דער ג' טענה'ט: מיר האסטו געמאכט אויסגעדארט, אין דער צייט וואס דער א' און ב' זענען פליישיג.
דער ר': איך בין באשאפן געווארן צעבויגן, בעת דער ש' און ת' זענען פעסטע אותיות.
דער ג': דער א' שטאלצירט אלס דער ערשטער אות, דער ב' איז דאך בראשית ברא. וואס ביך איך?
דער ר': אויף יעדע בריוו שטייט א דאטום וואס הייבט זיך אן מיט ת"ש. און איך בין א בלויזע ראזשינקע.
ג' און ר' צוזאמען: אונז האט מען מזכה געווען מקרב צו זיין דעם ג"ר צדק און דעם ג"ר תושב. אונז ווילן עפעס מער!
==
זאגט דער רבש"ע: איר האט א ריכטיגע טענה! וועגן דעם האב איך באשלאסן ענק ביידע צו באלוינען, אז איר וועט דינען אלס קרוין צום שענסטן טיטל וואס איז דא ביי אידן!
וועלכע מאמע וויל דען נישט איר זון זאל אויסוואקסן א מורה הוראה, אן אב בית דין?
שוין, זיך איינגעהאנדלט א נאמען אב"ד פלוני. וואס איז נעקסט?
דא קומען אריין אין בילד די צוויי נעבעכדיגע אותיות: ג' און ר'.
דער אב"ד קען שטייגן צו ראב"ד און צו גאב"ד.
די ג' און ר' זענען ארויס פון דארט מיט געהויבענע קעפ.
==
ווי ס'קוקט אבער אויס פון די מעשה, זענען די טיטלען גאב"ד און ראב"ד בלויז געשאפן געווארן, כדי צו בארואיגן די צוויי נעבעכדיגע אותיות'לעך. א טיטל אן א מיטל.
יעצט ברענג איך אויף די ברענעדיגע שאלה:
ווער איז מחליט וועלכער רב/קהילה זאל באקומען דעם טיטל גאב"ד, וועלכע ראב"ד, און וועלכע איז א פלעינע אב"ד?
ס'דא גאב"ד מאקאווע, גאב"ד ערלוי, גאב"ד אונגוואר און גאב"ד מאנטשעסטער און אוודאי נאך.
פארן קריג זענען געווען א היבש ביסל ראב"ד'ן.
פון וואנעט קומט דאס? און וואס איז פשט פונעם חילוק?
כ'האב געזען אין וויקי:
המכונה בתואר ראב"ד או גאב"ד בדרך כלל אינו רק ראש הרכב של שלושה דיינים אלא ראש בית הדין באופן כללי. התואר גאב"ד נחשב בדרך כלל לנכבד יותר מהתואר ראב"ד, ולעיתים הנושא בתואר אינו משמש בפועל כדיין אלא מעין נשיא בית הדין.
בהרבה מקרים התואר גאב״ד ניתנת גם לאנשים שאין להם בית דין בפועל או אף שאינם חלק מבית דין בכלל, נעשה שימוש בתואר זה לרבנים שהם בסגנון של אדמו"ר אך אינם אדמו״רים בפועל, או כי אינם חפצים בכך או שאינם צאצאים לאדמו״רים.
אבער ס'מיר נישט גענוג. ווייל אויב יא, איז אויס מיטן גאנצן אשכול...
