מוזיק זעצט מיך אן

ניגונים און זינגערס

אחראי: אחראי

אוועטאר
שוועמל
שר עשרת אלפים
תגובות: 14185
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

מוזיק זעצט מיך אן

תגובהדורך שוועמל » דינסטאג דעצמבער 08, 2009 11:44 pm

זייענדיג נעכטן אויף א חתונה איז מיר ווידער דער קאשמאר אויפגעקומען.

ווען איך הער מוזיק ווער איך אנגעזעצט, אומעטיג (מרה שחורה בלע"ז).
און ווי לעבעדיגער ס'יז די מוזיק, אלס מער אנגעזעצט איך ווער.
האט איינער עפעס א קלער?


ביים הערן א טעיפ געשעהט עס אויך, אבער אויף פול א קלענערן פארנעם ווי ביי א חתונה אדער לעבעדיגער מסיבה.
אה,, וואס איך טראכט דעמאלטס פרעגסטו?
איך טראכט בערך 'דאס הייסט דען פרייליך, וואס האט מוזיק מיט פרייליך איינגעשטויסן? ווען ס'עט קומען דער צייט און דער רבוש"ע וועט נתגלה ווערן לעין כל ומלאה הארץ דעה את השם דעמאלטס וועט זיין אמתדיג פרייליך. אבער יעצט? איז דען דאס פרייליך? א נהמא דכסופי נעבעך.'


עס נעמט א טאג צי מער די אנגעזעצטקייט זאל אוועקגיין.

נאו פראבלעם, אריין אין געזונהייט פארום.


ועוד = און נאך א פשט.
די מוזיק זעצט אין מיין אויער אריין אז איך ווער שיעור נישט טויב.
ומכאן הקריאה יוצאת צו אלע שפילער וואס ליינען דא ואשר איננו פה, מאכט שטילער די מוזיק ביי חתונות דארטן!
ס'ברויך נישט זעצן אין קאפ אריין פאר אלדאס בייזע רוחות!
ווי זאגט ער נאר דארט? זשענאדי, קענסט מאכן די מוזיק אביסקעלע שטילער..?

איר שפילט סייווי אףף-טאן, סא מוז עס נישט זיין אזוי הויעך.
שוש אשיש בה', תגל נפשי באלקי! (ישעיה סא)

אוועטאר
bailout
שר האלפיים
תגובות: 2208
זיך איינגעשריבען אום: דינסטאג נובעמבער 25, 2008 10:27 am

תגובהדורך bailout » מיטוואך דעצמבער 09, 2009 8:53 am

איך ווייס נישט אויב מען מעג דא מגיב זיין, די רעדסט דאך נישט צו מיר...

א ניגון רעדט צו די נשמה, אבער ס'איז דא ניגונים וואס רעגט אויף די נשמה, דעמאלטס ווערט מען אנגעזעצט.

איך ווייס נישט פון וועלכע ניגונים די רעדסט, אבער ס'איז דא געוויסע סארט ניגונים וואס אויב א מענטש האט נאך עפעס א פייערדיגע פונק אין זיין נשמה, וועט זיין נשמה אים אנפאנגען צו רודפ'ן סוב-קאנטשעסלי פארוואס ער הערט עס, און ער וועט ווערן אנגעצויגן אן קיין פארוואס, אבער ווי מער מען הערט עס דערשטיקט עס די פייער פון די נשמה און ס'ווערט קעלטער און קעלטער.

סאו אויב דאס איז דיין פראבלעם שטייסטו גאנץ גוט....

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מיטוואך דעצמבער 09, 2009 10:10 am

איך האב אן ענליכן פראבלעם, אבער איך ווער נישט טרויעריג, נאר עמאציאנעל. ביי יעדע חתונה ווער איך אוועקגעטראגן צו אן אנדערן אטמאספערע און הייב אן טראכטן 'תכלית'... וואס דאס איז אייגנטליך דער צוועק פון א חתונה, אויפצושטעלן דורות צו ערזעצן די וואס גייען לעולמם. ווי האבן די הייליגע אמוראים געזינגן? ווי לן דמיתנן.

יוסלמאן
שר האלף
תגובות: 1698
זיך איינגעשריבען אום: מאנטאג אוגוסט 03, 2009 9:47 am

תגובהדורך יוסלמאן » מיטוואך דעצמבער 09, 2009 10:28 am

אוודאי ווערט ביטער אויפ'ן הארצן ווען מ'הערט זינגען כהשווארצע והפאטריקאנע, הערט נאר להבדיל אא"ה א סקולענער ניגון און אפי' עפעס פון ר' משה גאלדמאן, מלא נשה מלא תוכן. שוין א לאנגע צייט וואס כ'הער נישט און כ'קויף נישט קיין טעיפס נאר פון זינגערס גאר וואוילע אידן אדער תלמידי חכמים א שטייגער ווי ר' ירמי' דמן זז"ג. א ניגון דריגענד דאך אריין אזוי טיף אין נשמה, ווי מעג מען אריינלאזן יעדער שמויגער, וואלסטע גענומען מעדעצין פון סיי וועם אדער נאר פון א גוטן דאקטא? וואס איז די נשמה אנדערש?!

ווען איינער איז מחבר א ניגון מיט א אמתדיגע ווארימע געפעל, וואס ברענגט טרערן פון שמחה, גלויב איך - יוסלמאן הקטן - אז ס'איז אים אראפ געקומען א בליץ פון היכל הנגינה דארט לעבן היכל התשובה, און מ'קען טאקע זעהן אז ערליכע ניגונים א שטייגער ווי לעשות רצונך אלוקים חפצתי (אויפ'ן נייעם לחיים חנוכה טעיפ) וואס ברענגט דביקות מיט שמחה. אדער א הייליג תנועה ווי די ד' בבות (חבד) ברענט התעוררת און שמחה בייאזאם.

אז די נשמה וויל עסן, גיבט אים נישט קיין חאזעריי, ס'דא גענוג ערליכע ניגונים פארן נשמה צו עסן, ס'אשאד אים צו געבן פארפוילטס!
הק' יוסף שלמה
מיושבי הקרעטשמע יצ"וו
קומט אריין און כאפט א טרונק (ד')

אוועטאר
שוועמל
שר עשרת אלפים
תגובות: 14185
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » מיטוואך דעצמבער 09, 2009 10:39 am

שכויח בעילאוט און יוסלמן פאר די תשובות.

האמת אגיד, איך ווייס אליינס נאכנישט ביי וועלכע ניגונים עס געשעט, צי ביי חסידישע צי ביי ליפישע.
איך וועל מיך ברויכן מצמצם זיין און אויפפאסן נעקסטיים וועלכעס יא און וועלעכס נישט.

שיק א לינק צו די ד' בבות לאמיך דאס אויספרובירן אויף מיין נשמה.
שוש אשיש בה', תגל נפשי באלקי! (ישעיה סא)

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מיטוואך דעצמבער 09, 2009 10:41 am


אוועטאר
צום זאך
שר האלפיים
תגובות: 2827
זיך איינגעשריבען אום: מיטוואך פאברואר 25, 2009 3:31 pm
לאקאציע: רעסט עריע

תגובהדורך צום זאך » מיטוואך דעצמבער 09, 2009 10:53 am

קרעמער האט געשריבן:איך האב אן ענליכן פראבלעם, אבער איך ווער נישט טרויעריג, נאר עמאציאנעל. ביי יעדע חתונה ווער איך אוועקגעטראגן צו אן אנדערן אטמאספערע און הייב אן טראכטן 'תכלית'... וואס דאס איז אייגנטליך דער צוועק פון א חתונה, אויפצושטעלן דורות צו ערזעצן די וואס גייען לעולמם. ווי האבן די הייליגע אמוראים געזינגן? ווי לן דמיתנן.

גם אני בחלומי.. עפעס אזא סארט געפיל.

*

ר' יוסלמאן, מ'האט שוין כמ"פ מאריך געווען דא איבער דעם נושא, כ'דענק נישט יעצט פונקטליך אין וועלכע אשכולות, ס'דא גאר א לאנגע אשכול דערוועגן פון יידשיסט, עיין שם ותראה נחת,

איך האלט אבער נישט אז דאס איז וואס זעצט אזוי אן אונזער שוועמל'ן, איך האב שוין כמ"פ אויפגעפאסט אז מענטשן וואס האבן נישט קיין געפיל צו מוזיק, קען עס זיי שטעכן און נערווירן עד דכדוכה של נפש.. פונקט ווי ביי איינער וואס פארשטייט (ליין: האט א געפיל, מוזיק איז נישט 'פארשטאנד' - ענדערשט 'געפיל') יא צו מוזיק וועט נערווירן ווען איינער זינגט/שפילט מוזיק אף-ביעט אדער אף-טאן..

---
שוועמל איז צוריק..

ארעסטאנט
שר האלף
תגובות: 1788
זיך איינגעשריבען אום: דינסטאג נובעמבער 10, 2009 11:55 pm
לאקאציע: בעסער אז מ'רעדט נישט..

תגובהדורך ארעסטאנט » מיטוואך דעצמבער 09, 2009 1:58 pm

מוזיק ווי בוסטו? קום אהער אן עי קאד 1!!! זעץ אן די ביינער פון דעם שוועמל.. די זעסט נישט וואס ער וויל דא? ער וויל מאכן א קאמפיין אז מ'זאל דיך אויפהערן נוצן ביי חתונות..
אויך קרעמער פירט א ענדליכע מערכה, אבער ער האט כאטש אן אויסוועג.. אגאנצע חתונה זאלן בעלי מוסר אויפטרעטן מיט הארץ רייסענדע דרשות וואס ס'מיינט אויפשטעלן א אידישע שטוב... (קרעמער שלום בית איז אקעי??)
זאג נישט לא איש דברים אנוכי!
ווייל יעדע מענטש האט זיך זיין טאלאנט, וואס קען מאכן די וועלט מער אינטערעסאנט, זיך עס נאר אויף, ברענג עס ארויף, ווייל דאס קען פארשענערן די וועלט.
(קרעדיט: מאטי אילאוויטש - מחשבות)

אוועטאר
מבין נומ 1
שר האלף
תגובות: 1112
זיך איינגעשריבען אום: מיטוואך יוני 24, 2009 12:58 pm

תגובהדורך מבין נומ 1 » דאנארשטאג דעצמבער 17, 2009 12:04 am

איך שטיי און שטוין! איך האב נאך אזוינס נישט באגעגנט!

וואו איך האב זיך נאר געדרייט האביך אלץ געוואוסט אז מוזיק האט יעדער ליב... (חוץ די גאר פארכמורעטע מרה שחורה׳ניקעס) פון דער קלוגער פארשטייער ביזן פלאטשיגן נאר, יעעעעדער קלאפט מיט מיטן פוס צום רהיטם פון א ניגון, יעדער גלייכט א לעבעדיגס...

און די זעלבע זאך א חתונה, אה! וואו נאך זעהט מען אזאאא שמחה וואו ביי א חתונה? דער חתן און די מחותנים זענען אין די הימלען.... ס׳מיר אן עקסטערן הנאה דאס צו זען, סברענגט מיר אריין אן אינערליכן שמחת הנפש...

סטאאאפ די מרה שחורה! וויין ביים חופה, ביים גראמען, וואס עפעס ביים טאנצן? איפכה מסתברא!
תכלית המבינות שנבין שאיננו מבינים...

יוד איינער
שר חמישים
תגובות: 98
זיך איינגעשריבען אום: מאנטאג דעצמבער 14, 2009 9:07 pm

תגובהדורך יוד איינער » דאנארשטאג דעצמבער 17, 2009 1:55 am

יא, איך מיט אסאך צדדים לכאן ולכאן, ערעב שוועמל איך מיין איך פארשטיי וואס איהר מיינט, און ערעב קרעמער מיט אנדערע איך בין אין געוויסע זינען מיט אייך אויך, נאר מיין צייט איצט אין די שפעטע שעה ערלויבט מיר נישט אריינצוגיין אין פרטים און פרטי פרטים, נאר איין נקודעלע וויל איך מוסיף זיין אז אפגעזעהן וועגן די ניגונים פראבלעם און די ווי לן דמיתנא סאמאטוכע, ווער איך זייער זייער עמאציאנאל, איך וואלט עס נישט גערופן אנגעזעצט, אדער טרויעריג, נאר ענדערש עמאציאנאל, און פיל מיט הרגישים, און מיט נאסע פליסיקייטן ביים אויג, און מיט שטורמישע געפילעכלעך ביים נשמה, בשעתן גראמען...... און אפילו בשעתן הערן א טעיפ פון א פרעמדע חתונה אויך,....
אני ממליץ לכל אחד לזכור כי הלבוש היפה ביותר הוא "החיוך".

אוועטאר
שוועמל
שר עשרת אלפים
תגובות: 14185
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » דאנארשטאג דעצמבער 17, 2009 2:34 am

איך מיין יוד איינער איז גערעכט, דאס איז ענדערש א שטארקע עמאציאן ווי איידער א מרה שחורה, אווי קרעמער האט געשריבן.

נאר וויבאלד איך הויב אן שפירן א שטארקע בענקשאפט און לעכצעניש צו אן אמת'ע שמחה קען עס אומדירעקט אויסקלאפן מיט אן אנגעזעצטקייט.

פארוואס דוקא ביי א ניגון, אווי בעילאוט ידידי שרייבט ווייל א ניגון האט א דירעקטע שפראך צום נשמה.
און כאב מיך אביסל בעאבאכטעט, האב איך געזען אז איך האב זייער ענליכע געפילן ביים לערנען נ"ך אדער מדרשים פון ביהמ"ק והגאולה וכדומה. נו, איך בין דאך נאר א איד. (כ"אף אזוי).

סאלוציע? משיח זאל קומען וועט שוין זיין די אמת'ע שמחה און פטור פון אלע פראבלעמען.
שוש אשיש בה', תגל נפשי באלקי! (ישעיה סא)

אוועטאר
לאקשען ברעט
שר האלף
תגובות: 1816
זיך איינגעשריבען אום: דאנארשטאג מאי 03, 2007 10:51 am

תגובהדורך לאקשען ברעט » דאנארשטאג דעצמבער 17, 2009 4:55 am

לאמיר אריינווארפען מיינע פאר צענט

שוועמעל, לגבי די הויכע מוזיק האב איך שוין א שטיקעל מנהג אז ווען איך געדענק נעם איך מיט אויערען שטאפער'ס צי א חתונה אין אזוי איז די מוזיק נישט אזוי הויעך,

ארטיסט
שר העשר
תגובות: 34
זיך איינגעשריבען אום: זונטאג פאברואר 08, 2009 12:45 am

תגובהדורך ארטיסט » מוצ"ש דעצמבער 26, 2009 11:26 pm

כבוד הרב שוועמל
וויאזוי איז דיין מאאד ביי די ניגון אמר ר' עקיבא
פון MBD?

דאנט טעל מי דעט U R in the same mood

יוד איינער
שר חמישים
תגובות: 98
זיך איינגעשריבען אום: מאנטאג דעצמבער 14, 2009 9:07 pm

תגובהדורך יוד איינער » מוצ"ש דעצמבער 26, 2009 11:28 pm

ארטיסט וואס מיינסטו צו קוועטשן מיט אט דעם ניגון.....?
אני ממליץ לכל אחד לזכור כי הלבוש היפה ביותר הוא "החיוך".

ארטיסט
שר העשר
תגובות: 34
זיך איינגעשריבען אום: זונטאג פאברואר 08, 2009 12:45 am

תגובהדורך ארטיסט » זונטאג דעצמבער 27, 2009 12:22 am

אין מיין אפיניען איז עס די כמעט איינציגסטע ניגון וואס
נעמט דעם מענטש ארויס פון די מאאד וואס ער איז
און טראגט עם אריין אין אזא געהויבענע, פרייליכע אטמאספער
וואס מ'קען נישט באשרייבן.
סא אויב שוועמל האט די זעלבע פראבלעם ביי אט די ניגון
ווייס איך נישט קיין שורש צום פראבלעם
באט אויב איז די ניגון אנדערש, מיינט עס צו זאגן אז זיין נשמה
לאזט זיך נשפע ווערן נאר פון ניגונים וואס רעדן זיין שפראך

אבער ווי זאגט נאר וויכי: על טעם וריח אין להתוכח

אוועטאר
מבין נומ 1
שר האלף
תגובות: 1112
זיך איינגעשריבען אום: מיטוואך יוני 24, 2009 12:58 pm

תגובהדורך מבין נומ 1 » זונטאג דעצמבער 27, 2009 3:50 pm

ארטיסט, די פרייליכסטע ניגון ביי דיר מיינט נישט אז סאיז ביי יענעם, איך בין מוזיקאליש און אמר רבי עקיבא טראגט מיר בכלל נישט אין ערגעץ, סמוז נישט זיין ס'האט מיט טעם וריח, ס'האט מער מיט די מוד וויאזוי מ'איז געווען ווען מ'האט עס געהערט, וואס ווען מ'הערט דאס איבער ברענגט דאס ארויף די געשמאקע (אדער דעפרעסטע) געפילן וואס מ'האט דעמאלט געהאט
תכלית המבינות שנבין שאיננו מבינים...

אוועטאר
יודל מענדלזאהן
שר שלשת אלפים
תגובות: 3082
זיך איינגעשריבען אום: זונטאג נובעמבער 09, 2008 4:19 pm
לאקאציע: ואנה מפניך אברח?

תגובהדורך יודל מענדלזאהן » זונטאג דעצמבער 27, 2009 4:31 pm

איך ווייס אליין נישט פארוואס, אבער עפעס דערמאנט מיר דעם אשכול דעם סיפור וואס חסידים האבן אמאל פארענטפערט פאר א ליטווישן רב, (דאכצעך ריזשינער חסידים פאר'ן לעמבערגער רב), פארוואס מען זאגט נישט קיין תחנון תשעה באב, און פארוואס מען לייענט עטליכע פסוקים אין די מגילה אויפ'ן ניגון פון איכה.

נו? איר געדענקט דעם תירוץ?

ווייל עס קומט אזא טרויעריגע טאג ווי תשעה באב, קענען די חסידים - געוואוינט מיט שמחה - חלילה אויסגיין פון גרויס עצבות. זאגט מען כאטש נישט קיין תחנון.

ווידער פורים, ווען עס איז אזוי פרייליך, שפירן די ליטווישע אז זיי האלטן עס נישט אויס. א קלייניגקייט? אזא שמחה?! סי'דאך באו מים עד נפש!
דערפאר זאגט מען אינמיטן די מגילה אפאר פסוקים מיט א ליטוויש\אנגעזעצטע ניגון. אה! דא דערכאפן זיי זיך דאס הארץ! הצלה פורתא מיהא איכא!

פרעג איך אייך, מיינע ליבע פריינט: עצבות? ביי א חתונה? איז דאס נישט עצת היצר? חז"ל זאגן דאך "מעבירין את המת מלפני הכלה"! (כתובות יז.)

פאר הויכע מוזיק איז פארהאן אן אור אלטע סגולה וואס די זיידעס האבן גענוצט: וואטע אין די אויערן... ביי אונז האט מען זיך געפירט, ווען עס איז נישט געווען קיין וואטע, האט מען גענומען א טישו, איינגעדרייט, און שא שטיל. א מחי'. אזנים להם ולא ישמעו...

געדענקט, נאר בשמחה!

אוועטאר
jewish_audio
שר מאה
תגובות: 216
זיך איינגעשריבען אום: זונטאג יוני 14, 2009 12:00 am

תגובהדורך jewish_audio » זונטאג דעצמבער 27, 2009 6:02 pm

מבין איי לייק דיין ערשטן תגובה דא!! אמת ויציב

שטארק זיך
שר ששת אלפים
תגובות: 6170
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » זונטאג דעצמבער 27, 2009 6:48 pm

מבין איך בין אומאיינשטימיג מיט דעם צווייטן תגובה דיינעם,

אמת א ניגון וועט צומאל דערמאנען די גוסטע אין וואס מיר זענען געווען דאן ווען מיר האבן עס געהערט דאס ערשטע מאל, אבער פיל מער וועט א ניגון פראדוצירן א פרישע שטימונג, אפטמאל געוואנדן אין די גוסטע וואס דער מחבר איז געווען בעת'ן קאמפאזירן דעם ניגון.

ריכטיג, נישט יעדער ניגון רעדט צו אלעמען, 'על טעם וריח - זאגט דאך וויכי - אין להתווכח', אבער צופעליג דער פרישער 'אמר רבי עקיבא' ניגון האט געפונען א שפראך מיט פיהל, פיהל ברנשים, צו וועמען א ניגון האט שוין א לאנגע תקופה נישט גערעדט, ודוק כי נכון הוא.

ענליכס איז געווען די פאל ווען עס איז ערשינען דער בעלזער 'צמאה'.

אוי ווייייי... צמאה צמאה לכאוואא נפשי...
What's your MO? mine is
8373
-the KOLBE index
Know - Go - Show - GROW

יוד איינער
שר חמישים
תגובות: 98
זיך איינגעשריבען אום: מאנטאג דעצמבער 14, 2009 9:07 pm

תגובהדורך יוד איינער » זונטאג דעצמבער 27, 2009 8:57 pm

צמאה גראדע איז צום אויסהאלטן,
סהאט געמאכט א שנעלע וועג צום המון ווייל סהאט עטוואס אביסל געפיל, אבער מער פון דעם אז סאיז קלאסיש, דהיינו מען קען עס גרינג איבערזינגן, די טענער גייען בהדרגה, און עס האט אביסל א בענקעדיגע מינע ביי דעם "אוי אוי אוי כן באקוידעש כאזיסיכא" כן באקויהויהוידעש כאזיסיך, אבער לדעתי איז עס ווייט פון א גוטער ניגון וואס שיקט די הארץ רעדן צום קאלטן מח, און וואס ווארפט אוועק די נאטורליכע געפילן צו עפעס טיפערס,

ודוק כי קצרתי,
אני ממליץ לכל אחד לזכור כי הלבוש היפה ביותר הוא "החיוך".

שטארק זיך
שר ששת אלפים
תגובות: 6170
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » זונטאג דעצמבער 27, 2009 9:05 pm

ר' יוד טייערער,

אויף דעם זאגט דאך שוין וויכי 'על טעם וריח', און אז דיו ווילסט דוקא הערן צו דער ניגון רעדט צו זיי וכו' וכו', גענוי ווי ידידינו הארטיסט האט דאס אראפגעלייגט איבער אמר ר' עקיבא, אדרבה מאך אן אנקעטע, לכו נא ונווכחה, העמיר זיך איבערצייגן וואס אונזערע מבינים האלטן אויף דעם.

מסכים?
לעצט פאראכטן דורך שטארק זיך אום זונטאג דעצמבער 27, 2009 9:19 pm, מאל פאראכטן געווארן 1 סך הכל.
What's your MO? mine is
8373
-the KOLBE index
Know - Go - Show - GROW

יוד איינער
שר חמישים
תגובות: 98
זיך איינגעשריבען אום: מאנטאג דעצמבער 14, 2009 9:07 pm

תגובהדורך יוד איינער » זונטאג דעצמבער 27, 2009 9:12 pm

איך בין מסכים מיט וויכי אז על טעם וריח אין להתווכח, און מיט דיר צו מאכן אן אנקעטע,

אבער איך וויל פרעגן די מבינים, די קאמפאזירער וואס דרייען זיך דא, די לומדים וואס קענען אפלערנען א ניגון, מאכן אן אנקעטע מיינט דאך דעם המון עם, און דאס האב איך דאך מודה געוועהן אז ס'האט געשלאגן ווארצלען אין זייערע שטים בענדעלעך און זע זינגען עס ווען און ווי אימער, סאו ...
אני ממליץ לכל אחד לזכור כי הלבוש היפה ביותר הוא "החיוך".

אוועטאר
שוועמל
שר עשרת אלפים
תגובות: 14185
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » זונטאג דעצמבער 27, 2009 9:16 pm

ארטיסט;
איך האב נאכנישט געהערט דעם ניגון פון מרדכי'ס אלבום.

פשוט ווייל איך קויף נישט יעדע סידי וואס קומט ארויס.
אדרבה אויב קענסטו שיקן א לינק וועל איך מאכן א נשמה-טעסט אויף מיר.
שוש אשיש בה', תגל נפשי באלקי! (ישעיה סא)

אוועטאר
דער תהילים איד
שר ששת אלפים
תגובות: 6353
זיך איינגעשריבען אום: זונטאג יולי 26, 2009 9:54 pm

תגובהדורך דער תהילים איד » זונטאג דעצמבער 27, 2009 9:49 pm

דער עולם לערנט פשט אין א שוועמל. לאמיר עס אפלערנען לויט אונזער פארשטאנד.

בעילאוט איז אריין אין א טיפערן ענין.. שווער אריינצוגיין אזוי טיף. נאר וואס זאגן יא מיינע קלערן (ווייטער פשט אין שוועמ'לען), ס'ווענדט זיך אין תוכן פון די ווערטער פונעם ניגון, ס'מיינעך צו זאגן? [קיינער זאל זיך נישט שפורן באטראפן ביטע] לאמיר זאגן שוועמל שטייט ביי א חתונה, מ'האלט ביי הארא. דער זינגער קאכט אריין אין א "מה מקוה מטהר את הטמאים" פון MBD, שוועמל לעבט מיט! (כ'רעד דא נאכן פעס'ן די נשמה טעסט..), ס'גייט אדורך א מינוט, די ניגון גייט שוין פ'דע נערוון, מהייבט אן "חאנינע בעני מיין קינד חניייינע, חאחאנינע" וזה הא. שוועמל ווערט אנגעזעצט. סידאס דא?! סימיטענק?! ער זעהט א בחור'ל שפרייייינקקקט, זאג נאר, וואס טאנצטו דארט וואס? הא? ביסט פרייליך דיין פרענד האט חתונה, הא? טא וואס זאגסטו דא? אפשר הייסט דער חתן חנינא? לא מיניה ולא מקצתי', טא אפשר נעמסטעך טאנצן אויף די הייליגע משנה "בית שמאי אוסרין ובית הלל מתירים"?!... מיט א ברען! "אוסרים" א זעץ אויף רעכט'ס! "מתירים" א זעץ אויף לינק'ס! הא? גוטע איידיע? זענטעץ משוגע צו וואס????? דאס ברענגט שוועמלען צו אנזעץ. שטימט שוועמל?

(להוי ידוע: איך גלייך שטארק יואלי שווארצן'ס טעיפ, ער איז פיין און גאר גוט. אבער ספעציפיש די ניגון רעגט מיך אויף (כמיין.. שוועמלען), אלעס איבריג איז גאר פיין. אפגערעדט וואס עס קומט אים קרעדיט פארן צוריק אראפברענגען דעם סטאנדארט ביים ארויסגעבן א טעיפ, אז מ'מוז נישט ווערן קיין שוי שפילער דערפאר און עקטן ווי א מאנגא אויף פארשידענע אומ-דערליידנדע אופנים, ודי בזה. סארי פארן רעדן זוי ברייט).
רבינו שאג בקול גדול וגו'

אוועטאר
שקר_הדייעט
שר חמישים ומאתים
תגובות: 317
זיך איינגעשריבען אום: זונטאג יולי 15, 2007 7:21 pm
לאקאציע: ביים פרידזשידער

תגובהדורך שקר_הדייעט » זונטאג דעצמבער 27, 2009 11:27 pm

לאמיר האפן אז מיין תגובה איז נישט ווי "שוועמל" נאך א רעגן. אבער פונקט ווי א רעגן מאכט א מענטש ליטעלביט מרה שחורה, אזוי אויך זאגט שוועמל, אז מוזיק מאכט אים עטוואס מרה שחורה.

שוועמל, העם אתך!

עס קומט דיר קרעדיט פאר'ן ארויסברענגען עפענטליך וואס אסאך מענטשן שפירן שוין זייער לאנג טיף באגראבן אין זייערע געפילן. אסאך מענטשן? יא, קוקט אן, עס איז שוין דא 24 תגובות און א גרויס טייל דערפון האבן איינגעשטימט מיט שוועמל'ען.


לעניית דעתי, איך האב די זאך שוין אסאך שטודירט, ד.ה. נישט געגאנגען אין קאלעדזש דערוועגן, אבער געמאכט "סעלף סוירטש" ביי מיר אליין און געקומען צו די פאלגענדע מסקנא, און הרשות ביד כל אחד ואחד מחולק צו זיין מיט מיר, ולא אפצה פה ואצפצף.

מוזיק פאראורזאכט אינעם מענטש בערך די זעלבע עפעקט ווי "סטרעס" (אנגעצויגנקייט).

איבער סטרעס האב איך גראדע יא געהערט און געליינט פון גרויסע פראפעסארן, אז סטרעס צינדט אן אינעם מענטש שטארקע כוחות וואס דארפן ארויסגיין פונעם מענטש דורך א פּעולה.

צום ביישפיל: ווען א גנב קומט דיר אקעגן, האט השי"ת אזוי באשאפן אז עס צינדט זיך אן סטרעס אינעם מענטש, די סטרעס דארף דיר געבן כח און העלפן בייקומען דעם גנב.
יעצט ווען דער מענטש זאל אויסנוצן די סטרעס און זיך טאקע שלאגן מיט'ן גנב, גייט די סטרעס ארויס פון קערפער, דורך די שלעגעריי.

וואס טוט זיך אבער ווען דעם מענטש האט זיך נאר "געדאכט" אז עס קומט א גנב? דעמאלט ווערט זיין קערפער פול מיט סטרעס, צו זיין גרייט קעגן דעם געפאר. אבער ווען דער געפאר קומט נישט אן און דו געסט למעשה נישט ארויס דעם סטרעס, בלייבט די סטרעס אין דיר.

דאס קען זיך אזוי אנזאמלען אינעם מענטש און פאראורזאכן וואס רופט זיך ביי נונז "סטרעס". מען ווערט אן אנגעצויגענער נערוועזער מענטש.

און וואס איז די עצה? די בעסטע עצה וואלט געווען זיך צו לערנען "באַקסן", דורך פּאנטשן אומאויפהערליך אינעם "באקסינג באקס" (וואס הענגט אראפ פון דאך און מען קען דערין פאנטשן מיט'ן גאנצן כח). אדער גיין אויף עקסערסייז, וואס לאזט אויך ארויס די סטרעס פונעם קערפער.

לדעתי, און נאכאמאל, יעדער האט א רעכט מיך אפצואווענדן, איז דאס זעלבע מיט מוזיק.

מוזיק צינדט אן די עמאציעס, די סטרונעס פונעם מענטש.

אבער עס צינדט עס אן פאר א סיבה, מען זאל עפעס טון דערמיט.

אויב בלייבט מען פאסיוו, ווערט מען סתם אנגעבלאזן, מרה שחורה.

ארויסצוגעבן די עמאציעס וואס מוזיק צינדט אן, דארף מען טון א פּעולה. נאר דורך א פּעולה וועלן די עמאציעס ארויסגיין.

די פּעולה? זייער פּשוט. פוילעץ מיר נישט ארום. גיי אריין אין רינג און נעם דיך טאנצן.

אדער: זעץ דיך צו צום קומזיץ און זינג ערליך. זינג הויך, געב דיך אויס.

אנדערש וועלן די עמאציעס בלייבן אנגעצינדן, אין דיר, און דיך האלטן מרה שחורה.

אויב ביזטו שטערקער מרה שחורה, דאס הייסט, מער עמאציאנעל, דארפסטו שטערקער טאנצן, מאך דיך אביסל מער משוגע, טאנץ קעדאטשקע, שטעל דיך אויפ'ן קאפ, שעם זיך נישט. נאכדעם וועסטו זיך גוט פילן.

טיפער גערעדט, דאכט זיך מיר, אז די מרה שחורה דורך מוזיק האט אויך א שטיקל קנאה געפיל, אז אז מען שעמט זיך מיטצוטאנצן, אדער מען שעמט זיך "ארויסצוגעבן" געהעריג, און מען איז מקנא די וואס טאנצן יא.

האט עטץ שוין אמאל געזען ביי א ליטווישע חתונה וויאזוי יעדער געט זיך אויס?

קיינער טאנצט נישט ווי ביי אונז, אין א פונקטליכע דייטשע שורה, קיין טריט ארויס, און מען זינגט זיך אונטער דעם זעקסטן קפה ניגון נאכאמאל און נאכאמאל, "אוי דוי דיי דיי דעם".

מען "טאנצט". טאנץ אביסל. טאנצן מיינט "ארויסגעבן".

געב דיך ארויס ווי אזוי אימער דו שפירסט אז דו דארפסט זיך ארויסגעבן. האסט מורא מ'וועט לאכן? מ'וועט דיך אראפקוקן? דאס איז אלעס איינרעדענישן – און אפשר אויך קנאה געפילן פון יענעם וואס שעמט זיך פונקט ווי דיר צו טאנצן און פארגינט נישט אז דו האסט געהאט "גאטס" בייצוקומען דיין בושה, און דו ענדזשויסט די נאכט און ער נישט.

און אויב ווערסטו מרה שחורה ביים הערן מוזיק אינדערהיים, טו דאס זעלבע. נעם דיך זינגען הויך.
דיין ווייב וועט דיך אנקוקן פאני? זאג נאר, דו האסט איר געפרעגט?
אז מען זינגט זיך אויס מיט דביקות'דיגע, ווארעמע, און אפילו מרה שחורה'דיגע ניגונים, איז ווי מען וואלט זיך אראפּגערעדט פון הארצן פאר א חבר. א בחינה פון "ישיחנה לאחרים". "אויסגיסן דאס הארץ" מיינט אויסגיסן די מרה שחורה. און ווען דאס גיסט זיך ארויס, בלייבט אויטאמאטיש פרייליך אויפ'ן הארצן.

על כל פנים, מוזיק צינדט אן די אינסטרומענטן, און אויב די אינסטרומענטן האבן נישט קיין וועג וויאזוי ארויסצוגעבן די געפילן, בלייבן די געפילן פארשטאפּט, מרה שחורה.

שטעלט אייך פאר איר נעמט א טרומפּייטער און איר פארשטאפט דעם ברייטן לאך פון וואו עס קומט ארויס די שטימע. איר קענט זיך פארשטעלן וואס עס וואלט זיך אפּגעטון דארט אינעווייניג אינעם טרומפייטער, בשעת דער מוזיקאנט דרוקט די קנעפלעך, אבער די קולות קענען נישט ארויסקומען? א כאַאָס גמור. דאס זעלבע שפּילט זיך אפּ ביי אייך אין די געדערים.

אלזא שוועמל, א שאד צו פארשוועמען די צייט. לאזט אייך ארויס אין א רקידה, זינגט און גיסט אייך אויס דאס הארץ, וועט איר פון נגינה פרייליך ווערן און אויסנוצן די וואונדערבארע מתנה פון השי"ת, נגינה, אויף איר ריכטיגען ציל: שמחה.


צוריק צו “היכל הנגינה”

ווער איז אונליין

באנוצערס וואס דרייען זיך דא: וימאןX3 און 10 געסט