חסידישע ניגונים מיטען אלטען טעם

[יצמחפורקניה]

אדאנק די דאזיגע תגובה פון ביילאוט, האב איך געטראפען א אוצר

פון יוסעלע

נאכן הערן דא וועט דיר פארגיין די אפעטיט צו הערן פון א צווייטן.

ביי די וועי די סייט האט זייער אסאך אלטע חזנות טעיפ'ס אבער נישט אלע, גיי אריין צו קענטאריעל און סירטש וואס די ווילסט.

ביי דעם וועבזייטל האב געטראפען א אוצר ממש פון אלטע היסטארישע רעקארד'ס (ווער גדענקט נאך דעם רעקארד פלעיער ) פון באבובער ניגונים, און אויך פון אנדערע חסידישע הויפען, און אמאליגע צדיקים זי"ע

צום ביישפיל קוקט דא:

באבוב
http://faujsa.fau.edu/jsa/music_album.p ... findalbums

תלמידי הבעש"ט זי"ע
http://faujsa.fau.edu/jsa/search_music_ ... &pagenum=1

וכהנה וכהנה, איז דא נאך א סאך (מען דארף האבען געדולד צו זיכען, ווייל נישט אלעס ליגט אין די קאטעגאריע פון CHASIDIC)

*

יישר כח ביילאוט !

טייערע חברי הקרעטשמע, שמעו ותחי נפשכם !
(איך קלער אז ס'איז אפשר עפעס א ענין בימי הספירה, צו מתקן זיין דעם ענין הנגינה, זיך צו וואשען און שווענקען די אויערען מיט עכטע חסידישע ניגונים ... )

*

די שאלה איז, אויב ס'איז מעגליך צו דאונלאודען די ניגונים ?

איז אפשר דא א מומחה / פראגראם וואס קען עפעס ארויס העלפען אין דעם ?

*

א לעכטיגער שבת, און א גוטען געשמאקען דערהער !!!


_

[גרויזאמער]

ס'דא א פראגרעם וואס רעקארדירט אלעס וואס עס הערט ארויס פונעם קאמפיוטער, עס קען למשל אפכאפן אפילו פון די אונליין מוזיק סייטס, און אלעס אויפן זעלבן ארגינעלען קוואליטעט, איך האב עס אמאל געגעבן פאר יגר'ל, אבער איך האב שוין פארגעסן די אינפארמאציע. פרעג אים.

[bailout]

יגר איך ווארט!

ווער נאך ווארט? שטעלטס ענק אין די ליין איך בין ערשט.

[צייטליך]

כיצמח ועוד לקרא. קודם א ריזיגען יישר כח פאר בעילאוט, און אויך איך האב זייער שטארק הנאה געהאט פון דעם סייט און דאס ארומגעשיקט אויך פאר אנדערע חברים מיינע.

גרויזאמער, ס'ערשטע מאל וואס איך הער פון אזא פראגראם, איך ווארט אין די ליין..

בעילאוט, איך גיי נאר קויפן פרישטאג, אבער זאג פאר יעדעם אז איך בין אינטער דיר.

[3x0]

ס'קען זיין אז גרויזאמער רעדט פון דעם. ס'טוט דאס וואס ער האט געזאגט.

http://applian.com/freecorder3/support/user_guide.php

[קהלת]

דא קענט איר דאונלאודען אסאך אלטע באבוב'ער ניגונים געזונגען דורך חסידים ואנשי מעשה ובתוכם הרה''ח ר' שאול הוטערער ז''ל אין דער חזן רבי איטשע שטרום אין נאך.

homepage.mac.com/ykwadrat/bbc/Old%20Songs.html

[יגרסהדותא]

טריאוי, גערעכט. - דאס האב איך מיך יעצט אפגעטייפט גרייט אריינצושיקן –

יאפס. מיט'ן הילף פון גרויזאמער, האב איך - אן ערך פון מער ווי א יאר צוריק - זיך צווויינט אויף זיין שויס ווי א בעבי, גרויזאמער האב איך געשריגן ווי נישט מיט מיין קול, איך הער מיוזיק אויפן קאמפיוטער, דאנט טעלל מי אז וואס איך הער מיט מיינע אויערן זאל איך נישט קענען סעווען, עפעס מוז מען טרעפן, ס'מוז עפעס זיין.

נו, ווער ס'קען גרויזאמער ווייסט, אז זיין נער'ישער פרענד האט געמאכט "גוגל" נאר צוליב דעם וואס ער איז געזיצן לעבן גרויזי פאר 20 מינוט, גרויזאמער אליין על אחת כמה וכמה, דיינו, וואס?... אה אקעי, סאוי גרויזאמער האט מיר געשיקט צו צוויי לינקס ווי מ'קען עפעס דארט נאשן.

איך האב מיך דעמאלטס אינסטאלט א פראגראם, ס'הייסט FREECORDER, ס'איז מורא'דיג גרינג אין געשמאק, סימפעל, ווען איך וויל עפעס ריקארדן, דריק איך אויף RECORD, און הנה יבוא אל היכלו, כ'מיין.. ס'גייט אריין אין קאמפיוטער. און שוין.

אבל דא עקא (ס'מיינט: איטס א סמאלל פראבלעם], יעצט אויסטשעקנדיג וואס פאר א לינק דא צוברענגן, זעה איך אז זיי האבן זיך גענומען מאכן עטליכע מינע, לכאורה איז דאס דער בעסטע.

http://freecorder-toolbar-application.s ... r.com/3.0/

אינסטאלט ביידע פראגרמ'ס וואס זיי געבן. Ask and Record, מיט די Toolbar. די טאלבאר קומט ארויף אויף די אינטערנעט בראזער. [און ווי פארשטענדליך קענט איר עס סעלעקטן ס'זאל נאר ארויפקומען ווען איר ווילט עס ניצן].

ניצט עס געזונטערהייט. עני פראבלעם בין איך גרייט אייך ארויסצוהעלפן.

הצלחה
יגר'ל

[יצמחפורקניה]

יישר כח !

די שאלה איז, צו דער וועבזייטעל כאפט אויף אז איך שפיעל זיי אויס, און דער ניגון אראפ צו מיר קעגען זייער רצון / רשות ?

(ווייל איינמאל האב איך עפעס געדאונלאודעט דארך "קוויעק טיים", און דער וועבזייטעל האט אויפגעכאפט מיין גניבה שטיקל, און האט ארויס געווארפען מיין מעמבערשיפ, און מיר ג'אסר'ט דריסת הרגל ביי זיי)

[יגרסהדותא]

נעעעעעעעע, ס'ריקארד וואס ס'הערט, איך נוץ עס שוין איבער א יאר. קיין שום פראבלעם דערמיט

[יצמחפורקניה]

א שיינעם דאנק !

איך באמערק נאר א שטיקל פראבלעם (אפשר האב איך א טעות), אז דער פראגראם כאפט אויף נאר לויט די הויך פונעם וואליאם בשעת'ן שפילען. ד.ה. אז עס כאפט נישט אראפ ריכטיג.

איז שייך דאס צו פארעכטען, און אנשטעלען די סעטינגס באופן אחר ?

[יגרסהדותא]

ס'איז א טעות, איך געווענדליך מאך עס אפי' אסאך מאל שפיל אינגאנצן די ספיקער'ס בשעת איך טעיפ אויף דעם ניגון [ס'מיינט, אז אין אפיס הערט מען עס אפי' נישט].

[נאטרוליסט]

ווער קען מיר העלפן דערגיין די ווערטער פון די דאזיגע ניגונים ביטע

ערשטע ניגון, באבוב
צווייטע ניגון, באקאנטע
דריטע ניגון, אויך באבוב לכאורה

א דאנק אייך

[קרעמער]

די ערשטע איז נשמת מלמדי מורשה וואס מ'זאגט בעפאר נשמת כל חי ביום שמחת תורה.

[קרעמער]

די צווייטע הערט זיך ענליך צו אבינו מלכינו חננו ועננו כי אין בנו מעשים, עשה עמנו צדקה וחסד והושיענו.

[קרעמער]

ביים סוף פון די דריטע הערט מען ה' מלך ה' מלך וגו', מעגליך פון די יוצרות לר"ה אדער יום קדוש.

[נאטרוליסט]

א דאנק הער קרעמער, יא, ריכטיג, ס'הערט זיך שווער די אנהייב.

די צווייטע איז טאקע די תנועה פון אבינו מלכינו חננו אבער די ווערטער קוקט עפעס אויס אנדערש, נישט אזוי?

[פארצייטישע]

דער דריטער ניגון איז אויף די ווערטער "שכולה אכולה למה תבכה" פון די אהבה וגאולה'ס וואס מ'זונגט אין באבוב צווישן די וואכן פון פסח און שבועות ביי פירות טיש. (גראדע לעצטענס בהאנדלט געווארן דעם מנהג אין עלים לתרופה)

איך מיין אז דער וואס זונגט איז ר' איטשע שטרום ע"ה פון לאנדאן (פאטער פון יבלחט"א ר' משה דוד שטרום שליט"א פון לאנדאן) וואס האט געזונגען אסאך פארצייטישע ניגונים בעיקר פון חזן זיידל ראוונער, איז קען זיין אז דער ניגון איז פון אים.
אבער איך מיין אז ר' נחמי' שענגוט שליט"א מחסידי באבוב מב"ב, האט אמאל געזאגט אז דער מחבר איז די זעלבע וואס האט מחבר געווען ועל הנסים, וואס מ'זונגט אין באבוב חנוכה.

[קהלת]

א דאנק הער קרעמער, יא, ריכטיג, ס'הערט זיך שווער די אנהייב.

די צווייטע איז טאקע די תנועה פון אבינו מלכינו חננו אבער די ווערטער קוקט עפעס אויס אנדערש, נישט אזוי?

די ווערטער זענען פין 'אדיר איום ונורא' מזמירות מוצש''ק.

[לעווי]

דער דריטער ניגון איז אויף די ווערטער "שכולה אכולה למה תבכה" פון די אהבה וגאולה'ס וואס מ'זונגט אין באבוב צווישן די וואכן פון פסח און שבועות ביי פירות טיש. (גראדע לעצטענס בהאנדלט געווארן דעם מנהג אין עלים לתרופה)

איך מיין אז דער וואס זונגט איז ר' איטשע שטרום ע"ה פון לאנדאן (פאטער פון יבלחט"א ר' משה דוד שטרום שליט"א פון לאנדאן) וואס האט געזונגען אסאך פארצייטישע ניגונים בעיקר פון חזן זיידל ראוונער, איז קען זיין אז דער ניגון איז פון אים.
אבער איך מיין אז ר' נחמי' שענגוט שליט"א מחסידי באבוב מב"ב, האט אמאל געזאגט אז דער מחבר איז די זעלבע וואס האט מחבר געווען ועל הנסים, וואס מ'זונגט אין באבוב חנוכה.

די פיוטי אהבה וגאולה זענען יוצרות לשבתות בין פסח לשבועות, עס ווערט געזאגט אין אלע יעקישע קהלות ביים דאווענען און עס איז געדריקט אין די יעקישע סידורים. דאכצעך אויך אין די רבי יעקב עמדין סידור איז עס געדריקט.

די ניגון שכולה אכולה איז נתחבר געווארן דורך די פארצייטישע בעל תפלה/חזן וועם מען האט אנגערופן די פשעמישל שוחט (כך שמעתי מר' שאול הוטערער ע"ה).

איך בין כמעט הונדערט פראצענט זיכער אז רבי איטשע שטרום ע"ה זינגט נישט אויף דער קליפ, מיר זעהט עס אויס צו זיין רבי שאול ע"ה (די הארמינייזער) און מעגליך רבי נחמי' שענגוט שליט"א. איך האב ערגעץ אינדערהיים א טעיפ פון רבי שאול הוטערער ע"ה ווי ער זינגט דער ניגון, עמיר זען אויב איך קען עס טרעפן.

[פארצייטישע]

איך האב געקויפט א סי.די וואס גמ"ח קנאפללער (באבוב 45) האט יעצט ארויסגעגעבן פון 20 פארצייטישע ניגונים, געזונגען דורך בעלי מנגנים פון באבוב.
עס קאסט בלויז 3 דאלער, איך האב עס נאכנישט געהערט אבער איך האב נאכגעהערט אז ס'איז זייער שיין. ספעציעל פאר די וואס זענען אינטערסירט אין די סארט ניגונים.

איך וועל אראפשרייבן די ניגונים אזוי ווי ס'שטייט אויף דעם דעקל.
א) ריקוד: הרה"ח ר' יוסף מאנדלבוים ע"ה
ב) ניגון - ויאתיו: הרה"ח ר' הערש לייב באקאן ז"ל
ג) מארש: הרה"ח ר' יוסף מאנדלבוים ע"ה
ד) י-ה רבון: הרה"ח ר' עזריאל מאנדלבוים ז"ל הי"ד
ה) ניגון - קדיש: הרה"ח ר' ראובן פרץ קויפמאן ז"ל
ו) וואלס: ניגון עתיק
ז) אל תירא: הרה"ח ר' זיידא ראוונע ז"ל
ח) ריקוד: הגה"ח ר' יחזקאל קלאגסבאלד ע"ה
ט) וואלס: הגה"ח ר' עזריאל מאנדלבוים ז"ל הי"ד
י) צור משלו: הגה"ח ר' אבוש מאיר בראנסדארפער ז"ל
יא) מארש: הרה"ח ר' יוסף מאנדלבוים ע"ה
יב) מארש: הרה"ח ר' יוסף מאנדלבוים ע"ה
יג) הללו את ד': הרה"ח ר' יוסף מאנדלבוים ע"ה
יד) מארש: הרה"ח ר' יוסף מאנדלבוים ע"ה
טו) ממקומך: הרה"ח ר' אהרן מיללער ע"ה
טז) מארש: הרה"ח ר' יוסף מאנדלבוים ע"ה
יז) מארש: לבית דזיקוב
יח) לכה דודי: הרה"ח ר' משה דוד מאנדלבוים ע"ה
יט) י-ה קלי: הרה"ח ר' אהרן מיללער ע"ה
כ) מארש: הגה"ח ר' חיים דוד בלום ז"ל הי"ד

[אלץ-ווייסער]

הרב לעווי.
אין עמדין סידור טרעף איך נישט די פיוטי אהבה וגאולה. אפשר ווייסט גענוי ווי עס געפינט זיך
א דאנק.

[אלץ-ווייסער]

וועלכע בנציון שענקר ניגון איז דאס ביטע?

וועלכע ניגון איז דאס?

[מאשקע]

אלצי, אז דו ווילסט עפעס וויסן וועגן בנציון שענקער, פארוואס פרעגסטו נישט מיך?

מ'הערט זייער שווער די ווערטער, אבער דאס איז היום הרת עולם. ער מאכט יעדן ימים נוראים נייע ניגונים, וואס ער זינגט ביים דאווענען פאר'ן עמוד.

[יהיה כן]

מאשקעלע איך פרעג דיך יא
וואס פארמאגסטע פון בנציון'ען (אויסער זיינע טעיפס וואס איז צובאקומען אין די געשעפטן) כהאב א קאלעקציע פון אים (יארצייטן מסיבות, פריוואט ועוד ועוד) אפשר קענען מיר נהנה זיין

[מאשקע]

יהי'לע, איך האב א שיינע פאר גיגעלעך דערפון. טאמער איינער קען נהנה זיין פון איינעם, איז עס לכאורה דו פון מיר... ווייל איך קאלעקט דאס שוין פאר לאנגע יארן. אבער מ'קען קיינמאל נישט וויסן; ס'פעלט מיר אפאר מסיבות פון די לעצטע פאר יאר. קענסט דיך פארבינדן מיט מיר אויף אימעיל.