2814
זיך איינגעשריבן אום: מיטוואך מארטש 16, 2016 9:25 pm
לאקאציע: בין שמים לארץ

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך חושב מחשבות... »

דערבארומדיג'ער האט געשריבן:לאמיר פארשטיין, דער גוי וואס האט נישט קיין נפש אלוקית, וויאזוי בויט זיך ביי אים דער איינזער פחד?

און מיין צווייטע זאך וואס איך פארשטיי נישט איז: לויט דעם חשבון איז דאך די גאנצע בנין מיט די ספירות צעווארפן, איך פארשטיי איצט אז דער גוטע כח קומט פון די נפש אלוקית, און ביי דעם איז יעדער פונעם עניאגראם אייניג, משא''כ די נפש הבהמית דארט שאפט זיך דער צומישעניש, איז דאך פשט אז די צוטיילונג פון 9 מהות מענטשן קומט נישט פון די גוטע זייט פון די עשר ספירות נאר פון די חלק הקליפה שבעשר ספירות.

והאמת יורה דרכו אז עניאגראם איז שייך ביי גוים אויך כאטש וואס דער קליפת נוגה איז ביי זיי אן קיין טוב בכלל פון דעסטוועגן האבן זיי דעם פחד פון פארלירן עפעס, און ביי יודן וואס זיי האבן א נפש אלוקי איז דער ענין פון עניאגראם נישט אנדערש ווי ביי גוים, אבער ער האט א רצון צו דינעם דעם באשעפער און ער האט א מעגליכקייט מקיים צו זיין די מצוה ואהבת את ה' אלוקיך וכו ווי באלד ער האט א יודישע נשמה אין זיך, ער האט אויך די אידישע מידות פון רחמנים ביישנים גומלי חסדים וואס קומט פון זיין נפש הבהמי וואס איז מעורב בטוב אנדערש ווי דער גוי, אבער דער ענין פון עניאגראם האט ער אויך אזוי ווי דער גוי האט.

און אז מען רעדט פון עניאגראם אליין אן די אידישע נקודה שבו בין איך נישט איבערצייגט אז דער 'פחד' איז דער איינציגער שליסל צום גאנצן עניאגראם נומבער, כאטש מתבונן האט עס יא אזוי אראפגעלייגט, עס איז יתכן אז דער עניאגראם טיפ איז א צוזאמשטעל פון עטליכע פאקטארן געבינדן צוזאמען.


די מידות (ענעגראם בלע"ז) זענען נישט ביסודו א פחד, עס איז א 'מידה', א כלי, א געוויסע גילוי און ציור וואס עס געבט פאר די אור. דהיינו מצד האור איז נישטא קיין שום חילוק צווישן איין מענטש אינעם צווייטן, די חילוק איז נאר מצד הכלי/מידה, און מידות איז דאך דא 2 סעטס, הן עשר ספירות דקליפה והן דקדושה.

די פחד געשעהט ווען די אור איז נישט מקושר מיט די כלי, אין אנדערע ווערטער עס געשעהט א שבירת הכלים, וואס דאס איז די קליפה. דהיינו די פחד איז די סיבה פון די שבירת הכלים. ווען א כלי איז נישט מבורר און נישט בטל צום אור, דאן מאכט די מענטש מאדנע זאכן כדי צו צוריקצוברענגען די אור.

אין אידיש:
למשל א איינזער וואס זיין מידה איז משפט, נצח, אמת, וכו', איז ער שטייט אויף אינדערפרי און וויל טוען עפעס אויפן וועלט, טאמער איז ער געזונט, דאן וועט ער פשוט אנהייבן טוען און משפיע זיין גערעכטיקייט פאר זיך און פאר די בריאה, וועט מאכן א קלארע סדר היום, דאווענען בזמן, שושקען ביים דאווענען אויף די שמועסערס, וכו',

דאס איז טייטש זיין אור איז מקושר מיט די כלי, זיין אור זיין רצון צו טוען גוט, צו זיין א מציאות חיובי, גייט אריין אין א לבוש פון טוען פאר משפט ואמת ארבעט, און ס'גייט אן און ער פילט באקוועם אז ער איז טאקע דער וואס איז משפיע אמת אויפן בריאה.

ווען ווערט ער קראנק? ווען ער הייבט אן שפירן אז ער טוט נישט 'ריכטיג', עס הייבט אן אריינקומען א פחד אז ער טוט נישט ווי ס'ברויך צו זיין, הייבט ער אן ווערן פארקניפט און צוקלוטשעט.

הייבט ער אן ממשיך זיין א שטערקערע אור, ער הייבט זיך אן שלאגן מיט זיך און גייט אריין אין ריבוי אור פון טוען עקסטרעם זיינע גראדקייטן, וואס לבסוף ווערט ער דערפון א שבר כלי, דהיינו שבירת הכלים.

קומט אויס די ערשטע זאך איז די אור/רצון, דערנאך די כלי, און ווען ער הייבט אן שפירן אז ער האט נישט די אור כדבעי, וויבאלד די כלי איז נאכנישט מבורר, ווייל א מענטש ווערט געבוירן מיט נישט מבורר'דיגע כלים, אטאמאטיש האט ער נישט די אור, וואס דאס איז גורם א פחד, ווערט א שבירת הכלים. און יעצט דארף ער בויען נייע געזונטע כלים.

כנלענ"ד
סוף מעשה במחשבה תחילה.
אוועטאר
דערבארומדיג'ער
שר האלפיים
תגובות: 2918
זיך איינגעשריבן אום: דאנערשטאג יוני 22, 2017 12:04 pm

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך דערבארומדיג'ער »

@חושב האסט געשריבן זייער קלאר און מסודר.

איך האב אסאך הערות אבער בעיקר וויל איך צוקומען צו איין פראגע, די תגובה האט נאכנישט מסביר געווען וויאזוי עס ארבעט דער אור ביים גוי, וויאזוי דער גוי גייט צו זיין געזונטער איינס?
זקן מלא רחמים.
אוועטאר
מח בקדקדו
שר חמש מאות
תגובות: 717
זיך איינגעשריבן אום: מאנטאג יוני 19, 2017 2:14 pm

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך מח בקדקדו »

דערבארומדיג'ער האט געשריבן:לאמיר פארשטיין, דער גוי וואס האט נישט קיין נפש אלוקית, וויאזוי בויט זיך ביי אים דער איינזער פחד?

און מיין צווייטע זאך וואס איך פארשטיי נישט איז: לויט דעם חשבון איז דאך די גאנצע בנין מיט די ספירות צעווארפן, איך פארשטיי איצט אז דער גוטע כח קומט פון די נפש אלוקית, און ביי דעם איז יעדער פונעם עניאגראם אייניג, משא''כ די נפש הבהמית דארט שאפט זיך דער צומישעניש, איז דאך פשט אז די צוטיילונג פון 9 מהות מענטשן קומט נישט פון די גוטע זייט פון די עשר ספירות נאר פון די חלק הקליפה שבעשר ספירות.

והאמת יורה דרכו אז עניאגראם איז שייך ביי גוים אויך כאטש וואס דער קליפת נוגה איז ביי זיי אן קיין טוב בכלל פון דעסטוועגן האבן זיי דעם פחד פון פארלירן עפעס, און ביי יודן וואס זיי האבן א נפש אלוקי איז דער ענין פון עניאגראם נישט אנדערש ווי ביי גוים, אבער ער האט א רצון צו דינעם דעם באשעפער און ער האט א מעגליכקייט מקיים צו זיין די מצוה ואהבת את ה' אלוקיך וכו ווי באלד ער האט א יודישע נשמה אין זיך, ער האט אויך די אידישע מידות פון רחמנים ביישנים גומלי חסדים וואס קומט פון זיין נפש הבהמי וואס איז מעורב בטוב אנדערש ווי דער גוי, אבער דער ענין פון עניאגראם האט ער אויך אזוי ווי דער גוי האט.

ממש נאר אין קורצן א גוי'ס נפש איז אויך מקורו בקדושה.
און אז מען רעדט פון עניאגראם אליין אן די אידישע נקודה שבו בין איך נישט איבערצייגט אז דער 'פחד' איז דער איינציגער שליסל צום גאנצן עניאגראם נומבער, כאטש מתבונן האט עס יא אזוי אראפגעלייגט, עס איז יתכן אז דער עניאגראם טיפ איז א צוזאמשטעל פון עטליכע פאקטארן געבינדן צוזאמען.

די נקודת הפחד איז קלאר דער שליסל. בשרשו האט דער מענטש אלע פאקטארן, דער נקודת הפחד ברענגט אבער אז ער זאל ארויסברענגען 'נאר געוויסע' ספעציפישע כוחות, די וואס העלפן אים צודעקן דעם פחד, וואס דארט ווערט געשאפן דער אניגראם, אזוי ווי איך האב געשריבן 'באריכות' אין מיין פריערדיגע תגובה.
הנשמה שבמוחי
אוועטאר
חושב מחשבות...
שר האלפיים
תגובות: 2814
זיך איינגעשריבן אום: מיטוואך מארטש 16, 2016 9:25 pm
לאקאציע: בין שמים לארץ

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך חושב מחשבות... »

דערבארומדיג'ער האט געשריבן:@חושב האסט געשריבן זייער קלאר און מסודר.

איך האב אסאך הערות אבער בעיקר וויל איך צוקומען צו איין פראגע, די תגובה האט נאכנישט מסביר געווען וויאזוי עס ארבעט דער אור ביים גוי, וויאזוי דער גוי גייט צו זיין געזונטער איינס?


דער גוי איז בס"ה א געזונטער גוי, דהיינו זיין נפש הבהמית איז געזונט.
אבער אלעס איז נאר לגרמייהו.
סוף מעשה במחשבה תחילה.
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

מח בקדקדו האט געשריבן:
דערבארומדיג'ער האט געשריבן:לאמיר פארשטיין, דער גוי וואס האט נישט קיין נפש אלוקית, וויאזוי בויט זיך ביי אים דער איינזער פחד?

און מיין צווייטע זאך וואס איך פארשטיי נישט איז: לויט דעם חשבון איז דאך די גאנצע בנין מיט די ספירות צעווארפן, איך פארשטיי איצט אז דער גוטע כח קומט פון די נפש אלוקית, און ביי דעם איז יעדער פונעם עניאגראם אייניג, משא''כ די נפש הבהמית דארט שאפט זיך דער צומישעניש, איז דאך פשט אז די צוטיילונג פון 9 מהות מענטשן קומט נישט פון די גוטע זייט פון די עשר ספירות נאר פון די חלק הקליפה שבעשר ספירות.

והאמת יורה דרכו אז עניאגראם איז שייך ביי גוים אויך כאטש וואס דער קליפת נוגה איז ביי זיי אן קיין טוב בכלל פון דעסטוועגן האבן זיי דעם פחד פון פארלירן עפעס, און ביי יודן וואס זיי האבן א נפש אלוקי איז דער ענין פון עניאגראם נישט אנדערש ווי ביי גוים, אבער ער האט א רצון צו דינעם דעם באשעפער און ער האט א מעגליכקייט מקיים צו זיין די מצוה ואהבת את ה' אלוקיך וכו ווי באלד ער האט א יודישע נשמה אין זיך, ער האט אויך די אידישע מידות פון רחמנים ביישנים גומלי חסדים וואס קומט פון זיין נפש הבהמי וואס איז מעורב בטוב אנדערש ווי דער גוי, אבער דער ענין פון עניאגראם האט ער אויך אזוי ווי דער גוי האט.

ממש נאר אין קורצן א גוי'ס נפש איז אויך מקורו בקדושה.
און אז מען רעדט פון עניאגראם אליין אן די אידישע נקודה שבו בין איך נישט איבערצייגט אז דער 'פחד' איז דער איינציגער שליסל צום גאנצן עניאגראם נומבער, כאטש מתבונן האט עס יא אזוי אראפגעלייגט, עס איז יתכן אז דער עניאגראם טיפ איז א צוזאמשטעל פון עטליכע פאקטארן געבינדן צוזאמען.

די נקודת הפחד איז קלאר דער שליסל. בשרשו האט דער מענטש אלע פאקטארן, דער נקודת הפחד ברענגט אבער אז ער זאל ארויסברענגען 'נאר געוויסע' ספעציפישע כוחות, די וואס העלפן אים צודעקן דעם פחד, וואס דארט ווערט געשאפן דער אניגראם, אזוי ווי איך האב געשריבן 'באריכות' אין מיין פריערדיגע תגובה.

יא!
און ווען ער ווערט אומגעזונט דאן איז דאס פשט אז ער הייבט אן שפירן אז דער ספעציפישער כלי וואס ער פארמאגט צוצודעקן זיין פחד האט - פאר סיי וועלעכע סיבה - נישט געהעריג אנטוויקלט די אינפארמעישאן ווי אזוי זיך צו פראטעקטן פון דעם פחד, און ממילא גייט ער אריין - כאילו - אין א פייט און פרובירט צו ניצן זיין ספעציפישער כלי מיט אלע זיינע כוחות בכדי נישט צו פילן פארלוירן, אבער ווי פארשטענדליך ווען א מענטש איז אין א בהלה דאן ניצט ער זיינע כלים זייער אומריכטיג מתוך גרויס דחיפה זיך צו באשיצן.
אבער עס איז קלאר אז אפילו ווען ער איז יא רעלאטיוו געזונט - ווי @חושב האט געשריבן - איז זיין כלי נאכאלץ א פאנצער צו זיין נאטורליכע פחד, נאר ער איז גענוג זיכער מיט און קלאר ווי אזוי צו ניצן אט די כלי אויף ראויגיע געזונטע אופן נישט מתוך בהלה זיך צו ראטעווען.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

חושב מחשבות... האט געשריבן:דאס איז טייטש זיין אור איז מקושר מיט די כלי, זיין אור זיין רצון צו טוען גוט, צו זיין א מציאות חיובי, גייט אריין אין א לבוש פון טוען פאר משפט ואמת ארבעט, און ס'גייט אן און ער פילט באקוועם אז ער איז טאקע דער וואס איז משפיע אמת אויפן בריאה.

זיין רצון צו טוהן גוט און ריכטיג איז בעצם נישט קיין עכטע אור, עס איז בעצם די כלי זיינע וואס דאס מאכט אים שפירן פארזיכערט.
כנלענ"ד.
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
בעל מנוחה
שר האלף
תגובות: 1166
זיך איינגעשריבן אום: מאנטאג אוגוסט 21, 2017 5:08 pm

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך בעל מנוחה »

מח בקדקדו האט געשריבן:לאמיך קודם ענדיגן מיין גאנצע בילד, נאכדעם העמיר רעדן..

מיר ווארטן נאך מיר געבן נישט אויף אזוי שנעל.
וירא מנוחה כי טוב ויט שכמו לסבול
ווען מען איז זיך סובל קען מען שפירן די ריכטיגע מנוחה
אוועטאר
fiena nieas
שר חמשת אלפים
תגובות: 5498
זיך איינגעשריבן אום: זונטאג יאנואר 23, 2011 8:56 am

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך fiena nieas »

ס'זייער אינטערסאנט די סתירה פון א פינעווער . פון איין זייט איז ער א דזיניעס און פון די צווייטע זייט זענען זיי קלעצער ...
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

בעזרת השי"ת עושה שמים וארץ

קודם האב איך געוואלט זאגן אז: חכמה בגוים טאר נישט מיינען אז מיר האבן שייכות און קירוב הדעת מיט'ן ערל. אונזער הייליגן דעת איז קיינמאל נישט דעם גוי'ס, און מיר דארפן דאס שטענדיג געדענקן אפילו בשעת מיר דערהערן זייער חכמה. חכמה בגוים טאר נישט מיינען אז מיר רייסן זיך אפ, און גייען אריבער צו זייער זייט ווייל מיר קויפן אפ פון זיי עפעס. עס טאר נישט מיינען אז מיר טוען זיך אידענטיפיצירן מיט זיינע לימודים. זיינע לימודים איז ווייט נישט אונזער אידענטיפיקאציע. אונזער אידענטיפקאציע איז א יודיש קינד ואבדיל אתכם מן העמים. עס טאר נישט מיינען אז ער ווערט יעצט מיין וועג ווייזער. אונזער וועג ווייזער איז די תורה הקדושה, און טראץ דעם וואס איך קויף פון אים א חכמה, בלייבט די תורה הקדושה אונזער וועג ווייזער און נישט זיי. און מיר דארפן זיין שטארק דערמיט.

עס טאר נישט מיינען אז מיר ווערן פארלוירן פאר זיי. חכמה בגוים טאר נישט מיינען אז מיר ווערן בטל פאר זייער חכמה. חכמה בגוים תאמין מיינט אז מיר האבן אונזערע חכמת התורה, און מיר קענען אויך אננעמען אז זיי האבן חכמה און עס אפקויפן אבער נישט מתוך התבטלות. מיר ווערן בשום אופן נישט פארלוירן און בטל פאר זייער חכמה. מיר וועלן בטל פאר חכמת התורה. מיר לייגן נישט זייער חכמה העכער אונז עס ארויפצוקוקן מיט חשיבות, נאר די תורה איז וואס מיר קוקן ארויף מיט חשיבות. און מיר מאכן זיי נישט פאר אונזערע בעלי בתים. חכמה בגוים טאר נישט מיינען אז מיר לאזן זיך מכניע זיין פאר זיי, אז זיי זאלן זייין העכער אונז. מיר האבן א באלאבאס, דער אייבערשטער און זיינע געזעצן. מיר קלעבן נישט דערצו. מיר קלעבן נאר צו צדיקים. מיר ווערן נישט איבערגענומען מיט זייער חכמה.

fiena nieas האט געשריבן:ס'זייער אינטערסאנט די סתירה פון א פינעווער . פון איין זייט איז ער א דזיניעס און פון די צווייטע זייט זענען זיי קלעצער ...

זיי בעפארצוגן לאגיק פאר געפיל. זיי ווילן פארשטיין די וועלט, פאר זיי נעמען אנטייל דערין. דאס וואס דו זעהסט קומט פון דעם אז זיי האלטן זיך צוריק פון אקטיוו אנטייל נעמען אין די וועלט. ער לעבט אין קאפ. ביי אים איז א געפיל די זעלבע זאך וואס ארויסגעשטעקטע פעדימער זענען פאר א איינזער. זיי האבן נישט ליב געפיל.

שוין. והשם הטוב יעזור.
אוועטאר
סטאוו יא פיטא
שר עשרת אלפים
תגובות: 19773
זיך איינגעשריבן אום: דאנערשטאג מאי 07, 2020 9:24 am

'אניאגראם'- וואס בין איך?

  • ציטיר
  • צו לייגן א דאנק דארפט איר זיין אריינגעלאגט

תגובה דורך סטאוו יא פיטא »

שווימט מיר אזוי ארויף דער אשכול אויפן אויבערפלאך און א קוואל פון אינהאלטסרייכע סחורה אנטפלעקט זיך פאר מיר .. איך פעיס א טשעלענדש, א שווערע, איך האב גרויס חשק צי ווייס מאכן די 141 בלעטער אבער כ'קען מיר גענוג גוט צי וויסן אז מיינע נערוון גייען דאס נישט דערהייבן.. איז דער פלאן איז צי צילן אויף 2 בלעטער א טאג און דאס באדייט אז ביז א 11 וואכן האב איך דאס אפגעליינט,

אין דער זעלבער צייט לייג איך מיר ארויף דא אויף קהל'ס טיש און כ'ווארט צי ווערן איבערגעלייגט אזוי ווי ס'ברויך צי זיין.. כ'שטעל זיך פאר דער ציבור אנאליסטן לעכצן שוין נאך א פרישע פאציענט, איז דא בין איך הננו הננו! די שאלה איז נאר צי כ'האב מיר שוין גענוג געלאזט הערן דא אז מען זאל מיר שוין קענען צינעמען אויף פיצלעך..

מיין רקע אין דעם נושא איז אזוי:
1. אלס 12 יעריג קינד האט מיין דעמאלט 19 יעריגע ברודער (היינט א מחנך ומשפיע נפלא) מיר אוועקגעשטעלט אלס '4ער' .. מיין ברודער - א צאמגעליטענער פון ספקות, אומזיכערקייט, נרדפות, בקיצור א שטארקע 'פיר' - האט אלעס וואס ער איז אריבער אלס קינד און בחור זיך געדאכט אז איך גיי עס אריבער. ס'איז געווען געבויט אויף א הנחה אז כ'קען נישט מאכן קיין דעסיזשענס... פעלט נישט אויס אריינציגיין ווי נישט ריכטיג דאס איז עכ"פ איך ברענג עס צי ווייל כ'בין דעמאלטס געוואויר געווארן פון דעם וועלט..

2. א 3-4 יאר שפעטער האב איך מיר דערמאנט פון מיין ברודערס זארג, האב איך איהם געפרעגט וואס אמאל געווארן פון דעם גאנצע זאך? צילאכט ער זיך: אוי ווי מאדנע אז כ'האב געמיינט דו ביזט א '4' איך קען נישט נאך אזא היפוך '4' ווי דיר..

3. אלס 19 יעריגע בחור האב איך ווי דער שטייגער איז אריינגעלייגט ראשו ורובו אין די אנאגראם, אדורכגעליינט 'AWARENESS' און 'מודעות' כמ"פ, איך האב נישט געזעהן מער קיין מענטשן נאר נאמבערס...
בשעתו האבן מיר מערסטנס פון מיינע חברים 'מבינים' דערקלערט אלס א 6 מיט שטארקע פליגל צי 5 און עטוואס 7
אנדערע האבן מיר געזיגלט אלס 3 מיט גאר שוואכע פליגלען צי 2-4

4. נאך מיין חתונה ווען איך האב עכט אנגעהויבן פארשטיין צי דער אינערליכע באדייט פון א 'מענטש' האב איך אוועקגעמאכט רוב פון מיין ביז דעמאלטסדיגן פארשטאנד אין דעם נושא, א מענטש איז נישט קיין נאמבער וכו' וואו א יעדער דא פארשטייט ... איך שמועס עס נאר אויס ווייל איך גלייב ביי יעדן האט זיך עס דיוועלאפט אויף בערך אזא וועג..

5. למעשה, גלייב איך זייער שווער איך זאל זיין א '3' אין מיינע אויגן בין איך א עקסטרעים 'זיבענער' מיט ווינגס צי '6'
הנה אנכי שולח מלאך. זאגט רש"י כאן נתבשרו שעתידין לחטוא. די בשורה איז געווען אז אעפ"י שיחטאו לא תסתלק שכינה מביניהם, אזוי ווי די תרגום טייטשט כי לא אעלה בקרבך; לא אסלק שכינתי מבינך!
אוועטאר
מח בקדקדו
שר חמש מאות
תגובות: 717
זיך איינגעשריבן אום: מאנטאג יוני 19, 2017 2:14 pm

Re: 'אניאגראם'- וואס בין איך?

  • ציטיר
  • צו לייגן א דאנק דארפט איר זיין אריינגעלאגט

תגובה דורך מח בקדקדו »

סטאוו יא פיטא האט געשריבן:
4. נאך מיין חתונה ווען איך האב עכט אנגעהויבן פארשטיין צי דער אינערליכע באדייט פון א 'מענטש' האב איך אוועקגעמאכט רוב פון מיין ביז דעמאלטסדיגן פארשטאנד אין דעם נושא, א מענטש איז נישט קיין נאמבער וכו' וואו א יעדער דא פארשטייט ... איך שמועס עס נאר אויס ווייל איך גלייב ביי יעדן האט זיך עס דיוועלאפט אויף בערך אזא וועג..

קיינער דא פארשטייט נישט אז א מענטש איז א נומער, אבער זייט וויסן אז א מענטש איז מער א נומער ווי איר מיינט... עס ווענדט זיך ווי אזוי מען קוקט אן א נומער..
5. למעשה, גלייב איך זייער שווער איך זאל זיין א '3' אין מיינע אויגן בין איך א עקסטרעים 'זיבענער' מיט ווינגס צי '6'

איך מיין אז דו זעסט גוט.
הנשמה שבמוחי
אוועטאר
סטאוו יא פיטא
שר עשרת אלפים
תגובות: 19773
זיך איינגעשריבן אום: דאנערשטאג מאי 07, 2020 9:24 am

Re: 'אניאגראם'- וואס בין איך?

  • ציטיר
  • צו לייגן א דאנק דארפט איר זיין אריינגעלאגט

תגובה דורך סטאוו יא פיטא »

מח בקדקדו האט געשריבן:
סטאוו יא פיטא האט געשריבן:
4. נאך מיין חתונה ווען איך האב עכט אנגעהויבן פארשטיין צי דער אינערליכע באדייט פון א 'מענטש' האב איך אוועקגעמאכט רוב פון מיין ביז דעמאלטסדיגן פארשטאנד אין דעם נושא, א מענטש איז נישט קיין נאמבער וכו', וואו א יעדער דא פארשטייט טאקע... איך שמועס עס נאר אויס ווייל איך גלייב ביי יעדן האט זיך עס דיוועלאפט אויף בערך אזא וועג..

קיינער דא פארשטייט נישט אז א מענטש איז א נומער, אבער זייט וויסן אז א מענטש איז מער א נומער ווי איר מיינט... עס ווענדט זיך ווי אזוי מען קוקט אן א נומער..
5. למעשה, גלייב איך זייער שווער איך זאל זיין א '3' אין מיינע אויגן בין איך א עקסטרעים 'זיבענער' מיט ווינגס צי '6'

איך מיין אז דו זעסט גוט.

איך האב מיר נישט גוט ארויסגעברענגט. געמיינט צי זאגן אז א יעדער פארשטייט טאקע דא אז א מענטש איז נישט א בלויזע נאמבער-גולמי.

צום אנדערן העלפט, איז עס קעיס קלאוזד? א זיבענער וזהו? איך וויל בעיקר וויסן אויף די פליגלן, ווי מיין זעקסערישקייט ליגט דאס מערסטע. ווי אויך צי איך פארמאג עפעס אכט.
איך האב זייער ליעב די סענטער סטעידש, רעדן אין פארנט פון א געפאקטע זאל, שטיין בראש פון אויספלוגען, נסיעות (אבער גארנישט פיזיש אריינלייגן) איך לעב אויף פון קאמפלימענטן און עטענטשן. לעומת זאת בין איך אלס געווען דער דורש את הנרדף, און ציקלפטע נפשות זענען אלס מיינע נאכהענגער, ס'דרייען זיך ביי מיר נעבעך בחורים וואס זענען שוין חדשים נישט געווען אינדערהיים.. מעודי קעמפף איך מיט די געהויבענע קעפ.. (איז דאס זעקס אדער אכט? אדער זיבן גאר??..)
כ'בין נייגעריג וויאזוי אזא קאמבינאציע איז צאמגעשטעלט
הנה אנכי שולח מלאך. זאגט רש"י כאן נתבשרו שעתידין לחטוא. די בשורה איז געווען אז אעפ"י שיחטאו לא תסתלק שכינה מביניהם, אזוי ווי די תרגום טייטשט כי לא אעלה בקרבך; לא אסלק שכינתי מבינך!
אוועטאר
קרעפלעך
שר חמישים ומאתים
תגובות: 480
זיך איינגעשריבן אום: זונטאג יוני 07, 2020 2:01 pm

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעפלעך »

איז דא ערגעץ אין דער אשכול אויף איין פלאץ איינער וואס איז קלאר מסביר די נומבערס?
אוועטאר
fiena nieas
שר חמשת אלפים
תגובות: 5498
זיך איינגעשריבן אום: זונטאג יאנואר 23, 2011 8:56 am

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך fiena nieas »

קרעפלעך האט געשריבן:איז דא ערגעץ אין דער אשכול אויף איין פלאץ איינער וואס איז קלאר מסביר די נומבערס?

http://www.ivelt.com/forum/viewtopic.php?t=33229
אוועטאר
דערבארומדיג'ער
שר האלפיים
תגובות: 2918
זיך איינגעשריבן אום: דאנערשטאג יוני 22, 2017 12:04 pm

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך דערבארומדיג'ער »

קען זייער פיין זיין א אכט פליגעל, דער אכטער האט זיך ליב אנצונעמען פאר ''זיינע'' נגמלים וועם ער העלפט, ער גייט דאך צום צווייער.

א אכטער ענזשויט און איז גאר קאנפידענט אפן סטעיזש, מער ווי א זעקסער.

דאס איז זיכער אז דו שטימסט זייער גוט מיט זיבן.
זקן מלא רחמים.
אוועטאר
דערבארומדיג'ער
שר האלפיים
תגובות: 2918
זיך איינגעשריבן אום: דאנערשטאג יוני 22, 2017 12:04 pm

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך דערבארומדיג'ער »

איך בין נייגעריג צו הערן מיטלן וויאזוי מחנך צו זיין אן אכטער.
זקן מלא רחמים.
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

דערבארומדיג'ער האט געשריבן:איך בין נייגעריג צו הערן מיטלן וויאזוי מחנך צו זיין אן אכטער.

א אכטער איז גרייט צו פאלגן. אכטערס - לויט ווי איך געדענק - קענען באשטיין זיך צו לאזן פירן. דארפסט אים אזוי אויסלערנען אז ער זאל קומען צום איבערצייגונג אז זיין רצון איז צו וועלן פאלגן. דארפסט אים אומדירעקט אויסלערנען אז עס איז זיין אייגענעם רצון וואס ווערט אויסגעפירט מיט'ן פאלגן. און עס בלייבט זיין רצון. נישט מיין רצון. אבער נישט אז ער זאל זיך שפירן אז ער איז געצווינגען זיך צו בייגן, ווען אין די זעלבע צייט בלייבט ער ביים פילן אז עכט וויל ער עס נישט. א אכטער וועט אלעמאל אויספירן וואס ער וויל. ער ווארט נאר אויף א געלעגנהייט צו קענען טון וואס ער וויל. דארפסט אים נאר אויסלערנען אז ער זאל טון וואס ער וויל בשעת'ן פאלגן. דארפסט דיך שטארק רעכענען אז ער זאל קענען טון וואס ער וויל. דארפסט ארבעטן מיט חכמה אז ער זאל וועלן גוט. כך נראה לי השתא בעזרת השי"ת
שיעלע בהמה
שר האלפיים
תגובות: 2366
זיך איינגעשריבן אום: דינסטאג דעצעמבער 10, 2019 11:59 am

Re: 'אניאגראם'- די 9 סארטן מענטשן און זייערע נאטורן

  • ציטיר
  • צו לייגן א דאנק דארפט איר זיין אריינגעלאגט

תגובה דורך שיעלע בהמה »

נשמה האט געשריבן:
דערבארומדיג'ער האט געשריבן:איך בין נייגעריג צו הערן מיטלן וויאזוי מחנך צו זיין אן אכטער.

א אכטער איז גרייט צו פאלגן. אכטערס - לויט ווי איך געדענק - קענען באשטיין זיך צו לאזן פירן. דארפסט אים אזוי אויסלערנען אז ער זאל קומען צום איבערצייגונג אז זיין רצון איז צו וועלן פאלגן. דארפסט אים אומדירעקט אויסלערנען אז עס איז זיין אייגענעם רצון וואס ווערט אויסגעפירט מיט'ן פאלגן. און עס בלייבט זיין רצון. נישט מיין רצון. אבער נישט אז ער זאל זיך שפירן אז ער איז געצווינגען זיך צו בייגן, ווען אין די זעלבע צייט בלייבט ער ביים פילן אז עכט וויל ער עס נישט. א אכטער וועט אלעמאל אויספירן וואס ער וויל. ער ווארט נאר אויף א געלעגנהייט צו קענען טון וואס ער וויל. דארפסט אים נאר אויסלערנען אז ער זאל טון וואס ער וויל בשעת'ן פאלגן. דארפסט דיך שטארק רעכענען אז ער זאל קענען טון וואס ער וויל. דארפסט ארבעטן מיט חכמה אז ער זאל וועלן גוט. כך נראה לי השתא בעזרת השי"ת

כמיין אז איעדער איז אזוי...
אני הקטן בין לכאורה נישט קיין אכטער (איינזער?) און איך קען נאר טון ווען עס איז אויסשליסליך מיין רצון..
אגב וואלט איך געוואלט וויסן וועלכע נאמבער איך בין..
שרייב תגובה

צוריק צו “תורת הנפש”