בצלאל גאלד - אהבה רבה

[למעלה משבעים]

חחח, דאס איז פאלש... די טייטל איז א מחיה... די עמבידעט לינק פירט צו א מחיה...

[leiby]

ס'גייט מארגן זיין אויף www.topjewishmusic.com

[ידיד]

יא, די סידי ארבעט שוין דא די לעצטע 2 שעה. וואס זאל איך ענק זאגן? ס'האט זיך דעפענעטלי געלוינט צו ווארטן!

איך דארף עס נאך איבערהערן א גוטע 7-8 מאל צו קענען געהעריג ארויסהאבן וואס דא טוט זיך, אבער פון וואס כ'האב שוין אויפגעכאפט קוקט אויס אז "ולא נבוש" גייט זיין די קומענדיגע חתונה היט!

אהבה רבה איז א מעסטער פיס! מיט א הערליכע קינדער קווייער און מיט יוסי גרין'ס וואקעלס אין די בעקגראונד הערט זיך עס עפעס געוואלדיג!

די אידישע ניגון איז מורא'דיג הארציג, סיי די ניגון און סיי די ווערטער (קודם ווייס איך שוין וואס 'ארעסטאנט' האט מיטן סידי, די ניגון רעדט זיך פון אים...), בכלל הערט זיך צאלי'ס קול אויפן גאנצן סידי געוואלדיג גוט! זייער שארף און קלאר און געשמאק.

אה, שיעור פארגעסן, די ערשטע ניגון "תורתו" איז עפעס... כ'ווייס אליינס נישט וויאזוי עס צו דיסקרייבן... לעבעדיג, טאנצעדיג, באמבאסטיש, עפעס א געוואלדיג שטיקל פון משולם גרינבערגער!


די איבריגע וועט אפשר נאפאלגן א צווייט מאל.

[הערליך]

איך הייב איצט אן הערן די ערשטע ניגון, איז ער נארמאל? טו מיר א טובה, די בעסטע ניגון לייגט מען נישט צום ערשט, צאלי, נפתלי משה, וואס טוצעך מיט ענק?, אלף בית, פליז!!

[הערליך]

איך צו צוריק, סאררי סאררי, איך זאג שוין גארנישט, איך ווייס שוין נישט וואס צו זאגן, נאכן הערן דעם סידי דעם ערשטן מאל האב איך נישט וואס צו זאגן, חוץ אז יעדע איינציגער ניגון איז ׳דער׳ בעסטער ניגון, א מין צוזאמשטעל פון ניגונים, אומגלויבליך, יעדעס איינציג ניגון איז א שטיקל גאלד פאר זיך, נישט קיין גזמאות, דער לעצטער ניגון אהבה רבה קלינגט מיר נאך אין די אויערן, ״ותן בליבינו בינה׳ להבין ולהשכיל׳ עס רייסט שטיקער, דאס געפיל וויאזוי צאלי רייסט אויף די פארשלאפענסטע צעלן פון הארץ, איז א חד בדרא, צאלי, וואס זאל איך דיר זאגן, האסט איבערגעשטיגן יעדעס פיצל שטיקל עקספעקטעישן, א הערליכע איידעלע סידי, אן קיין גויאישע טעקנא מוזיק, אהה כמים קרים על נפש עייפה, צאלי, האסט דערליווערט.

[משזר]

איך האב גארנישט וואס צוצילייגן, איך קען נאר זאגן ווי יעדער זאגט אז א יעדע ניגון איז די בעסטע ניגון, רייך און איידל, מ'זעהט צאלי'ס הראוואניע, א קנאק פון א סי די.

[ביזנעסמאן]

Tzali - Every Song so enjoyable

[קעכער]

שלום עליכם איעדער, בינעך שוין נישט דא געווען יארן, געברויכט אפווישן מיין ניק, אויפזוכן היכל הנגינה, אלעס פאר איין סיבה

צאלי'ס נייער אלבוים!!

וועט איר דאך אוודאי פרעגן ווער בין איך, און וואס פאר א שייכות איך האב צו קומען קאמענטען אויף צאלי'ס זינגען?

דער ענטפער איז איך בין אליין א זינגער, יא! וואס קוקסטו מיך אן? נישט אז איך זינג אויף חתונות, נאר ביי מיר אינדערהיים שבתות און ימים טובים ביים טיש זינג איך, אדער אין ביהמ"ד ביי לכה דודי, קל אדון און ביי שלש סעודות, צו ביים רבינ'ס טיש, אלץ זינג איך, במילא בין איך א שטיקל מחותן מיט זינגען.

אבער די אלע מעשיות אינדערזייט געלייגט, נעכטען אזוי ווי כהאב געהערט אז ס'איז אנגעקומען די סידי'ס ביי ליע עוו. פאוטא בין איך שנעל אריבער געלאפן קויפן דעם סידי איך מיז ענק זאגן אז צאלי האט מיך איבעראשט איינס ביי איינס הערליכע חסידישע ניגונים, וואס יעדע איינציגער ניגון איז א היט פון א ניגון, ממש א חידוש פון אן אלבוים, ס'נישט דא א ניגון וואס מ'זאל זאגן אויף דעם אז די ניגון לאמיר איבערמישען, סאיז נישט אינטערעסאנט, נאר יעדער ניגון איז "די ניגון",

און אלע איינס ביי איינס חסידי'ש, און עס נעמט נישט אוועק די קוואליטי פונעם אלבוים.

למעשה קום איך דא אן און היכל הנגינה זעה איך ווי דער גאנצער אלבוים איז שוין אראפגעשריבן און אראפגעלייגט נאך פאר ס'איז ארויסגעקומען, ווי למשל "ארעסטאנט" שרייבט דאך ממש אפ יעדער ניגון ווי מ'וואלט עס געהערט, אדער "וויכי" מיט זיינע כסדר'דיגע אפדעיט'ס און אלע אנדערע שרייבער.

במילא האב איך נישט מער וואס צוצילייגן, דא איז דא אסאך גרעסערע און בעסערע פארשטייערס און נגינה און מוזיק ווי מיך, נאר כ'האב געפילט א פליכט ארויסווייזן מיין הכרות הטוב פאר צאלי'ן אז ער האט זיך געהאלטן אויף דעם חסידיש'ן סטייל פון מוזיק,

מ'קען זאגן "צאלי מחייב את הזינגער'ס".

חזק ואמץ!!!

[גרויזאמער]

3 זאכן וואס איך וויל וויסן פאר איך קויף די סידי.

1) פארוואס איז די סידי ארומגענומען מיט פלעסטיק? איז עס נישט אן אלטע טאקטיק צו פארקויפן סחורה בלינדערהייט פאר'ן קונה? פארוואס טאר איך עס נישט פארדעם זעהן?

2) פארוואס דארף עס צו קאסטן 16 דאלער? ווייל ער האט אנגעפילט א אשכול פון 17 בלעטער מיינט אז עס איז א מעכטיגע סידי?

3) חתונה מאל און מנוחת הנפש זאגן מיר אז זיי פארקויפן נישט די סידי, אויב איז עס א "מוז" פאר יעדע אידישע היים, פארוואס פארקויפן זיי עס נישט?

בקיצור, איך וויל האבן א סידי בחינם, איך וועל עס אויסהערן, און נאכדעם אליינס באשליסן צו איך זאל עס קויפן. עפעס געפעלט מיר נישט מיט די גאנצע זאך דא.

[צייטליך]

גרויזי האלסט זיך צום פראטאקאל!

יעצט אז די סידי איז שוין ארויסגעקומען, אפשר קענסטו איבערגעבן די נישט-געניצטע מארקעטינג תגיבות וואס האבן געזאלט געשטעלט ווערן אין די קומענדיגע טעג.

[מאנ-יימער]

1. ס'איז ארומגענומען מיט א פלעסטיק כדי בחורים זאלן נישט האבן קיין צוטריט דערצו ווייל ס'איז נאר פאר פארהייראטע פערזאנען ודי.

2. ס'קאסט זעכצן דאלאר ווייל ער האט דערלייגט זייער אסאך געלט ווען עפעס א מאן דהוא האט דא עטליכע בלעטער צוריק געשטעלט א לינק עס צו דאונלאודן בחינם, יעצט פראבירט צוריקצומאכן די שאדן דערפון.

3. מנוחת הנפש און די מאלל פארקויפן עס נאר פאר די חסידישע עולם, וועגן דעם האבן זיי דיר געזאגט אז זיי האבן עס נישט.

[מצב כללי]

איך וויל וויסן און קורצן, איז די נייע סי. די. פון צאלי טאקע א היט פון א סידי? איז עס אזוי גוט און חסיד'יש ווי על ההרים פון אייזיק האניג?

[ידיד]

יא, על ההרים איז א גוטע צושטעל!

איינס ביי איינס הערליך שיינע געלונגענע ניגונים, אויסנאם רייכע מוזיק ערעינדזשמענטס, הערליכע קווייער, און איבער אלעם פיור חסידיש!

[מצב כללי]

שכח ידיד.

[הערליך]

לדעתי שטייגט עס איבער על ההרים פי כמה אין אלע הינזיכטן.

[משזר]

איך וויל וויסן און קורצן, איז די נייע סי. די. פון צאלי טאקע א היט פון א סידי? איז עס אזוי גוט און חסיד'יש ווי על ההרים פון אייזיק האניג?

אויסדריקלעך אזוי חסיד'יש, גוט? אפשר נאך בעסער.

[ידיד]

לדעתי שטייגט עס איבער על ההרים פי כמה אין אלע הינזיכטן.

ס'איז מיר שווער צו זאגן וועלכע פון די צוויי ס'איז בעסער פארן אויסהערן נאך א גוטע פאר מאל. כ'רעד אבער ווען מ'וויל מגדיר זיין וואס פאר א סארט סידי דאס איז, איז על ההרים א גוטע משל.

[זאל ער קומען]

Its Solid gold
צאלי'ד גאלד אין פשוטן זין פון ווארט..

[בוידעם]

געוואלדיג. א סידי וואס יעדע ניגון עקסטער איז זיך צו באלעקן די פינגער'ס. סיי די קאמפעזאציעס. סיי די זינגען. און די מוזיק און די קווייער.
מיינע פעיווארדס זענען משולם'ס ניגונים. ער איז לדעתי די שענסטע יודישע קאמפאוזער כהיום.
אגב, איינער האט דא געשריבען אז עס איז שענער ווי על ההרים, אני הקטן זע נישט מיט וואס, אדרבא אפשר איז זיך יענער מסביר.

[מצב כללי]

געוואלדיג. א סידי וואס יעדע ניגון עקסטער איז זיך צו באלעקן די פינגער'ס. סיי די קאמפעזאציעס. סיי די זינגען. און די מוזיק און די קווייער.
מיינע פעיווארדס זענען משולם'ס ניגונים. ער איז לדעתי די שענסטע יודישע קאמפאוזער כהיום.
אגב, איינער האט דא געשריבען אז עס איז שענער ווי על ההרים, אני הקטן זע נישט מיט וואס, אדרבא אפשר איז זיך יענער מסביר.

איך ווער קראנק פאר משולם'ס ניגונים ער האט אינגאנצן ארויסגעגעבן איין טעיפ בתפארתו וואס לענ"ד איז נישט דא נאך אזא טעיפ.

איך האב הנאה אז כאטשיג יעדער וואס קומט ארויס מיט א נייע טעיפ האט עטליעסט איין ניגון פון משולם.

[מצב כללי]

איך האב בעיקר געוואלט וויסן אויב מען זינגט אויף די טעיפ חסיד'יש ווייל רוב הייניגע טעיפס איז נישט חסיד'יש געזינגען,

זאגט דער עולם אז יא עס איז חסיד'יש, פיין וועלמיר עס מערצעשעם קויפן.

[פריילאך]

איך זעה נישט קיין באריכט וועגן די מוזיק. ווי אזוי איזעס?

[שוועמל]

היינט געקויפט און שוין. נישט אויסגערעדט זיין, די האלטער האט זיך מיר צעבראכן.
קען איך באקומען א ריפאנד?

גרויזי?

[מאנ-יימער]

וועלכע אינשורענס האסטו געקויפט? די סטענדערד אינשורענס וואס קומט מיט די סידי דעקט נאר די דרויסענדיגע פלעסטיק, מ'קען אבער צוקויפן פול קאווערידזש, טשעק מיט דיין עידזשענט אין לי עוו פאוטא.

[יוראפ]

מאנעלע האב איך געקויפט א סי די אנקומענדיג אהיים עפן איך עס זעה איך אז ס'האט נישט קיין דעקל - דארף איך אויך אפגרעידן?
אוי אינגאנצן פארגעסן אז כ'האב עס נאכנישט געקויפט - באט עניוועיס האב איך שוין אויסגעהערט דאס גאנצע מאנטאג נאכט ביי איינעם אין קאר - כ'וואלט עס איבערגעהערט נאך 10 מאט עטליס אויפן פלאץ ווען נישט דער דרייווער האט מיר שוין ארויסגעווארפן