בלאט 1 פון 3

ביי די חנוכה לעכט מיט ר' ירמיה דמן.

געשריבן: דאנערשטאג נאוועמבער 27, 2008 5:46 pm
דורך וויכטיג מאכער
דאונט ווארי, מיין מנורה איז נאכנישט גרייט אויפן ספעציעלן נר מצוה-מנורה סטענד, אויסגעפוצטערהייט, מיט די אויל אין די גלעזעלעך, און מיט די קנויטן געווייקט דערינען, מיין מנורה ליגט נאך געהעריג אין די טשייניק-קלאזעט, צווישן דעם אתרוג האלטער, און די בשמים ביקסל וואס כ'האב באקומען פון מוסדות.....

נאר וואס דען? צו וואס האבעכמעך יעצט דערמאנט פון חנוכה?

כ'ווייס, (פרעג נישט פון וואו כ'ווייס) אז נאכן ליינען דעם קעפל וועלן מאנכע זיך פארשטעלן אז כ'האלט יעצט אינמיטן הערן א געשמאקע טעיפ פון ירמיה דמן, אבער דער אמת איז נישט אזוי, כ'זיץ יעצט ביי מיר אין אפיס אנגעצויגן ווי א א......... כ'ווייס נישט וואס (כ'קען נישט אלעס וויסן) און כ'ריפרעש יעדע צוויי מינוט די אריבער 10 פעידזשעס וואס כ'האב אפען אויף מיין בראוזער, צו זעהן, אפשר האט שוין איינער עפעס גוטע נייעס בנוגע אונזערע ברודער הנתונים בצרה ובשביה.... און א-וואו צו להכעיס, איז ליידער נישט דא (לאמעך יעצט נאכאמאל ריפרעשן....... נאופס! סיניש דא גארנישט!) קיין נייעס, זוכענדיג צו בארוהיגן מיינע נערוון, האבעך אריינגעבליקט אין קרעטשמע אביסל, ו'אלל אוו דע סאדען, (קרעדיט: אלטער) כאמעך דערמאנט!

נעכטן נאכט האבעך אריינשפאצירט אין מיין באליבטן געשעפט, לי עוו. פאוטאו, כאמעך אביסעלע אומגעקוקט אויף די נו ריליס סעקשן, זיכענדיג פאר עפעס ניי, שפאצירצעך אריין ר' לאנגזאם פון לחיים דיסטריביוטער, און ער באמערקט מיך, ער ווייסט אז איך וויל הערן וואס ער האט צו זאגן, גייטער גראד צו צום פאונט, (איין מינוט כ'גיי ריפרעשן..........נאכאלץ נישט) וויכי, ס'קומט א גוטס! וואס? אייזיק האניג האט א נייע יודעלע טעיפ, פרעגעך? זאגטער ניין! שוועקי האט א נייע רחם? ניין! מרדכי בן... ניין! אברהם... ניין! ס'קומט א גוטס! זעהענדיג אז כ'בין שוין זייער נייגעריג זאגטער גראד ווייטער, וויכי, געדענקסט א טעיפ "עתיקא קדישא"? יא, זאגעכעם, ס'קומט ארויס נאך א חלק פון שאלעשידעס? זאגטער ניין, אבער ס'קומט ארויס אזא מין (סטייל, בלע"ז) סי די אויף חנוכה, ס'הייסט? זייער פשוט, ס'קומט ארויס אין די נעקסטע פאר וואכן א סי די אויף חנוכה געזינגען דורך "ירמיה דמן" אויף די סטייל פון "עתיקא קדישא", ער פירט אויס מיט פאטאס (וועא"מ) "יעדער וועט קענען זיצן ביי די חנוכה לעכטעלעך מיט ירמיה דמן".

אויף מיין פראגע וויזוי ס'וועט הייסן די נייע סידי, האטער געזאגט אז ער ווייסט נאכנישט.

(איין מינוט, כ'גיי ריפרעשן.... סעים ווי פריער) יעצט העמער מוזן ווארטן אליין (שפאנונג מיט געדולד זענען געפארן אויף אינדיע ארויסצוהעלפן מיט די סיטואציע) אויף די נייע סידי, און אזוי ווי ס'וועט זיין צו באקומען וועט מען אי"ה מעלדן, און באקומען א באריכט פון "צייטליך".

געשריבן: דאנערשטאג נאוועמבער 27, 2008 5:57 pm
דורך יגרסהדותא
וויכי; דיין אריינמישן די ביסל טרויערדיגע מעשה פון אינדיע אינעם טעיפ האט געהאלפן איך זאל נישט שטארבן פאר שמחה, געדענקסט עפעס חי' שרה איז געשטארבן צוליב שמחה אז מ'גייט ברענגן איר קינד פאר א קרבן, יא?

שיין באשריבן

געשריבן: דאנערשטאג נאוועמבער 27, 2008 9:54 pm
דורך איך_הער
וויכי, ביוריפעל, שיין באשריבן, כאטש ווען איינער וועטעס ליינען אין א יאר ארום, וועטער נישט האבן קיין אהנונג ווי קלאגן 'איכה' קומט אריין ממש פאר חנוכה.

געשריבן: דאנערשטאג נאוועמבער 27, 2008 10:48 pm
דורך מאשקע
געדולד ווארט מיט מיר.

געשריבן: פרייטאג נאוועמבער 28, 2008 1:40 pm
דורך סאכדעס
WOW WHAT A SURPRICE יישר כוח פאר די גוטע נייעס.

געשריבן: זונטאג נאוועמבער 30, 2008 2:47 pm
דורך שמערי בערי
וויכי, צוויי מאל שכח, איינס פאר די נייעס, און צוויי פארן עס אזוי שיין באשרייבן.

געשריבן: זונטאג נאוועמבער 30, 2008 2:52 pm
דורך פויער
שכוח וויכי WOW

מיר ווארטן קוים עס צו הערן די עתיקא טעיפס זענען מיינע פעיווערעט טעיפס

געשריבן: זונטאג נאוועמבער 30, 2008 3:41 pm
דורך אלחנן
דא האט איר א בילד פונעם דעקל!

געשריבן: זונטאג נאוועמבער 30, 2008 3:46 pm
דורך שמערי בערי
WOW

זעט אויס גוט!

געשריבן: זונטאג נאוועמבער 30, 2008 4:32 pm
דורך לחיים ולברכה
דער תמניא אפי האט ער אויך??????? געוואלדיג!!!!!

פאר דער וואס וויל פארשטיין מיין גרויסע שמחה, וועל איך ערקלערן. דער ראפשיצער רב האט געמאכט 7 ניגונים וואס זענען מסוגל לטהרת הנשמה. איינס פון זיי איז דער תמניא אפי. כ'האב דאס געהערט אלץ בחור, און כ'האב דאס ערגעץ אויף טעיפ, אבער כ'ווייס נישט וואו דאס איז, און יענער האט געזאגט אז ער קען דאס נישט ריכטיג.

כ'האף דאס צו קויפן בעז"ה און אביסל מטהר זיין די נשמה דערמיט ביים חנוכה ליכט.

געשריבן: זונטאג נאוועמבער 30, 2008 4:40 pm
דורך וויכטיג מאכער
איך האב באקומען די דעקל פון די סידי, ס'איז אביסל אנדערש ווי די וואס חָני האט געלייגט, און לויט ווי כ'האב פעסטגעשטעלט, האט חָני ארויפגעלייגט די גוטע, (כ'מיין אז דאס וואס איך האב, איז קודם געוועין די קאווער, און שפעיטער ווען ס'איז געווארן א ס'גייט זיין א דאבבעל אלבוים האט מען עס אביסל געטוישט) און כדי מ'זאל וויסן וועכע דעקל די סי די גייט "נישט" האבן, העלעך אויך לייגן די אנדערע.

געשריבן: זונטאג נאוועמבער 30, 2008 4:43 pm
דורך וויכטיג מאכער
יעצט ווען כ'באטראכטעס, מיינעך אז אלחנן האט לכוראה א בילד פון די פאוסטער, און מיין פיקטשער, איז א בילד פון די דעקל.

געשריבן: זונטאג נאוועמבער 30, 2008 5:03 pm
דורך שמערי בערי
לכאורה אזוי

געשריבן: זונטאג נאוועמבער 30, 2008 7:04 pm
דורך קרעמער
וועט דאס זיין צו באקומען אויך אין קאסעטע, אדער נאר אין קאמפעקט-דיסק?

געשריבן: דינסטאג דעצעמבער 02, 2008 12:12 pm
דורך פלאפי יוד
די מאדנע זאך פון די טעיפס זענען אז מ'לייגט נישט אריין אזויפיל געלט דערין ווי אנדערע טעיפס, און זיי פארקויפן זיך אין די מאסן!

כ'מיין אז די טעיפס פארקויפן א געוואלד ווייל סרעדט צו יעדעם איינעם. אפי' איינער מיט א כזית קאפל וואס שטאמט פון א חסידיש הויז האט אויך ליעב אמאל אן אלטן גוטן ניגון ובפרט ווען ר' ירמי' זינגט עס.

אזוי מיין איך. וואס איז דיין מיינונג? הא?!

געשריבן: דינסטאג דעצעמבער 02, 2008 12:23 pm
דורך ארפכשד
מיין מיינונג איז, אז די אמת' נקודה אין הארץ פארלעשט זיך קיינמאל! ווי ווייט מען זאל נאר נישט זיין פארזינקען, ווערט מען אלעמאל נתעורר פון א ערליכע ווארעמער ניגון!

מען קען הערן אויף איינע פון די ערשטע אינטערוויוס אויף קול מבשר (אויב ס'ליגט נאך דארט בכלל.. גיי טשעק עס אויס) ווי ר' יוסף משה כהנא זאגט נאכן ארויסגעבן די וועלט בארימטע סקלענע טעיפ (וויאזוי הייסט עס נאָר? יא איך דערמאן זיך שוין "הגומל חסדים טובים") האט ער געזאגט אז די אלע שפילערס מיט קליינע קאפעלעך זענען מורא'דיג נתרגש געווארן ביים שפילן די הייליגע לעכטיגע סקלענער ניגונים.

געשריבן: דינסטאג דעצעמבער 02, 2008 1:06 pm
דורך פלאפי יוד
איך וויל חלילה נישט פארגלייכן און איך זאג 1000 מאל להבדיל אלף אלפי הבדלות , איך בין אמאל געוועהן אין א סטודיא ווי א גוי איז געוועהן אינדשעניר און מ'האט רעקארדיט אן אלטן ניגון אן ווערטער, נאך פונדערהיים, און ווען דער זינגער האט געזינגען דעם הויכן פאל בין איך געוועהן מיטן גוי אין די קאנטראל רום און איך האב באמערקט ווי ער ווערט זייער איבערגענומען און ער מאכט מיט די הענט. און פלוצלונג האט ער איבער געהאקט דעם זינגער און אים געזאגט אז ער זינגט נישט גענוג ווארעם... און אז ער וואלט געדארפט מער קרעכצן....

דער גוי האט אונז שפעטער געזאגט אז אפשר אלץ גוי וואס האט שטודירט מיוזיק פארשטייט ער בעסער ווי א איד צו אראנדשירן א ניגון, אבער צו מאכן א ניגון און צו מאכען אזעלעכע טיעפע תנועות און קנייטשן פארשטייען מיר אומגעלערנטע יודעלעך אסאך בעסער!

איך מיין ווייל מיר מאכען ניגונים פון הארץ. ווען דער סקולענער רבי זצ"ל האט געמאכט דעם ניגון "יודע בגוים" האט ער עכט געבלוטיגט און גלות רומעניא. און ווען א יוד זינגט היינט-צו-טאגס דעם ניגון, און ער שרייט "תבא לפניך אנקת אסיר" טיעף אין הארץ ווייסט ער אליין זיין פעקעלע פראבלעמען וואס ער שלעפט נעבעך ארום מיט אים, און ער וואלט עס גערן אוועקגעגעבן פאר יעדן דורכגייעדיגער גוי.

דאס איז מיין מיינונג, וואס איז אייער'ס? נ'אדרבה....

געשריבן: דינסטאג דעצעמבער 02, 2008 2:28 pm
דורך מאשקע
פלאפי, מיין מיינונג איז גענוי ווי דיינ'ס! דיין מעשה איז אן אינטערעסאנטע און די מוסר השכל איז א באלערנדע.

געשריבן: מיטוואך דעצעמבער 03, 2008 11:11 am
דורך שטיקל גבאי
אבער למעשה, איך האלט מיך קוים די אטעם, ווען וועט דאס זיין און די געשעפטן???????????

געשריבן: מיטוואך דעצעמבער 03, 2008 11:13 am
דורך ארפכשד
מען ווייסט נאך נישט גענוי א דעיט!

געשריבן: מיטוואך דעצעמבער 03, 2008 11:23 am
דורך ווארום
איך האב עס היינט שוין געהערט שפילן אין מיין לאקאלע גראסעריי.

געשריבן: מיטוואך דעצעמבער 03, 2008 11:25 am
דורך ארפכשד
טאקע? ביסט זיכער אז דאס איז עס?

געשריבן: מיטוואך דעצעמבער 03, 2008 3:41 pm
דורך וויכטיג מאכער
ווארום האט געשריבן:איך האב עס היינט שוין געהערט שפילן אין מיין לאקאלע גראסעריי.


ווארום דארפסט מיר נישט ענטפערן, (וועגן גילו) אויב דו האסטעס געהערט היינט אין א סטאר, וואוינסטע אין א"י, און אויב וואוינסטע נישט אין א"י, האסטע'ס נישט געהערט!

די טעיפ איז שוין דא צו באקומען אין א"י, און ס'וועט זיין אין אמעריקע, בע"ה, אין די נאנטע טעיג.

געשריבן: מיטוואך דעצעמבער 03, 2008 7:04 pm
דורך לחיים ולברכה
און אז מ'איז נענטער קיין ארץ ישראל ווי פון אמעריקא האט ער דאס זיכער נישט געהערט? ער קען שנעלער האבן שלוחים פון ארץ ישראל ווי דו.

געשריבן: מיטוואך דעצעמבער 03, 2008 7:09 pm
דורך וויכטיג מאכער
לחיים ולברכה האט געשריבן:און אז מ'איז נענטער קיין ארץ ישראל ווי פון אמעריקא האט ער דאס זיכער נישט געהערט? ער קען שנעלער האבן שלוחים פון ארץ ישראל ווי דו.


לחיים, כ'גלייב אז דו ווילסט מיך נישט פארהערן, אויב וואוינט ער נישט אין א"י האטערעס נישט געהערט, נאר אויפן טעלעפאון!