וואלט איר געצאלט פאר אויס $15 פאר דעם נעקסטן גאלדמאן CD

[לעניית דעתי]

וואלט איר געצאלט פאר אויס $15 (דורך pay pal מיט א קרעדיט קארד) פאר דעם נעקסטן CD (נישט מחנה שלוה) פון ר' משה גאלדמאן?

וואס באקומט איר דערפאר?

חוץ די עצם CD, ווען ס'קומט ארויס - בחינם,
וועט מען באקומען א free download גלייך ווען דער מיקס איז פארטיג - בערך צוויי וואכן בעפאר ס'איז אויף'ן גאס.

אויך וועט מען באקומען אין email אסאך inside info און כסדר updates וואס ס'טוט זיך מיט דעם פראדשעקט.
מער ווי מ' וואלט געשריבן דא אויף איי וועלט.

(נאר איין זאך - דעם CD וועט מען דארפן אויף - פיקן פון גאלדמאן סטודיא אין בארא פארק אויף 15 און 42.
מ' וועט קענען באקומען א קורצע tour פון דעם סטודיא.)

[מיר טאשן דאס - מיר וועלן ארויס שיקן אויף'ן פאסט א סי די - פאר די וואס ווילן דעם וועג]

ס' גייט נאך גארנישט געשעהן - מ' וויל קודם זעהן ווי פיל זענען אינטערעסירט.

ביטע אויספילן דעם אנקעטע.

אויב וועט דאס געלינגען - קען מען דאס אויך טהון (און שוין אן הייבן) פאר דעם נעקסטן מחנה שלוה 20 וואס וועט אי"ה ארויס קומען זומער תשע"א

א דאנק.

[קעש פאר קלאנקערס]

אוודאי וואלט כ'געצאלט!!!! אבער ארויס קומען ניסן מיט א אלבוים??? איי וואנדער וויי???

[elmonsey]

איך וואלט קודם געוואלט הערן א פריוויו אין אויב די מיוזיק אין די ניגונים זענעןגוט פאר מיין taste אוודאי וואלט איך געצאלט!

וואספארא שאלה איז דאס בכלל?

אויב ניגונים זענען שיין ווי די דיסק שבת אדער חזק פין קעמפ שלווה צי די 4דע וויאזוי הייסט נאר יענע דיסק פין שלווה? וואלט איך געצאלט אפילו 20
אין איך זאג אז ווייל איך האב מיך אפגעבריט מיט אפאר סידיס וואס איך האב געקויפט אן הערן פארדעם אין איך האב ממש חרטה געהאט פארן קויפן די סידי האב איך מחליט געוועהן אז פאר איך קויפ א סידי מיז איך הערן א פריוויו אדער די גאנצע דיסק פארדעם אין זיך אזוי אנשפארן עגמות נפש.

[ביזנעסמאן]

איך וואלט געצאלט $15 בלויז פאר דער טור אינעם סטודיא, אבער בתנאי אז לעניית דעתי איז נישט דארט, כאדאך מורא פון 'גילוי'....

[לחיים ולברכה]

אלץ די סי די וואלט איך דאס געטוהן, אבער נישט פאר מיין טאש... אפשר בשעת'ן קויפן וועל איך ווערן אזוי דזשעלעס אז כ'וועל ארויסנעמען א פופצענער מיט געוואלד. חוץ דעם, ווען וועל איך קומען קיין בארא פארק? כ'וואלט געצאלט א צוואנציגער צו זיך שפארן די געז, זיך ארומדרייען פאר פארקינג, און די צייט.

נ"ב, כ'האב נישט גע'סקר'ט.

[שעפטיל]

געשטימט אויף יא, ווייל דאס איז א גוטע איידיע און איך בין מסכים דערצו. אבער צו איך וועל דאס טאקע טוהן?? ווייס איך שוין נישט... מען דארף טרעפן צייט צו גיין אויף בארע פארק, דאס אישוין א שטיקל שלעפ ווי מען רופט עס...

[פעטריטשקע]

צאלן געלט אויף א דבר שלא בא לעולם??
ווען ס'איז אן אינוועסטמענט לשמל א הויז אין א פראדזעקט וואס איז נאכנישט געבויעט געווארן, ממילא, עס ווערט אסאך מער ווערט ווען עס איז פארטיג, אבער דא, א.... סידי. צאלן געלט פאר עס איז פארטיג געווארן. נאט מי!

געבן א נדבה 15$ פארן ארויסגעבן די טעיפ, נו, פון דעם קען מען שוין הערן, דאס פארשטיי איך שוין יא.

[לעניית דעתי]

[מיר וועלן ארויס שיקן אויף'ן פאסט א סי די - פאר די וואס ווילן דעם וועג]

[ווער בין איך?]

געשטימט אויף יא, ארויסצוהעלפן אזא איד ווי ר' משה, אפילו ווען מען קומט סתם צו מיר אין בית מדרש וואלט איך געגעבן מער ווי דעם, און אודאי אז איך באקום פאר דעם א סידי.

איין שאלה נאר: איז דאס א גאלדמאן סידי אדער א ר' משה גאלדמאן סידי?

[שמערי בערי]

קוק די ערשטע שורה פון דעם אשכול...

[לעניית דעתי]

וואס מיינט א גאלדמאן סי די?

[וויכטיג מאכער]

לעניית, איך שפעקיליר און שפעקיליר, אבער איך וואלט אויסדריקליך געצאלט פאר אזא זאך, קענסט קומען אויפפיקן.. אדער בעסער געזאגט, קענסט מיך רעכענען..

[לכאורה]

געווענליך ביי מעות קדימה שפארט מען זיך מער ווי בלויז 1 דאלער ביים צאלן פון פאראויס (אפשר קען מען מאכן צו צאלן 12 וכדומה, און נישט באקומען א טור אין סטודיא).

[גרויזאמער]

איך וואלט אוודאי געשריבן דעם ליגנט אז איך גיי יא צאלן דעם 15 דאלער כדי ארויסצואווייזן מיין הכרת הטוב פאר די הערליכע גאלדמאן טעיפס, ווען נישט "לעניית דעתי" מאכט דעם שטודיע צו דערגיין דעם ריינעם אמת און ער גייט לויט אונז ווארשיינליך רעכענען וואס די פראצענטן אויף יא און ניין זענען ביים אלגעמיינעם ציבור, און עס וועט פשוט זיין אן עולה פון מיין זייט זיך נישט אנצורופן.

איך וואלט נישט געצאלט קיין מעות קדימה, ווייל אנדערש ווי א ספר וואס איך וועל אין געציילטע פעלער געבן מעות קדימה ווען דער מח"ס קומט אליינס צו מיר און אלץ רחמנות אדער עהרע צאל איך אפילו מער ווי ער בעט, איז אבער א טעיפ בכלל נישט אין דעם קאטאגאריע, א טעיפ קויף איך מיטן בלויזן צוועק צו האבן א נגינהדיגע הנאה, און איך קויף עס נישט צו שטיצן קיינעם, איך מיין בלויז מיך.

יעצט, יעדער גוטער זינגער האט שוין אנגעזעצט מיט טעיפס, דאס הייסט אז עס זענען געווען אלבוים'ס וואס זענען ממש געווען א דורכפאל, און אנדערע וואס איז נישט ממש א דורכפאל, אבער מיינע 16 דאלער וואלט איך געספענדט פאר אנדערע טעיפס. סיי חסידישע סטייל ווי לחיים טיש, און סיי די מאדערענע סטייל ווי ליפא שוועקי ועוד.

גאלדמאן איז נישט אנדערש אין מיינע אויגן, די לעצטע טעיפ איז געווען הערליך, אבער פון די אופן הירידה פון די טעיפס פארדעם איז זייער מעגליך אז די נעקסטע גייט נישט זיין אזוי איי איי. מענטשן האבן זיך אפגערעדט אויף חומת אש, אויף די פשטות וואס עס האט, און עס איז נישט מוכרח אז ווייל זיי הייסן גאלדמאן גייט די נעקסטע טעיפ ווערן בעסער.

דעריבער וואלט איך נישט געצאלט דער 15 דאלער, איך וואלט ליבערשט געצאלט 16 דאלער שפעטער און האבן אביסעלע געדולד צו זען צו עס לוינט זיך מיין געלט.

איך בעט איבער לעניית דעתי פארן רעדן דעם גאליציאנעם שפראך, אבער להנאתך ולטובתך, דער מהלך המחשבה שטעלט פאר מיט זיך א גרויס חלק פון די אלגעמיינע גאס. און ווען דו קומסט אויף מיט א נייע מהלך פון "מעות קדימה פאר א אלבום" דארפסטו זיך אריינלייגן אין די מחשבות פון עמך אידן.

והנראה לעניית דעתי כתבתי.

[לעניית דעתי]

פאר דעם טאקע מאכט מען דעם אנקעטע ווייל אויב איז נישט דא גענוג אינטערעסירטע איז בכלל נישט דא פון וואס צו רעדן....

[mona lamm]

געשטימט אויף די ערשטע אפציע.

אוודאי וואלט כ'געצאלט!!!! אבער ארויס קומען ניסן מיט א אלבוים??? איי וואנדער וויי???

קעש, ווארשיינליך א ספירה טעיפ, אדער אפשר גאר ניגונים אויף פסח אזויווי ער האט א טעיפ מלוה מלכה?

איך וואלט געצאלט $15 בלויז פאר דער טור אינעם סטודיא, אבער בתנאי אז לעניית דעתי איז נישט דארט, כאדאך מורא פון 'גילוי'....

ביזנעסמאן, דיין נאמען אויפ'ן קרעדיט קארד איז אויך ביזנעסמאן?!