אולם - א זאַל

די אחראים: אחראי, גבאי ביהמד

לחיים ולברכה
שר האלפיים
תגובות: 2550
זיך איינגעשריבען אום: דאנארשטאג פאברואר 22, 2007 1:10 pm
לאקאציע: אונטער'ן נעץ

אולם - א זאַל

תגובהדורך לחיים ולברכה » דינסטאג ינואר 15, 2008 11:36 am

כ'קום אריין אין בעסמעדרעש, און כ'באגעגענן זיך מיט א חתונה בריוועל אויפ'ן וואנט, די חתונה גייט פארקומען 'בבית השמחה בית רחל'.

אקעי, ער וויל זיין אנדערש? נאו פראבלעם, כ'לאזעם.

דאס איז געווען פאריגע וואך. היינט קומעכאריין אין בעסמעדרעש, זעה איך איינער פון די מחותנים שמועסן מיט א רבי'ש קינד, און דער בנש"ק'ל רופט זיך אן, כ'האב שטארק הנאה געהאט פון דער 'בבית השמחה', אולם אידעך א העברעיש ווארט..... איך האניש געהאט קיין צייט צו אויסהערן ווייטער, אבער כאזעך געוואלט אנרופן 'בין האולם ולמזבח' איז אויך עברית? אבער פארט, אולם איז דען טייטש 'זאל'? אפשר האט דער זאל אין ביהמ"ק געהייסן אולם?
אם אין אני לי, אויב איך וועל נישט טוהן פאר מיינע אייגענע קינדער, מי לי, ווער וועט דאס טוהן אנשטאט מיר?

אוועטאר
מיללער
שר עשרים אלפים
תגובות: 25995
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דינסטאג ינואר 15, 2008 11:44 am

לחיים,
אפשר וואלט מען געברויכט עפענען אן אשכול "עברית מהו?"
דאס איז אן אלטע דעבאטע צו ווערטער וועלכע זענען בעצם לשה"ק נאר די מייסדי לשון עברית האבן זיי אדאפטירט אויף געוויסע מאדערנע ענינים (דאס ווערט אנגערופען א 'טערמין'), טאקע א שטייגער ווי דיין 'אולם', אוודאי איז דאס לשה"ק, אבער דאס צו נוצן אויף א זאל, דאס איז מן-הסתם אן העברעאישער אויפטרעף.

איז אז איינער וויל זיין א מחמיר משום הרחק מן הכיעור, און אפי' נישט נוצן אפי' אזעלכע ווערטער, אשרי יולדתו, למעשה איז היינט צוטאגס זייער שווער צו שרייבן א לשה"ק'דיגער בריוו, מודעה וכדו' אן אז מ'זאל נוצן געציילטע ווערטער און טערמינען פון עברית.

איך ווייס פון א געוויסע ספר וועלכע איז לעצטענס ערשינען מיט תולדות פון א גדול געשריבען אויף אידיש, למעשה איז דאס געווען אביסל שווער פאר די ארויסגעבער ווייל אידיש איז לענגער און האט געווענליך ווייניגער קונדן, אבער כדי צו פארמיידן צו נוצן העברעאישע ווערטער, זענען זיי געגאנגען די עקסטערע מייל, דער זכות וועט זיי אוודאי ביישטיין, עס איז אבער א שווערער נסיון.

אוועטאר
אנדי פעטיט
שר שבעת אלפים
תגובות: 7174
זיך איינגעשריבען אום: זונטאג סעפטעמבער 02, 2007 11:20 am
לאקאציע: אין די גלייזן

תגובהדורך אנדי פעטיט » דינסטאג ינואר 15, 2008 11:54 am

איך דערמאן מיך אז אפאר יאר צוריק האב איך געליינט א מודעה איבער אן עווענט וואס וועט פארקומען "בהיכל בית המדרש".

פונקט דאן האט אדורך געוואקט א גרויסער קנאי און ער האט געשריגען אז עס איז העברעאיש.

אויף מיין שאלה וויאזוי דען ברויך מען שרייבען האט ער מיר געזאגט בזה"ל "בבית המדרש אדער באולם בית המדרש".

מענטשען וואס זיכען צו קריטיקירען וועלען אלעמאל טרעפען קריטיק.
הייב אויף דיינע הענטעלעך צום טאטע אין הימל!

אוועטאר
ערנסטער
שר חמש מאות
תגובות: 583
זיך איינגעשריבען אום: דינסטאג ינואר 30, 2007 11:23 am
לאקאציע: פון יעהופעץ

תגובהדורך ערנסטער » דינסטאג ינואר 15, 2008 12:05 pm

ואולם חי אני...

איך בין דאך א פראסטער איד און לערן מיך פאמעלעך גמרא מיט רש"י, איז רש"י אין א סך ערטער ניצט די ווארט 'אולם' אין דעם באדייט פון 'זאל'.
צום ביישפיל אין יומא כ"ג ע"א שרייבט ער: "אולמות הרבה בנה שם הורדוס, כמו שכתוב בספר יוסף בן גוריון על מעלות האולם בהר הבית, אולמות גרסינן בתוספתא" און אין יבמות קב"א ע"ב ער שרייבט: "כיפין כמין בנינים ואולמות" און אין עירובין ק"ב ע"א ער איז מפרש דעם באדייט פון 'כיפי דארבא' אזוי: "אולמות שעושין בספינה, שנועצין כעין מעגלין שקורין צרק"ל, ראשו אחד בדופן זה של ספינה וראשו שני בדופן זה, והוא כפוף כמו אולם, ועומד כמו כיפה, ומרחיק כחצי אמה ונועץ אחר, וכן על פני כולה ופורסין בגדים ומחצלות של גמי להגין מפני הצנה והגשמים".
איז הייסט עס אז פירש"י האט עפעס א שייכות צו ציונות ר"ל ? :wink:
די וואָר הענגט אויף א האָר

אוועטאר
ערנסטער
שר חמש מאות
תגובות: 583
זיך איינגעשריבען אום: דינסטאג ינואר 30, 2007 11:23 am
לאקאציע: פון יעהופעץ

תגובהדורך ערנסטער » דינסטאג ינואר 15, 2008 12:07 pm

אנדי פעטיט האט געשריבן:מענטשען וואס זיכען צו קריטיקירען וועלען אלעמאל טרעפען קריטיק.

100 פראצענט. יגעתי ולא מצאתי - אל תאמין...
די וואָר הענגט אויף א האָר

לחיים ולברכה
שר האלפיים
תגובות: 2550
זיך איינגעשריבען אום: דאנארשטאג פאברואר 22, 2007 1:10 pm
לאקאציע: אונטער'ן נעץ

תגובהדורך לחיים ולברכה » דינסטאג ינואר 15, 2008 12:10 pm

שכח ערנסטער. כ'זעה אז איך בין יא געווען גערעכט.
אם אין אני לי, אויב איך וועל נישט טוהן פאר מיינע אייגענע קינדער, מי לי, ווער וועט דאס טוהן אנשטאט מיר?

אוועטאר
מיללער
שר עשרים אלפים
תגובות: 25995
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דינסטאג ינואר 15, 2008 12:15 pm

ערנסטער, יפה דברת ובזמנו דברת, דברי רשיה"ק הם קילורין לעינים.

אוועטאר
קרעמער
שר עשרים אלפים
תגובות: 28310
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דינסטאג ינואר 15, 2008 7:59 pm

ערנסטער;

נאכדעם וואס איר האט אנגענומען אז אולמות מיינען זאלען, פארשטייט איר דברי רש"י אזוי. איך האב די זעלבע דברי רש"י יעצט געלערנט אין דיין תגובה, און פארשטאנען אז ער רעדט פון רינדעכיגע כיפות, צירק"ל בלע"ז, א שטייגער ווי א DOME: curved hemispherical roof or ceiling, cupola, anything shaped like a dome

אוועטאר
לכל זמן
שר חמישים ומאתים
תגובות: 315
זיך איינגעשריבען אום: מאנטאג אוגוסט 29, 2011 12:51 am

תגובהדורך לכל זמן » זונטאג סעפטעמבער 11, 2011 11:12 pm

פתחו לי פתח כחודו של מחט ואני אפתח לכם פתח כפתחו של אולם.
הגם במקורו אין מדרש שיר השירים שטייט נישט דער לשון 'אולם', ווערט דאס אבער אזוי צוגעברענגט אין אסאך ספרים.
או כלך אצל מימרא זו בעירובין נג: אמר ר' יוחנן לבן של ראשונים כפתחו של אולם ושל אחרונים כפתחו של היכל ואנו כמלא נקב מחט סידקית.
עת לקרות | ועת לתגוב

אוועטאר
msp
שר עשרת אלפים
תגובות: 18002
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » מאנטאג סעפטעמבער 12, 2011 7:07 am

דרך אגב איז כדאי צו צוברענגען דער ווארט פון קאצקער אז הגם אז עס דארף נאר זיין א קליינער לאך
אבער עס דארף זיין טיעף אזוי ווי א מחט וואס דרינגט אריין טיעף טיעף
חכלילי עינים מיין ולבן שנים מחלב

אוועטאר
ים רויבער
שר האלפיים
תגובות: 2025
זיך איינגעשריבען אום: דאנארשטאג פאברואר 03, 2011 2:13 pm

תגובהדורך ים רויבער » מאנטאג סעפטעמבער 12, 2011 9:24 am

לכל זמן האט געשריבן:פתחו לי פתח כחודו של מחט ואני אפתח לכם פתח כפתחו של אולם.
הגם במקורו אין מדרש שיר השירים שטייט נישט דער לשון 'אולם', ווערט דאס אבער אזוי צוגעברענגט אין אסאך ספרים.
או כלך אצל מימרא זו בעירובין נג: אמר ר' יוחנן לבן של ראשונים כפתחו של אולם ושל אחרונים כפתחו של היכל ואנו כמלא נקב מחט סידקית.

איך ווייס נישט וואס דו ווילסט ארויסברענגן דערמיט אבער דארט איז בפשטות די משמעות דער אולם פון ביהמ"ק וואס האט געהאט א טיר פון פערציג אמות הויעך
כא כא כא האבן זיך די רויבער צולאכט (מנחם מענדל)
pirate.ivelt@gmail.com

איטשע
שר האלפיים
תגובות: 2505
זיך איינגעשריבען אום: דאנארשטאג אוגוסט 27, 2009 10:19 am

תגובהדורך איטשע » זונטאג סעפטעמבער 18, 2011 11:21 am

מיין שאלה איז "ווי שטארק קאמפלעקסט מוז מען זיין, אז ביי יעעדער ווארט מוז טראכטען וויאזוי די ציונים וואלטן זיי געזאגט", עס איז מיר א חידוש אז ביי די עקסטרעמיסטן איז מען מער ביזי מיט דען ווי ביי אנדערע פלעצער, וואס ציוניזם, פארנעמט בכלל נישט קיין ארט.
אויף אזוי ווייט גייט די קאמפלאקס, אז צומאל וועט מען שריבען אזא גרייזערישע עם הארצ'ישע לשה"ק , ווייל די ציוניסטן שרייבען אנדערש (צו מאל ריכטיג).

אדרע אפשר האב איך נישט קלאר ארויס דער בילד.

אוועטאר
שנאפס
שר עשרת אלפים
תגובות: 15207
זיך איינגעשריבען אום: מאנטאג סעפטעמבער 12, 2011 9:59 pm
לאקאציע: אויף די קרעטשמע פאליצעס
פארבינד זיך:

תגובהדורך שנאפס » זונטאג סעפטעמבער 18, 2011 2:49 pm

אוודאי, אויב מען האט א ספק אז עס איז אפשר די טמנע שפראך איז ענדערש צו שרייבן גרייזיג ווי איידער נכשל ווערן
kraitchmah עט גימעיל

באקומט סטאקס בחנם

אוועטאר
יואל ווייס
שר האלף
תגובות: 1118
זיך איינגעשריבען אום: מיטוואך ינואר 28, 2009 9:25 am
לאקאציע: אין גוטע הענט, ב"ה

תגובהדורך יואל ווייס » זונטאג סעפטעמבער 18, 2011 4:43 pm

שנאפס האט געשריבן:אוודאי, אויב מען האט א ספק אז עס איז אפשר די טמנע שפראך איז ענדערש צו שרייבן גרייזיג ווי איידער נכשל ווערן

דו האסט א ספק אויף דאס ווארט 'טמא'נע' אז עס איז העברעאיש...?
(דזשאסט קידינג.)
__________________________________
This signature was intentionally left blank

גיוואלדיג
שר חמישים ומאתים
תגובות: 409
זיך איינגעשריבען אום: מאנטאג מאי 09, 2011 6:52 pm

תגובהדורך גיוואלדיג » זונטאג סעפטעמבער 18, 2011 4:54 pm

איטשע האט געשריבן:אויף אזוי ווייט גייט די קאמפלאקס, אז צומאל וועט מען שריבען אזא גרייזערישע עם הארצ'ישע לשה"ק , ווייל די ציוניסטן שרייבען אנדערש (צו מאל ריכטיג).
אדרע אפשר האב איך נישט קלאר ארויס דער בילד.

כידוע אין בעלזא (או בדומה לזה) פלעגט מען מקפיד זיין צו זאגן ווערטער שפעציעל גרייזיג נישט לויט די כללים פון דקדוק כדי להוציא מלבן של המשכילים
אלזא עפעס א מקור האטעס

פיבער מעסטער
שר חמישים ומאתים
תגובות: 258
זיך איינגעשריבען אום: זונטאג ינואר 23, 2011 12:56 pm

תגובהדורך פיבער מעסטער » זונטאג סעפטעמבער 18, 2011 5:10 pm

וואס איז מיט "משטרה" "מוסדות התורה" וואס ווערט דערמאנט בספרי רביה"ק מסאטמאר

אוועטאר
msp
שר עשרת אלפים
תגובות: 18002
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » מאנטאג סעפטעמבער 19, 2011 4:36 am

אמת?
ווי שטייט משטרה
ברענג א מקור
חכלילי עינים מיין ולבן שנים מחלב

בלעטל
שר האלף
תגובות: 1509
זיך איינגעשריבען אום: זונטאג יולי 17, 2011 3:15 am

תגובהדורך בלעטל » מיטוואך סעפטעמבער 21, 2011 10:59 pm

פיבער מעסטער האט געשריבן:וואס איז מיט "משטרה" "מוסדות התורה" וואס ווערט דערמאנט בספרי רביה"ק מסאטמאר

ס'דא נאך ווערטער בספריו, אבער ער האט זיך באצויגן צו א מציאות וואס אזוי ווערט עס אנגערופן, אזוי ווי "משרד הדתות" מ'קען עס נאר אנרופן ביים נאמען, טמאים הם לכם, אעפ"י שעיקם הכתוב שמונה אותיות.

אוועטאר
בעאבאכטער
שר האלף
תגובות: 1947
זיך איינגעשריבען אום: מיטוואך סעפטעמבער 21, 2011 5:58 am

תגובהדורך בעאבאכטער » דאנארשטאג סעפטעמבער 22, 2011 2:29 am

"אולם" ווערט געניצט אין העברעאיש בלויז פאר א זאל, און דאס מיינט אז ס'איז העברעאיזירט. לעצנטס רופן זיי פאר א 'בעסערע זאל " מיטן נאמען "היכל" זיי האבן לכאורה א פלאן אנצוקומען מיט זייערע גראבע שטיוול ביזן קודש הקדשים...

אוועטאר
גרשון
שר האלפיים
תגובות: 2191
זיך איינגעשריבען אום: מאנטאג פאברואר 18, 2019 11:01 pm

Re: אולם - א זאַל

תגובהדורך גרשון » דאנארשטאג יוני 04, 2020 11:32 am

אין תהלים (עג, ד) שטייט אין פסוק "ובריא אולם", וואס דער רד"ק און דער מצודות טייטשן "ארמון".

דער אבן עזרא שרייבט: "וטעם להזכיר אולם, כי הוא דר בבית נכבד שיש לו אולם, כמו האולם של בית השם הנזכר בדברי הימים. או בעבור שהדירה באולם בריאות לגוף, בעבור האויר שהוא מגולה ויש סתר מלמעלה." ד"ה אז אדער רופט מען אן א גרויסע הויז אולם וויבאלד דער בית המקדש האט געהאט אן אולם, אדער מיינט דאס בעצם א גרויסער שטוב, וויבאלד אן אולם איז געווענליך ברייט און הויך.

בכל אופן, אולם פאר א זאל איז היבש עלטער ווי בן יהודה שר"י.
ס'איז א פארגעניגן זיך צו מתווכח זיין מיט א ראציאנעלן מענטש

אוועטאר
הערסט?
שר חמישים ומאתים
תגובות: 275
זיך איינגעשריבען אום: זונטאג יוני 18, 2017 5:40 pm

Re: אולם - א זאַל

תגובהדורך הערסט? » מאנטאג יוני 08, 2020 4:03 am

ס'קומט צום לאכן. ווען איינער מיינט אז ער ווערט פרום אנע מידסטן ידיעות הלשון... און צומאל איז ער א תלמיד חכם אבער נישט קיין יודע לשון.
ס'איז דא נאך אסאך ווערטער וואס מענטשן האבן נישט קיין האנוג אז ס'איז לשון הקודש.
(אזוי ווי איך האב פאר איינעם געשריבן אמאל אין זיין ספר ''הנדסה'' האט ער מיר געוואלט באשטיינערן...)
לאנג און זיס

צביירושלים
שר מאה
תגובות: 117
זיך איינגעשריבען אום: זונטאג מארטש 24, 2019 4:03 pm

Re: אולם - א זאַל

תגובהדורך צביירושלים » מאנטאג יוני 08, 2020 7:29 am

מי שבירך……………

אוועטאר
סטאוו יא פיטא
שר שמונת אלפים
תגובות: 8613
זיך איינגעשריבען אום: דאנארשטאג מאי 07, 2020 9:24 am

Re: אולם - א זאַל

תגובהדורך סטאוו יא פיטא » מאנטאג יוני 08, 2020 9:27 am

הערסט? האט געשריבן:ס'קומט צום לאכן. ווען איינער מיינט אז ער ווערט פרום אנע מידסטן ידיעות הלשון... און צומאל איז ער א תלמיד חכם אבער נישט קיין יודע לשון.
ס'איז דא נאך אסאך ווערטער וואס מענטשן האבן נישט קיין האנוג אז ס'איז לשון הקודש.
(אזוי ווי איך האב פאר איינעם געשריבן אמאל אין זיין ספר ''הנדסה'' האט ער מיר געוואלט באשטיינערן...)

וואס טייטשט הנדסה אין לשה"ק?

אוועטאר
גרשון
שר האלפיים
תגובות: 2191
זיך איינגעשריבען אום: מאנטאג פאברואר 18, 2019 11:01 pm

Re: אולם - א זאַל

תגובהדורך גרשון » מאנטאג יוני 08, 2020 11:16 am

הערסט? האט געשריבן:ס'קומט צום לאכן. ווען איינער מיינט אז ער ווערט פרום אנע מידסטן ידיעות הלשון... און צומאל איז ער א תלמיד חכם אבער נישט קיין יודע לשון.
ס'איז דא נאך אסאך ווערטער וואס מענטשן האבן נישט קיין האנוג אז ס'איז לשון הקודש.
(אזוי ווי איך האב פאר איינעם געשריבן אמאל אין זיין ספר ''הנדסה'' האט ער מיר געוואלט באשטיינערן...)

ס'קען למעשה האבן א שטיקל באדייט, אויב מ'פלעגט אמאל נישט ניצן דאס ווארט פאר א זאל, און פלוצלינג פאנגט מען עס אן צו רופן אזוי. וואס איז? אין עברית זאגט מען אזוי.

דאך אבער, אויב זיי האבן עס געשעפט פון פריערע מקורות, איז שווער צו זאגן אז דאס ווארט איז א זייעריגן.
ס'איז א פארגעניגן זיך צו מתווכח זיין מיט א ראציאנעלן מענטש

אוועטאר
הערסט?
שר חמישים ומאתים
תגובות: 275
זיך איינגעשריבען אום: זונטאג יוני 18, 2017 5:40 pm

Re: אולם - א זאַל

תגובהדורך הערסט? » מאנטאג יוני 08, 2020 12:49 pm

סטאוו יא פיטא האט געשריבן:
הערסט? האט געשריבן:ס'קומט צום לאכן. ווען איינער מיינט אז ער ווערט פרום אנע מידסטן ידיעות הלשון... און צומאל איז ער א תלמיד חכם אבער נישט קיין יודע לשון.
ס'איז דא נאך אסאך ווערטער וואס מענטשן האבן נישט קיין האנוג אז ס'איז לשון הקודש.
(אזוי ווי איך האב פאר איינעם געשריבן אמאל אין זיין ספר ''הנדסה'' האט ער מיר געוואלט באשטיינערן...)

וואס טייטשט הנדסה אין לשה"ק?

עיין משניות עירובין פרק ה' משנה ה'
אין מודדין אלא מן המומחה
וברמב"ם שם:
מומחה, הוא האדם היודע ובקי במלאכה מן המלאכות או מדע מן המדעים, ור"ל כאן שיהא יודע הנדסה ובקי במדידת הקרקעות וכו' עכ''ל.

אין עברית נוצט מען די ווארט אויף דעם משמעות.
אבער אויך אויף א צווייטן משמעות וואס איז פארדרייט פון לשון הקודש, דהיינו אויף א יעדע געבוי און צאמשטעל פון א זאך. צו א צאמשטעל פון בוי מאטריאל אדער genes וכדומה.
לאנג און זיס


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך איצט דא: נישטא קיין איינגעשריבענע באנוצערס און איין גאסט