וואס באדייט די ווארט?

[גרשון]

נעפל = fog; פארנעפלט = foggy.

מיט בענקשאפט מיינט עס מסתמא א פארגלייזטן בליק ווי אין חלל אריין, נישט צו א דירעקטן פונקט און מיט א קלארער וויזיע. מיט אינפארמאציע איז עס אומקלארע אינפארמאציע שטיקער, ווי @זאג א גוטס שרייבט.

[יהודה א.]

[יהודה א.]

"פעראיינגעלסט זיך"?

(אימיצער האט געטייטשט "תהפך לאמריקאית/Americanized". כ'ווייס נישט צי ס'איז גערעכט.)

[מיין שטעלונג]

וואס מיינט די ווארט "ספאראדישע"?

"ספאראדישע מארדן".

[גרשון]

וואס מיינט די ווארט "ספאראדישע"?

"ספאראדישע מארדן".

נישט כסדר'דיג, צייטנווייז.

sporadic

[גרשון]

"פעראיינגעלסט זיך"?

(אימיצער האט געטייטשט "תהפך לאמריקאית/Americanized". כ'ווייס נישט צי ס'איז גערעכט.)

מעגליך, כלומר פארענגלישסט דיך. אפשר איז בעסער צו ווייזן דעם גאנצן קאנטעקסט.

[זאג א גוטס]

וואס מיינט די ווארט "ספאראדישע"?

"ספאראדישע מארדן".

נישט כסדר'דיג, צייטנווייז.

sporadic

האט דאס מיטן ענגלישן separate?

[חתם סופר'ניק]

געגנשטאנד באדייט א הארטע ממשות'דיגע זאך

כ'קלער אז די מקור דערפון איז א צאמשטעל פון די צוויי ווערטער קעגן-שטאנד, דהיינו ס'לאזט נישט אדורך

[גרשון]

מ'האט לעצטנס גערעדט דא איבער אנטריסטונג. דאס ווארט איז אנריסטונג אדער אנטריסונג?

איך קען אויך נישט טרעפן פון וואו דאס ווארט קומט. איך זע עס נישט אין דייטש, און נישט אין די אידישע ווערטערביכער.

[קלאָצקאָפּ]

איך געדענק עס אלס אנטריסטונג.

[אסדר לסעודתא]

מ'האט לעצטנס גערעדט דא איבער אנטריסטונג. דאס ווארט איז אנריסטונג אדער אנטריסונג?

איך קען אויך נישט טרעפן פון וואו דאס ווארט קומט. איך זע עס נישט אין דייטש, און נישט אין די אידישע ווערטערביכער.

מנהג העולם צו שרייבן אנטריסטונג.

[קלאָצקאָפּ]

זע איך אז מרת ראטה שרייבט אויך אזוי.

זי האט דארט "אנטריסטעט" אויך, כ'האב עס נאך קיינמאל געהערט/געזען נוצן.

[יהודה א.]

"דוד דער שאוולייצער איז געשטארבן". וואס מיינט "שאוולייצער"?

[מיין שטעלונג]

וואס איז דער מקור פון די ווארט "ווידערשפעניג"?

אין דייטש זאגט מען 'ווידערשפענסטיג'. (widerspenstig).

דאס ווארט 'ווידער' האט צוויי באדייטן.

1) נאכאמאל. "ווידעראמאל".
2) קעגן. "ווידערווילן", "ווידעראום".

אין דייטש שרייבט מען דאס ערשטע "wider" און דאס צווייטע "wieder" און דעם לעצטן ליינט מען אויס מיט א טיפערן חיריק, אזוי ווי די חי' אדער משפחה נאמען "ווידער".

דאס ווארט 'שפענסטיג' מיינט "שפאנונג".

דאס ווארט 'שפאנונג' אין ענגליש טייטשט זיך אויף Tension.

"דער עולם שטייט געשפאנט צו זעהן די ענדע פון די שפיל".
"עס האט זיך געשאפן א שטיקל שפאנונג צווישן די צוויי חצרות".

אלזא, דער באדייט פון "ווידערשפענסטיג" דארף מיינען אזוי. דו האסט מיך עפעס געהייסן טוהן, אבער איך בין ווידערשפעניג. אנשטאט ענטפערן דיין באפעל מיט אונטערטעניגקייט ענטפער איך מיט שפאנונג, מיט אן אנגעצויגנקייט, איך פאלג נישט. איך געב צוריק שפאנונג צו דיין באפעל. א קאנטער-שפאנונג. א ווידער-שפאנונג. ווידערשפעניגונג.

[זכרונות]

viewtopic.php?p=2512181#p2512181
אין דער לינק האב איך געברענגט א אלטע שפריכווארט אז "לינו פה איז ווערט א פלוי". דער שפריכווארט באדייט אז ווען די שרי בלק זענען דאס ערשטע מאל געקומען צו בלעם האט ער זיי אפגעשטופט און גע'ענטפערט "לינו פה הלילה" און איך וועל ענק מארגען ענטפערן, און עס האט זיך טאקע גארנישט אויס געלאזט דערפון, איז דערפאר ווען איינער זאגט דיר "מארגען" ווייסטו שוין אז ס'קען זיין אז עס וועט זיך מיט גארנישט אויס לאזען, און פון דא נעמט זיך דער שפריכווארט אז "לינו פה איז ווערט א פלוי", און "פלוי" מיינט אז עס איז גארנישט ווערט.

אבער היות אין דער אידישער שפראך האב איך זיך קיינמאל נישט באגעגענט מיט אזא ווארט, ווארפען מיר עס אריין אין דער אשכול צו פרעגן צו איינער ווייסט יא פינקטליך וואס מיינט דאס ווארט "פלוי"?

[זאג א גוטס]

מסתם עפעס אזויווי רעטעך...

[חלב ישראל]

ווי אויך מוז נישט זיין אז ס'האט טאקע א באדייט, ס'קען זיין סתם אזוי א ווארט וואס מיינט נישט גארנישט וואס גראמט מיט פה.

[יהודה א.]

"נעכטן געקראגן א בריוו פון ... ער רעדט אויס פארוואס מ'זאגט ער האט געלט פערנומען". וואס מיינט צו פארנעמען געלט?

[יהודה א.]

לגבי "פלוי", דאס איז א קליינער ברי' וואס הייסט flea בלע"ז.

[זאג א גוטס]

"נעכטן געקראגן א בריוו פון ... ער רעדט אויס פארוואס מ'זאגט ער האט געלט פערנומען". וואס מיינט צו פארנעמען געלט?

קען זיין ער רעדט זיך אויס פארוואס מ'זאגט אויף אים אז ער זיצט אויף די קאסע און נעמט געלט פאר זיך...

[יהודה א.]

ש'כויח!

[farshlufen]

וואס באדייט די ווארט "טרויערקורדע"?

[גרשון]

בארדערן. ס'איז אן עכט ווארט? מינדליך ניצט מען עס אסאך, און ס'וואלט היבש צונוץ געקומען שרייבערס אלס סינאנים.

אויף אייוועלט איז עס בלויז איינמאל געשריבן געווארן (אין דעם אשכול) -- ניין יאר צוריק.

[farshlufen]

בארדענען זאגט מען, קיינמאל עס געהערט מיט א רי"ש.

[זאג א גוטס]

'וואויווען' המוזכר בלינק הגרשוני, איז לעצטנס געווען פאפולער אין א קלאסיפייד, געברענגט דא אין וועלטל טאקע דורך ידיד כל באי העול"ם, כבוד הרב הניק שלמעלה ממני.