היינט איז די יארצייט פונ'ם 'אהבת שלום', הרה"ק ר' מנחם מענדיל מקאסוב, די ערשטע רבי פונ'ם שושלת קאסוב/ויזניץ. מער פרטים קען מען זעהן
אין די פארום, איך וואלט גיוואלט זיך מתייחס זיין בעיקר צו די חלק הנגינה.
כידוע איז גיוועהן דרכו בקודש מחבר צו זיין אויף יעדען שבת א נייעם ניגון, עד כדי כך, אז ווען ער האט נישט גיהאט א ניגון איז ער גיוועהן צוטראגען דערפון, ביז ווען ער האט מחבר גיוועהן דעם ניגון; ווי עס ווערט דערציילט אז איינע פון די חסידים האט אמאהל גיהערט ווי דער רבי זאגט אזוי איך האב נאכנישט אויף שבת, ער האט אוודאי גימיינט אז דער רבי האט נישט מיט וואס שבת צו מאכען, האט אים די רבי גיזאגט ניין, איך האב נאכנישט א ניגון אויף שבת.
למעשה איז נישט ידוע היינט קלאר וועלכע פון די ניגונים איז פארבליבן, עס איז דא אינגאנצען דריי ניגונים וואס הייסען אז זיי זענען פון די ניגונים, אין אויך דער ניגון אויף עוד יזכור וואס מ'זינגט יו"כ ביי נעילה, אין אויך איז דא א ניגון וואס מ'זינגט אויף מזמור לדוד, וואס הרה"ח ר' בערל ולצר ע"ה, וואס האט מקבל גיוועהן מפי זקנים אז דאס איז א ניגון וואס מ'האט געזינגען ביים אהבת שלום.
איך האב נישא גיטראפען דערווייל א ריקארדינג פון די אלע ניגונים אפשר בהמשך אז איך וועל טרעפען וועל איך זיי ארויפלייגען.
אגב, איך האב געשריבען אויך איבערען הייליגען צמח צדיק (זיין אייניקעל) און איבער זיינס א ניגון,
מקען עס זעהן דא.