לשון הקודש ולהבדיל עברית

די אחראים: אחראי, גבאי ביהמד

ביקסאד
שר ארבעת האלפים
תגובות: 4030
זיך איינגעשריבען אום: זונטאג מאי 25, 2008 7:00 pm
לאקאציע: נעבן סאטמאר

תגובהדורך ביקסאד » מיטוואך יולי 22, 2009 7:31 pm

וואס עפעס טיישט איר איבער פון העברעאיש, זעצט ענדערש איבער פון ענגליש.
comment = באמערקונג.
ועמך כולם צדיקים

אוועטאר
שוועמל
שר עשרת אלפים
תגובות: 14186
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » מיטוואך יולי 22, 2009 7:51 pm

ביידע ווערטער זענען מיסודם נישט קיין העברעאיש, עס איז אבער דאך פארהאן א קורצע הונטערשייד צווישן די אשכול און תגובה.

אשכול איז א ריין לשה"ק ווארט און אויף ענגליש הייסט דאס = TOPIC . פונקט ווי אין די ספרים טרעפט מען "שורש> אילן> ענף> עלה", דאס זעלבע איז דער 'טאפיק' פונעם 'טאטע פארום' געגליכן צו א ענף וכדומה. נישט קיין שלעכטע איידיע.
(ענליך צום געדאנק פון שניה = SECOND וואס באדייט די צווייטע חלוקה אינעם שעה)


תגובה = POST איז מער א מאדערנע היברו ווארט, אבער מקורה בלשה"ק איך געדענק נישט יעצט אויף דער רגע.
שוש אשיש בה', תגל נפשי באלקי! (ישעיה סא)

אוועטאר
מיללער
שר עשרים אלפים
תגובות: 25763
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דאנארשטאג יולי 23, 2009 10:59 am

יאנאש האט געשריבן:סאו גיימער עס טוישן צו 'שטרענגל' און 'געזאגאכטס'?


תגובה אויף אידיש איז 'רעאקציע' און אזוי פלעגט אונזער לערער יידישיסט שרייבען בהלו נרו על ראשינו, אז איינער איז 'מגיב' רעאגירט ער צום פריערדיגענס רעאקציע, מער מאדערניזירט איז 'קאמענטירען' צו 'קאמענטארען' פון פריער.

די ערשטע 'תגובה' אין א אשכול איז אין אמת'ן אן עם-הארצות ווייל דאס איז דאך נאך נישט קיין רעאקציע צו פריער נאר ליבערשט אן; אנאליז, אפהאנדלונג, באריכט, פראגע, מעלדונג, אויפאדערונג, געוואנדען לויט דעם תוכן (עברית?) פונעם אשכול.

יעצט איבער 'אשכול' קען מען קודם נוצען דעם מער אנגענומענעם 'נושא' טערמין וואס ברויך א בירור צו דאס איז נישט עברית און באלאנגט אין די לאנג פארצויגענע דעבאטע 'וואס מאכט א ווארט עברית?' אדער אויף אידיש איז אנגענומען צו נוצען 'טעמע'.

איי פארוואס האבן די ציונים ימח שמם וזכרם ונמח זכורם מלהזכירם פוי, דוקא גענומען דעם ווארט 'אשכול' ווען זיי קענען געווען נוצען 'נושא'? איז בפשטות וועט דער פותח האשכול ודעימיה שרייען "ווייל דאס זענען די רשעים, זיי רייסן ארויס יעדן דבר שבקדושה און פארדרייען אונזער הייליגער שפראך אזוי ווי דער רעבע זכרונו לברכה פלעגט אלס טענה'ען און היינט זעהט שוין יעדערער אז ער איז געווען גערעכט, אז דער רשע ומנוול ומוכה שחין ברד מכת בכורות דער בן-יהודה שר"י האט גע'פגר'ט און יום כיפור אינימיטן שרייבען דעם טריפה'נעם ווארט 'חשמל' מיט א חזיר-סענדוויטש אין איין האנט און א אומ-מאושר'דיגען סעלפאון אין די צווייטע האנט וכו' וגו' וד"ל"

דאסמאל איז עס אבער נישט געקומען פון רשעות און מנוולות, נאר ווייל נישט יעדער 'אשכול' אין א פארום איז באמת א 'נושא' אדער א 'טעמע' וואס באצייכנט א שמועס איבער א געוויסע אנגעלעגנהייט, נאר ענדערש ווי מ'זאגט עס אויף ענגליש א THREAD דאס הייסט אז מען שפינט און מ'וועבט א שמועס ווען איינער רעאגירט אויפן צווייטנס קאמענטארען און אזוי ארום שאפט זיך א גאנצער 'געהענגל', אויף 'לשון הקודש' (נישט בלשונם הטמאה המלאה קיא צואה ח"ו) רופט מען א 'געהעהגעל' אן 'אשכול'.

אשר על כן, וועם עס באדערט א מען נוצט ריין לשון הקודש'דיגע טערמינען ביינונז ברויך דאך נישט קיין תשובה, ווייל ער זאל מוחל זיין מברר זיין ווער עס איז געווען דער ערשטער וואס האט געשריבען 'דף' אויף א 'בלאט' און 'עמוד' אויף א 'זייט', וואס טאמער זאל איך אים זאגען אז 'דף' איז אריגינעל א 'ברעט' און 'עמוד' א 'זויל' און מען האט דאס נאר געבארגט ווען עס איז ארויסגעקומען דעם באגריף פון די דרוק אין אן איינגעבינדענעם פארמאט, און עס האט אויסגעפעלט צו שאפען נייע טערמינען (סאונד עברית?), און דאס האט מען היצט געטאן מיט געהענגל=אשכול, בין איך געוויס חייב סקילה.

בלייבט נאר איבער אריינצוקלערן וואס איז דעמאלטס יא עברית?

דאס אין אן אנדער געלעגנהייט.

אוועטאר
אינטעליגענט
שר חמש מאות
תגובות: 876
זיך איינגעשריבען אום: דינסטאג סעפטעמבער 02, 2008 6:23 pm

תגובהדורך אינטעליגענט » דאנארשטאג יולי 23, 2009 11:07 am

מיללער האט געשריבן:

איי פארוואס האבן די ציונים ימח שמם וזכרם ונמח זכורם מלהזכירם פוי, דוקא גענומען דעם ווארט 'אשכול' ווען זיי קענען געווען נוצען 'נושא'? איז בפשטות וועט דער פותח האשכול ודעימיה שרייען "ווייל דאס זענען די רשעים, זיי רייסן ארויס יעדן דבר שבקדושה און פארדרייען אונזער הייליגער שפראך אזוי ווי דער רעבע זכרונו לברכה פלעגט אלס טענה'ען און היינט זעהט שוין יעדערער אז ער איז געווען גערעכט, אז דער רשע ומנוול ומוכה שחין ברד מכת בכורות דער בן-יהודה שר"י האט גע'פגר'ט און יום כיפור אינימיטן שרייבען דעם טריפה'נעם ווארט 'חשמל' מיט א חזיר-סענדוויטש אין איין האנט און א אומ-מאושר'דיגען סעלפאון אין די צווייטע האנט וכו' וגו' וד"ל"


שטארק זיס... דיין סענס אויף יומער איז אומגעווענליך, בנוסף וואס דו געסט אנצוהערן מ'זאל פארשטיין דיין פוינט...

בונם דער טרעגער
שר העשר
תגובות: 42
זיך איינגעשריבען אום: מאנטאג אפריל 06, 2009 10:31 pm

תגובהדורך בונם דער טרעגער » דאנארשטאג יולי 23, 2009 11:02 pm

מיללער האט געשריבן:איי פארוואס האבן די ציונים ימח שמם וזכרם ונמח זכורם מלהזכירם פוי

הרב מילער במחילת כבוד הרב
איר מאכט זיך צו פרום -.... פון אייערע פריערדיגע הערות קוקט איר נישט אויס צו זיין דער גרעסטער קנאי -!!! דאסהאט איר נאר נאר געשריבען כדי אויסצופירען אייער אויספיר וד"ל

איך גיי נישט אריין קריכען און א קאפ פון א כופר - ווי איר האט און אייער הערה געשריבען...
הכלל ביז דעם טאמנער אפיקורס (יא אזוי ווי איר האט געשריבען) האט מען זיך נישט באניצט מיט דעם ווארט און א ברייטען פארנעם...

מנהלים!!!! ביטע טוישט דעם נאמען...

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » דאנארשטאג יולי 23, 2009 11:20 pm

מיללער, כפארשטייניש
ווי אזוי קען מען שרייבן מיט א חזיר סענדוויטש אין איין האנט, און א נישט מאושרדיגע טעלפאן אין די לינקע האנט.. כ'ווייס נישט, איין זאך וועריך געוואר אז בן יהודה שר"י וכו' (א לאאאנגע נאמען זעה פריער) יארצייט איז יום כיפור (איך האב געוויסט ביז יעצט אז שבת...)

אוועטאר
farshlufen
שר עשרים אלפים
תגובות: 22573
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » פרייטאג יולי 24, 2009 7:53 am

בונם דער טרעגער האט געשריבן:טאמנער

דאס איז אידיש אדער עברית?

איך שיהי', איך גלייב אז די מושגים וואס האבן מיט אינטערנעט פארומס שייכות - אויף אלע שפראכן - זענען אלאקירט געווארן דורך די בעה"ב אדער פראגראמירער פון די ערשטע פארומס און עס נישט שייך צו דעבאטירן וואס פאר א שפראך זיי זענען.
זאלסט נישט שרעקן זיך נישט זארגן וואס די זון פארגייט
קומען וועט א נייער מארגן פיל מיט גליק און פרייד.

אוועטאר
שוועמל
שר עשרת אלפים
תגובות: 14186
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » פרייטאג יולי 24, 2009 8:31 am

שכויח מיללער פאר דיינע אויפריכטיגע ווערטער
שוש אשיש בה', תגל נפשי באלקי! (ישעיה סא)

אוועטאר
מיללער
שר עשרים אלפים
תגובות: 25763
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » פרייטאג יולי 24, 2009 10:46 am

בונמ'ל,
איך האף אז דו האסט נישט געמיינט אז מיין ענטפער איז געראכטען אין אייער ריכטונג ווען איך האב פון די ערשטע תגובה אייערע קלאר געזעהן אז קיין גרויסער שפראך-קענער זענט איר נישט, אלזא וואס האב איך אייך מסביר צו זיין די יסודות פון לשה"ק און עברית איך גלייב אז ווען איר זעהט דעם ווארט 'מכון' ביי 'מכון להוראה' אדער 'מכון לפרנסה' אדער 'מכון יוחסין', אדער דעם ווארט 'ארגון' ביי 'ארגון שיעורי תורה' זענט איר זיכער אז דאס איז לשה"ק מפי הגבורה, און ווען איר זעהט אויף א צעטל אין ביהמ"ד 'יצלצל' מיינט איר אז דאס איז עברית און איר זענט די קנאי אין אייער שוהל.

ווידער ווען איר גייט אין גראסערי און איר קויפט מהדרין פיינע 'טשאקאלאד-לעבען' האט איר נישט די מינדענסטע השגה איז דער 'לעבען' איז ריין עברית-שבעברית (לבן) נאך מיטן העברעאישען אקצענט, און איר און אייערס גלייכען ווערן נכשל אין רעדן עברית דורך אזא הייליגע קאמפאני ווי מהדרין/JJ.

ווייטער 'אישור/מאושר' וואס מ'זעהט אין אלע מודעות, אדער רישום/הרשמה, מוקדם-האפשרי, און ענליכע ווערטער, דארט זעהט איר נישט קיין פראבלעם.

איך רוף דאס נישט היפאקריטסווע נאר אומוואוסענשאפט, איר ברויכט נאך אסאך עדיוקעישאן אז איך זאל מיט אייך אריינגיין אין א דין-ודברים איבער לשה"ק/עברית.

א גוט שבת.

-

ר' יהי' כן,
איך האב דאס ארויסגעברענגט לשבר את האוזן מסביר צו זיין ווי מיט מיסטישע מושגים וויל מען איבערשרייען מאטעריעליסטישע אויפווייזונגען, איך האב ספעציפיש נאכגעשריבען א מגיד-שיעור מיינער מיט 15 יאר צוריק וועלכער האט ווי זיינע קאלעגעס געוואלט אויפשפילען קנאות האט ער געמיינט אז ער ברויך מגזם זיין און דערונטער שטעלן די תלמידים אין א דילעמע ווען זיי וערן שפעטער געוואור אז זיי האבן איבערגעטריבען און יעצט ברויך דער תלמיד מאכען דעם שטראך וואס איז יא אמת און וואס נישט, ותוצאותיו מי ישורנה.

אוועטאר
Monticello
שר חמישים ומאתים
תגובות: 315
זיך איינגעשריבען אום: מיטוואך יולי 04, 2007 11:20 am

תגובהדורך Monticello » פרייטאג יולי 24, 2009 1:09 pm

מיללער האט געשריבן: א מגיד-שיעור מיינער מיט 15 יאר צוריק וועלכער האט ווי זיינע קאלעגעס געוואלט אויפשפילען קנאות האט ער געמיינט אז ער ברויך מגזם זיין און דערונטער שטעלן די תלמידים אין א דילעמע ווען זיי וערן שפעטער געוואור אז זיי האבן איבערגעטריבען און יעצט ברויך דער תלמיד מאכען דעם שטראך וואס איז יא אמת און וואס נישט, ותוצאותיו מי ישורנה.


איי פארוואס האבן די ציונים ימח שמם וזכרם ונמח זכורם מלהזכירם פוי, דוקא גענומען דעם ווארט 'אשכול' ווען זיי קענען געווען נוצען 'נושא'? איז בפשטות וועט דער פותח האשכול ודעימיה שרייען "ווייל דאס זענען די רשעים, זיי רייסן ארויס יעדן דבר שבקדושה און פארדרייען אונזער הייליגער שפראך אזוי ווי דער רעבע זכרונו לברכה פלעגט אלס טענה'ען און היינט זעהט שוין יעדערער אז ער איז געווען גערעכט, אז דער רשע ומנוול ומוכה שחין ברד מכת בכורות דער בן-יהודה שר"י האט גע'פגר'ט און יום כיפור אינימיטן שרייבען דעם טריפה'נעם ווארט 'חשמל' מיט א חזיר-סענדוויטש אין איין האנט און א אומ-מאושר'דיגען סעלפאון אין די צווייטע האנט וכו' וגו' וד"ל"


;l;p- ;l;p- ;l;p- ;l;p- ;l;p- ;l;p-

Eiz m'lebt derlebtmen
עניוועי, דאס איז די מיינונג פון צומווייניגסטנס איין מאן.

אוועטאר
גרויזאמער
מ. ראש הקהל
תגובות: 3584
זיך איינגעשריבען אום: דאנארשטאג יולי 06, 2006 4:03 pm
לאקאציע: אויף די באלעמער שטיגן

תגובהדורך גרויזאמער » פרייטאג יולי 24, 2009 1:17 pm

איך וואלט אין מיין לעבן נישט מוחה געווען ווען מען נוצט עברית אויפן אינטערנעט, שטעל זיך פאר איינער גייט זיך אויפטון אז ער האט זיך אויפגעשטעלט און מוחה געווען אינעם יענקי סטאדיום פארוואס מען געט נישט התאחדות הכשר. עס איז מיר גענוג וואס איך בין דא, די גאנצע אינטערנעט באשטייט פון באגריפן וואס האבן נישט קיין אחוזה אין רוחניות, זייער גוט מען נוצט דאס אויס אויף רוחניות, אבער שטעל זיך פאר ווען די שו"ת ספרים וועלן זיך נעמען צו די זאכן, "נראה לי שהסמיילי הירוק עם הידים למטה זה קצת לא לכתחלה, כי לא רואים שיהא מולבש כיהודי חרדי, וגם את הליצנות של הסמייליס האחרות, גם צריך להקפיד שהאייקון אצל האדרע"ס בא"ר למעלה בפייערפאקס יהיה די רציני, וכששומרים בוקמארק יתנו לזה כותרת המתאים לירא שמים, וגם עדיף לפתוח טעב חדש בהבראוזער שיהיה ריק מאשר לעמוד הרבה על מקום אחד (עושים זה עם הקנעפ"ל שנקרא קאנטראל ואח"כ עם האות הלועזי הנקרא טי)".

פארשטייסט? דא איז מען נישט אויף א רעאליסטישע פלאץ. דאס איז אלעס ווירטואלישע פראגרעמס, ארענדערער האט גענומען א פארטיגע טעמפלעט פון phpBB וואס איז לכתחלה געווען געשטעלט אויף עברית כדי עס זאל זיך פארשטיין מיט אידיש, און יעצט גיין מוחה זיין ווייל עס איז געבליבן די ארגינעלע ווערטער פון יענע טעמפלעט, און מען האט עס נישט אראפגענומען פשוט ווייל דער עולם איז שוין צוגעוואוינט עס צו רופן אזוי פון הייד פארק, און אלץ הרחק מן הלשון הטמא גייסטו "ארויסראטן" די ווארט 'אשכול' פונעם ציבור, איז נאך ערגער ווי מיין אויבערשטע משל מיט די יענקיס.

נאר וואס דען? איך ווייס זייער גוט וויאזוי עס גייט מיט די ענינים, אז ווען עס ווערט סברות לכאן ולכאן ווערט מען היציגער פאר די אייגענע שיטה, יעדער האט פארשטאנען אז מען קען זיך נישט שטעלן דערויף, און קיינער האט דאס נישט אויפגעברענגט ווייל כנ"ל, אבער איינמאל איינער ברענגט דאס אויף, און עס ווערט נאך א פרישע אשכול, און מען ווענד עס נאך אפ, און נאך וויאזוי הרב מיללער מיט הומאר אויפן עצם איסור פון עברית, ווערט אויפגעשטארעמט דעם אינערליכן געפיל און מען וויל דאס דוקא זען אראפ.

יא, מען דארף יעדע רגע טראכטן פונעם באשעפער, אפילו ווען מען איז אויפן אינטערנעט, אבער זאכן וואס דו ביסט נישט מוחה אין ביהמ"ד און אויפן גאס, לאז זיי מוחל ארויס פון די אינטערנעט. דער אינטערנעט איז נישט קיין בדיעבד ווייל עס שטייט די ווארט "אשכול", עס האט ערגערע זאכן ווי דעם, און ווען מען גייט פאררעכטן די ווארט אשכול ביסטו נאך אלץ אין ביג ביג טראבל. עס איז גענומען די קלענסטע זאך און געמאכט א בארג דערפון.

אגב, מיללער די ערשטע תגובה פון א אשכול האט יא א נאמען "הודעה".
איינגעשריבענע באנוצער וועלכע האבן באדאנקט די תגובה:
קרעמער | צום זאך | צייטליך | גרויזאמער | וויכטיג מאכער | אויפריכטיג | מאשקע | bloomberg4mayor | arender

לחץ כאן למסור תודה על תגובה זו | דווח על תוכן פגעוני

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » פרייטאג יולי 24, 2009 1:44 pm

מיללער האט געשריבן:ר' יהי' כן,
איך האב דאס ארויסגעברענגט לשבר את האוזן מסביר צו זיין ווי מיט מיסטישע מושגים וויל מען איבערשרייען מאטעריעליסטישע אויפווייזונגען, איך האב ספעציפיש נאכגעשריבען א מגיד-שיעור מיינער מיט 15 יאר צוריק וועלכער האט ווי זיינע קאלעגעס געוואלט אויפשפילען קנאות האט ער געמיינט אז ער ברויך מגזם זיין און דערונטער שטעלן די תלמידים אין א דילעמע ווען זיי וערן שפעטער געוואור אז זיי האבן איבערגעטריבען און יעצט ברויך דער תלמיד מאכען דעם שטראך וואס איז יא אמת און וואס נישט, ותוצאותיו מי ישורנה.


יאך האב פשוט געמיינט צו זאגן, זאג דעם אמת, בן יהודה (דער מחבר פון עברית?, עכ"פ איינע פון די מחברים) איז געווען גענוג א שייגאץ אז ער האט געפייגערט שבת קודש מיט א פעדער אין די האנט, דאס איז אמת, די איבריגע איז סתם ליצנות
אויב דאס קומט פון דעם מגי"ש פון פיפצן יאר צוריק (און דער זכרון איז דיר אזוי פריש ווי די אלע דעטאלן וואס דו האסט אראפגעלייגט) דאן ביזטו גערעכט, מען טאר נישט איבערטרייבן, און בעיקר דעם כלל 'אין אדם מוריש שקר לבניו', כ'מיין תלמידים הנקראים 'בנים', ועל כגון דא אמרו בפרקי אבות, חכמים הזהרו בדבריכם שמא יחובו חובת גלות ותגלו למקום המים הרעים וישתו התלמידים הבאים אחריכם וימותו ונמצא שם שמים מתחלל. דאס אקוראט!

אוועטאר
געלעגער
שר עשרת אלפים
תגובות: 11915
זיך איינגעשריבען אום: זונטאג מאי 17, 2009 5:52 pm

תגובהדורך געלעגער » פרייטאג יולי 24, 2009 3:15 pm

קיין מבין אויף שפראך בין איך נישט אין איך בין זייער ווייט דערפין,
אבער די הומער אין ווערטער וואס מיללער נוצט איז באזינדער געשמאק,

גרויזי ביסטאך אזוי גערעכט...
מי יתן והיה אז די פראבלעם פין אינטערנעט זאל זיין די ווארט תגובה,

פייער
שר חמישים
תגובות: 94
זיך איינגעשריבען אום: דינסטאג אוגוסט 19, 2008 11:00 pm

תגובהדורך פייער » מוצ"ש יולי 25, 2009 10:52 pm

מיללער האט געשריבן:בונמ'ל,
איך האף אז דו האסט נישט געמיינט אז מיין ענטפער איז געראכטען אין אייער ריכטונג ווען איך האב פון די ערשטע תגובה אייערע קלאר געזעהן אז קיין גרויסער שפראך-קענער זענט איר נישט,


הרב מילער- דא אונעם געפעכט צווישען אייך דער סקרענטענער רב ירום הודו - און בונם דער טרעגער- איך שטעל זיך פאר אז מיט ידיעות קענט איר מער פון א טרעגער יונג..

אבער דאך במחחילת כבודכם.. האט ר' בונם דער אויבער האנט - און קבל את האמת ממי וכו'

הרב מילער איך זעי אז בונם האט אייך געטרעטן אויפין הינער אויג.. (אונגראן טוינעיל בלע"ז)
מיט איירע שארפע ארויסטרעט צוריק ענטפער
מיללער האט געשריבן: ווען איך האב פון די ערשטע תגובה אייערע קלאר געזעהן אז קיין גרויסער שפראך-קענער זענט איר נישט,


איך האב אייך שוין געזעין משפיל זיין מיט אייערע ענטפערסצו קלענערע פון בונם- און גרעסע שטותים...וד"ל

בונם האט גערעדט צום זאך -אז איר האט געטריייט מגזים צו זיין מיט שרייבען
מיללער האט געשריבן: פארוואס האבן די ציונים ימח שמם וזכרם ונמח זכורם מלהזכירם פוי


נו פארפאלען

לאמיר גיין ווייטער- (אדער צוריק) לדעתי איז דאס פאלנע היברו .. וויפל מען זאל עס נאר פרובירען מיטען סקרענטאנערס לומדות מטהר צו זיין בקן טעמים - איז עס א נייע אויסגעטראכטע זאך צו באניצען אויף דעם - און אונז קנאים האבען נישט מורא צו זאגען דעם אמת און פנים - אפילו פארגעלערנטע "שפראך קענער" וואס לדעתם איז אין דגמתם ..

הרב מילער מיר בלייבען גוטע פריינט... א יא?

חי"ק
פייער

פייער
שר חמישים
תגובות: 94
זיך איינגעשריבען אום: דינסטאג אוגוסט 19, 2008 11:00 pm

תגובהדורך פייער » מוצ"ש יולי 25, 2009 10:59 pm

געלעגער האט געשריבן:קיין מבין אויף שפראך בין איך נישט אין איך בין זייער ווייט דערפין,
אבער די הומער אין ווערטער וואס מיללער נוצט איז באזינדער געשמאק,

גרויזי ביסטאך אזוי גערעכט...
מי יתן והיה אז די פראבלעם פין אינטערנעט זאל זיין די ווארט תגובה,


על ראשון - עס איז נישט אזוי געשמאק.. איך האב שוין געגעסען בעסערס...

על אחרון .. כ'רעד מיך איין ביזדערווייל אז דאס איז א כשרע סייט- הא??????????????

בונם דער טרעגער
שר העשר
תגובות: 42
זיך איינגעשריבען אום: מאנטאג אפריל 06, 2009 10:31 pm

תגובהדורך בונם דער טרעגער » זונטאג יולי 26, 2009 7:33 am

מיללער האט געשריבן: און פארדרייען אונזער הייליגער שפראך אזוי ווי דער רעבע זכרונו לברכה פלעגט אלס טענה'ען און היינט


כבוד הרב..(אזוי ווי איר גלייבט צו הערן..) צו מיינט איר דא חוזק צו מאכען פון הגה"ק מחזיר עטרה ליושנה כ"ק אדמו"ר מסאטמאר זצ"ל
מיטען שרייבען רעבע ????? מיט חוזק?
ביטע ערקלערן...

מיללער האט געשריבן:און ווען איר זעהט אויף א צעטל אין ביהמ"ד 'יצלצל' מיינט איר אז דאס איז עברית און איר זענט די קנאי אין אייער שוהל.

כבוד הרב... יא יצלצל איז העברעאיש (אדער היברו פאר די בעסערע שפראך קענער...)
איי איר טרעפט שוין און נך שמואל תלצלנה שני אזנים (כ'שרייב עס מפי זכרון-ואתכם הסליחה משגיאות..)- אבער עס אריין געברענגט אויף דעם- אויף אזא סארט אופן - איז פון זיי..

מיללער האט געשריבן:'מכון' ביי 'מכון להוראה'

יא מכון איז אויך היברו - -וואס זאל איך טון בארעדען דעם גרונדער פון מכון להוראה???? -

מיללער האט געשריבן: 'לעבען' איז ריין עברית-שבעברית (לבן) נאך מיטן העברעאישען אקצענט


נייין כבוד הרב... לעבן איז א נאמען וואס א פריוואטער מענטש האט אויפגעטראכט צו געבען -פון די יודישע ווארט לעבן (חיים)..
אוודאי און ארץ ישראל זאגט מען די אקצענט אויף זייער וועג- און אונז אויף אונזער וועג..

מיללער האט געשריבן: איר ברויכט נאך אסאך עדיוקעישאן אז איך זאל מיט אייך אריינגיין אין א דין-ודברים איבער לשה"ק/עברית.

וואס מיינט דאס - ביטע זייטס מבאר....

אויך האט איר געפרעגט אנפאנג צו דאס איז שפראך צו פארברענגען..?????????? ביטע ערקלערט ??.

אוועטאר
יודל מענדלזאהן
שר שלשת אלפים
תגובות: 3083
זיך איינגעשריבען אום: זונטאג נובעמבער 09, 2008 4:19 pm
לאקאציע: ואנה מפניך אברח?

תגובהדורך יודל מענדלזאהן » זונטאג יולי 26, 2009 7:51 am

יהיה כן האט געשריבן:
ווי אזוי קען מען שרייבן מיט א חזיר סענדוויטש אין איין האנט, און א נישט מאושרדיגע טעלפאן אין די לינקע האנט..


וואו לעבסטו? האסט קיינמאל נישט געהערט פון בלוּ-טוּטה?! (בלויע-ציינדל בלע"ז) אה, סקרענטאנער רב שרייבט "א נישט מאושרדיגע טעלפאן אין די לינקע האנט".. נו, קען מען איינזעצן אז דער ציוני האט אוודאי געהאט אינסטאלירט וואויס-רעקאגנישאן סאפטוועיר (שטימע-דערקענונג ווייך-ווארע) אויף זיין קאמפיוטער...

ליצנות אין א זייט: עס איז זיכער און קלאר אז די ציל פון דעם כופר מיט'ן מאדערנעם שפראך זיינער, און פון די גרינדער פון ציונות בכלל, איז געווען אויסצוראטן אידישקייט. ווי יעדער קען היינט זעהן מפיהם ומפי כתבם פון די רשעים ימ"ש. אבער נצח ישראל לא ישקר. השי"ת וועט נישט לאזן פאלן די תורה-טרייע אידן וואס זענען זיך מוסר נפש על קוצו של יוד.

בנוגע די איצטיגע וויכוח דא, איז אונזער דעת בעל הבית נוטה צום גרויס-האמער, היתכן התאחדות שטעלט נישט זייער סטעמפל אויף די הייסע-כלבים סערווירט אין די בתי קירקסאות... איז דאס דען נישט פון די סאמע גרעסטע פירצות אין היינטיגן דור?!

..אבער זאגט אונז נאר, סקרענטאנער אבער-ראבינער, וואס וואלט שוין געשאדט ווען מען טוישט די געציילטע -תגובה\אשכול ווערטער אויף זשארגאן? עס וואלט דאך געטראגן דעם זעלבן זיסן פנים ווי "היט אפ", "אויסקוק פון פאראויס", "זעה נאך סמייליס", און דעם אלעמען באליבטן "שיק עס"!..

אוועטאר
מיללער
שר עשרים אלפים
תגובות: 25763
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » זונטאג יולי 26, 2009 2:37 pm

הרב מענדלזון,
קודם מזל טוב, אסאך אידיש נחת.

איך האב פון די ערשטע מינוט אן, געגעבן די אלטערנאטיווען פאר ביידע טערמינען, 'טעמע' און 'רעאקציע' אדער 'נושא' און 'קאמענטארען' די ווייטערדיגע שמועסן איז פשוט געגאנגען אויף די יסוד צו די ווערטער זענען טאקע עברית אדער נישט, אבער זיכער איז גארנישט שלעכט אויב זאל מען טוישען דא אלעס צו 'זשארגאן' אדער 'פלעין-אידיש'.

פייער'ל,
איך פארשטיי אז אונזער ידידות צו וועלכע איר באציעט זיך גייט צוריק נאך פון ימי קרעטשניף, ממילא וויל איך נישט איינשטעלן צופיל, נאר צולייגען אז מיין 'אינגראון-טוי-נעיל' איז שווער אנצוטרעטן, איך האב בכלל נישט געענטפערט מיט קיין עצבון רוח אדער חליה כעס, נאר דברים כהווייתן כפי מה שקבלתי מאבותי ורבותי.

בונם יקירי,
ידעתי גם ידעתי, אז איר וועט צוריק קומען ותשנה ותשלש עוד איבערצוווייזען אז מ'רעדט דייקא יא פון איינעם וואס איז א יודע-ספר און א חובב לשון, און אז איך וועל יעצט זיין דער שלעכטער און אפווענדן אייערע קענטעניסען וועט דאס דאך ווערן א הין-און-צוריק געפעכט בלי סוף, אשע"כ גיב איך אייך דאס לעצטע ווארט, און עס בלייבט ביי דעם אז 'לבן' האט מהדרין געגעבן אזוי ווי 'לעבן-חיים' ובזה יצאתי ידי חובתי.

[איבער אייער שאלה וואס 'עדיוקעישאן' באדייט, דאס איז דער עברית'ער טערמין אויף חינו"ך בלע"ז]

אוועטאר
יודל מענדלזאהן
שר שלשת אלפים
תגובות: 3083
זיך איינגעשריבען אום: זונטאג נובעמבער 09, 2008 4:19 pm
לאקאציע: ואנה מפניך אברח?

תגובהדורך יודל מענדלזאהן » זונטאג יולי 26, 2009 3:49 pm

ברוכים תהיו. אי"ה ביי אייך אויף שמחות געזונטערהייט, מתוך הרחבת הדעת.
----

נו, אז מיר האבן שוין די אפיציעלע הסכמה פון כ"ק מרן אדמו"ר מסקרענטאן שליט"א, אויף וואס נאך ווארטן די קרעטשמע באהערדע?! לאזן זיי שוין מקיים פסק זיין!

ליפשיץ
שר חמישים ומאתים
תגובות: 289
זיך איינגעשריבען אום: זונטאג ינואר 11, 2009 2:51 pm

תגובהדורך ליפשיץ » מאנטאג אוגוסט 24, 2009 5:41 pm

היות איך האלט מיך פאר א שטיקל רעפערנירטער, ווי אויך א קצת ידען בטיב הלשון, וויל איך מיט די ווערטער אויסדריקן מיין שטיצע צו דעם מעורר הראשון "בונם דער טרעגער". ער איז הונדערט פראצענט גערעכט מיט זיין הערה. איך וועל נישט אריין גיין אין די עצם דיסקוסיע צו מען מעג זיך לכתחלה באנוצן מיט די טערמינען "אשכול אדער תגובה" פאר די געברויכן פון די "אידישע וועלט", אבער אין יסוד הדברים איז ער גערעכט.

עס איז קיינער נישט מחולק דערמיט אז מיט אן אויבערפלעכליכער בליק איז היברעאיש געשטעלט לויט די יסודות פון לשון הקודש (צו ס'איז טאקע אזוי, דאס וועלן מיר איבערלאזן פאר אן אנדער געלעגנהייט). רוב פון זייערע ווערטער און אפילו טערמינען אויף היינטיגע ערפינדונגען זענען געבויט אויף לשון הקודש, אלא מאי מיינט דאס אז דאס איז טאקע אזוי וויבאלד דער שורש קומט פון לשה"ק?

לאמיר נעמען א משל זייער אפטייטש אויפן ווארט "פליגער", וועלכע זיי רופן "אוירן". איז דען איינער מחולק אז א "פליגער" פליט אין דער לופט? טא וואס איז דען דער פראבלעם צו צושטעלן צו א לופטפלוג דאס ווארט "אויר"? (אגב ביי זיי אליין האט זיך דאס לעצטענס געביטן צו "מטוס", וועלכער שטאמאט מלשון טס=פליען). אדער למשל דאס ווארט פרידזשדער וועלכע זיי רופן "מקרר", איז דען א פרידזשדער נישט א קילער וועלכע האלט קאלט דאס עסנווארג? אלא מאי טערמינען וואס זיי האבן געשאפן פאר היינטיגע באגריפן, אפילו שורשם איז מלשה"ק, קען רואיג אנגערופן ווערן לשון עברית.

(איך גיי שוין נישט אריין אין דעם וואס לויטן סאטמארער רב אין ספר ויואל משה מאמר לשה"ק איז משמע אז אפילו די סארט ווערטער וועלכע זענען אין באניץ צו זייערע באשטימטע טערמינען, אפי' אזעלכע ווערטער וועלכע זענען טאקע ריין לשון הקודש, אויב ניצט מען דאס באופן ווייל מ'וויל זיך באנוצן מיט 'זייער' שפראך, יהי' באיזה אופן שיהי', איז דא דערויף אן ענין פון הרחק מזה, ואכמ"ל).

דער אשכול דא קומט מיר פאר ווי כאילו איינער זאל מעיר זיין אויף אן ענין וועלכע איז משורשם פון די נעלאגן, און דער צווייטער זאל קומען און ענטפערן בערך כזה:

איך גיי נישט אריין אין דעם צו דער רמ"ד ימח שמו וזכרו פוי איז גערעכט געווען צו נישט, איי פארוואס האט דער חאתאם סויפער זיכרוינע ליווראכע אזוי גערודערט קעגן אים? גערעכט, ווייל געווענדליך האט דער צא טמא'ניק ונמח זכרו מלהזכירו טאקע מכוון געווען אויסצורייסן יעדע קבלה מסיני, אבער דאס מאל גראדע האט דער רשע מרושע נישט צו דעם מכוון געווען...

אוועטאר
מיללער
שר עשרים אלפים
תגובות: 25763
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג אוגוסט 24, 2009 7:00 pm

הרב ליפשיץ,
פון אייער לעצטע פאראגראף זעה איך אז אייער תגובה איז געוואנדען אין מיין ריכטונג, וועל איך פרובירען צו ענפטערן.

קודם שלום עליכם וברוכים הבאים, ברוך שובך, זכרנו ימים מקדם בהלו נרו על ראשנו תמידין כסדרן אייער אפוועזנהייט האט געשאפן א חלל, לאמיר האפן אז היצט זענט איר היער-טו-סטעי ווי מ'זאגט ביינונז.

על ראשון ראשון;
אז איר וועט איבערלייענען מיינע ערשטערע תגובות וועט איר זעהן אז עס איז זיכער פארהאן א חילוק (כ'רעד נאכנישט אין הלכה, קודם במציאות) צווישען א לשה"ק'דיגער ווארט ווי 'אשכול' וואס מען האט העברעעזירט/מאדערניזירט צו א היינטיגע באגריף אדער א ניי-געשאפענעם טערמין אפי' ווען עס איז באזירט אויף לשה"ק ווי די משלים פון 'אוירון/מטוס' אדער 'מקרר/מזגן/מאוורר'.

אדרבא, אז דער רבי שרייבט קלאר אין ויוא"מ אדער עס איז משמע פון זיינע ווערטער אז "אפי' אזעלכע ווערטער וועלכע זענען טאקע ריין לשון הקודש, אויב ניצט מען דאס באופן ווייל מ'וויל זיך באנוצן מיט 'זייער' שפראך, יהי' באיזה אופן שיהי', איז דא דערויף אן ענין פון הרחק מזה" וואלט איך הנאה געהאט צו טרעפן א דעם פונקטליכען מראה-מקום, און אפי' אזוי איז עס דייקא מיט א כוונה לייקר שמם און צו ווייזען אז מיר נוצען 'זייער' שפראך.

און דערויף וואלט געווען גוט צו זעהן צו דער רבי איז מבאר דעם חילוק פון מיין משל פון 'דף און עמוד' וואס איז אויך מאדערנעזירטע טערמינען נאך המצאות-הדפוס און 'מחשב' נאך המצאות הקאמפיוטער (וויאזוי וואלט דער 'כאתאם סויפער' גערופען א קאמפיוטער?).

איין חילוק וואס איך פארשטיי איז ווייל דאס איז ווי א ביכ"ל וואס די גיפט פונעם מחבר גייט אריין אין זיין ווערק, דאס איז אבער נישט גילטיג ביי יעדע נייע ווארט וואס איז נישט פון די אריגינעלע בעלי הלשון, עס מוז טאקע נישט זיין אבער יש מקום לבעל דין לחלוק.

ווידער דער משל מיטען חת"ס מיט רמ"ד איז נישט דומה להנמשל, אבער איך האב הנאה געהאט פאר אייער הומער, קיעפ-אפ!

אז איך האב שוין די פעדער איבער עיברית און ויואל משה, האט מיר מעורר געווען א איד אז אין ספה"ק ויוא"מ געפינט מען 6 ווערטער אשר מקורם בעברית צווישען זיי די ווערטער; משרד (אפיס) און משטרה (פאליציי), איך מיין אז עס איז קיין ספק אז דאס זענען צוויי ריין-עברית'ע ווערטער, וואס זענען די אנדערע 4? אויך דער ווארט 'שיכון' וואס דער רבי האט גענוצט אין בני ברק איז קלאר עברית.

בקיצור, נישט אז איך וויל פאקען דעם רבי'ן מיט עברית, נאר דער סוגיא איז נישט אזוי פשוט און ווי דערמאנט איז דא אסאך ווערטער וואס זענען אריינגעכאפט אין 'אלע' סאטמארער קרייזען וואס זענען קלאר עברית, און אויף דעם האב איך בעיקר געצילט מיט מיין רעאקציע קעגן ר' בונעם דער הויזען-טרעגער, אז סתם צו פארפירען האט נישט קיין פירוש.

נאכאמאל הרב ליפשיץ, סטעי וויט אס, ווי וואנט מאר!

קארל
שר חמש מאות
תגובות: 796
זיך איינגעשריבען אום: מיטוואך סעפטעמבער 09, 2009 11:16 pm

האט זיך דער בליק אויף "עברית" געטוישט?

תגובהדורך קארל » מיטוואך אוקטובער 14, 2009 11:26 pm

די שפראך "עברית" איז שוין עטליכע מאל באהאנדלט געווארן דא אין קרעטשמע. בעיקר אין דעם שפראך פארום וואו מען האט דן געווען איבער ווערטער וועמענס מקור איז פון די ציונים.
אין די לעצטע יארן איז שטארק נתרבה געווארן מדקדק צו זיין נאך יעדן ווארט צי עס שטאמט נישט חלילה פון עברית. אין די חרדי'שע סאטמארער אויסגאבעס זענען אין די לעצטע יארן געווען עטליכע אפהאנדלונגען איבער דעם ענין. מאמענטאל געדענק איך א שמועס הין-און-צוריק אין "דער בלאט" וואו מען האט דן געווען איבער דעם ווארט "נין" (אייניקל/איר-אייניקל) צי עס שטאמט פון עברית, און דער הינטערליגנדע מיינונג איז געווען אז אויב שטאמט עס טאקע פון עברית טאר מען זיך נישט באנוצן מיט דעם ווארט.
דער סאטמארער קובץ "גינת ורדים" האט זאגאר גענומען אלס איינער פון זיינע הויפט צילן צו פירן א מערכה מיט יעדעס ווארט פון דעם "לשון עלגים". עטליכע מאמרים זענען שוין טאקע געדרוקט געווארן אין דעם קובץ איבער עברית, און כמעט אלע פון זיי האבן באהאנדלט דעם שרעקליכן פראבלעם, אז מענטשן כאפן זיך נישט און עס פאלן אריין ווערטער וועלכע שטאמען אפ פון די ציונים.
איך בין געשטאנען דערביי ווען א איד האט געפרעגט איינער פון די עורכים פון דעם "גינת ורדים", הלמאי מ'מאכט אזא טומל אויף יעדעס ווארט עברית, מיט דעם איז מען דאך מטיל דופי אויף דעם הייליגן סאטמארער רבי'ן אליין! ווי באקאנט ווערן אין "ויואל משה" דערמאנט עטליכע ווערטער אין עברית, אזוי ווי "עיתון", "משטרה", "מפלגה" וכדומה, און דער סאטמארער רבי האט זיך בכלל נישט באמיט צו שרייבן "מכתב עת", אדער "שוטרים", אדער "פארטיי"א", וואס אזוי וואלט מען לכאורה געדארפט שרייבן לויט די נייע סטאנדארטן. טא, ווי שטימט איינס מיט'ן צווייטן?
(עס איז אויך אינטערעסאנט אז אין דער ביילאגע וואס איז געווען אין "דער איד" אין דער צייט פון דעם לעצטן יארצייט כ"ו אב, איז געדרוקט געווען בילדער פון דעם רבי'ן ביי דער חנוכת הבית פון א דארמיטאריע פון מוסדות ייטב לב אין א"י. דער ריזיגער טאוול וואס איז געהאנגען ביים מעמד הינטער דעם רבי'ן האט געמאלדן מיט קידוש לבנה אותיות איבער דער "פנימיה" וואס וועט דא געבויעט ווערן...)
איז נפשי בשאלתי, צי דער עולם קען זיך דא אביסל לאזן הערן וואס עס איז די אמת'ע קנאי'שע-סאטמארער דעה בנוגע נוצן עברית, און צי האט זיך עס געטוישט אין לויף פון די לעצטע יארן.

אוועטאר
שוועמל
שר עשרת אלפים
תגובות: 14186
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » דאנארשטאג אוקטובער 15, 2009 12:52 am

עס הייבט זיך ווידער אן די שטארקע קשיא "וואס איז עברית"?

עברית איז להבדיל אויסדרוקליך באזירט אויפן אלטן לשון הקדוש, עס איז נאר מאדערניזירט געווארן. (גערופן: מאדערן היברו).

יעדעס ווארט כמעט, האט א מקור אין אריגינעל לשה"ק. טיילמאל האבן זיי עטוואס משנה געווען פונעם אנגענומענעם דקדוק.
נייע טערמינען איז גענומען פון ענגליש.
טא וואס איז עברית?

די תירוץ איז לפי קוצר שכלי, אז נישט איין ווארט אדער צוויי מאכט עס פאר עברית, נאר דער אופן און אויסשטעל פון שרייבן/רעדן מאכט עס פאר עברית, בעסער געזאגט די כוונה מאכט עס פאר עברית. (כ'מיין שוין איינמאל געשריבן דעס דא ערגעץ)
שוש אשיש בה', תגל נפשי באלקי! (ישעיה סא)

אוועטאר
שקר_הדייעט
שר חמישים ומאתים
תגובות: 317
זיך איינגעשריבען אום: זונטאג יולי 15, 2007 7:21 pm
לאקאציע: ביים פרידזשידער

תגובהדורך שקר_הדייעט » דאנארשטאג אוקטובער 15, 2009 2:05 am

די ערשטע זאך איידער מען נעמט זיך צו עיברית, דארף מען זיין א בקי מופלג בכ"ד ספרי תנ"ך. אויב קען מען נישט גאנץ תנ"ך, פון וואנעט ווייסטו צי דאס ווארט אויף וועלכע דו קלערסט אז ס'איז עיברית, איז נישט באמת לשון הקודש? דו קענסט דאך פאקטיש נישט גאנץ לשון הקודש.

פארשטייט זיך, אויך דארף מען זיין בקי אין כללי הדקדוק פון לשון הקודש, און אויך אינעם וועג ווי אזוי מען פירט זיך (תרגום, רש"י, אנדערע ראשונים, און די פייטנים) צו טראנספארמירן א ווארט פון א שם דבר, צו לשון הי' הוה ויהי', און אויך ווי אזוי מען קען טראנספארמירן א ווארט פון פשוט'ן לשון, צו לשון שירה ומליצה וואס האט עטוואס אנדערע כללים פון רעגולער לשון הקודש.

אויב טרעפט מען ווי רש"י אדער אנדערער מפרש מהראשונים והקדמונים, נעמט א ווארט און פארדרייט דאס אביסל צו אקאמאדירן סיי וועלכע סיבה, קען מען דאך אויך נעמען דעם זעלבן כלל און אזוי טון מיט אנדערע ענליכע ווערטער.

איצט וועט קומען דער בעל קנאי און שרייען אויף מיר, העי, דו האסט פארדרייט דעם לשון הקודש ווארט, האסט עס מאדערניזירט, האסט עס "העברעאיזירט". אויב ווייסט נישט דער בעל קנאי דעם כלל פון רש"י ביים אנדערן ווארט וואס איך ווייס יא, ווי אזוי קען ער אויף מיר שרייען? דער כלל איז דאך, דברי תורה עניים בקום אחד ועשירים במקום אחר. אויב שטימט דאס פאר רש"י אויף איין ווארט, איז עס זיכער גוט אויך אויף אנדערע ווערטער.


דער בן יהודא, שרייבער פון עיברית, איז געווען א שייגעץ, אפּיקורס, א מחלל שבת בפרהסיא, אלעס אמת. אבער א שפּראך עקספערט איז ער זיכער געווען, און ער האט מסתמא גוט געקענט תנ"ך, אזוי ווי פילע משכילים בימיו און לפני ימיו האבן געקענט, וואס צוליב דעם האט מען אין פילע חסידישע מקומות נישט געלערנט קיין תנ"ך אינעם ת"ר יאר הונדערט.

עברית טאר מען נישט רעדן ווייל עס איז א טמא'נע שפּראך, אזוי האט מרן מסאטמאר אונז געלערנט בספרו ויואל משה. עס סימבאליזירט ציוניזם, וואס איז כפירה אין ביאת המשיח. אבער איידער מען נעמט זיך צו א ווארט, דארף מען קודם מברר זיין צי עס איז טאקע ריין עיברית, אדער איז עס יא לשון הקודש, נאר דו ווייסט נישט מחוסר ידיעה.

קארל
שר חמש מאות
תגובות: 796
זיך איינגעשריבען אום: מיטוואך סעפטעמבער 09, 2009 11:16 pm

תגובהדורך קארל » דאנארשטאג אוקטובער 15, 2009 10:02 am

עס ליגט מיר אין קאפ א מאמר פון איינער פון די קנאי'שע רבנים (איך געדענק נישט פינקטליך ווער), אז אפילו א ווארט וואס איז ריין לשה"ק, אבער מען האט זיך נישט באנוצט דערמיט אין לויף פון די יארן ביז די ציונים האבן עס צוריק מחדש געווען, טאר מען אויך נישט נוצן.
אלנפאלס, איז איינער מחולק אז די אויבנדערמאנט ווערטער וועלכע ווערן דערמאנט אין "ויואל משה" זענען נישט עברית? איז א ספק צי "עיתון", "מפלגה", אדער "משטרה" זענען עברית?


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 5 געסט