אידישע וועלט פארומס

אינטעליגענט האט געשריבן:קודם כל האבן זיי נישט קיין אנדערע ניגון אין די תורה אויך נישט, נאר די אתנחתא און סוף פסוק זאגן זיי ענליך צו די ליטווישע. שנית, האב איך נישט געהערט אין די מגילה קיין איין טראפ אנדערש ווי ביי אונז. [חוץ אונזערע גרייזן...]
איין זאך יא, ער לייגט צו א שטיקעלע געדרייכעטס ביי די תביר'ס, דוכט זיך אז אויך ר' ישראל מענדל מאכט אט דעם דריי. מעגליך האבן זיי דאס געהערט פון א פריערדיגן.

פייש קרויז האט געשריבן:בעצם דער גאנצער חילוק צווישן די ליטווישע אין די חסידים ביי טראפן, איז טאקע נאר דער אס"ף און רביע.
איך האב אמאל געהערט פון ר' ישראל מענדל א טעם אין די "רביע" ווייל ס'האט פיר ביעטס. רבי-איי-הע-הע-היי. דערפאר הייסט עס "רביע" ער האט עס לכאורה נישט אויסגעטראכט, אבער ס'שטימט נישט מיט די ליטווישע רביע.

פייש קרויז האט געשריבן:אינטעליגענט.
דערמאנסט מיך דער מאמר העולם, דאונט אינסאלט מיי אינטעליג'ענס. איך האב יארן לאנג געהערט כל מיני ליטווישע ליינען.
ס'איז שווער זיך צו טענה'ן אויף אזא זאך, פון איך האב געהערט דו האסט געהערט, אבער וואס איך האב געהערט כסדר איז געווען, אז ביי די ערשטע תנועה וויאזוי דו רופסט עס, איז דא שנעלע צוויי אדער דריי תנועות, וואס דאס פארגרינגערט די פלוצלינגדיגע שטארקע נידערונג פונ'ם טאן, דו"ק ואולי תשכח, קען זיין נאר, אז געוויסע לאזן עס אויס..

פייש קרויז האט געשריבן:איך טראכט נאר, אז אפשר איז טאקע דער רביעי מער אויסגעהאלטן לשיטתם, ווייל ביי אונז, איז עכט נאר דא דריי תנועות נאכ'ן ענדיגן די ווארט, אבער ביי זיי איז דא פיר נאכ'ן ווארט.

גרונם האט געשריבן:איינער קען אפשר ארויפלייגן קריאת המגילה פון א בעל קורא מומחה? איך וויל זיך אויסלערנען ליינען די מגילה גוט און פונקטליך און שיין.

אינטעליגענט האט געשריבן:איך האב שוין אין מיין לעבן געהערט מער ווי צוואנציג בעלי קורא, און קיינמאל געהערט דעם פזר אנדערש ווי ר' ישראל מענדל.
אזוי באלאנגט עס אין די מגילה, ענליך צו א גרשיים, נאר קודם אביסל אראפציר, און דערנאך א קנייטש ארויף דערנאך פונקט ווי א גרשיים, אנדערש ווי אין די תורה, וואס מ'קומט מיטן פזר פולשטענדיג צוריק אראפ, בלייבט מען אין די הייך ביי די מגילה-פזר.

ראש המערכה האט געשריבן:איז דא איינער מיט א קלארע ריקארדינג אויסלערנען ליינען מגילה?

סטאוו יא פיטא האט געשריבן:

ראש המערכה האט געשריבן:איז דא איינער מיט א קלארע ריקארדינג אויסלערנען ליינען מגילה?

פראביר איינע פון דיע אויף קול הלשון

https://www.kolhalashon.com/New/Shiurim ... enus=False

(די לינק איז צו חסיד'ישע הברה, אויכט דא אלע אנדערע הברות)