אידישע וועלט פארומס

וואס מיינען די צוויי פראזען וואס זענען אין באלד.

עס איז דענן פאראן א גרעסערעס פארגניגען ווי שטעהן אויף דער גאס ... רעדליכווייז אונ אפשפעטען פונ'ם פרנס חודש, חוזק מאכען פונ'ם נגיד דעם בעל-טאקסע אונ אפלעצעווען פונ'ם קלענסטען ביז'ן גרעסטען, דאס הייסט שטעלען א פייג אינטערען טיש נאר א גרויסע? זאגט א יודען וואס אין דער קארט, אבי מיט א וויץ, איז ער צופרידען.

א שיינעם דאנק!

קענסט ברענגען אביסל מער פון דער געשיכטע פאר קאנטעקסט?

"א פייג אונטערן טיש" מיינט ווען מען שטעלט אריין דעם אגודל פינגער צווישן דעם אצבע און אמה (דאס קוקט אויס ווי א פייג), און דער באדייט דערפון איז אזא סארט ביטול מודעה אויף דאס וואס מען זאגט. מען מאכט דאס 'אונטערן טיש' אז דער צד שכנגד זאל נישט באמערקן, און מיינען אז דו רעדסט ערנסט.

דער וויזשניצער רבי זי"ע פון מאנסי פלעגט אזוי אסאך טוהן קעגן עין הרע. אריינלייגן דער פינגער און זיצען אזוי מיט די הענט אראפ ווען קינדער פלעגן זיך צאמנעמען וכדו'

לכאורה האט געשריבן:"א פייג אונטערן טיש" מיינט ווען מען שטעלט אריין דעם אגודל פינגער צווישן דעם אצבע און אמה (דאס קוקט אויס ווי א פייג), און דער באדייט דערפון איז אזא סארט ביטול מודעה אויף דאס וואס מען זאגט. מען מאכט דאס 'אונטערן טיש' אז דער צד שכנגד זאל נישט באמערקן, און מיינען אז דו רעדסט ערנסט.

אדאנק.

כהאב געהערט ממקור נאמן אז הרבנית הצדיקת מסאטמער ז״ל פלעגט הייסן פאר די הויז בחור דאס צו טוהן ווען גרויסע פרעזענליכקייטן זענען געקומען לבקר בהיכלו פון מרן רביה״ק מסאטמער זצוק״ל

shimon7323 האט געשריבן:דער וויזשניצער רבי זי"ע פון מאנסי פלעגט אזוי אסאך טוהן קעגן עין הרע. אריינלייגן דער פינגער און זיצען אזוי מיט די הענט אראפ ווען קינדער פלעגן זיך צאמנעמען וכדו'

ווען די חתנות פון זיינע אייניקליך איז נאך געווען אין ב"פ (ביז בערך תשמ"ט - נ), האט די רבי ז"ל נישט געהאט קיין פריוואטע שטוב אין זאל אין האט געלערענט אין א ווינקל אויף די צוויטע שטאק, פלעגט ער אריין לייגן זיין האנט צו ווישן די בלעטער פון די גמרא מיט די הענט אזוי

דער אגודל צווישן דעם אצבע או דעם אמה, איז אנגערופן א פייג.
נישט ווייל דאס זעט אויס ווי א פייג, ס'האט גאר נישט צו טאהן מין דעם.
דאס נעמט זיך פון "א פאנג די נאז", ווען מלייגט דעם אצבע און דעם אמה פון צוויי זייטן פון די נאז און מען גיט א צי, דער נאך שטופט מען אריין דעם אגודל צווישן די פינגער און מען ווייזט דעם קינד אז מען האט עם גיכאפט -גיפאנגען - די נאז.
פון דעם איז מיט די צייט געווארן א פייג די נאז, פון דא איז נישט ווייט די וועג צו א פייג אונטערן טיש...

אויב איך בין ערלויבט צו זאגן א ידיעה וואס איך ווייס לגבי דעם שפריכווארט "א פייג"
איך האבן אמאל געוויזן "א פייג" פאר א נארמאל באזעצטער פויליש אדער רוסישער גוי.
האט ער מיר אָן געקוקט מיט 4 אויגן, אזוי-ווי- די ווייסט וואס די האסט יעצט געוויזן? שעם-זיך נישט?
ער זאגט מיר זייער ערנסט, אז ביי זיי, איז דאס ארויס-ציווייזן שמוציגע באדייטן ודי
איך ווייס נישט וואס צי זאגן, .. איך טראכט אפשר, (לייגט מען צו וועגן דעם) איז דער אידישע אויסדריק "א פייג און א רעטעך",אזוי ווי סע האט געהאלפען א "פייג און א רעטעך", קלאץ מיטון בוידעם - הודו מיט קוש - א פייג און א הויקער!

אבער דער אויסדריק, "א גראבע פייג"-"א פיג אין א פייג"
צו מאכן א 2טע פייג מיט די לעצטע 2 פינגער "תאנה חנטה פגיה"
ווייסט איינער,אדער אפשר האט מען די נישט ידיעה, צי סע נישט א שמוציג ווארט /באדייט ?

איז א פייג נגד עין הרע? מעגלעך
אפשר נישט צי ווייזען?
אבער דער בילד איז גענומען געווארן פון הרה"ק בעל "בית אברהם" מסלאנים זי"ע,
ווען ער איז אמאל ארויסגעקומען פון מקוה, האט ער באגעגענט איינעם מאכן א בילד, האט ער איהם געוויזן א 'פייג' מיטן פינגער...

ODOM האט געשריבן:דער אגודל צווישן דעם אצבע או דעם אמה, איז אנגערופן א פייג.
נישט ווייל דאס זעט אויס ווי א פייג, ס'האט גאר נישט צו טאהן מין דעם.
דאס נעמט זיך פון "א פאנג די נאז", ווען מלייגט דעם אצבע און דעם אמה פון צוויי זייטן פון די נאז און מען גיט א צי, דער נאך שטופט מען אריין דעם אגודל צווישן די פינגער און מען ווייזט דעם קינד אז מען האט עם גיכאפט -גיפאנגען - די נאז.
פון דעם איז מיט די צייט געווארן א פייג די נאז, פון דא איז נישט ווייט די וועג צו א פייג אונטערן טיש...

אינטערעסאנט!