טעותים

די אחראים: אחראי, גבאי ביהמד

אוועטאר
דיזע ערצעלונג
שר חמישים ומאתים
תגובות: 354
זיך איינגעשריבען אום: דאנארשטאג פאברואר 01, 2007 5:35 pm
פארבינד זיך:

תגובהדורך דיזע ערצעלונג » זונטאג יוני 22, 2008 7:18 pm

אידישל, פארפאלן, מקצת שבחך בפניך, אבער דו בלאזט אריין אין מיר אפטימיזם אז אידיש האט נאך א צוקונפט, ירבו כמותך בישראל.

ר' סענדר האט אלעמאל ביטערליך געוויינט איבער דעם מצב פון דער אידישער שפראך. כ'געדענק וויאזוי ווען איך בין געווען אין ישיבה האבן מיר בחורים ארויסגעגעבן א פורים-צייטונג וואס איז געווען אויסגעשטעלט לויט'ן סטיל פונעם "איד". עס איז געווען גאר פראפעסיאנעל אהערגעשטעלט און האט געהאט א ווייטן אפקלאנג. די פורים צייטונג האט געשאפן פאר ר' סענדר א גרויסן קורת רוח, און ער האט דעמאלט אויסגעדרוקט פאר אונז זיין פארגעניגן אז ב"ה אידיש איז נאכנישט גענצליך אונטערגעגאנגען. ער האט פאראויסגעזאגט פאר אלע שרייבערס פון דער פורים צייטונג א גלענצנדע צוקונפט.

אלע וואס האבן אנטיילגענומען אין דער צייטונג זענען נאך דער חתונה באוואוסט געווארן ווי וועלט-בארימטע שרייבער, כאטש רוב פון זיי זענען מיט דער צייט אריבער צו אנדערע פרנסות, צוליב די אומגינסטיגע באדינגונגען מיט וועלכע זיי האבן זיך געדארפט ספראווען אלס שרייבער, וואס אסאך שולדיג דערין זענען די נישט-שרייבער וועלכע האבן זיך דערקלערט אלס שרייבער און קאנקורירט מיט זיי. בלויז א קליינע טייל זענען געבליבן אינעם שרייבן-פעלד.

מאשקע, געדענקסט נאך די גוטע צייטן?
ווען וועלט וואלט געווען וועלט וואלט מען נישט געזאגט ווען וועלט וואלט געווען וועלט ווייל וועלט וואלט דאך געווען וועלט.

אידיש
שר מאה
תגובות: 188
זיך איינגעשריבען אום: דינסטאג מאי 08, 2007 5:24 pm

תגובהדורך אידיש » זונטאג יוני 22, 2008 7:31 pm

יי"כ סאכדעס, און יי"כ קרעמער פאר דיין וואונדערבארן גילוי.

דיזע, מורא'דיג. איז דאך ר' סענדער דעמאלט געווען אויסער אלע זיינע מדריגות אויך א איד מיט געוואלדיגער וויזיע, א בעל רוח הקודש און א גוטער איד וועמענ'ס ברכות און הבטחות ווערן מקויים. א שאד וואס כ'בין נישט געווען קיין מיטגליד פון יענער פורים-צייטונג; כ'וואלט געווען בטוח, מער נישט געדארפט דאגהן כל ימי חיי. נו, נישט געווען באשערט.

אוועטאר
מיללער
שר עשרים אלפים
תגובות: 25543
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » זונטאג יוני 22, 2008 7:53 pm

דיזע,
כ'האב אפגעאטעמט זעענדיג אז לא עלי היתה תלונתך חלילה, והשם יתן חני בעיני בני אדם לעולם.

וועגן דעם פורים-צייטונג עפיזאד פון ר' סענדר, אויב רעדט מען פון דעם צייטונג וואס איך קלער און פון די שרייבערס וועם איך מיין, איז שווער צו גלייבן אז ר' סענדר זאל דאס האבן מגיב געווען דערויף, סוכ"ס איז דאס שוין געווען בשנותיו האחרונות עלי אדמות, אויב נישט לאחר פטירתו, איך וועל פרובירען צו מאכן ריסוירטש (איך פייף ענק אלע אן, איך שרייב 'ריסוירטש'...)

וועגן די גוטע שרייבערס וואס האבן איבערגעלאזט שרייבעריי וועגען די אומקאנווענציאנאלע באדינגונגען מיט וואס מען איז זיך אומגעגאנגען מיט זיי, דאס איז לפענ"ד דער בראך פונעם יאר-הונדערט ועל דא וודאי קא-בכינא (מאשקע, גיוו מי סאם הארמאני..) איך בין פערזענליך באקאנט מיט צוויי העכסט פראפעסיאנאלע שרייבערס וואס זענען היינט אין אנדערע פרנסה-ליניעס נאר וועגן אומערפארענע שרייבערלעך למיניהם ווואס האבן זיך פארמאסטן אנצונעמען זייערע פאזיציעס פאר א שיבוש (פאר שיבושים צאלט מען א שיבוש, לשון נופל על לשון) און זייערע אויבערהארן וואס פארשטייען צו שרייבעריי ווי אבאמא צו געפילטע פיש זענען געוויס געווארן הינפאטאזירט דערפון און געלאזט די אריגינעלע שרייבערס גיין לעזאזאל,

סענדר, סענדר חגרי שק....

דיזע און אידיש,
בנוגע די שאלה פון 'גאלדשטיינ'ס/גאלדשטיין'ס' איך בין דאך נישט קיין שרייבער ולא בנו של שרייבער, אבער איך ווייס נישט פארוואס, ווי שטארק איר זענט ביי דער מיינונג אז דאס איז ווי שרייבן א ן' אינמיטן א ווארט, זעה איך עס דייקא פארקערט, אז עס איז ווי שרייבן א נ' ביים ענדע פון א ווארט, איי דער פאקט איז אז דער ווארט איז נאכנישט פארטיג? תיקו, מה נעשה אז עס געפעלט מיר בעסער אזוי, לאמיר הערן וויאזוי שרייבן די 'אלעגמיינע/פארווערטס' חברה, אדער וואס האט ר' סענדר געטאן אזא פאל?

מאשקע,
עס שטייט דיר גוט א פורים צייטונג גראדע און איך האב הנאה אז ברכת סענדר עשתה רושם, וועגן דיינע באמערקונגען איבער 'דער שטערן', ביסט צו פרא-שטערן, עני קאמישאנס?

(אגב, אידיש מיט דיזעל-ענזשין גייען דא סינאנים ווי מטות-מסעי, אפשר קען איינער מאכן מיט מיר עפעס אזא פאקט?...)

אידיש
שר מאה
תגובות: 188
זיך איינגעשריבען אום: דינסטאג מאי 08, 2007 5:24 pm

תגובהדורך אידיש » זונטאג יוני 22, 2008 8:17 pm

מילער,
אלגעמיינער און פארווערטס שרייבן לכאורה נישט בלויז מיט א נ', נאר אויך אן אן אויבערשטריכל צווישן דעם נון און דעם פאסעסיוון סמך.

אוועטאר
מאשקע
מ. ראש הקהל
תגובות: 12552
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » זונטאג יוני 22, 2008 8:25 pm

יא דיזער, כ'געדענק יענע גוטע צייטן. נאר כ'האב נישט געוואוסט אז ר' סענדר האט דאס געזאגט.

מיללער, כ'גיב דיר וויפיל הארמאני דו ווילסט, אבער ס'וועט שוין קיין סאך נישט העלפן; דער עולם זינגט נישט היינט די סארט ניגונים.

און יא, איך באקום חודש'ליך קאמיסיע (...) פונעם שטערן, אין פארמאט פון גוטע ארטיקלן אין א הויכן קאליבער.
An article a day keeps the babies away

אוועטאר
דיזע ערצעלונג
שר חמישים ומאתים
תגובות: 354
זיך איינגעשריבען אום: דאנארשטאג פאברואר 01, 2007 5:35 pm
פארבינד זיך:

תגובהדורך דיזע ערצעלונג » מאנטאג יוני 23, 2008 12:27 am

מילער, אויב אזוי רעדסטו פון אן אנדערער פורים צייטונג, ווייל ר' סענדר איז נאך געווען ביים לעבן ביי מיינע צייטן אין ישיבה, חוץ אויב דו ביסט זיך טועה. ער איז אוועק אביסעלע שפעטער. אגב, רעספעקטיר איך זייער דיין אופן פון שרייבן מיט אזא נימוס און עניוות.

מאשקע, ר' סענדר האט דאס געזאגט פאר זיין אייניקל וואס איז געווען דער איניציאטאר פון דער פורים צייטונג. יענער איז אבער אינצווישן א חתן געווארן און איבערגעגעבן זיין רעדאקטאר פאסטן פאר צוויי אנדערע מענטשן.

יאנאש, שיער פארגעסן דיר צו קאמפלימענטירן פאר'ן זיין אזא גוטער מנהל און נישט לאזן יעדן איינעם היידזשעקן די קרעטשמע פאר זיינע פריוואטע אינטערעסן.
ווען וועלט וואלט געווען וועלט וואלט מען נישט געזאגט ווען וועלט וואלט געווען וועלט ווייל וועלט וואלט דאך געווען וועלט.

אוועטאר
אלץ-ווייסער
שר חמש מאות
תגובות: 861
זיך איינגעשריבען אום: פרייטאג אפריל 27, 2007 11:35 am
לאקאציע: נע ונד

תגובהדורך אלץ-ווייסער » מאנטאג יוני 23, 2008 1:56 am

מ'האט פארקירעוועט פון דער טעמע, לאמיר פרובירן צוריקגיין, פאוואליע.

ווי אויבנגעשמועסט, בין איך געווען א שרייבער אין דער איד, נאך אין די צייטן פונעם געליבטן פובליציסט ר' סענדער דייטש ז"ל אין דייטש פרינטינג.
דאס ווארט "שרייבערס" האט דארט נישט געגילט. מ'דארף שרייבן "שרייבער", מערערע שרייבער, פופציג אדער הונדערט שרייבער, נישט שרייבערס.

הרב אידיש, לאמיר הערן פארוואס איז דאס, פארוואס שרייבט מען נישט די ענדע ס' פאר פלורעל. (מערצאל/רבים)?
מיין פראגע איז: פארוואס איז יא גוט צו זאגן: 10 מאכערס, אבער נישט צען שפילערס.
בל' ס"ג - ניקס ווייסער וד"ל

אוועטאר
דיזע ערצעלונג
שר חמישים ומאתים
תגובות: 354
זיך איינגעשריבען אום: דאנארשטאג פאברואר 01, 2007 5:35 pm
פארבינד זיך:

תגובהדורך דיזע ערצעלונג » מאנטאג יוני 23, 2008 2:50 am

אלץ ווייסער. גראדע האלט אידיש אז ס'איז נישט קיין שום פעלער צו שרייבן "שרייבערס" און רוב אידיש-שפראך קענער האלטן אויך אזוי. דאס זעלבע איז ביי רוב אנדערע ווערטער וואו מען קען רואיג ניצן א ס' פאר לשון רבים.

איך און אידיש האבן שוין געהאט א לאנגע דיסקוסיע איבער דעם סמך פאר פלורעל ווערטער. אידיש איז זייער ליבעראל איבער דער טעמע, וויבאלד עס זענען דא וואס האלטן אזוי און ס'זענען דא וואס האלטן אזוי, און דעריבער ניצט ער דעם סמך ביי טייל ווערטער יא און ביי אנדערע נישט - אלעס לויט זיין געשמאק. (דו האסט טאקע געברענגט א גוטן משל פאר אידיש, מאכערס און שפילער, הגם לויט די וואס זענען גורס דעם סמך ביי פלורעל ווערטער איז נישט קיין חילוק צווישן די צוויי ווערטער און ביי ביידע קען מען שרייבן א סמך, און ביי די וואס זענען נישט גורס דעם סמך קען מען ביי ביידע ווערטער נישט שרייבן קיין סמך. און די סיבה פארוואס אינעם "איד" האט מען ביי שפילער געשריבן אן א סמך און ביי מאכער מיט א סמך איז וויבאלד מאכער לשון רבים אן א סמך הערט זיך נישט גוט - דאס איז דער בעסטער ענטפער מיט וועלכן איך קען אויפקומען.)

וואס איך האב אבער יא געוואלט בעטן פון אידיש צו דיסקוטירן (און לכאורה קומט די גאנצע סוגיא אין א באזונדערן אשכול) איז פארוואס ביי געוויסע ווערטער זענען הכל מודים אז מען קען זיי נישט שרייבן מיט א סמך, א שטייגער ווי פענצטער, וואס דאס פלורעל ווארט דערפאר איז אויך פענצטער.

זאל אידיש ביטע אויסרעכענען נאך ביישפילן וואו מען קען נישט ניצן א סמך ביי פלורעל און זאל ער ערקלערן פארוואס - ביטע.
ווען וועלט וואלט געווען וועלט וואלט מען נישט געזאגט ווען וועלט וואלט געווען וועלט ווייל וועלט וואלט דאך געווען וועלט.

אוועטאר
מיללער
שר עשרים אלפים
תגובות: 25543
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג יוני 23, 2008 11:39 am

אידיש האט געשריבן:מילער,
אלגעמיינער און פארווערטס שרייבן לכאורה נישט בלויז מיט א נ', נאר אויך אן אן אויבערשטריכל צווישן דעם נון און דעם פאסעסיוון סמך.


עס קוקט מיר אויס ווי איר שרייבט בבדיחותא וואס לויט די קרעטשמע כללים קומט דערנאך דריי פינטלעך (אגב, דאס האט א מקור?).

אבער לעצם הענין, איר שרייבט 'אברהמ'ס' אדער 'אברהם'ס'? בין איך טאקע מעשוגע וווי א בונדל אדער וואס, פארוואס בין איך נישט געוואונט צו דעם?

עולם,
לאזט אייך הערן דערוועגן.

אוועטאר
דיזע ערצעלונג
שר חמישים ומאתים
תגובות: 354
זיך איינגעשריבען אום: דאנארשטאג פאברואר 01, 2007 5:35 pm
פארבינד זיך:

תגובהדורך דיזע ערצעלונג » מאנטאג יוני 23, 2008 11:48 am

בקיצור, די עקספערטן זאגן דיר ביסט ראנג, הייב אויף דיינע הענטעלעך און געב אויף.

אגב, דאס איז אויך א היימישע עם הארצות אז דריי פינטעלעך מיינט אנצודייטן אז דאס איז געווען א וויץ.
ווען וועלט וואלט געווען וועלט וואלט מען נישט געזאגט ווען וועלט וואלט געווען וועלט ווייל וועלט וואלט דאך געווען וועלט.

אוועטאר
אלץ-ווייסער
שר חמש מאות
תגובות: 861
זיך איינגעשריבען אום: פרייטאג אפריל 27, 2007 11:35 am
לאקאציע: נע ונד

תגובהדורך אלץ-ווייסער » מאנטאג יוני 23, 2008 12:06 pm

הרב מילער,

איר זייט הונדערט פרצענט גערעכט. דער נ' דארף ווערן גענוצט וויבאלד ס'איז נישט די ענדע.
און איך נעם מיין ארגומענט פון די תורה הקדושה.

ביי די ציילונגע פון די שבטים האט די תורה צוגעלייגט א ה מיט א יוד צו די שבטים ווי רשיה"ק איז מסביר בטוטו"ד.
יעצט ביי די שבטים ראובן און שמעון, שטייט ראובנו און שמעוני. לויט הרב אידיש וואלט דאך געדארפט זיין ראובן'י?

ווי אברהמ'ס אדג"ל.

אפשר וועט ער ארגומענטירן אז לשה"ק איז אנדערש ווי אידיש - אבער לכאורה נישט, ווייל דער גאנצער ענדע קומט פון לשה"ק.
בל' ס"ג - ניקס ווייסער וד"ל

אוועטאר
מיללער
שר עשרים אלפים
תגובות: 25543
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג יוני 23, 2008 12:13 pm

איך הייב נישט קיין הענטעלעך אזוי שנעל, סוכ"ס שרייב איך שוין אזוי (דא אין די קרעטשמע) פאר די לאנגעסט טיים און קיינער האט ניטש געשריבען אנדערש, הרב דיזע, וויאזוי האט ר' סענדר געשריבען און וואס איז מיט 'אברהם'ס'?

די דריי פינטעלעך (אדער פינטלעך?) איז נאר דא ביי אונז היימישע עם הארצים?

אוועטאר
מיללער
שר עשרים אלפים
תגובות: 25543
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג יוני 23, 2008 4:20 pm

צייטליך באשכול האפיסעס האט געשריבן:צווייטענ'ס (נישט צווייטן'ס. מיללער הערסט?)
(מל' שנית)

יא איך הער, און איך קאטשע מיך פאר געלעכטער, ווייסט פארוואס? פון וואו זאלסטו וויסן, עס באלאנגט 'צווייטענס' "נישט צווייטענ'ס" און נישט "צווייטן'ס", דער סמך איז נישט פאזעסיוו.

אידיש, בין איך גערעכט?

אוועטאר
מאשקע
מ. ראש הקהל
תגובות: 12552
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » מאנטאג יוני 23, 2008 4:23 pm

ניין. עס קומט "צווייטנס". דער עי"ן איז איבעריג.
An article a day keeps the babies away

אוועטאר
מיללער
שר עשרים אלפים
תגובות: 25543
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג יוני 23, 2008 4:25 pm

זאל זיין אזוי, אבער פאסטשערפי נישט.

אוועטאר
צייטליך
מ. ראש הקהל
תגובות: 12466
זיך איינגעשריבען אום: מיטוואך נובעמבער 01, 2006 6:13 pm
לאקאציע: ערגעץ דא אין די געגענט.

תגובהדורך צייטליך » מאנטאג יוני 23, 2008 4:30 pm

מאשקע איך הער, מיללער שכויעך.
איך בין צייטליך און איך האב עפראווד די תגובה.

אידיש
שר מאה
תגובות: 188
זיך איינגעשריבען אום: דינסטאג מאי 08, 2007 5:24 pm

תגובהדורך אידיש » מאנטאג יוני 23, 2008 4:43 pm

אלץ-ווייסער,
ס'איז א נחת צו האבן דא א וועטעראן-שרייבער, א מחי' צו זען דיינע קאמענטארן.

לגבי דעם סמך - ווי ווייט כ'ווייס, האט מען אמאל מער-ווייניגער געשריבן אן דעם, אבער דא אין אמעריקע האבן פיל געשריבן מיט דעם, און פיל גוטע שרייבער, עקספערטן און לערער פון אידיש זענען מיטגעגאנגען דערמיט. היינטיגע צייטן קלינגען די ווערטער מיטן סמך אפט נאטירליך ביי אונז; אן דעם סמך קלינגט א סך מאל ביי לייענער "צו שרייבעריש". ביטע אויך זען וואס דיזע שרייבט וועגן אונזער לעצטנסדיגער דיסקוסיע אין דעם. איך פערזענליך בין אמאל נוטה צו שרייבן מער ווי דער עולם איז צוגעוואוינט. לגבי מאכערס און שפילער - עס קען זיין ווייל מאכערס איז סלענג און דער סלענג איז מיטן סמך. ס'האט אפשר נישט קיין פשט אנצונעמען דאס סלענג-ווארט נאר לחצאין.

דיזע וועגן פענסטער (פענצטער) וכדומה, יא, כ'גלייב ס'פאדערט זיך א באזונדער אשכול. עס זענען דא ווערטער וואס בייטן זיך נישט אין איינצאל, און עס זענען דא וואס בייטן זיך נישט אין מערצאל. (עס זענען דא וואס רופן עס "דעפעקטיווע לגבי איינצאל", "דעפעקטיווע לגבי מערצאל". צי פענסטער גייט אריין אין דעם, אדער צי ס'איז אין זעלבן גדר ווי די ווערטער וואס טייל ניצן מיטן סמך, און טייל אן דעם, דאס באלאנגט אויך לכאורה אין יענעם באזונדערן אשכול. כ'האף איין טאג אנצוקומען דערצו בל"נ. אין אלגעמיין זענען דאס נישט בלויז ווערטער מיט א סמך. צום ביישפיל, בריוו בלייבט אויך אזוי בלשון-רבים. עס האט נישט קיין מערצאל-פארם, הגם עס זענען יא דא היינט וואס שרייבן בריוון. איך שרייב בריוו אויך בל"ר.

מילער,
כ'האב גראדע נישט געמיינט קיין וויץ, אבער לגבי דעם וואס דו האסט דערמאנט, האלט איך אז אויב דער וויץ קען פארשטאנען ווערן אן דעם דריי-פינטל, פעלט עס נישט אלעמאל אויס. לאמיך דיר פרעגן: וואס איז אינטערעסאנטער, א מענטש וואס מאכט א וויץ און לאכט נישט, אדער א מענטש וואס לאכט יא? דער ערשטער, אמת? חוץ מזה, איז אלעמאל גוט צו שפארן אפשטעל-צייכנס, אויב מ'קען זיך אויסקומען אן דעם. דאס מיינט נישט אז ס'איז מעכב. אמאל האט עס דווקא א חן, מיין איך. דיזע זעט אויס מחולק מיט דעם, ווי ער האט מיר שוין אויך אמאל געזאגט, אבער ס'איז נישט די איינציגע זאך מיט וואס מיר זענען נישט לגמרי איינשטימיג.

איך שרייב אברהמ'ס. אבער דאס מיינט נישט אז דו ביסט "ראטנג", צי משוגע. וואס האט איינס מיטן צווייטן? פארוואס דו ביסט נישט צוגעוואוינט צו "אברהמ'ס"? זייער פשוט - ווייל דו ביסט צוגעוואוינט צו "אברהם'ס". און יא, דא מיין איך א וויץ.

אידיש
שר מאה
תגובות: 188
זיך איינגעשריבען אום: דינסטאג מאי 08, 2007 5:24 pm

תגובהדורך אידיש » מאנטאג יוני 23, 2008 4:47 pm

אלץ-ווייסער,
עפעס האט איר זיך דא טועה געווען. איך האלט ווי דו בנוגע דעם נו"ן. איך האלט אז מ'שרייבט א נ', נישט קיין ן'. כ'האב הנאה פון דיין משל (כאטש איך מאך דערביי להבדיל בין קודש לחול) פונעם פסוק. כ'וויל צוגעבן צו מילער'ן: לויט אלץ-ווייסערס משל, דארף מען טאקע אויסלאזן אויך דעם אויבערשטריך, אבער כ'זאג דאס נאר בדרך צחות.

מילער, פינטעלעך - אויב דו שרייבסט אין איינצאל פינטעלע. פינטלעך, אויב דו שרייבט אין איינצאל פינטל.

אוועטאר
מיללער
שר עשרים אלפים
תגובות: 25543
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג יוני 23, 2008 5:05 pm

אלץ-ווייסער;
דיין משל און ראי' פון ראובן/ראובני איז קלאר נישט אקטועל נישט אזוי ווייט וועגן לשה"ק/אידיש נאר וועגן דעם ' וואס מ'לייגט פארן ס', דאס הייסט, איך שרייב אויך; שפראכן, זאכן, בינען, גאנס אא"וו, ווייל דאס ווארט ווערט געטוישט צו א מערצאל און איז דערפאר אן אנדער ווארט אינגאנצן, משא"כ ביי א פאזעסיווער ס' וואס דאס איז א ספחת צום אריגינעלן ווארט, מוז דער ווארט בלייבן אריגינעל, כנלפע"ד.
לפי"ז איז דער אלעגמיינער/פארווערטס שוין נישט קיין ראי' להיפך ווייל לויט אידיש, שרייבן זיי טאקע נישט דעם ' פארן ס', עי' בתגובות מר. אידיש ודו"ק.

אידיש,
וועגן פינטלעך (איך שרייב פינטל) נאך א וויץ, קודם בריך רחמנא דאידיש מסייעתי נגד הרב דיזע, און יא דארט ווי דער וויץ איז כאפבאר (מיין חידוש?) אן די פינטלעך, איז עס איבריג און לעכערליך, אבער דארט ווי מ'וויל אנצייכענען פארן לייענער אז 'דא לאכט מען' איז עס א גוטער פאנקצואציע מיטל פונקט ווי דער פראגע צייכן ודעימי'.
עס איז נישט ווי איינער לאכט ווען ער זאגט א וויץ, ווייל דארט קען מען הערן דעם ניגון און זעהן זיינע גרימאסן, משא"כ ביים לייענען קען מען חלילה אויסזעהן ווי דער 'טאטע שיק מיר הויזן' משל.

ניין
שר מאה
תגובות: 109
זיך איינגעשריבען אום: מוצ"ש יוני 16, 2007 10:14 pm

תגובהדורך ניין » מאנטאג יוני 23, 2008 11:59 pm

איך האב נישט געליינט די גאנצע מעשה דא, נאר אויף דעם וואס איך זע מ'רעדט דא איבער די דריי פינטלעך נאך א וויץ, איז קלאר אז דאס ווערט אויך געניצט אין ענגליש - בעיקר אין א פאל ווען מ'וויל ווי אנווייזן אז מ'דארף דא עפעס כאפן...
און מסתמא וועגן דעם האט זיך עס אריינגעכאפט ביי אונז סיי ווען מ'מאכט א וויץ...

אוועטאר
אלץ-ווייסער
שר חמש מאות
תגובות: 861
זיך איינגעשריבען אום: פרייטאג אפריל 27, 2007 11:35 am
לאקאציע: נע ונד

תגובהדורך אלץ-ווייסער » דינסטאג יוני 24, 2008 12:49 am

אידיש/מילער

דער ראובני און שמעוני איז בדרך צחות, א וויץ אן דריי פינטלעך.

לגבי די דריי פינטלעך - דאס האט גארנישט מיט קיין וויץ
נאר ווען מען לאזט אויס אן אנהייב (פון א ציטוט) שרייבט מען ... און מ'הייבט אן שרייבן וואו מ'וויל צוקומען, אן די הקדמה פון יענעם.

איז דערפון געווארן אויך ווען מען לאזט אויס די ענדע (ווייל דא לאכט מען, אדער ענדיג אליין צו), מאכט מען אויך די ...

תלמידים שלא בשלו כל צרכם האבן געמאכט דערפון א סימן פון א וויץ.
בל' ס"ג - ניקס ווייסער וד"ל

אידיש
שר מאה
תגובות: 188
זיך איינגעשריבען אום: דינסטאג מאי 08, 2007 5:24 pm

תגובהדורך אידיש » דינסטאג יוני 24, 2008 2:52 am

אמת. ווי איינער זאגט, "ואידך זיל גמור." עס ווערט באנוצט אין ציטאטעס (נישט דווקא ביים אנהייב) און אויך אויף צו סימבאליזירן מחשבות און אומפארענדיגטע זאצן, אדער פעלנדיגע חלקים פון זאצן.

אפשר האבן עס די אונגערישע איינגעפירט נאך א וויץ, ווייל עס נעמט זיי לאנג צו כאפן א ווערטל. (איך שטעל נישט דא קיין דריי-פינטל, און די אונגערישע צווישן אונז, אדער וועלן זיי עס כאפן, און אז נישט, איז אויך גוט.) אבער עס איז מעגליך אז אין אידיש פלעגט מען אמאל אויך ניצן נאך א וויץ, און נישט דווקא אין אונגארן.

ס'וואלט געווען אינטערעסאנט צו פארשן, ווייל אין פארשידענע שפראכן זענען דא פארשידענע רעגולאציעס וועגן דעם באנוץ פון די אפשטעל-צייכנס. אין געוויסע שפראכן זענען די כללים שטרענג און נישט דווקא אלעמאל לאגיש. אין אנדערע שפראכן, דאקעגן, געניסט דער שרייבער פון גרויס פרייהייט ביים באנוצן די אפשטעל-צייכנס.

אידיש האט נישט אריבערגענומען די כללים דווקא פון ענגליש, דעריבער פלעגט מען אין אידיש ניצן געוויסע אפשטעל-צייכנס, ווי למשל די קאמע, אויף אן אופן וואס קען אויסזען אינטערעסאנט און אומפארשטענדליך ביי די וואס קענען די כללים פון ענגליש.

די כללים פון אפשטעל-צייכנס האבן זיך אויך בפירוש געטוישט אויף א דראסטישן אופן אין די פארשידענע שפראכן במשך די יארן. א שנעלער בליק אין אן ענגליש בוך פון א יארהונדערט צוריק, און אפשר אפילו פון פיל שפעטער, וועט דאס קלאר באווייזן. עס איז מעגליך אז אויך דעם דריי-פינטל פלעגט מען אין ענגליש אמאל באנוצן אויף אן אנדער אופן ווי היינט.

(כ'האף כ'וועק אייך נישט אויף; מיר איז באשערט געווען נאך אויף צו זיין איצט.)

אוועטאר
דיזע ערצעלונג
שר חמישים ומאתים
תגובות: 354
זיך איינגעשריבען אום: דאנארשטאג פאברואר 01, 2007 5:35 pm
פארבינד זיך:

תגובהדורך דיזע ערצעלונג » דינסטאג יוני 24, 2008 10:05 am

אידיש, עטליכע הערות.

- איך שרייב געווענליך פענסטער, אבער אזוי ווי כ'האב געזען אז וויינרייך שרייבט פענצטער האב איך מורא געהאט אז דו האסט אויך אנגענומען אזוי און כ'האב געציטערט פון דיינע שארפע קריטיק ווערטער, האב איך מפני דרכי שלום דא באשלאסן צו שרייבן פענצטער...

- וויינרייך איז אויך פון וועמען איך נעם אז "פענצטער" קומט אן א סמך ביי לשון רבים.

- א באזונדער אשכול? איז אשכול א "דאס"?

- באנוץ? וויינרייך שרייבט באניץ (און איך אויך.)

איך ווייס אז דו פלאקסט איין וויינרייך אין דער לינקער בוזעם טאש אבער איך בין פארט פארגלייבט אין אים...
ווען וועלט וואלט געווען וועלט וואלט מען נישט געזאגט ווען וועלט וואלט געווען וועלט ווייל וועלט וואלט דאך געווען וועלט.

איזאק
שר האלפיים
תגובות: 2313
זיך איינגעשריבען אום: מאנטאג פאברואר 12, 2007 11:55 am

תגובהדורך איזאק » דינסטאג יוני 24, 2008 2:49 pm

דיזע, פאר אינטערעסאנקייט, האט דער וויינרייך געהאט א זין א גלח ? אזוי געדענק איך עפעס.

אידיש
שר מאה
תגובות: 188
זיך איינגעשריבען אום: דינסטאג מאי 08, 2007 5:24 pm

תגובהדורך אידיש » דינסטאג יוני 24, 2008 4:50 pm

דיזע,

באזונדער, אזוי ווי אנדער, בייגט זיך נישט. כ'וועל נישט זאגן אז איך האלט זיך אלעמאל צו דעם כלל; נאר ווען עס קלינגט נארמאל.

באנוץ - נישט באניץ, טראץ דעם וואס וויינרייך שרייבט אזוי. אזוי אויך באנוצן, באנוצט.

ביטע, כ'האב נישט אזויפיל פלאץ אין מיין קעשענע.


איזאק:
<<דיזע, פאר אינטערעסאנקייט, האט דער וויינרייך געהאט א זין א גלח ? אזוי געדענק איך עפעס. >>

ניין.


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 6 געסט