משה גאלדמאן: מחנה שלוה 19# חומת אש!

[לעניית דעתי]

שטעקל זינגט ימלוך נישט העניג.

און ביי ותראה איז דאכציך אויך דא אביסל אזוי פון די קינדער.

[איזאק]

גערעכט ס'איז שטעקל, גראדע האב איך זייער ליב זיין זינגען, פון די מענער סאלאס האלט איך אז ער זינגט די בעסטע.

[לעניית דעתי]

ס'האט מיר איינער געבעהטן אין אישית צו שרייבען אלע מחנה שלוה טעיפס מיט די נומבערס שרייב איך דא לתועלת הרבים:

על הר 1
הריעו 2
אם אשכחך 3
camp shalva classics - music only 4
אשירה 5
חזק 6
שבת 7
על ישראל שלום 8
מלך עליון 9
שמחתי 10
אליך אזמרה 11
כנשר 12
פרנסה 13
זכור 14
קץ הפלאות 15
ודבריו 16
שומרים 17
להודיע 18
חומת אש 19

[תו השמיני]

אבער דאס איז נישט אלעס, ר' משה האט אפאר אנדערע סעריעס אויך ווי למשל:
שירי חינוך
חגים וזמנים
שירי שלמה

לעניית, אפשר קענסטו אויסרעכענען דיזע אויכט?

[לעניית דעתי]

שירי חינוך 1 מזל טוב 2 ואהבת

חגים וזמנים 1 שעשה ניסים 2 מלוה מלכה 3 אלה מועדי

שירי שלמה איז נישט פון ר'מ

[והוא פלאי]

און אפשר מאכט איינער א ליסט פון די טעיפס פון נגונים וואס ער האט מחבר געווען, למשל, אייזיק האניג א', אייזיג האניג ב' טייל ניגונים, וכו'
גם כאן יש ניגון שאין על הטעיפ'ס
http://homepage.mac.com/ykwadrat/bbc/Old%20Songs2.html
יש מאביו ג"כ איזה ניגונים, על סייט ההוא ובכלל בבאבוב, איך בין נייגיריג צו ער וועט אמאל ארויס געבן א טעיפ דערפון

[לעניית דעתי]

פון ר"מ איז דארט (אויף'ן סייט) נאר דא איין ניגון זכרו נא וואס איז נאך נישט אויף קיין טעיפ. די אנדערע זענען יא.

[mona lamm]

צייט פאר נאך א מעשה וואס איך האב געהערט נישט לאנג צוריק.

אזוי ווי דערמאנט האט ר"מ געהאט א גרויסע פאבריק פון פלעסטיק.

איין טאג אין דער פרי איז ער געגאנגען זיך טרעפן מיט דעם בעל הבית פון א גאר גרויסע קאמפאני וואס מאכט פראדאקטן פאר artists. און ר"מ וועט מאכן די פלעסטיק האלטערס פאר דעם.

זיצענדיג דארט און ווארטענדיג אויף דעם בעל הבית באמערקט ער ווי די גויעשע ארבייטערס קומען אן צום ארבייט איינער נאך דעם צווייטן און יעדער האלט א גלאז קאווע אין איין האנד און א Times אין דעם צווייטן האנד און אזוי הייבט מען אן דעם טאג.

האט ער געקלערט, ווי שיין און אנדערש איז אבער דעם התחלת היום ביי א איד. און האט תיכף דארט אויפ'ן פלאץ געמאכט א ניגון אויף די ווערטער אשרי האיש אשר לא הלך בעצת רשעים ובדרך חטאים לא עמד ... כי אם בתורת השם חפצו...

דעם ניגון וועט אי"ה זיין אויף די קומענדיגע נייע מחנה שלוה 19#.

לעניית, פארוואס ביים ניגון אשרי האיש זינגט מען נאר איין מאל די ערשטע פאל און מ'גייט גלאך צום הויכע פאל (כייייי אם בתורת...), פארוואס זינגט מען עס נישט צוויי מאל (אזויווי געווענדליך)?

[לעניית דעתי]

גוט געפרעגט.

די פאל איז אזוי ווי צוויי מאל, ס'איז א האלב און דערנאך נאך א האלב.

אויב מאכט מען די גאנצע פאל צוויי מאל האט עס נישט קיין פנים.

[יגרסהדותא]

די הערליכע טעיפ "גדול יהי'" איז נישט פון אים? דאכטציך אז אויפן דעקל שטייט משה גאלדמאן. האב איך א טעות? (פארוואס רעכנסטו עס נישט אויס?)

[שמערי בערי]

טאמער געדענק איך גוט איז גדול יהי' געווען מער-ווייניגער א איבער שפיל פון אלטע ניגונים, געזונגען דורך המזמרים

[לעניית דעתי]

גערעכט שמערי אבער דעם איינע ניגון גדול יהי' איז געוועהן ניי.

יגר, גערעכט גדול יהי' איז פון ר"מ ס'איז נישט אין א סעריא מיט אנדערע האט מען עס נישט גע'ליסטעט' אויבן.

זאל מען מאכן נאך אזיינס און מכבד זיין אנדערע קווייערס דאס מאל?

[1x1]

און וואסימיט ששון ושמחה? אויכעט אויסגעלאזט.

זאל מען מאכן נאך אזיינס און מכבד זיין אנדערע קווייערס דאס מאל?

זיכער זאל מען מאכן.

[טיטאניק]

לעניית, קענסט אפשר מעלדן וויזוי די אלבום איז געגאנגען, איז עס געווען א סוקסעס ? נאר אויב דו ווילסט פאר שטייצעך.

[לעניית דעתי]

מצד ליב האבערס איז עס געוועהן א סאקסעס, מצד פארקויפן אסאך דארף מען פרעגן לחיים. אפשר וועט ער זיך מרחם זיין און אריין ווארפן א ווארט דא.

[לעניית דעתי]

איך וויל מודיע זיין אז מ' קען שוין קויפן חומת אש אן די וואקעלס:

http://web.me.com/gesandfriends/Moshe_G ... Store.html

ChoimasAishCover[100Res]_2.jpg (93.95 KiB) געזען 2179 מאל

סיי אלע ניגונים מיט א מאל און סיי איינצילע ניגונים.

דאס איז נישט קיין "instrumental" version פון חומת אש, מ' האט פשוט אויס געךאשן די וואקעל טרעקס.

עס זענען דא וואס האבן דאס ליב צו הערן אזוי - מ' קען בעסער הערן וואס איז אריין און די מוזיק און אין די rhythm.

הערט און האט הנאה.

מ' קען דאס אויך ניצן פאר צדקה צוועק'ן ווי מ' קען ארויף לייגן אנדערע ווערטער דערויף...

[ווארום]

לייג א קליינע פריוויו מזאל קענען טועם זיין.

[שמערי בערי]

דער ניגון "וזכרתי להם ברית ראשונים" קומט מיר ארויף יעדן טאג ביי סליחות, ווען מ'זאגט דעם פסוק ביי זכור ברית וכו'. הגם נישט אזוי ווי "פנה לעלבון" קומט ארויף כל נדרי נאכט... אבער עס קומט ארויף. עס איז נאר אינטערעסאנט אז ר"ה ביי מוסף איז מיר די ניגון אינגאנצן נישט ארויף געקומען ביי די שטייטע, נאר ערשט ביי די שנעלע פאל.

נאך קדושה האט זיך פון זיך אליינס אונטער געזונגען פון די צווייטע פאל פון קנא און ווייטער (רצף שכנך וכו'), חוץ דער ערשטער פאל פון "קנא לעירך" וכו', וואס איז בכלל נישט א ניגון וואס מ'קען אונטער זינגען, ס'איז נאר שיין צום הערן.

דעם צווייטן נאכט ר"ה האבן מיר געזונגען כמעט האלב ניגונים פונעם אלבום... ותראה, קנא. וידע כל פעול האב איך אויך געזונגען אבער עס איז געווען זייער שווער צו זינגען, ביים טויש האב איך געמוזט קלאפן מיט די פינגער און אביסל אונטער זינגען לאם'ס ארענדשמענטס אז איך זאל מיך האלטן צום ניגון... אויך האב איך געזונגען כבודו און ובדברי קדשך, כאטש ס'איז נישט קיין ר"ה ניגון דוקא, אבער מ'זאגט זיי ביי מוסף.

---

אגב, ווען דאס 12 יעריגע שוועסטערל איז אהיים געקומען ר"ה פון שול זאגנדיג "אזוי סאך ניגונים פון חומת אש האט מען געזאגט אין שול..."

[לחיים ולברכה]

עס איז נאר אינטערעסאנט אז ר"ה ביי מוסף איז מיר די ניגון אינגאנצן נישט ארויף געקומען ביי די שטייטע, נאר ערשט ביי די שנעלע פאל.

נאך קדושה האט זיך פון זיך אליינס אונטער געזונגען פון די צווייטע פאל פון קנא און ווייטער (רצף שכנך וכו'), חוץ דער ערשטער פאל פון "קנא לעירך" וכו', וואס איז בכלל נישט א ניגון וואס מ'קען אונטער זינגען, ס'איז נאר שיין צום הערן.

מיר איז יא אויפגעקומען אין געדאנק דאס ערשטע פאל. ס'קען זיין אז דו ביזט געווען זייער פרייליך ביים דאווענען...

דער ניגון קנא האב איך געזונגען ביים טיש מיטל נאכט און ביי די צווייטע טאג סעודה. איך גלייך זייער ניגונים מיט פארשידענע סארט פעלער וואס נישט יעדער קען דאס זינגען (מה אשיב, אזי בשלישי), וואס איז טאקע געשמאק צו הערן אבער איך האב א ספעציעלע געשמאק זיי צו זינגען. הגם קנא (נישט נייעס אגענטור) גייט נישט אריין אין די קאטעגאריע, איז דאס אבער א ניגון וואס דער ערשטע פאל קען נישט יעדער זינגען, ווי שמערי האט ערווענט, דערפאר האב איך דאס ליב (כ'מוז דאך זיין יוניק...).

[1x1]

דעם צווייטן נאכט ר"ה האבן מיר געזונגען כמעט האלב ניגונים פונעם אלבום... ותראה, קנא. וידע כל פעול האב איך אויך געזונגען אבער עס איז געווען זייער שווער צו זינגען, ביים טויש האב איך געמוזט קלאפן מיט די פינגער און אביסל אונטער זינגען לאם'ס ארענדשמענטס אז איך זאל מיך האלטן צום ניגון...

אויך האב איך געזינגען כבודו און ובדברי קדשך, כאטש ס'איז נישט קיין ר"ה ניגון דוקא, אבער מ'זאגט זיי ביי מוסף.

אויב אזוי, קענסטע אויך צולייגען 'יהא שלמא', כאטש ס'איז נישט קיין ר"ה ניגון דוקא, אבער מ'האטעס געזאגט ביי קדיש.

[טיטאניק]

ווי אויך והיו למשיסה, ס'איז דאך געווען שבת.

[1x1]

ניין, מ'זאגט נאר לכה - שמור - לקראת - ימין - בואי.

[שמערי בערי]

כ'האב גראדע אויך געטראכט דערפון, אבער יהא שלמא זאגט מען דאך טעגליך, משא"כ די אנדערע וואס מ'זאגט נאר שבת ויו"ט. - גראדע האב איך געטראכט וועגן והיו למשיסה דאס זעלבע ווי 1X1...

---

שוועמל ביים טיש האב איך אויך געזינגען קנא, אבער ביי שחרית האב איך "אונטער געזונגען" נאר פון די צווייטע פאל און ווייטער.

[לעניית דעתי]

ניין, מ'זאגט נאר לכה - שמור - לקראת - ימין - בואי.

זענען דא פלעצער ווי מ' לאסט נאר אויס מקדש און התנערי...

מצד שני [שלישי] זענען דא וואס גייען גלייך צו בואי בשלום...

[שמערי בערי]

מעג איך פרעגן...? אויף וועלכע ווערטער זענען די נייע הייליגע-טעג ניגונים פון היי יאר?