כשרונות גראמען | געווינער פארמעסט | ניגון #3

[טאלאנטי]

https://www.dropbox.com/s/kjzpek7n4hard ... 2.mp3?dl=0

[טאלאנטי]

https://www.dropbox.com/s/s8kbn5myiw0le ... 2.pdf?dl=0

[eller]

WOW
אאין ווארט איז מיר געבליבן בלויז
איך בין שפראך לאז !!!!
אזוינע טעלאנט וואס קומט דא ארויס
איר זענט אין טעלענט גאר גרויס
איך האב ממש נישט וואס צו זאגען דאס איז עפעס א ספעשיל סיי די גראמען און סיי די הייליגע תוכן
ווי אזוי זאגט מען נאר ..
אז די מויל איז פיל בלייבט מען שטיל.

[געשמאקער]

אין איין ווארט

W O W

[טאלאנטי]

קאנעקטעד
דיסטרעקטעד
אינפעקטעד
אָן א מאָס
גאָט באהיט
ווי ס'פליט
פעֵיק-נויס
מ'כאפט
מ'קלאפט
מ'צאפט
א אידיש קינד
ס'נישט וואר
ס'נישט קלאר
ארויס ס'רינט
ס'איז טאקע
א מכה
אן אטאקע
בגוף ונפש
ס'פארפירט
ס'פארשמירט
בטיט ורפש
קוים געבוירן
שוין פארלוירן
אפגעשוירן
בארד און פיאות
צו פארדאנקען
די געשאנקען
אן אחריות

כ'קום אריין אין א זאל
א אידישע שמחה מיטצוהאלטן
זאג דו מיר איז דעס נארמאל
כ'זע קוים מענטשליכע געשטאלטן
די אויגן צום סקרין זענען געווענדעט
גרויסע זאכן טוט זיך דארט אפ
די טייערע מינוטן ווערן פארשווענדעט
מ'לייגט עס קיין רגע נישט אראפ
גרויס און קליין מיט די הענט אויף ארויף
וואו צו גיין, צו מיר קלער-איך
א יעדע אטעם כאפט מען אויף
ווי איך שטיי נאר, איינעם שטער-איך
דער מחותן אליין איז נישט דאָהי
ער גייט ארום מיטן אַפאַראט
במקום שמחשבתו שם הוא
ער געפינט זיך זייער ווייט
שפאצירט אהער און אהין
ביי יעדן טיש ער ווייזט זיין מאשין
דער עולם פארשטייט וואס צו טון
מ'וואונטשט לחיים צו זיין סקרין
ער האלט עס אן זייער שטארק
זיינע משתתפים בכלל נישט זעט-ער
ער דרייט זיך ווי דער נער אין מארק
ער וועט עס ערשט זען שפעטער
שטייט א אידל מידל-עידזש
גאר א געטרייער מאן איז-ער
א גאנצע נאכט איז ער ביים סטעידזש
אפכאפן די שמחה מוז-ער
צו זיך אליין אויך טייטלט מיטן פינגער
מ'ווערט דאך גארנישט יונגער
נעמט ער פון זיך מיטן זינגער
ביז ס'ווערט אין הארצן גרינגער
די זעלבע איז ביי רבי'שע שמחות
עס שטראמען אידן אין די מאסן
מיט א געדאנק, אויפקום-איך-עס
קיינער וועט מער גארנישט פארפאסן
א שאד צו קומען זיך אנשטרענגן
אזויפיל סדרנים אויפאמאל
מ'דארף נאר די פאון אריבערברענגן
וועט זיין שלום על ישראל
אויף די פיל שטאקיגע פארענטשן
וועט זיין גענוג און נאך פלעצער
ס'וועלן דארט שטיין אנשטאט מענטשן
טייערע טשאטשקעס, גולמים קלעצער
דו קענסט בלייבן ביי דיר אין צימער
קובע זיין עיתים לתורה
וועסט עס באקומען ווי נאר אימער
דארפסט נישט האבן קיין מורא
פאר אלע עוסקים בצרכי הסגולות
א רעיון גארנישט אזוי טשיקאווע
שלאָג איך פאָר פרישע פעולות
כאפטס עס בשמחה ואהבה
מיט א איינמאליג אפּצאָל
אדער מיט א מעמבערשיפּ
וועסטו באקומען איבערראָל
די גאנצע שמחה אויף א קליפּ
א שאד צו פארן אויף מקומות הקדושים
גרויסע געלטער ספענדן
דער עיקר איז ס'בלייבט א רושם
א שאד זיך צו הייבן און לענדן
דארט איז דאך סייווי נישט דיין קאפ
ס'א פשוט'ע קל וחומר
האלטסט דאך נישט מיט קיין טראפ
בלייב אינדערהיים אויף ל"ג בעומר

א ברייטע
פארשפרייטע
צודרייטע
משוגעת
וואו מ'גייט
וואו מ'שטייט
אויפן גאס
מ'ווישט
צומישט
צו'חוש'ט
אנ'ע דעת
א עבד
בדיעבד
אזוי צושפאס
נישט דא וועמען
צו בלעימען
זיך שעמען
דאך מ'מוז
א חשש
אינעם טאש
פארהאנען איז
ס'רינגט
ס'בלינקט
ס'קלינגט
אָן אויפהער
א פּגע
יעדע רגע
נאך א שטער

רעדט איך צו א חבר אויפן פאון
וואס טוט זיך? פרעגט ער צוקער זיס
איך ענטפער צוריק מיט א רואיגן טאון
כ'האף ס'קומט א פיינע שמועס
אן ערנסטע שאלה געב איך א פרעג
כ'ווארט אויף א תשובה מיט געדולד
אמאל נישט דארפן ווארטן איך פלעג
היינט איז אבער אן אנדער בילד
אביסל צייט איך ווארט
און איך פרעג אים נאכאמאל
א ריספאנד, איך ערווארט
ער ווערט אבער נישט נתפעל
אנשטאט א ענטפער פרעגט ער וואס?
ס'הייבט אן ווערן א שטיקל מהומה
איבער און איבער פרעגט ער דאס
כ'פיל ווי כ'רעדט צו א דופן עקומה
אינגאנצן שוין צע'נער'ט בינעך
ער הערטעך נישט וואַט איים עֶסקינג
כבודו במקומו מונח
ער איז פארנומען מאָלטי-טעֶסקינג
דאס איז די מציאות היינט
איר פארשטייט דעם סיטואציע
מ'לייגט עס נישט אראפ פון האנט
די יישוב הדעת ליגט ביי די וואקאציע
ס'איז א וועלט פון עין רואה
קענסט נישט האבן א שוואכע מינוט
אָך און וויי אז דו ביסט דיך טועה
וועט עס באגלייטן אויף טריט און שריט
איידער דו טוסט עפעס נאיוו
טראכט עס גוט איבער
קענסט וויי טון גאר מאסיוו
דער יחיד און דער ציבור
ס'האט דאך קוים געפעלט א האָר
מ'זאל א איד נעמען צום אייביגן רי
ביז ס'איז געווארן קלאָר
ער לעבט און לאכט, גיבור כארי
כ'ווייס ס'איז טאקע דער נסיון
פון 2000 און 17
נאך גרעסער איז די בזיון
אז מ'קרעכצט וואס קעמען טון
ס'פאָרט אויף א ראָנג דיירעקשן
פעלט זיך אויס א יוָ-טערן
מ'דארף נעמען שנעל עֶקשן
אז נישט וועט עס קאָסטן טרערן
כ'קען דאך נישט אויפהאלטן מער
ביסט דאך זיכער זייער ביזי
די נייעס האַקט אָן אויפהער
נעם עס נישט אזוי אי-זי
איך באדאנק דיר פאַרן הערן
דו האסט מיר מיט דעם געטרויט
כ'האף יעצט וועסטו הארצן גערן
גיין אפגעבן פאר מיר דיין וואויט

יאָ! ס'איז א תקופה אזא אומקלארע
אפי' בהסתרה שבתוך ההסתרה
זאג אליין: ידעתי, ידעתי
אל הנע"ר הזה לא התפללתי
ס'זאל אפגעהיטן ווערן מפי עוללים
ויהי רחמיך מתגוללים
ווי קען מען דען זיין משער
דעם אני עמהם, בכל צער וצער
צו געדענקן שטענדיג איז א חוב
אז: והנה ה' ניצב עליו
ומביט עליו, בכל מקום שהוא
אם עובדו כראוי

[יוראפ]

טאלאנטפול! (אינטערסאנט נאר ווען יא און ווען נישט מ'מעג מוחה זיין...?)

[טאלאנטי]

טאלאנטפול! (אינטערסאנט נאר ווען יא און ווען נישט מ'מעג מוחה זיין...?)

דהיינו?

[וואוילע שעפעלע]

מורא'דיג!!

די פראבלעם איז נאר אז אויף קול מבשר איזעס נישט אזוי קלאר

[מר. שטערן]

די ערשטע פאל, ביידע מאל, הפלא ופלא!

[שכל'דיג]

wowowowowowowowowowowowowowowowowowowowowowowowowowowowowowowowowowowowowowowowowowowowowowowowowowowowowowowowowowowow

[eller]

די ניגון איז עפעס אויסערגעוונליך . נאכן עס איבערהערן צענדליגע מאל..
נאר וואס האט איר געמיינט מיט די לעצטע שטיקל ? סתם צוזאמצוווארפן די אלע אויפגעפיקטע ניגונים ?

[eller]

כ'פיל אז די ערשטע ניגון די וואך פרשת בא איז דיינס א ניגון כמעט די זעלבע קול און די זעלבע רייכע חידושים.....
קום אריין צו ס'איז טאקע דיינס

[יש בו]

קעניינע הארע פּוי פּוי

[טיכטיגער]

כ'פיל אז די ערשטע ניגון די וואך פרשת בא איז דיינס א ניגון כמעט די זעלבע קול און די זעלבע רייכע חידושים.....
קום אריין צו ס'איז טאקע דיינס

איך האב נישט קיין ספק!!!
WOW WOW WOW!!! אזוי ארטיסטיש און רייך!
ביטע לייג עס דא ארויף אזויווי אין די פארגאנגעהייט.