בלאט 1 פון 1

מיין דזשיהאד קאמף קעגן דעם "גריסן" אשכול

געשריבן: דאנערשטאג מארטש 15, 2007 4:57 am
דורך דיזע ערצעלונג
[align=center]נאכ'ן ליינען די בדחנות אין דעם גריסן אשכול, האב איך באשלאסן ארויסצוגיין אין א דזשיהאד קאמף. ליינט מיינע ווערטער און זאגט אויב כ'בין נישט גערעכט.[/align]

איך גיי אריין אין א שרעקליכן כעס. וואס איז דאס גאנצע גריסן משוגעת? פון וועמען טרייבט מען דא שפאס? זענט איר חלילה נישט ביים דעת?

אוי וויפיל טיפשות מען טוט דא ארויסשיסן, לאמיר שוין אלעמאל דעם אשכול פארשליסן, א סוף און אן ענדע צו די לעכערליכע גריסן.

מילא ווען ס'וואלט געווען דברים של טעם, ווען יעדער זאץ וואלט געשטימט מיט א גראם, און ס'וואלט געפארן א באן, אפילו נאר אויף יוצא צו זיין.

וואלט איך קאפיטולירט, נישט אזויפיל פארפירט, און אוודאי נישט גערעדט ווי איינעם וואס איז פון זינען גערירט.

אבער פארט איז נישט יעדער אזוי געראטן ווי מאשקע און איכער, און די נארישע תגובות ווערן מער און מער, ממש נישט פעיר.

די זינלאזע מעלדונגען טוען גרילצן און שטעכן, עס ברענגט יעדן נארמאלער מענטש צו זיפצן און ברעכן.

ליינענדיג די סטופיד תגובות, האט מיר געכאפט דאס קדחת, און פון מיין מויל אויף צו להכעיס, האט אנגעפאנגען צו גיין ברכות, ווי למשל קוש אין... טיש, ברעך אויס די פיש, באלאנגסט אין חוש, יעצט ממיש, און נאך אנדערע rubbish, פון אן ענליכן געמיש, זייער בעיביש.

אקעי אקעי, נעמט עס נישט אזוי ערנסט ווי איך מיין, פארגייט נאכנישט אין קיין געוויין, כ'האב נאר געוואלט ארויסרוקן אפאר ווערטער צווישן מיינע ציין, און כ'האב זיך גענומען צו שרייבן אין דער וועלט אריין, עין תחת עין, שן תחת שן.

איך האב פרובירט מיין מזל, און געעפנט דאס מויל, נישט געוואוסט אז כ'באגיי אזא גרייזל, און ס'וועט זיין אזא גרויל.

איך האב געהאט חלומות, אזעלכע פינסטערע דמיונות, אז אין גראמען האב איך אויך גאונות, צום סוף האבעך געמאכט אלעמען ביזוי בזיונות.

כ'האב געוואלט ווייזן אז איך קען אויך, אבער דערווייל בין איך געבליבן מיט דער סחורה אין בויך, פונקט ווי א קניידל אין א טעלער יויך.

כ'וואלט פונקט אזוי געקענט שרייבן קאמפלימענטן, און דערנאך זיך לאזן באצאלן דערפאר מיט פראצענטן, פון צופרידענע קליענטן, נישט ח"ו קיין שעדליכע עלעמענטן.

אבער וואס זאל איך טאן אז ס'קיצלט מיר ביים נאז, כ'האב געטרונקען פונעם booze, געשאשקעט מער ווי איין גלאז, היפלש איבער די מאס, כ'ווייס נישט פארוואס, אבער כ'טאר שוין נישט דרייוון א קאר אדער אויטאבוס.

יעצט קען איך נישט מאכן קיין גראם א נארמאלן, אן פארפארן מיילן, און זיך אויסהאקן די ציין און צוביילן, ממש אז מען זאל דארפן הצלה צואיילן, מיט שרייעדיגע סירענעס שאלן.

יא, דאס זענען די פירות פון קנאה. ס'איז אריין אין מיר די מדה מגונה, און איך האב געוואלט ווייזן אז צו גראמען האבעך אויך אביסל בינה, דערווייל האב איך געמאכט א גאנצע סצענע, זיך צונאר געלייגט אויף דער ארענע, און דעמאנסטרירט אז מיינע גראמען טאלאנטן זענען דינע. אלזא האט נישט אויף מיר אזויפיל שנאה, איך זאג אייך צו אז מיט אביסל אמונה, וועט זיין וילמדו תועים בינה

כ'וועל שוין סטאפן, דעם אטעם זיך כאפן, אשמנו זיך קלאפן, און מיין שמוציג מויל מיט בליטש אויסמאפן, איר קענט מיין חרטה אין די לופט טאפן.

געשריבן: דאנערשטאג מארטש 15, 2007 9:31 am
דורך 3x0
איך וועל אייך זאגן דעם אמת, איך בין שוין פונעם 56 זייטנ'דיגע אשכול אויך נמעס.

איך גיי שוין געווענליך אפילו נישט אין דעם 1113 תגובות'דיגע אשכול אריין, און עס פארט ווייטער געהעריג די באן.

געשריבן: דאנערשטאג מארטש 15, 2007 9:47 am
דורך גרויזאמער
איך האב אזא "פאביע", איך האב מיך געשעמט דערמיט ביז יעצט, אבער אז מען האט דאס ארויפגעברענגט מוז איך זאגן, איך גיי נישט אריין צו קיין לאנג פארצויגענע אשכולות, מיין מחשבה זאגט מיר אז אזאלכע ערליי אשכולות זענען נישט "צו" אינטערסאנט. (איי די סברה זאגט להיפך? -דאס איז די אפטייטש פון די ווארט "פאביע"!)

געשריבן: דאנערשטאג מארטש 15, 2007 9:55 am
דורך מאשקע
דיזער; האסט אראפגעלייגט א שיין שטיקל ארבעט. דיין גראמען טאלאנט איז גארנישט אזא 'דינע'.
אבער לעצם ענין: די גריסן אשכול איז געמאכט פאר "פאן". ווער ס'וויל נישט האבן קיין פאן, אדער האט נישט קיין צייט צו האבן פאן, איז נישט מחויב אריינצוגיין.

געשריבן: דאנערשטאג מארטש 15, 2007 10:47 am
דורך זארעכפעפער
דיזע דער נייער גאסט, שרייבט ווי ס'פאסט. צו די אלטע תושבים ער טוהט זיך צושטעלן, איבער די אלע אשכולות וואס טוען אים נישט געפעלן. אבער איין זאך ער טוט נישט וויסן, אז איבער די סארט אשכולות ווי גריסן, האט זיך שוין טישן און בענק דא איבערגעקערט, אזש מען האט דעם וויי געשריי נישט צוגעהערט, און ווי שוין בימים ההם געשריבן, איז אלעס ביים אלטען געבליבן.

געשריבן: דאנערשטאג מארטש 15, 2007 11:26 am
דורך צייטליך
דיזע, מייסטערהאפטיג, הערליך,
כ'האב קיינמאל נישט געוויסט וואספארא טאלאנטען די האסט,

געשריבן: דאנערשטאג מארטש 15, 2007 12:07 pm
דורך יאנאש
זייער שיינע גראמען, די טאפיק איז איי איי איי, איי מין האו קערס וואס דארט טוט זיך אפ, מען צווינגט קיינעם נישט אריינצוגיין אהין, נישט אזוי?

געשריבן: דאנערשטאג מארטש 15, 2007 12:14 pm
דורך א אידעלע
דיזע געוואלדיג, דיינע גראמען זענען זייער גוט..זאג אויס דעם אמת פון ווי האסטו דיך אויסגעלערנט אזוי גיט צו גראמען, אויב נישט פון די גריסן אשכול? הא?

געשריבן: דאנערשטאג מארטש 15, 2007 12:22 pm
דורך מאשקע
א אידעלע האט געשריבן:זאג אויס דעם אמת פון ווי האסטו דיך אויסגעלערנט אזוי גיט צו גראמען, אויב נישט פון די גריסן אשכול? הא?

גאנץ א גוטע פוינט.

געשריבן: דאנערשטאג מארטש 15, 2007 12:29 pm
דורך איך_הער
ס'קומט מיר זיך צו וויינען, ווען איך האב די אויבערשטע ווערטער געטוהן ליינען.
אן אשכול וואס איך האב געעפענט ווען איך האב געהאט צייט, און ווען איך האב געזען אז ס'ציט אן שטארק האב איך הנאה געהאט.
איך ווייס נישט פארוואס דו האסט זיך פונקט געשטעלט אויף די נקודה, גריסן איז פאקטיש אן אידישע מדה.
איך רעד שוין נישט פון דעם אז עוורי באדי ליווס יא עלאון, דא קומט אריין נאר ווער ס'וויל האבן די מין פאון.
איך כאפ נישט פונקטליך פארוואס פון דעם האסטו באקומען די בלאאז, ווער האט דיך געבעטן דא אריין צו שטיפן די נאז.
דא טוהט יעדער כרצון איש ואיש, און אריין קומען דא מוז מען נישט.
און אויב דו האסט געוואלט דיינע גראמען טאלאנטן ארויס געבן, איז מיין קשיא האסטו דאס טאקע אויף קיין אנדערע אופן נישט געקענט דערלעבן?
א ברעיק פאר מי פליז גיוו, האסט דאך דאס זעלבע געקענט טוהן מיט אן אנדערן אשכול און פאזיטיוו.
פארוואס האסטו די נעגעטיווע וועג אויס געקליבן, איז שרייבן פון עפעס אנדערש שוין גארנישט געבליבן?
דיזער דיזער צו דיר טוהען זיך מיינע ווערטער ווענדן, פארוואס האסטו נישט פראבירט דיין נעגעטיווקייט צו פארלענדן.
דיינע מעלות טוהן דאך דיינע חסרונות איבער וועגן, דאס קען מען דאך יעדן פרעגן.
וואס און אויף וואס צו שרייבן איז נישט דא קיין חסרון, והא ראי' ביז היינט ביסטו אויף אן אנדערן וועג געפארן.
ממילא נעם דיך אונטער מיין ליבער פריינט, אנשטאט נעמען אן אשכול און אים מאכן צו שאנד, הייב שוין אן פון היינט, א נייעם אשכול פעיסט אן אויף די קרעטשמע וואנט, און נאר מיט מעלות זאל עס זיין באקאנט, אז דו קענסט אויב דו ווילסט איז ביי מיר קראנט.

ווער שרייבט דאס ווער, אויב נישט איך הער.

געשריבן: דאנערשטאג מארטש 15, 2007 12:32 pm
דורך מאשקע
דברי אמת היוצאים מן הלב.
דיזער; איכער האט רעכט.

געשריבן: דאנערשטאג מארטש 15, 2007 1:57 pm
דורך סאכדעס
אז איכער האט רעכט איז נישט קיין נייעס, דאס וואס ער זאגט פון אייביך איך שריי עס.

אז ס'שמעקט דיר נישט קיין טעמע אדער נושא, מאך נישט קיין טאראראם קיין גרויסע.

טעמעס זענען דא ביזן ברעג, אז ליינען נעמט נישט קיין עק.

איז צו וואס וויינען און יאמערן אן א ציל, שרייב און ליין נאר וואס די הארץ עס וויל.

איך בין נישט קיין גרויסער גראמער, אבער אזוי לאזן קריטיק האקן ווי א האמער.

בפרט נאך אויף מיין נאנטער ידיד יאכער, וואס ווי א טאג זעה איך זיינע מעלות מער און מער.

קען איך נישט צולאזן אזוי שמיר נישט דיר, ממילא האביך די פאר שורות אנגעראכטן מיט א שיר.

זאל שוין זיין גוט פאר גאנץ כלל ישראל, .......

ווער עס וויל קען ממשיך זיין.

געשריבן: דאנערשטאג מארטש 15, 2007 1:59 pm
דורך מאשקע
און דער קרוין זאל צוריקגעקערט ווערן אזוי ווי אמאל.

געשריבן: דאנערשטאג מארטש 15, 2007 2:05 pm
דורך א אידעלע
סאכדעס די גראמען איז זייער גוט, מאשקע זייער גוט צוגעענדיגט..

נאך אביסל וועט מען קענען טוישען די נאמען פונ'ם אשכול, פאר גראמען אשכול...

געשריבן: דאנערשטאג מארטש 15, 2007 2:06 pm
דורך סאכדעס
און נאך אזאך וואס צולייגן איך וויל, כאף אז עס וועט בלייבן שטיל.

כאב נישט געוואוסט אז די דזשיהאדן למיניהן, טוען אזוי שיין קענען גראמען.

און ברענגן ארויס מיט אזא שמייכל, זייער גאנצע האב און גוטס און שכל.

אדער קען דאס נאר אין א קרעטשמע פאסירן, ווייל קיינער מיינט נישט באמת צו פארפירן.

עס איז נאר א וועג וויאזוי זיך צו עקספרעסן, אז דער עולם זאל האבן צו עסן און צו פרעסן.

איצט וויל איך שוין קיינעם נישט לעזן ענדיגן, העל איך אליין מיינע ווערטער שליסן.

אפילו די גראם טוט נישט שטימען, אבער פאר אן עין הרע איז עס גוט געקומען.

געשריבן: דאנערשטאג מארטש 15, 2007 2:07 pm
דורך א אידעלע
דיינע גראמען שטימען א מחי', איך קען שוין קוים ווארטן אויף א נייע.

געשריבן: דאנערשטאג מארטש 15, 2007 2:16 pm
דורך איך_הער
איצט וויל איך שוין קיינעם נישט לעזן ענדיגן (שמועסן), העל איך אליין מיינע ווערטער שליסן.( און דאס איז מיין מיינוג לגבי דעם אשכול פון גריסן.)

סאכדעס, איך העלף דיר נאר ארויס.

געשריבן: דאנערשטאג מארטש 15, 2007 10:27 pm
דורך שוועמל
לויט מיין פארשטאנד, האט דיזער נישט ממש געטאן באנג,
אויף דעם אשכול פון גריסן, וואס ער וויל אפשליסן,
ער האט ענדערש געוואלט, זיינע טאלאנטן נישט לאזן אפגעפוילט,
דאס ערצייגן פאר יעדן איינעם, ווי גוט די גראמען פאך ליגט ביי אים'ן,

איך קען נישט מיינע ווערטער, פארשטארקן מיט ראיות פון געוויסע ערטער,
אבער אזוי טוט מיין געוויסן קלערן, אז דיזער האט נאר דאס געוואלט לאזן הערן,
איך דערשמעק פון דא און דארט, ערגעץ צווישן דעם און דעם ווארט,
אז זיין כוונה איז נישט א נעגאטיווע, נאר אדרבה פול מיט ליבע,

ער האט זיך אפילו געטון אפלערנען, פון יענעם אשכול וואס טוט אים אזוי דערצערענען,
און גראמען זיך גענומען, אויף אן אופן ווי ער איז אראפ פון זינען,
טאקע דערפאר וואס ער קען עס אויך, האט ער עס געמוזט ארויסגעבן פון זיין בויך,
יעצט איך הער זיי נישט בייז, נישט דיך מיינט ער איך זאג דיר איך ווייס!

געשריבן: פרייטאג מארטש 16, 2007 12:51 am
דורך איך_הער
האב נישט קיין מורא, ווען איך האב געשריבן טרערן האב איך נישט געמיינט די אמת'ע סחורה.

איך האב גראדע ביים אינטערשרייבן געוואלט צולייגן,

ווער שרייבט דאס ווער, אויב נישט איך הער, וואס האט נישט געלאזט דערנאך קיין אמת'ע טרער.

Re: מיין דזשיהאד קאמף קעגן דעם "גריסן" אשכול

געשריבן: מאנטאג יוני 07, 2021 6:31 pm
דורך ר' יהושיע בן גמלא
שוידערלעך וואס די אלטע האבן דא גע'דזשיהאד'עט

Re: מיין דזשיהאד קאמף קעגן דעם "גריסן" אשכול

געשריבן: מאנטאג יוני 07, 2021 6:51 pm
דורך מומחה יוחס
עה וואס זיכסטו אין קעלער..??? ברענג נישט אזוי פיל שטויב דא....

Re: מיין דזשיהאד קאמף קעגן דעם "גריסן" אשכול

געשריבן: מאנטאג יוני 07, 2021 11:37 pm
דורך עומד מן הצד
גאר שטארקע טאלאנט דער ''דיזע''

א שאד אז מ'האמיר איהם שוין נישט.

Re: מיין דזשיהאד קאמף קעגן דעם "גריסן" אשכול

געשריבן: דינסטאג יוני 08, 2021 1:40 am
דורך סאכדעס
עומד מן הצד האט געשריבן:גאר שטארקע טאלאנט דער ''דיזע''

א שאד אז מ'האמיר איהם שוין נישט.

יא, געווען א שרייבער א גרויסע, צוגעגעבן צו יעדע נושא. גיין לערנען יעצט וועליך, א בלאט גמרא מיט דעם בלייבעך.

Re: מיין דזשיהאד קאמף קעגן דעם "גריסן" אשכול

געשריבן: דינסטאג יוני 22, 2021 1:37 pm
דורך ארלאנדא
זאל דיר נישט פארדריסן, אז איך האב געטון שיסן, ווי דיזע לייגט אראפ דעם אשכול פון גריסן.

Re: מיין דזשיהאד קאמף קעגן דעם "גריסן" אשכול

געשריבן: מיטוואך יולי 14, 2021 11:07 pm
דורך גרויסע עם הארץ
גוטע נאכט