בלאט 1 פון 2

די גלאגיווער אינגעלייט

געשריבן: דאנארשטאג אוקטובער 23, 2008 2:41 pm
דורך חוקר
איך בין דעם יו"ט אריין קיין סטיטשין האט מיר איינער געוויזן אויף איין ניגון אז דער ניגון קימט פון ליצם און די ווערטער איז זייער נישט איידל ער זאגט מיר עס איז דא אידן וואס קענען די ווערטער אבער ער האט דאס נישט געוויסט אויף אזויפיל האט ער יא געוויסט אז עס הייבט זיך אן "די גלאגיווער אינגערלייט האבן זיך פארצייט(וואס דאס מיינט ווייס איך נישט)
יעצט וויל איך בעטן ביי דער וואס קען די ווערטער אדער נאר א טייל פון די ווערטער זאל ביטע מהנה זיין דעם עולם

געשריבן: דאנארשטאג אוקטובער 23, 2008 2:48 pm
דורך לעווי
איך קען נישט די ווערטער פון די ניגון, די דברי חיים זצ"ל האט געהערט ווי ציגייינער זינגען עס אין א שענק און האט עס אריבערגעברענגט אל הקדושה. די באבוב'ער רב זצ"ל פלעגט נאר זינגען די ערשטע פאר ווערטער פון די ניגון ווען ער פלעגט רעדן איבער דער ניגון אבער נישט ווייטער ווייל עס איז נישט געווען א איידלע ניגון.

געשריבן: דאנארשטאג אוקטובער 23, 2008 2:56 pm
דורך קרעמער
חוקר;

גם אני שמעתי אז דער ניגון קומט פון ווערצהויז, און דערפאר דארפן די ווערטער נישט געשריבן ווערן אין אונזער היימישע ווערצהויז.

מען דערציילט אז הרה"ק מ'ראפשיץ האט אמאל גענומען זינגן דעם ניגון מיט א פלאם, זאגנדיג אז דער בדחן וואס האט ארויפגעלייגט די שמוציגע ווערטער דערויף איז אים געקומען בעטן א תיקון, דערפאר האט ער דאס געזונגן (אפשר טאקע ביי די הקפות) כדי אים צו פארריכטן.

אין באבוב זינגט מען דאס ביי די הקפות (כ'מיין אויף אנא ה' הושיעה נא וכו').

געשריבן: דאנארשטאג אוקטובער 23, 2008 3:39 pm
דורך חוקר
קרעמער שרייבט
גם אני שמעתי אז דער ניגון קומט פון ווערצהויז, און דערפאר דארפן די ווערטער נישט געשריבן ווערן אין אונזער היימישע ווערצהויז.

איך מיין אז אמאל וואס האט געהייסן "נישט איידל" איז היינט אזוי איידל אבער אז מען וויל עס נישט ארויף לייגן קען מען עס ביטע שיקן אויף עלעקטרנישע פאסט צו מיר א דאנק
אגב האט מיר יענער געזאגט אז סטיטשנער רב זצ"ל פלעגט יא לפעמים זינגען די ווערטער איז עס מנהסתם נישט עפעס אזוי "נישט איידל" נאר פאר אזאלכע צדיקים איז דאס א חידש

געשריבן: דאנארשטאג אוקטובער 23, 2008 3:45 pm
דורך חוקר
עס קימט נאך פון ראפשיץ ווייל ווי קימט עס אן קיין סטיטשין און זיי האבן קלאר מקבל אז דאס קימט פון ראפשיצער רב(נישט פון צאנז נאר צאנזער רב האט דאס אויך געזינגען כמנהג רבו)

געשריבן: דאנארשטאג אוקטובער 23, 2008 4:35 pm
דורך סאדע_באטל
לפי מיטב ידיעתי
זענען די ערשטע פאר ווערטער

די גלאגובער לייט
זענען זייער פארשייט

וכו' וכו'

לכאורה זענען די ווערטער נישט איידל בכלל, ווייל די אמאליגע אידישע פויערן האבן גערעדט זייער מיאוס, דאכט זיך מיר אז פארשייט מיינט עפעס גאר נישט איידל...

געשריבן: דאנארשטאג אוקטובער 23, 2008 4:39 pm
דורך ראמני 08
סאדע_באטל האט געשריבן: דאכט זיך מיר אז פארשייט מיינט עפעס גאר נישט איידל...

ווערטער וואס די פארשטייסט נישט דאכט זיך דיר שוין אז עס איז נישט איידל?

געשריבן: דאנארשטאג אוקטובער 23, 2008 4:44 pm
דורך חוקר
איך קען נישט זאגן מיט א ברירת אבער איך מיין אז היינט ליידער נישט קיין פוירן רעדען אסאך ארגער ווי די אמליגע פוירן

געשריבן: דאנארשטאג אוקטובער 23, 2008 7:02 pm
דורך פלאפי יוד
נא, חוקר, זיי נישט מקטרג!!!!

געשריבן: פרייטאג אוקטובער 24, 2008 11:40 am
דורך וואלדעק
לויט ווי איך האב אמאל געהערט איז די מעשה אזוי געווען.

דער הייליגער ראפשיצער רב איז אמאל אנגעקומען צו א חתונה און די שטאט גלאגוב, ווי מ'איז געטאנצן בתערובות,
האט זיך דער ראפשיצער אויפגשטעלט אויף א טיש און אנגעהויבן צו גראמען, אזוי ווי ער פלעגט כסדר בדחנען ביי חתונות.
האט ער געזאגט אזוי:
די גלאגובער יונגעלייט
זענען זייער פארשארט
זיי טאנצן און שפרינגען
יונגען און מוידען.

און אזוי ווי די חברה האבן געזעהן אז ער מיינט נישט בדחנען נאר מוסר'ן, זענען זיי צוגעלאפן צו אים און אים געוואלט שטיל מאכן אויף אייביג.
האט ער זיך גענומען לויפן און ארויס געטאנצן פון פענסטער, און זיך געראטעוועט.

די מקור פון די מעשה ווייס איך נישט, ס'ליגט מיר נאר אזוי און מוח וואס איך האב געהערט יארן צוריק.

געשריבן: זונטאג אוקטובער 26, 2008 1:19 am
דורך האווערד דיען
"פארשייט" מיינט אויסגעלאסן

געשריבן: דינסטאג מאי 29, 2018 9:04 pm
דורך ידיעות שונות
כ'האב אנגעטראפן דעם פארשטויבטן אשכול (אגב זוכענדיג פאר סטיטשין), און איך זעה א היבשע חסרון ידיעה אויף דעם הייליגן תנועה המקובל ממרן הרה"ק מראפשיץ זי"ע, און ווערט געזונגען ביי די הקפות ביי א צאהל חסידישע הויפן, מיט א רגש קודש ובגעגועים.

קודם וועל איך אראפ לייגן וואס איך האב געהערט מפי אנשים נאמנים ומוסמכים דברים כהוויתן, און נאכדעם וועט מען בעז"ה גיין על ראשון ראשון מגיב זיין אויף וואס די זקני הישוב האבן געשריבן פאר א קי"ל פון בערך צעהן יאר צוריק.

איז אזוי.
דער ניגון האט דער ראפשיצער רב איינגעפירט צו זינגען ביי הקפות אויף אנא השם מחמת א מעשה שהי'.
די מעשה איז געווען אז איין יאהר ביי הקפות פאר אנא השם האט זיך דער ראפשיצער רב אפגעשטעלט ביים ווינקל פון ביהמ"ד און געבליבן שטיין פאר א וויילע, נאך א שטיק צייט האט ער אנגעהויבן די הקפות, און אויף אנא ה' האט ער געזינגען דעם דאזיגן באקאנטן ניגון, דער עולם האט זיך געווינדערט וואס דא גייט פאר.
נאך הקפות האט דער הייליגער ראפשיצער רב מסביר געווען וואס דארט איז געווען. האט ער פארציילט אז בשעת הקפות איז געקומען א נשמה און געבעטן א תיקון, האט ער איהם געפרעגט וואס א שייכות האט ער מיט איהם אז ער איז איהם שולדיג א תיקון, האט דער נשמה געענטפערט אז ער איז געווען א זינגער און ער האט משמח געווען ביים ראפשיצער רב'ס חתונה.
האט ער געפרעגט די נשמה אויף וועלכע עבירה מ'איז איהם דן אויף יענע וועלט, אויף דעם איז געקומען דער ענטפער אז זיין חטא איז ניבול פה, וויבאלד ער איז געווען א זינגער פלעגט ער זינגען נישט ריינע ניגונים און אויף דעם דארף ער א תיקון. האט דער ראפשיצער רב געבעטן ער זאל זינגען א שטיקל, און ער האט געזינגען דעם ניגון 'די גלאגיווער לייט'. און דער ראפשיצער רב האט דעם ניגון ארויפגעלייגט אויף די הקפות צו ברענגען א תיקון פאר דער נשמה. ע"כ המעשה.

דער תנועה פונעם ניגון איז גאר ווארעם און הארציג, און איז ליידער גענוצט געווארן דורך די פויערן אויסצודרוקן זייערע הרגשים צו דברים שפלים.
דער ראפשיצער רב האט די הייליגע תנועות מקדש געווען און מתקן געווען, און געזינגען אין די העכסטע צייט פון יאהר, מיט דביקות און אהבה צום הייליגען בורא כל עולמים.
דער ניגון איז געווארן מקודש בקדושה של מעלה און איז געווארן דער קביעות'דיגער ניגון אויף הקפות ביי אלע חצרות מגזע בית ראפשיץ פאר די קריג.

אבער למעשה האבן די פויערן אין גאליציע ממשיך געווען צו זינגען די ניגון מיטן גאנצן פויערישקייט כמקדמת דנא, און דאס איז אנגעגאנגען ביזן קריג. נאך מעהר, דער ניגון איז געווען גאנץ מפורסם צווישן די פויערישע שענק אין די שטעטלעך, אלס רעזולטאט פון דעם איז געווען צווישן די עלטערע דור א שיינע צאהל גאליציאנע אידן וואס האבן געדענקט די ווערטער פונעם ניגון ארגינעל, וויבאלד זיי האבן עס געהערט פון די פחותים שבעם.

באבוב'ער רב האט אויך געדענקט דעם ניגון פון דער היים אזוי ווי אסאך אנדערע גאליציאנע אידן, אבער ער האט נאר געזינגען ממש די ערשטע שטיקל.
איך האב גראדע יא געהערט אביסל ווייטער פון א צווייטען עלטערן איד, אבער אויך ממש א קליין חלק.

מיר דאכט זיך אז די גירסאות וואס זענען דא געברענגט געווארן זענען נישט אקוראט, און עכ"פ א טייל זענען זיכער פארדרייט.

מ'העמיר בעז"ה צוריק קומען שפעטער.

געשריבן: דינסטאג מאי 29, 2018 9:11 pm
דורך איסר האטלקי
הגרח''י הלברשטאם מסאטמאר מאנסי זינגט עס יעדעס יאר שמחת תורה.

געשריבן: דינסטאג מאי 29, 2018 9:14 pm
דורך ידיעות שונות
אזוי אויך אלע אנדערע מקומות וואס שטאמען פון ראפשיץ.

סאטמאר מאנסי נעמט עס פון זיין טאטע האדמו"ר מבית חיים יהושע, נכד הקדושת ציון מבאבוב.

געשריבן: דינסטאג מאי 29, 2018 9:42 pm
דורך אדער יא
זייער זייער אינטערסאנט, ייש"כ ידיעות!

געשריבן: דינסטאג מאי 29, 2018 9:51 pm
דורך צולייגער
אדער יא האט געשריבן:זייער זייער אינטערסאנט, ייש"כ ידיעות!

געשריבן: דינסטאג מאי 29, 2018 9:57 pm
דורך חמרא טבא
ידיעות שונות האט געשריבן:כ'האב אנגעטראפן דעם פארשטויבטן אשכול (אגב זוכענדיג פאר סטיטשין), און איך זעה א היבשע חסרון ידיעה אויף דעם הייליגן תנועה המקובל ממרן הרה"ק מראפשיץ זי"ע, און ווערט געזונגען ביי די הקפות ביי א צאהל חסידישע הויפן, מיט א רגש קודש ובגעגועים.

קודם וועל איך אראפ לייגן וואס איך האב געהערט מפי אנשים נאמנים ומוסמכים דברים כהוויתן, און נאכדעם וועט מען בעז"ה גיין על ראשון ראשון מגיב זיין אויף וואס די זקני הישוב האבן געשריבן פאר א קי"ל פון בערך צעהן יאר צוריק.

איז אזוי.
דער ניגון האט דער ראפשיצער רב איינגעפירט צו זינגען ביי הקפות אויף אנא השם מחמת א מעשה שהי'.
די מעשה איז געווען אז איין יאהר ביי הקפות פאר אנא השם האט זיך דער ראפשיצער רב אפגעשטעלט ביים ווינקל פון ביהמ"ד און געבליבן שטיין פאר א וויילע, נאך א שטיק צייט האט ער אנגעהויבן די הקפות, און אויף אנא ה' האט ער געזינגען דעם דאזיגן באקאנטן ניגון, דער עולם האט זיך געווינדערט וואס דא גייט פאר.
נאך הקפות האט דער הייליגער ראפשיצער רב מסביר געווען וואס דארט איז געווען. האט ער פארציילט אז בשעת הקפות איז געקומען א נשמה און געבעטן א תיקון, האט ער איהם געפרעגט וואס א שייכות האט ער מיט איהם אז ער איז איהם שולדיג א תיקון, האט דער נשמה געענטפערט אז ער איז געווען א זינגער און ער האט משמח געווען ביים ראפשיצער רב'ס חתונה.
האט ער געפרעגט די נשמה אויף וועלכע עבירה מ'איז איהם דן אויף יענע וועלט, אויף דעם איז געקומען דער ענטפער אז זיין חטא איז ניבול פה, וויבאלד ער איז געווען א זינגער פלעגט ער זינגען נישט ריינע ניגונים און אויף דעם דארף ער א תיקון. האט דער ראפשיצער רב געבעטן ער זאל זינגען א שטיקל, און ער האט געזינגען דעם ניגון 'די גלאגיווער לייט'. און דער ראפשיצער רב האט דעם ניגון ארויפגעלייגט אויף די הקפות צו ברענגען א תיקון פאר דער נשמה. ע"כ המעשה.

דער תנועה פונעם ניגון איז גאר ווארעם און הארציג, און איז ליידער גענוצט געווארן דורך די פויערן אויסצודרוקן זייערע הרגשים צו דברים שפלים.
דער ראפשיצער רב האט די הייליגע תנועות מקדש געווען און מתקן געווען, און געזינגען אין די העכסטע צייט פון יאהר, מיט דביקות און אהבה צום הייליגען בורא כל עולמים.
דער ניגון איז געווארן מקודש בקדושה של מעלה און איז געווארן דער קביעות'דיגער ניגון אויף הקפות ביי אלע חצרות מגזע בית ראפשיץ פאר די קריג.

אבער למעשה האבן די פויערן אין גאליציע ממשיך געווען צו זינגען די ניגון מיטן גאנצן פויערישקייט כמקדמת דנא, און דאס איז אנגעגאנגען ביזן קריג. נאך מעהר, דער ניגון איז געווען גאנץ מפורסם צווישן די פויערישע שענק אין די שטעטלעך, אלס רעזולטאט פון דעם איז געווען צווישן די עלטערע דור א שיינע צאהל גאליציאנע אידן וואס האבן געדענקט די ווערטער פונעם ניגון ארגינעל, וויבאלד זיי האבן עס געהערט פון די פחותים שבעם.

באבוב'ער רב האט אויך געדענקט דעם ניגון פון דער היים אזוי ווי אסאך אנדערע גאליציאנע אידן, אבער ער האט נאר געזינגען ממש די ערשטע שטיקל.
איך האב גראדע יא געהערט אביסל ווייטער פון א צווייטען עלטערן איד, אבער אויך ממש א קליין חלק.

מיר דאכט זיך אז די גירסאות וואס זענען דא געברענגט געווארן זענען נישט אקוראט, און עכ"פ א טייל זענען זיכער פארדרייט.

מ'העמיר בעז"ה צוריק קומען שפעטער.

קיינמאל געהערט אז די אלטע אידן האבן געקענט די ווערטער כ׳מיין איר מישט אויס מיט א ניגון וואס צאנזער רב פלעגט זינגען שמחת תורה ״מויע דאנא״ וואס מען פלעגט זינגן ביי גואישע חתונות ביז צו די מלחמה

געשריבן: דינסטאג מאי 29, 2018 10:00 pm
דורך בשבילי נברא
ווי קען מען הערן פון וועלכען ניגון מ'רעדט?

געשריבן: מיטוואך מאי 30, 2018 12:43 am
דורך שמואל אלצווייסער
קען איינע אפשר ארויפלייגן א רעקארדירונג פון וואס מ׳רעדט דא?

געשריבן: מיטוואך מאי 30, 2018 3:37 am
דורך ידיעות שונות
חמרא טבא האט געשריבן:
ידיעות שונות האט געשריבן:אבער למעשה האבן די פויערן אין גאליציע ממשיך געווען צו זינגען די ניגון מיטן גאנצן פויערישקייט כמקדמת דנא, און דאס איז אנגעגאנגען ביזן קריג. נאך מעהר, דער ניגון איז געווען גאנץ מפורסם צווישן די פויערישע שענק אין די שטעטלעך, אלס רעזולטאט פון דעם איז געווען צווישן די עלטערע דור א שיינע צאהל גאליציאנע אידן וואס האבן געדענקט די ווערטער פונעם ניגון ארגינעל, וויבאלד זיי האבן עס געהערט פון די פחותים שבעם.

באבוב'ער רב האט אויך געדענקט דעם ניגון פון דער היים אזוי ווי אסאך אנדערע גאליציאנע אידן, אבער ער האט נאר געזינגען ממש די ערשטע שטיקל.
איך האב גראדע יא געהערט אביסל ווייטער פון א צווייטען עלטערן איד, אבער אויך ממש א קליין חלק.

מיר דאכט זיך אז די גירסאות וואס זענען דא געברענגט געווארן זענען נישט אקוראט, און עכ"פ א טייל זענען זיכער פארדרייט.

מ'העמיר בעז"ה צוריק קומען שפעטער.

קיינמאל געהערט אז די אלטע אידן האבן געקענט די ווערטער כ׳מיין איר מישט אויס מיט א ניגון וואס צאנזער רב פלעגט זינגען שמחת תורה ״מויע דאנא״ וואס מען פלעגט זינגן ביי גואישע חתונות ביז צו די מלחמה

דער ניגון איז נישט גוי'ש, ס'שאטאמט ליידער פון פון פויערישע אידן, און (לויט ווי כ'האב געהערט איז) ביזן קריג איז עס נאך געזינגען געווארן צווישן די אידישע פארדארבערנע חברה, וועלכע האבן געזינגען דעם ניגון מיט אידישע ווערטער אלס איינס פון זייערע ניגוני חשק (היפוך אהבת השם). די אנהייב פונעם ניגון איז די ווערטער "די גלאגוב'ע לייט" און פון דעם רעדט מען דא.

א חלק פון די אידישע ווערטער האב איך נאכגעהערט פון אלטע אידן מיט אן ארגינעלקייט, וואס איך קען איבערזינגען, (נישט דא פארשטייט זיך).
אט דעם דאזיגן ניגון איז דער הייליגער הקפה ניגון לבית ראפשיץ וואס וואס מ'זינגט אין באבוב און אין אלע ראפשיצע הויפן.

אין מיינע אויגן איז א קלארע זאך אז דער צאנזער ניגון איז עפעס אנדערש. (אגב איז טאקע אינטערסאנט צו הערן מעהר איבער דעם, הרב חמרא נא אל תמנע טוב).

געשריבן: מיטוואך מאי 30, 2018 9:02 am
דורך דונש
אינטערעסאנטע ידיעות געוואר געווארן היינט,

ייש"כ

געשריבן: מיטוואך מאי 30, 2018 11:59 am
דורך גרינע בוים
א רעקארדינג?

געשריבן: מיטוואך מאי 30, 2018 12:06 pm
דורך חמרא טבא
ידיעות שונות האט געשריבן:
חמרא טבא האט געשריבן:
ידיעות שונות האט געשריבן:אבער למעשה האבן די פויערן אין גאליציע ממשיך געווען צו זינגען די ניגון מיטן גאנצן פויערישקייט כמקדמת דנא, און דאס איז אנגעגאנגען ביזן קריג. נאך מעהר, דער ניגון איז געווען גאנץ מפורסם צווישן די פויערישע שענק אין די שטעטלעך, אלס רעזולטאט פון דעם איז געווען צווישן די עלטערע דור א שיינע צאהל גאליציאנע אידן וואס האבן געדענקט די ווערטער פונעם ניגון ארגינעל, וויבאלד זיי האבן עס געהערט פון די פחותים שבעם.

באבוב'ער רב האט אויך געדענקט דעם ניגון פון דער היים אזוי ווי אסאך אנדערע גאליציאנע אידן, אבער ער האט נאר געזינגען ממש די ערשטע שטיקל.
איך האב גראדע יא געהערט אביסל ווייטער פון א צווייטען עלטערן איד, אבער אויך ממש א קליין חלק.

מיר דאכט זיך אז די גירסאות וואס זענען דא געברענגט געווארן זענען נישט אקוראט, און עכ"פ א טייל זענען זיכער פארדרייט.

מ'העמיר בעז"ה צוריק קומען שפעטער.

קיינמאל געהערט אז די אלטע אידן האבן געקענט די ווערטער כ׳מיין איר מישט אויס מיט א ניגון וואס צאנזער רב פלעגט זינגען שמחת תורה ״מויע דאנא״ וואס מען פלעגט זינגן ביי גואישע חתונות ביז צו די מלחמה

דער ניגון איז נישט גוי'ש, ס'שאטאמט ליידער פון פון פויערישע אידן, און (לויט ווי כ'האב געהערט איז) ביזן קריג איז עס נאך געזינגען געווארן צווישן די אידישע פארדארבערנע חברה, וועלכע האבן געזינגען דעם ניגון מיט אידישע ווערטער אלס איינס פון זייערע ניגוני חשק (היפוך אהבת השם). די אנהייב פונעם ניגון איז די ווערטער "די גלאגוב'ע לייט" און פון דעם רעדט מען דא.

א חלק פון די אידישע ווערטער האב איך נאכגעהערט פון אלטע אידן מיט אן ארגינעלקייט, וואס איך קען איבערזינגען, (נישט דא פארשטייט זיך).
אט דעם דאזיגן ניגון איז דער הייליגער הקפה ניגון לבית ראפשיץ וואס וואס מ'זינגט אין באבוב און אין אלע ראפשיצע הויפן.

אין מיינע אויגן איז א קלארע זאך אז דער צאנזער ניגון איז עפעס אנדערש. (אגב איז טאקע אינטערסאנט צו הערן מעהר איבער דעם, הרב חמרא נא אל תמנע טוב).

דער ליד ״מויעדאנא״ - דו ביסט מיינע,
פלעגן די גויים זינגען בשעת זייערע חתונות ווען זיי פלעגן ארויסקומען פון זייערע תיפלות, דאס איז א ליד וואס ברענגט ארויס די אהבה איינער צום צווייטן,
פארשטייט זיך אז ס׳איז זעהר נישט קיין איידעלע ליד,
דער הייליגער צאנזער רב האט דאס געזונגען אויף פוליש, שמחת תורה פארטאגס נאך די הקפות, מיט א מורא׳דיגע דביקות, די חסידים האבן געזאגט פשט ווייל שמחת תורה איז דאך יחודא שלים

געשריבן: דאנארשטאג מאי 31, 2018 12:35 am
דורך בדרך אפשר
גלאגעבער אינגעלייט זינגט מען אויף אנא ד׳ דאכטזיך.
מויעדאנא איז א צוויטע ניגון אזוי ווי הרב חמרא טבא שרייבט.
איך מיין אז חוץ שמחת תורה האט עס די רב געזינגען פורים ביים טיש
איך האף עס ארויף צולייגן לכשאפנה (גלאגעבער אינגעלייט תנועה איז דא אויף די גראמען וואס הרב לעייזער האט געגראמט איין יאר פורים מיט בדחנות ווערטער)

געשריבן: דאנארשטאג מאי 31, 2018 1:00 am
דורך בא שבת בא מנוחה
קען איינער פליז אריינקימען מיט די ניגון ???? אפילו אן דער ווערטער. זייער אינטרעסאנט