נשמה האט געשריבן:מח בקדקדו האט געשריבן:א זעקסער קען ארויס קומען אין די אויגן פון מענטשן אזוי ווי אלע נומערס ווי פאלגענד:
בעזרת השי"תער קען אויס קוקן אזוי ווי דעם איינזער מיט דעם אז ער וועט נעמען זיין זיכערקייט דורך טון דאס וואס מען דארף, ער וועט זיך מאכן א שטרענגן סדר היום, אלעס צו פארדעקן זיין פילינג פון זיין מסופק אויב ער איז אויף די ריכטיגע טרעקס.
זעקסער מיט א פינעווער פליגעל קענען אויסקוקן אויבערפלעכליך ווי איינזער, אבער זענען נישט איינזערס. ער וועט נעמען זיין זיכערקייט דורך טון וואס ער האט ענדליך באשלאסן אז דאס איז וואס מ'דארף טון כדי צו זיין געפיל פון אומזיכערקייט זאל זיך איינשטילן. ווייל זעקסער קענען נישט אליין באשליסן וואס מ'דארף טון, און איך רעד ביחס צו אנדערע טייפס. און איך רעד נישט פון די גאר געזונטע זעקסער. די שטרענגע סדר היום שטעלט סטרוקטור, וואס א זעקסער דארף האבן, ס'איז א רפואה פאר אים. ער וויל מיט דעם פארדעקן זיין ספק וואס וויל זיך מתגבר זיין אויף אים צו ער איז אויף די ריכטיגע טרעקס און ווען א מענטש גייט אויף א וועג וואס אנדערע האבן שוין אויסגעטרעטן איז ער למעשה מער פארזיכערט אז ער גייט גוט. אבער גאר אנדערש ווי דער איינזער, קען דער זעקסער נעמען פאר זיך א סדר היום כדי צו האבן זיכערקייט. וואס דאס שענקט למעשה א זעקסערישע ערשיינונג פארן טייפ. אבער מער ווי דער איינזער, הערשט אויף אים א אנגעצויגנקייט, און א חשד צו יעדן נייעם מהלך. (אן ערליכער יוד אפילו א ניינער און א זיבענער וועט אויך נישט נעמען נייע מהלכים אין יודישקייט משום חדש אסור מן התורה. איך רעד כלל נישט פון דעם.)
דאס דארף צו מאכן דער וואס וויל וויסן צו איז ער אן איינזער צו א זעקסער, דארף דאס אויסשארפן די חושים. ווייל מ'דארף וויסן, אז איינזערס האבן אינגאצן אן אנדערע ערשיינונג ווי א זעקסער. אפילו אויב דער זעקסער נעמט זיך א שטרענגער סדר היום, איז עס אבער אן אנדערע קוואליטי ווי דער איינזער. א איינזער ציהט נישט צו זיך מענטשן, שטיצערס. און א איינזער קען זיך לעבן אליין. א זעקסער דארף יא שטיצע. אויב איז דער מענטש א זעקסער, זאלסטו נישט האנדלן מיט אים אזוי ווי מ'האנדעלט מיט אן איינזער. זאלסט אים ווייזן קלארע שטיצע. זיי אפן מיט אים. נישט ער זאל דיר דארפן טעסטן הונדערט מאל וואס דיין הארץ טראכט אויף אים. האסט טענות אויף אים, זאג עס. נישט פיר דיך פלוצים אנדערש ווי נעכטן. א זעקסער האט ליב 'קלארקייט'. זיי קלאר מיט אים. טענה דיך נישט מיט אים אז מ'דארף טון אנדערש. צעברעך נישט זיין סטרוקטור. מיט אן איינזער קענסטעך טענה'ן. וועסט אים סייווי נישט איבערצייגן. אבער א זעקסער וועט שרייען אויף דיר.אזוי אויך קען ער אויסקוקען ווי דעם צווייער מיט דעם אז ער וועט זיין פארנומען זיך אוועק צו געבן פאר אנדערע וואס דורך דעם באקומט ער זיכערקייט אז אויב די מענטש וואס באקומט די טובה פון אים געבט אים די הרגשה אז אהן דיר ווי וואלט איך זיך געקענט א עצה געבן,
און במילא וועט ער בלייבן צוגעבינדן צום זעקסער. און דער זעקסער וועט ווייטער פילן סעיף. און האבן פון וואו צו נעמען זיין שטארקייט.
אויב דו וועסט אויסשארפן דיינע חושים וועסטו מערקן קלאר, אז א זעקסער ערשיינט נישט ווי דער צווייער. אז דו וועסט גוט קוקן וועסטו זעהן אז ס'הערשט א אנגעצויגנקייט אויפן זעקסער. יא, ער טוט טובות, אבער ס'איז נישט דער צווייער. יא ער שמייכלט, אבער ס'איז מער די מיטארבעטן וואס ער בעהט פון דיר, "העלף מיך" (אדער איך פון אים) און ס'איז נישט די "דשאסט פיל און ווייס, אז איך בין געווען דער וואס האט דיך געמאכט גוט פילן, און שוין, נישט קיין חילוק ווער דו ביסט". ס'איז מער ווי דעם. ער איז 'אחריות'דיג'. אנדערש ווי דער צווייער וואס דו זעהסט נישט אויף זיינע אקסלן דעס גרויס 'אחריות' וואס דער זעקסער טראגט אויף זיך.ווי אויך וועט דער זעקסער זיין פארנומען זיך צוזארגן פאר "זיין" זאך, צו פאר זיין משפחה, פאר זיין פארטיי, פאר זיינע חברים, ער וועט זיך ממש צורייסן פאר זיי, ווייל דאס געבט אים דעם געפיל אז ער איז א "עכטע" זאך,
ווייל ער וועט צוריק באקומען פון זיי דעם געפיל, דעם שטיצע, וואס מאכט א מענטש פילן זיין "זיך".ווייל אז "זיין" זאך איז מצליח איז ער אטוימאטיש אויך א מוצלח וויבאלד ער איז דאך א חלק פון די זאך,
משל למה הדבר דומה, צו איינער וואס מאכט זיך א שטארקע בענקל. מצליח זיין, מיינט דא "באפעסטיגן". אז זיין זאך איז שטארק, וועט ער האבן שטיצע פון דעם זאך.אנדערש ווי דער צווייער וואס וועט טון פאר יעדן אפי' ער האט גארנישט מיט אים ווייל ער באקומט זיין גוטן געפיל מיט דעם אז איינער האט געדארפט צוקומען צו אים און "ער" האט אים געהאלפן,ער קען אויס זען ווי א דרייער ווען ער וועט נעמען זיין זיכערקייט דורכן זיין סוקסעספול מיט חיצוניות'דיגע זאכן וואס מענטשן קוקן אהן אלס א סוקסעס,
א זעקסער ערשיינט נישט ווי א דרייער. אויב דו קוקסט מיט אויסגעשארפטע חושים בעזהשי"ת וועסטו מערקן אז ער איז א שטיק 'פנימיות' דער זעקסער, ביחס צום דרייער וואס דו וועסט נאר זעהן אזא שיינע געבוי ארום און ארום. איך רעד נישט צו מ'איז תוכו כברו, איך רעד נישט פון דעם, איך זאג, אז דער כאראקטער ערשיינונג פון א זעקסער, א זעקסער איז נישטא צו אהערשטעלן פון זיך א דרויסנדיגע אימעדש. ס'איז נישט שייך פאר א זעקסער צו זיין א דרייער. ער גייט עס נישט באווייזן. אויב עפעס וועט ער באווייזן זיך 'אינגאנצן' צו באהאלטן. ווי כאילו ס'איז אלעס גוט מיט אים. ער גייט אבער נישט קענען אנטון אויף זיך א געוויסע אימעדש. וואס ער האלט אז יעצט ווילן דעס מענטשן זעהן. ער גייט נישט קענען פאפן. און ער איז נישט אינטערעסירט צו פאפן. ער גייט זיין געטריי פאר ווער ס'איז אים געטריי.און ער וועט אויך וועלן געפעלן פאר מענטשן,
יא, איינע פון די זאכן פון א זעקסער איז, אז ער וויל ציען צו זיך שטיצע פון מענטשן. אוודאי וויל ער געפעלן. אבער נישט מיט סוקסעס און חיצוניות. א זעקסער דארף די 'פנימיות'. (אויב איינער האלט אנדערש, אדרבה זאגט וויאזוי איר פארשטייט עס.)ער קען אויסקוקן ווי א פירער מיטן זיין פארנומען מיט זיינע געפילן, זיך פילן אליין עלנד, זיין שטארק איבערגענומען, עליות ירידות, פראבלעמען וואס שטערן אים אין זיין לעבן, דעפרעסיע,
יא, א זעקסער קען פילן עלנד, און אליין, פונקט אזוי ווי דער פירער. און נאך סך סך מער עלנד ווי דער פירער. א פירער האט א געוויסע הנאה פון פילן עלנד און אליין, ער עסט עס. א זעקסער נישט. א זעקסער פילט די צער, די ווייטאג פון זיין עלנד, און אליין. ווייל ער פילט נישט אז איינער איז זיין עכטע חבר. ווייל ס'ספק'ט זיך אים תמידיות'דיג.
א זעקסער ווערט גאר טיף איבערגענומען פון א מצב. ווייל א זעקסער ריאקט. ער פילט און ער ריאקט צו די אייגענע געפילן. ביידע אויפאיינמאל. ס'שטורעמט.
א זעקסער האט זייער אסאך אנטוישונגען אין טאג טעגליכן לעבן. (ווענט זיך וועכע שטאפל, און אין נאך אסאך פאקטארן) א זעקסער איז מסופק צו מ'איז אים געטריי צו נישט. און וואס האט ער געמיינט מיט די תנועה? איז עס געווען ווייל ער וויל מיך אפלאזן? גייט ער ווייטער זיין גוט מיט מיר? גייט ער מיך ווייטער זיין געטריי? זעהסט! כ'האדעך געזאגט אז ער דארף מיך נישט. פארוואס זאגט ער עס מיר נישט אפן? זאג קלאר. "איך דארף דיך נישט, וואלט ער מיך פארשפארט אזויפיל ספיקות" ניין, אבער ער דארף מיך יא, ווייל ער רעדט צו מיר אזוי שיין. אבער וואס האט געמיינט די נעכטיגע תנועה דעמאלטס ביי מנחה? איך מוז אויסגעפינען. וויאזוי קען איך וויסן קלאר, איך האב שוין נישט קיין כח צו דע ספיקות.
א זעקסער גייט אדורך אסאך איבערלעבענישן אין פשוט'ן טאג טעגליכן לעבן. (און עס ווענט זיך פארשטייט זיך וועכע שטאפלן) די ענגזייעטי, מיט די ספיקות אויף זיך און אויף די מענטשהייט, קוקן נישט אויס ווי ס'קען זיך אמאל אויסלעשן. ס'קען דורכגיין אין איין צאמקום מיט מענטשן אזויפיל מחשבות, מיט דמיונות. ווען ער ווייסט נישט, צו מ'וויל אים יא, צו אפשר נישט. א זעקסער פילט זיך ווייניגער ווי ארומיגע. און נאכדעם מער ווי די ארומיגע, אהער און אהין. און די אלע זאכן קענען א מענטש מאכן דעפרעסט.
אבער אז דו וועסט גוט קוקן וועסטו קלאר זעהן, ווי דער זעקסער איז וואקלדיג. מיט ספיקות. אנדערש ווי דער פירער וואס ערשיינט נישט מיט ספיקות וועגן די מענטשן ארום, נאר מיט ספיקות וועגן ווער ער איז, אבער נישט מער ווי דעם, דער פירער לעבט איינגעזינקען אין זיך. דער פירער האט אויך עליות און ירידות אין זיין גיסטע, אבער נישט אין זיין וועליו סיסטעם. א זעקסער, איינמאל פילט ער אזוי, אז ער האט יענעם ליב, און אז יענער איז א צדיק, און אן ערליכער יוד, א וואוילער, און אז יענער איז יא א געטרייער חבר זיינעם, און יענער איז אזוי גוט, און מארגן פילט ער פונקט פארקערט. ער פילט אז יענער איז אים א שונא, א אומבאליבטער מענטש יענער, א שלעכטער. א צודרייטער. דאס קומט ווייל דער זעקסער ווערט באאיינפלוסט פון געפילן. און נישט פון קאפ. ער פראדשעקט זיינע אייגענע דמיונות אויף יענעם. א טאג וואס ס'גייט גוט פארן זעקסער, איז יעדער זיין חבר, אבער א טאג וואס ער פילט אז ס'ווערט ענג, ס'ווערט אומקלאר, ס'באדרויעט, ווערט יעדער וואס קומט אין זיין געגנווארט, א אומבא'חנ'טער מענטש פון וועם מ'דארף זיך אפטראגן.
און א זעקסער לעבט דאס מיט, יעדן טאג. און ס'איז זייער אינטערעסאנט אין וואספארא דמיונות דער זעקסער לעבט. ווען ער ווייסט נישט קלאר וואו יעדער איז, און ער וואלט זיך געוואונטשן צו קענען ליינען יעדעמ'ס געדאנקען.און ער קען אויסקוקן ווי א פינעווער ווען ער בויעט זיין זיכערקייט דורכ'ן משפיע זיין פאר אנדערע זיינע מיינונגען אדער ידיעות און מענטשן זאלן עס מקבל זיין פון עהם, און כדי מענטשן זאלן עס מקבל זיין וואס דורך דעם ווייסט ער אז ער איז עפעס, ווייל זעהסט דאך איך האב מסביר געווען דעס און דעס און זיי האבן עס מקבל געווען מוז ער עס צוליב דעם אראפלייגן זייער קלאר אז עס זאל שטימען מיט אלע פרטים וועט ער זיך דארפן אראפ זעצן און עס אויסארבעטן אז עס זאל ארויס קומען קלאר מיטן גאנצן טיפקייט,
א זעקסער וועט קיינמאל נישט ערשיינען ווי א פינעווער, נעווער! זיי קענען ערשיינען ווי א פינעווער פארן אומאויסגעשארפטן אויג. אבער ס'איז דאך אזוי אנדערש. א פינעווער ערשיינט מיט א איינפאכקייט. יא, זיין קאפ ארבעט פעסט, אבער ער זוכט נישט קיין קאנעקשאן, נאר פונקט פארקערט. ער גייט שמייכלן די ווייניגסטע שייך. איך זאג נישט אז ער שמייכלט נישט, איך מיין צו זאגן, אז דער זעקסער געט אזא שמייכל, וואס וועקט אויף די אינערליכע סטרינעס פונעם נפש המקבל. דער פינעווער טוט דעס נישט. דער פינעווער געט אזא טרוקענעם שמייכל. יעדע שטריך, איז דא פון זיי וואס האבן צו טון מיטן maintenance of the ego self און ס'דא וואס האט נישט קיין שייכות צום איגאו. יעדע מענטש קען וועלן משפיע זיין. זעהן ווי איינער איז משפיע זיינע מיינונגען מאכט נאכנישט אויסקוקן ווי קיין זעקסער.ער קען אויסקוקן ווי א זעקסער?????????????????
ווער זאגט איך בין א זעקסער? און בכלל ווער זאגט אז איך דארף פרעגן צו איך בין א זעקסער? און ווער זאגט אז איך דארף בכלל יעצט שרייבן אז "ווער זאגט". און ווער זאגט טאקע? ווער זאגט? און וואס וועט זיין?ער קען אויסקוקן ווי א זיבענער ווען ער נעמט זיין זיכערקייט דורך זיין סאושעל און געשמאק מיט זיינע ארומיגע ער וועט אייביג זיכן צו האבן ווערטלעך כדי אז מענטשן זאלן הנאה האבן פון אים
א זעקסער וועט נעווער אויסקוקן ווי א זיבענער, נעווער, ער קען אויסקוקן ווי א איינזער אויב איז ער מיט א פינעווער פליגל, ווי א צווייער אויב איז ער מיט א זיבענער פליגל, אבער נישט זיבן. ווייל א זיבענער איז לייכט, פאזיטיוו, און א זעקסער איז אנגעצויגן. א זיבענער נישט. א זיבענער ווייזט אויף אז די מצב איז פאזיטיוו. א זיבענער איז לייכט.ער קען אויסקוקן ווי א אכטער ווען וועט נעמען זיין זיכערקייט דורכן אוועק שטויסן יעדע זאך וואס מאכט אים פילן אז ער איז נישט אקעי
בכלל נעמט א זעקסער זיין זיכערקייט פון אפלאזן די עצם זאך וואס געט אים זיכערקייט. א זעקסער זאגט נישט "איך גיי מיך באהעפטן אין די זאך וואס געט מיר זיכערקייט, און איך גיי אלעמאל זיין באהאפטן און שוין", אזוי ווי דער ניינער. ניין. א זעקסער זאגט "געב מיך זיכערקייט אבער איך וויל נאכדעם אליין" אבער פארשטייט זיך אז דער זעקסער פילט נישט אז ער קען אליין. ווייל ער האט געוואלט נעמען זיין זיכערקייט פון יענעם. אבער די רגע ער לאט יענעם אפ, פארלירט ער די זיכערקייט. אזוי גייט עס אהער און אהין.ער וועט קענען פארשעמען אנדערע אדער בארעדן אנדערע אוועק מאכן אנדערע פאר גארנישט און פאר נישט ווייל ער מיינט אז אויב מאכט ער אוועק אנדערע בלייבט ער דאך איבער דער איינציגסטער גערעכטער מענטש נא! איז ער דאך גוט,
א זעקסער מאכט אוועק אנדערע, ווייל ער פארטראגט נישט מער די אנגעהאנגענקייט. ער וויל אליין. האסט שוין אמאל געזעהן א קינד וואס וויל אליין? איז דער וועם ער בארעדט און מאכט אוועק, זיצט אויפן קאפ פונעם זעקסער אלץ א סעקיוריטי געבער. און דער זעקסער וויל אליין, מוז ער בארעדן, ווערט יענער אפגעקערט פון זיין מיינד. און דא פארוואס מ'רעדט אויף ערליכע יודן, ווייל דער ערליכער איז דאך מחייב דעם פסיכיק, אז איך רעד אויף יענעם, שוין, אראפ.אדער ווען ער וועט אנפירן סיי וואס קען ער עס פירן ביד חזקה צו ווייזן אז ער איז דער פירער,
דאס קומט פון וועלן זיין אליין. "איך דארף נישט אנקומען צו קיינעם, איך קען אליין, איך פרעג נישט קיינעם, קיינער זאל מיך נישט איינטיילן" ווייל דער זעקסער פילט ווי איינער טיילט אים איין.ער קען אויסקוקן וויא ניינער נאכן ארבעטן שווער צו באקומען דעם געפיל אז ער איז עפעס א יש און ס'איז אים נישט געלונגען (רוב מאל געלונגט עס נישט) וואס געשעהט? ער בלייבט אומזיכער, ממילא ווערט ער פאלוירן און מיואש ער ווייסט נישט ווי זיך אהין צו טון לאזט ער נאך פון אלעם, מחמת גרויס יאוש לייגט ער אריין זיין קאפ אין זאמד,
יא! ער קען טאקע אויסקוקן ווי אלע נומערס אבער די חילוק איז אין די פארוואס מען טוט עס!!
א זעקסער קען אויסקוקן ווי ניין, אבער ער איז נישט ניין. ווייל אויב איין זאך גייט נישט ווי געפלאנט, וואס געשעהט?
והוא רחום יכפר וכו'.
נשמה! א גרויסן ש'כח פארן צו געבן אזעלכע שיינע הוספות צו מיינע ווערטער, און בכלל פארן ארויסברענגען אזוי שיין מיין לעצטע פאראגראף יא! ער קען טאקע אויסקוקן ווי אלע נומערס אבער די חילוק איז אין די פארוואס מען טוט עס!! אבער איך האב אפאר הערות צוצולייגן
ווען איך האב געשריבן וויאזוי דער זעקסער קען אויסקוקן ווי אלע נומערס האב גערעדט דוקא אהן קיין פליגל נאר דער זעקסער אליין און איך האב אויך נישט געמיינט צו זאגן אז ער קוקט אויס ווי יענע נומער אינגאנצן, נאר מיט פארשידענע שטריכן, און אוודאי האב איך נישט געמיינט צו זאגן אז א מבין וועט נישט קענען דערקענען וועלכע נומער ער איז עכט, איך רעדט נאר פונעם ערשטן בליק אויף זיין חיצוניות'דיגע אויפפירונג
דאס וואס דו שרייבסט די שטרענגע סדר היום שטעלט סטרוקטור, וואס א זעקסער דארף האבן, ס'איז א רפואה פאר אים מילא ווען דו זאגסט אז ווען ער איז געזונט איז נישט קיין פראבלעם פאר אים צו האבן א שטרענגע סדר היום ווייל ער וועט עס ניצן פארן אמת'ן ציל, נישט זיך צו פילן גוט, און ס'איז אפשר א גוטע זאך אויך, אבער א רפואה? וויאזוי ביסטו מסביר אז דאס איז פאר אים א רפואה?
און אוודאי קען דער זעקסער ערשיינען ווי א דרייער, אוודאי אין זיין פנימיות איז עס צוויי וועלטן, אבער וויבאלד ער ווייסט נישט וויאזוי צופרידן צושטעלן זיין פנימיות אויף אן אמת'דיגן וועג וועט ער עס זיכן צו אנפילן מיט זאכן וואס ער זעט אז מענטשן קוקן אהן אלס א געלונגענע זאך, און אז ער טוט די זאך, מאכט עס אים פילן אז ער איז עפעס, און ס'איז דא אסאך מענטשן וואס זענען זיך טועה צווישן די צוויי נומערס און א אויסגעשארפטע אויג וועט גאנץ זיכער זען די חילוק צווישן די צוויי
און דעס וואס איך זאג אז ער קען ארויסקומען ווי א פינעווער, קודם אוודאי רעד איך פון א אומאויסגעשארפטן אויג, און אוודאי רעד איך נישט פון דעם אז ער קוקט אינגאנצן אויס ווי א פינף, נאר איך מיין צו זאגן אז ווען ער וועט וועלן שעפן זיין זיכערקייט פון דעם אז אנדערע הערן וואס ער זאגט און זיי פארשטייען אים, מוז ער עס אראפלייגן אויף פינווערישן וועג און עס קען אסאך מאל אויסקוקן ווי אז א פינעווער האט עס געזאגט, און ביסט טאקע גערעכט רוב מאל וועט עס זיין פון א זעקסער מיט א פליגל פון פינף
און לגבי א זיבענער ער קען טאקע זיין אנגעצויגן אין זיך, אבער ווען ער וועט קומען צווישן מענטשן וועט ער פילן פאר א פליכט פאר זיך אליין כדי נישט צו זיין אויסגעשפילט, צו זיין פריינטליך און סאושעל
און ווען איך זאג אז ער קען אויסקוקען ווי א ניינער, רעד פון א צובראכענע זעקסער וואס איז שוין צאמגעבראכן פון פרובירן אהער און פרובירן אהין און גארנישט גייט אים נישט פאלט ער צוריק צו זיין אומזיכערקייט פון זיך פילן ווי גארנישט! זערא! "ווי גיי איך, ווי שטיי איך", רבוש"ע!
און איך וויל זאגן, אז מיינע זאכן וואס איך שרייב איז נישט קיין תורת משה איך מיין נאר ארויסברענגען די נקודות, און מען קען אייביג קנייטשן אהער און אהין
