אין דעם אשכול איז פארבאטן צו שרייבן מער אדער ווייניגער ווי פופצן ווערטער (קעפל געטוישט)

[חוח בין השושנים]

ס'זענען שוין געווען אשכולות מיט נומערן: "נישט מער פון דריי", אדער "נישט מער פון פיר".

דריי אדער פיר איז צו קנאפ, ווייל אין הקומץ משביע! האט מען געזוכט א סאלושען.

מען האט געוואלט איינפירן א צוועלעווער אשכול, אבער שרייבן צוועלעווערס איז אפשר נישט אזוי מסוגל.

נאך לאנגע צעגערנישן איז באשלאסן געווארן אז נישט מער און נישט ווייניגער פון 'פופצן' ווערטער.

די מעלה איז: מ'מוז נישט א באזונדערע תגובה פאר יעדע פופצענער, נאר א נייע שורה.

יעדע פופצענער מוז זיין א באזונדערע זאץ. נישט בלייבן אינמיטן און לויפן צום נעקסטן שורה.

אויב ביסטו פויל צו ציילן, טייפ עס אין ווארד, ער וועט עס דיר גערן ציילן.

העי, אויב האסטו נישט וואס צו טון, טו עס נישט דא! דא שרייבט מען פופצענערס!

געדענק, נישט צו טשיעטן! כ'פלאן נישט נאכצוקוקן יעדנס שטותים און איבערציילן אלע לאנגווייליגע שורות דא.

ס'גענוג אז דער באשעפער זעט אלעס! ער איז סופר ומונה אויב יעדנ'ס ווערטער צאל שטימט.

ס'קען זיין אז ס'שוין אמאל געווען אזא אשכול, גיי ווייס מיט אייוועלט, והוא רחום יכפר.

[חוח בין השושנים]

וואס איז די מעלה מיט פופצן? ס'האט נישט בלויז איין מעלה, נאר גאנצע פופצן מעלות:

חמש עשרה מי יודע? חמש עשרה אני יודע! חמש עשרה מעלות מעזרת ישראל לעזרת נשים.

[איינס]

פופצן איז דאך שוין טאקע א נייע חידוש, אבער וואו איז עס געווען ביז יעצט?

איך האב געציילט איינמאל, איבער געציילט נאכאמאל, ס'איז נאר פופצן ווערטער, לא פחות ולא יתר.

אבער א שווערע חקירה, ס'איז איז נאר איין ווארט אדער זיי זענען גערעכנט פאר צוויי?

[חוח בין השושנים]

אבער א שווערע חקירה, ס'איז איז נאר איין ווארט אדער זיי זענען גערעכנט פאר צוויי?

"ס'איז" איז איין ווארט, ווייל אזוי פסק'ענט ווארד... איי ווער איז ווארד מכריע צו זיין?

א רגע, @חוח בין השושנים און @איינס האבן אויך באשטימט אז "ס'איז" איז איין ווארט!

[איינס]

כבר ניתנה הכרעה, ומי לנו לעמוד בסוד גדולים, ומשהגענו להכי הרי לנו דרך ככה ווארד_טענה'ט_אז_די_ווארט_איז_נאר_איין_ווארט_און_ממילא_וועל_איך_נוצן_די_ווארט_פאר_די_פופצנטע_ונפלה_חוחא_בבירא....

[חוח בין השושנים]

די דריי און פיר אשכולות זענען געאייגענט פאר שארפע קעפ וואס זענען מצמצם זייערע ווערטער.

א שטייגער ווי דער ראגאטשאווער, וואס אין "עיין פסחים פו." ליגט א גאנצע וועלט באהאלטן.

אבער היינטיגע צייטן פאדערט זיך ארויסצושרייבן קלאר דער מכוון פון יעדע זאך מיט א ברייטקייט.

נו, פיר אויס! פאר דעם האט מען אוועקגעשטעלט דעם אשכול, צו קענען ארויסברענגען קלארע דיבורים.

צו שרייבן בלויז דריי-פיר ווערטער איז געווען א מין סארט תפיסה. אופס בופס און געענדיגט.

צו שרייבן דא איז אויסנאם געשמאק, ס'איז ווי זיך אריבערציען פון דריי-פיר בעדרומס צו פופצן!

==

איינס, זיי מיר נישט קיין אויבער חכם. פארוואס טאקע נישט? ווייסטו וואס? זיי יא איינס...

[סיפורי צדיקים]

איז לאז מיך ענק מסביר זיין וואס דא גייט פאר, איך שטיי אויף צופרי און...

[קלאָצקאָפּ]

אסדר האט שוין אמאל געעפנט אן ענליכע אשכול, ס'האט זיך גערופן די צוואנציג ווערטער אשכול.

[חוח בין השושנים]

צוואנציג? דאס איז דאך ממש א גזירה שאין רוב הציבור יכולים לעמוד בה. איי פופצן?

[פנימחדשות]

אוי באשעפער! וואס נאך וועט איינפאלען פאר דער שושן בין החו.., אופס, חוח בין השושנים?

און א'מ'רעדט שוין יא, די חוח זעי איך ב"ה גוט, אבער ווי זענען די שושנים????

[חוח בין השושנים]

צו מאכן גרינגער פארן עולם האט מען צוגעלייגט נאך צוויי קוּלות, אנשטאט צו צולייגן חומרות:

ערשטנס, מ'מעג נוצן א קאלקולעיטאר כדי צו ציילן די ווערטער, נישט בלויז דעוויזשאן און דסימעלס...

צווייטנס, מ'קען אויך נוצן פיסנפינגער צו ציילן ביז פופצן, היות די הענט פארמאגן בלויז צען.

[חוח בין השושנים]

און א'מ'רעדט שוין יא, די חוח זעי איך ב"ה גוט, אבער ווי זענען די שושנים????

אויב דער פנים חדשות קען נישט טרעפן די רויזן, דארף מען סוען די פארטי פלענער...

[שטומפיג]

ס'קען זיין אז @חוח אליין האט שוין געעפענט אמאל אזא אשכול גיי ווייס מיט @חוח....

[באטעמטקייטן]

פופצן ווערטער??? וואס קענעך אלץ אריינשטיפן און גאנצע פופצן ווערטער??? וואס טו איך??? כ'געב אויף...

[טשאלענט]

ס'איז מיר צו שווער צו ציילן בשעת'ן שרייבן, ממילא וועל איך גארנישט שרייבן דא. פארטיג!

[טשאלענט]

לאמיך פרובירן צו זעהן וואס עס גייט געשעהן אויב איך גיי שרייבן ווייניגער ווערטער דא

[טשאלענט]

אויש... עס איז פונקט אויסגעקומען אז די פריערדיגע תגובה האט אנטהאלטן 15 ווערטער, בושות... שיק!

[טשאלענט]

נאכאמאל די זעלבע טעות!!! מער שרייב איך נישט דא!!! עס ברענגט מיר נאר בושות וחרפות!!!

[חוח בין השושנים]

נאכאמאל די זעלבע טעות!!! מער שרייב איך נישט דא!!! עס ברענגט מיר נאר בושות וחרפות!!!

דו ווארפסט צופיל שטעקנס, כא'מזל אז מ'ציילט דא נישט שטעקנס. א רעיון פארן קומענדיגן אשכול...

[באטעמטקייטן]

די לעבן איז צו ערענסט צו נעמען אזאכע נארישקייטן פרעזענליך. אבער היינט בין איך שוין געקומען...

[פנימחדשות]

ס'זעלבסטפארשטענדליך א'קאמפליצירטע לאאאאאנגע אומפארשטענדליכע נארישקייטען זענען אומאקצעפטבאר נ'דאזיגען ספעציעלער געהענגעל געגרינדעט דארכען הויכגעשעצטער הויכגעשפריצטער חוחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחחח.

[חוח בין השושנים]

די לעבן איז צו ערענסט צו נעמען אזאכע נארישקייטן פרעזענליך. אבער היינט בין איך שוין געקומען...

ויש דורשים לגנאי: דאס לעבן איז ליידער צו נאריש צו נעמען אזא ערנסטע זאך פערזענליך.

[חוח בין השושנים]

אויב טרעפט מען זיך נאכן שרייבן, מיט אויסגעבעטענע פערצן ווערטער, ותו לא. ס'גייט נישט ווייטער.

וואס טוט מען? איז דא אן עצה, הערט און שטוינט: מ'לייגט צו דאס ווארט "פופצן".

למשל, ביידן. טראמפ. פינטל. נישטא וואס צו צולייגן. ענדיגט מען צו דעם זאץ מיט פופצן.

[באטעמטקייטן]

פשיהא דאס איז א מוראדיגער געדאנק וואס פארגרינגערט דעם גאנצן הלוך מיטן ילך! אממ.... פופצן.

[חוק תוכות]

איש ואשה. מאכט נישט קיין גרישה. זכו שכינה ביניהם. דעם י"ה זאל שיינען לבני בניהם.