סידיראם האט געשריבן:eller האט געשריבן:זשאסט געקויפט !
א זעלטן שיינע רייכע סידי מיט די הערליכע אדורך געווייגטע ניגונים
הגם ס'איז דא אסאך שענערע אויך
איך אין מיין באזיץ האב קרוב צו צוויי הונדערט סקולענע ניגונים !!!
איך וואלט געוואלט בעטן אז ווער עס קען נאר זאל עס קויפן זאלן די ארענדזשער'ס זעהן אז פון אזוינע ערליכע סידיס איז נאך דא א מארקעט. און זיי זאלן ארויסגעבן נאך.
איך האב ציטירט די תגובה פאר איך האב געהערט די סידי, וויבאלד בעצם האלט איך פון די געדאנק פון ארויסגעבן ערליכע ניגונים וכו'.
למעשה נאכ'ן הערן די סידי, צי איך צוריק. איך זעה אז דער עולם דא האלט נישט אזוי, אבער איך זאג וואס איך האב געטראכט בשעת'ן הערן, אז די סידי איז ממש א גרויל! עסטו מיך פרעגן, ס'הייסט? עס זינגט דאך הערליכע סקולעני ניגונים? אין די קשיא ליגט טאקע די תירוץ, טאקע אט א דאס, מען האט גענומען הערליכע סקולעני ניגונים, ווארעם און הארציג, ניגונים וואס איז איין שטיק נשמה, אזש מען קען צוגיין פון די ניגונים, און מען האט דאס פארוואנדעלט און א מוזיקאלישע היינטיגע סטייל מוזיק.
איך האב ביי מיר אין באזיץ א סידי וואס חסד לאברהם האט געטיילט, די מוזיק איז - דאכט זיך מיר - פון מוצאי שבת נחמו פון עטליכע יאר, יענע סידי למשל, הערט מען זינגען די ניגון עקביא בן מהללאל אומר, עס איז הערליך שיין, עס איז צו ארים די טינט צו באשרייבן די מתיקות דערפון, ווען די הערסט די ניגון קענסטו דיך פארשטעלן ווי די זיצט ביי דעים צדיק וקדוש מסקולעני שליט"א און די זעסט אים זינגען די ניגון מיט דביקות און געגועין.
דא ביי די סידי האט מען גענומען די ניגון און עס אזוי באפיצט און פארדרייט, קיין איינער אין סקולעני זינגט דאס נישט אזוי, און קיינמאל ביי סקולעני רבי'ס טיש זינגט מען נישט די ניגון מיט די אלע געבויגענע תנועות וואס מען האט מחדש געווען אויף די סידי פשוט כדי דאס זאל זיך אריינפאסן אין די היינטיגע סטייל גויאישע מוזיק, אדרבה זאל איינער הערן די סידי און איינער זאל הערן דאס זינגען מוצאי שבת נחמו, ווען מען שפילט דאס הערליך אויף בשעת סקולעני רבי שליט"א געפינט זיך דארט, וועט ער גלייך זעהן די חילוק, עס איז הימל און ערד.