לעצטע אדער אונטערשטע

די אחראים: אחראי, גבאי ביהמד

אוועטאר
ישלהוסיף
שר האלפיים
תגובות: 2684
זיך איינגעשריבען אום: מאנטאג נובעמבער 14, 2011 10:57 pm

לעצטע אדער אונטערשטע

תגובהדורך ישלהוסיף » מיטוואך אפריל 18, 2012 12:15 pm

מיין שאלה דא איז א פשוטע, אבער וואס קומט מטיפשת הזמן.
גלייך צום ענין, געוויסע צדיקים וואס האבען שוקל געוועהן זייער דיבור, האבען גערופען די לעצטע אדער די צווייטע טעג יום טוב בלשון "דער אינטערשטע" ווייל לשיטתם איז דאס מער לשון נקי' אדער ס'נישט גלייך צו זאגען די לעצטע ווייל מיר ווילען דערלעבען די קומענדיגעי יום טוב אויך, הגם די כוונה פון דער מענטש איז בכלל נישט אויף די ימים טובים נאר אויף די טעג אין דעם יום טוב גופא.

אבער דעם פארגאנגענעם יום טוב האב איך געזעהן בגליון "לקראת שבת" היו"ל ע"י חסידי סקווירא (אין נאך דעם דאס באמערקט אין רוב פין זייער געשרייבעכטס אין אנדערע גליונות), אז דער ווארט "לעצטע" איז בבחינת בל יראה ובל ימצא, איבעראל ווי מען וואלט געדארפט שרייבען דאס ווארט 'לעצטע' קומען זיי אין שרייבען 'אינטערשטע', איז דאס טאקע א מהלך? איז דאס נישט איבערגעטריבען, מ'נעמנט א הנהגה פון א צדיק א טריט ווייטער.

ממהיום והלאה במקום "דער לעצטע געדאנק" תיקון טעות "דער אינטערשטע געדאנק"...

איטשע
שר האלף
תגובות: 1902
זיך איינגעשריבען אום: דאנארשטאג אוגוסט 27, 2009 10:19 am

תגובהדורך איטשע » מיטוואך אפריל 18, 2012 12:27 pm

גדול יהיה בית האחרון, וואלט געדארפט שטיין בית התחתון?
די תורה הקדושה לערנט אונז אויס וויאזוי צו רעדן.
אז עס איז געווען א צדיק, וואס האט געמאכט אן עסק דערפון מיינט נאכנישט...... וד"ל

אוועטאר
ישלהוסיף
שר האלפיים
תגובות: 2684
זיך איינגעשריבען אום: מאנטאג נובעמבער 14, 2011 10:57 pm

תגובהדורך ישלהוסיף » מיטוואך אפריל 18, 2012 12:39 pm

איטשע האט געשריבן:גדול יהיה בית האחרון, וואלט געדארפט שטיין בית התחתון?
די תורה הקדושה לערנט אונז אויס וויאזוי צו רעדן.
אז עס איז געווען א צדיק, וואס האט געמאכט אן עסק דערפון מיינט נאכנישט...... וד"ל


איך האב געטראכן ביים שרייבען וועגען דער ספר בית שמואל אחרון,
אבער כ'האב נישט געוואלט אריין גיין בנוגע לשון הקודש נאר בלשון המדוברת 'אידיש'.

אוועטאר
מיללער
שר עשרים אלפים
תגובות: 25771
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך אפריל 18, 2012 12:56 pm

אחרון קען טייטשען שפעטערדיגער, אחרון אחרון חביב

אוועטאר
קרעמער
שר עשרים אלפים
תגובות: 28275
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מיטוואך אפריל 18, 2012 12:58 pm

מיר נערווירט אויך אביסל ווען מענטשן פראווען רבי'סטעווע אויף דעם שטייגער, ביים מצות באקן האב איך מיטגעהאלטן א פארפרומטע חבורה שרייען "די אונטערשטע מיירע" אנשטאט די "לעצטע" (רח"ל).

ליפשיץ
שר חמישים ומאתים
תגובות: 289
זיך איינגעשריבען אום: זונטאג ינואר 11, 2009 2:51 pm

תגובהדורך ליפשיץ » מיטוואך אפריל 18, 2012 1:57 pm

וואס מיר האט אלץ געוואונדערט איבער דער נושא, איז דאס אז דוקא די מקומות וועלכע האבן מקפיד געווען צו ניצן דאס ווארט "אונטערשטע" במקום "לעצטע", האבן אבער בעת'ן קורא שם זיין פאר די רביים אין דער גזע דוקא יא גערופן דעם לעצטן רבי'ן תחת השם "דער לעצטער רב" און נישט "דער אונטערשטער רב" - וואס טאקע פשט?

אוועטאר
לכתחילה אריבער
שר עשרת אלפים
תגובות: 19981
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » מיטוואך אפריל 18, 2012 2:00 pm

קרעמער האט געשריבן:מיר נערווירט אויך אביסל ווען מענטשן פראווען רבי'סטעווע אויף דעם שטייגער, ביים מצות באקן האב איך מיטגעהאלטן א פארפרומטע חבורה שרייען "די אונטערשטע מיירע" אנשטאט די "לעצטע" (רח"ל).

דאס איז נאך ברחמים, יעמאנד האט געזאגט "עס איז היינט זיין אונטערשטע שבע ברכות"!
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" - אדמו"ר מהר"ש

הסרפד
שר האלף
תגובות: 1917
זיך איינגעשריבען אום: מיטוואך סעפטעמבער 07, 2011 9:36 am

תגובהדורך הסרפד » מיטוואך אפריל 18, 2012 2:07 pm

אין בעלזא איז מען נאך גאנץ שטארק מקפיד אויף דעם, אבער "אינטערשטער שבע ברכות" איז מען מקפיד נישט צו זאגן. (איך האב אמאל פראבירט צו רעדן בעלז'יש לכבוד מיינע בעלזער מכניסי-אורחים, און איך האב געמאכט דער טעות ממש.)

אוועטאר
למעלה משבעים
שר תשעת אלפים
תגובות: 9891
זיך איינגעשריבען אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

תגובהדורך למעלה משבעים » מיטוואך אפריל 18, 2012 2:59 pm

דאס נישט זאגן לעצטע איז אלץ אל תפתח פה, דהיינו ס'איז נישט די לעצטע מיירע, דער איד גייט נאך מאכן אסאך מיירע'ס אין זיין לעבן (נישט איך זאג מען דארף אזוי רעדן, נאר להבין הדבר). ממילא ביי שבע ברכות אדער א זאך וואס מען וויל נישט עס זאל נאכאמאל זיין, זאגט מען יא לעצטע.
ממילא למשל גדול יהיה בית האחרון קען מען יא טייטשן לעצטע, ווייל מען וויל נישט עס זאל נאכאמאל חרוב ווערן.

הסרפד
שר האלף
תגובות: 1917
זיך איינגעשריבען אום: מיטוואך סעפטעמבער 07, 2011 9:36 am

תגובהדורך הסרפד » מיטוואך אפריל 18, 2012 4:05 pm

טאקע. ובאותו מעמד האט מען מיר געזאגט אז מען זאגט אויך "דער לעצטע טאג פון יאהר/חודש", ווייל עס איז נישט דא אין דעם קיין אל תפתח כו', ווייל עס וועט סיי ווי נישט זיין נאך א טאג אין דעם יאהר, ופשוט.

אוועטאר
DotCom
שר חמש מאות
תגובות: 682
זיך איינגעשריבען אום: זונטאג נובעמבער 23, 2008 10:29 pm
לאקאציע: אין גלות

תגובהדורך DotCom » מיטוואך אפריל 18, 2012 4:53 pm

איטשע האט געשריבן:גדול יהיה בית האחרון, וואלט געדארפט שטיין בית התחתון?
די תורה הקדושה לערנט אונז אויס וויאזוי צו רעדן.

דארט איז זיכער יא האחרון אפילו לויט די מקפידים, ווייל דעמאלט האט מען טאקע געהאפט אז עס זאל זיין דאס לעצטע ביהמ"ק און עס זאל נישט חרוב ווערן.

אגב, איך קען מענטשן וואס זענען מקפיד נישט צו זאגן מים אחרונים, נאר אנשטאט זאגט מען 'וואסער צום בענטשן'.
'היימישע קרעטשמע', אירע גרינדער, אנפירער, מנהלים, און מיטגלידער האבן פאר זיך איין ציל: ארויפצוברענגען א שמייכל אויף אידישע לעפצן (תקנות).

אוועטאר
אומאפיציעל
שר חמש מאות
תגובות: 544
זיך איינגעשריבען אום: דאנארשטאג פאברואר 16, 2012 4:24 pm

תגובהדורך אומאפיציעל » מיטוואך אפריל 18, 2012 6:07 pm

אינטערסאנט, איך האב דייקא געהערט אז מען איז יא מקפיד נישט צו זאגן דער "לעצטער" שבת פון יאר, נאר דער "אונטערשטער".

מאשקאוויטש
שר חמישים
תגובות: 78
זיך איינגעשריבען אום: זונטאג אפריל 01, 2012 9:27 pm
לאקאציע: אונטער א ברייטן רבני'שע קאפעליטש

תגובהדורך מאשקאוויטש » מיטוואך אפריל 18, 2012 6:19 pm

אומאפיציעל האט געשריבן:אינטערסאנט, איך האב דייקא געהערט אז מען איז יא מקפיד נישט צו זאגן דער "לעצטער" שבת פון יאר, נאר דער "אונטערשטער".


אדער זאגט מען אין געוויסע מקומות דער "שפעטסטער"

אוועטאר
ישלהוסיף
שר האלפיים
תגובות: 2684
זיך איינגעשריבען אום: מאנטאג נובעמבער 14, 2011 10:57 pm

תגובהדורך ישלהוסיף » מיטוואך אפריל 18, 2012 11:54 pm

אומאפיציעל האט געשריבן:אינטערסאנט, איך האב דייקא געהערט אז מען איז יא מקפיד נישט צו זאגן דער "לעצטער" שבת פון יאר, נאר דער "אונטערשטער".


דאס וואס מענטשען רעדן אדער זענען גאר מדקדק אויף דעם סארט שפראך, האט זיך דאס אנגעהויבען אין די קנאפע לעצטע צוואנציג יאר.
ועוד להוסיף, אז יא זיי זענען גאר שטארק מקפיד צו זאגען 'אונטערשטע' אנשטאט 'לעצטע' (כאילו דאס וואלט געוועהן פון די צ"ט קללות), אבער אין אסאך אסאך אנדערע פעלער זענען זיי ווייט פון א ריינע מויל, לשון הרע רכילות וכיוצ"ב, דא ווערען זיי פרום מיטן רעדן... ואמכ"ל.

אוועטאר
למעלה משבעים
שר תשעת אלפים
תגובות: 9891
זיך איינגעשריבען אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

תגובהדורך למעלה משבעים » דאנארשטאג אפריל 19, 2012 1:14 am

איך קלער אז איר האט עס אויפגעמערקט ערשט קנאפע צוואנציג יאר צוריק... ווייל לויט מיין ידועה גייט דאס שוין אן סאאך לענגער.

פון אייער שפראך איז משמע אז איר ווילט עפעס אפ'חוזק'ן דערפון, איז לאמיר אייך פרעגן, איר פארשטייט די גמרא אין מסכת ברכות "הנפטר מחברו אל יאמר לו לך בשלום אלא לך לשלום" וואס די מג"א פילט פאר וויכטיג עס אראפ צו ברענגן להלכה, איז דאס עפעס פון די צ"ט קללות? נאר וואס דען דאס איז געבויעט אויף א אנדערע גמרא פון "לעולם" אל יפתח אדם פיו לשטן, אדער א אנדערע גמרא ברית כרותה לשפתים, אז מען דארף אכטונג געבן וואס מען זאגט ווייל די דיבור פון א מענטש האט א מורא'דיגן כח.

יעצט בעלזא'ער רב האט מורא'דיג מקפיד געווען דערויף און געהאלטן אז דאס גייט אריין אין דעם זעלבן גדר, און נישט אז דאס איז סתם א הנהגה פון א צדיק, נו, פארוואס פארשטייסטו נישט אז דאס זאל זיין איינע פון די זאכן אויף וואס זיי גיבן אכטונג? צו האלטסטו טאקע אז איינער וואס קען זיך נישט האלטן די מויל אויף לשון הרע וכדו' ווייל ער האט א מורא'דיגע שוואכקייט צו די עבירה פון לשון הרע, מעג ער זיך שוין נישט פירן איידל אין אנדערע עניני הדיבור?

איר פירט אויס ואמכ"ל איך וואלט מגיה געווען ואמ"כ (ואין מקומו כאן, נישט ואין מקומו כאן "להאריך") ווייל ווי קומט די שורה אריין אין דעם אשכול?

איטשע
שר האלף
תגובות: 1902
זיך איינגעשריבען אום: דאנארשטאג אוגוסט 27, 2009 10:19 am

תגובהדורך איטשע » דאנארשטאג אפריל 19, 2012 8:12 am

בדרך אגב, לענ"ד אין "פשוט יודיש" גערעדט, איז "לעצטע" אסאאך מער איידל ווי "אונטערשטע"... וד"ל

אוועטאר
ירושליימער ייד
שר מאה
תגובות: 171
זיך איינגעשריבען אום: זונטאג אוגוסט 28, 2011 8:48 pm
לאקאציע: ירושלים עיה"ק תובב"א

תגובהדורך ירושליימער ייד » דאנארשטאג אפריל 19, 2012 8:28 am

למעלה משבעים האט געשריבן:איך קלער אז איר האט עס אויפגעמערקט ערשט קנאפע צוואנציג יאר צוריק... ווייל לויט מיין ידועה גייט דאס שוין אן סאאך לענגער.

פון אייער שפראך איז משמע אז איר ווילט עפעס אפ'חוזק'ן דערפון, איז לאמיר אייך פרעגן, איר פארשטייט די גמרא אין מסכת ברכות "הנפטר מחברו אל יאמר לו לך בשלום אלא לך לשלום" וואס די מג"א פילט פאר וויכטיג עס אראפ צו ברענגן להלכה, איז דאס עפעס פון די צ"ט קללות? נאר וואס דען דאס איז געבויעט אויף א אנדערע גמרא פון "לעולם" אל יפתח אדם פיו לשטן, אדער א אנדערע גמרא ברית כרותה לשפתים, אז מען דארף אכטונג געבן וואס מען זאגט ווייל די דיבור פון א מענטש האט א מורא'דיגן כח.

יעצט בעלזא'ער רב האט מורא'דיג מקפיד געווען דערויף און געהאלטן אז דאס גייט אריין אין דעם זעלבן גדר, און נישט אז דאס איז סתם א הנהגה פון א צדיק, נו, פארוואס פארשטייסטו נישט אז דאס זאל זיין איינע פון די זאכן אויף וואס זיי גיבן אכטונג? צו האלטסטו טאקע אז איינער וואס קען זיך נישט האלטן די מויל אויף לשון הרע וכדו' ווייל ער האט א מורא'דיגע שוואכקייט צו די עבירה פון לשון הרע, מעג ער זיך שוין נישט פירן איידל אין אנדערע עניני הדיבור?

איר פירט אויס ואמכ"ל איך וואלט מגיה געווען ואמ"כ (ואין מקומו כאן, נישט ואין מקומו כאן "להאריך") ווייל ווי קומט די שורה אריין אין דעם אשכול?


דער עניין איז אז מען אונטערשיידט נישט וואס איז דער עיקר און וואס דער טפל, אזוי וי א צדיק האט גיזאגט אמאהל מיט א ביטערע גילעכטער, אפשר ווען דער רמ"א וואלט געשריבן והמנהג שלא לגנוב, וואלט מען אויף גיהערט צו גנב'נען.... דאס זעלבעגיגע דא, אפשר ווען דער חפץ חיים וואלט געשריבן אז סי איז "איין עניין" נישט צו ריידן לשה"ר, וואלטן אפשר די דאזיגע מענטשן נישט גירעט לשה"ר...
דרך אגב סי פאראהן אין די תורה א מום פון "שרוע" ד.מ. אום פראפערציאנאל וד"ל.
רבון כל העולמים גלוי וידוע לפניך שרצוני לעשות רצונך אבל שאור שבעיסה מעכב.

אוועטאר
msp
שר עשרת אלפים
תגובות: 18003
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » דאנארשטאג אפריל 19, 2012 8:54 am

איך האב געהערט א בעלזא חסיד אנשטאט די צווייטע זאגט ער די אנדערע
איז דאס א בעלזא קפידא?
חכלילי עינים מיין ולבן שנים מחלב

אוועטאר
קרעמער
שר עשרים אלפים
תגובות: 28275
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג אפריל 19, 2012 11:39 am

איטשע האט געשריבן:בדרך אגב, לענ"ד אין "פשוט יודיש" גערעדט, איז "לעצטע" אסאאך מער איידל ווי "אונטערשטע"... וד"ל

איר מיינט אודאי 'הונטערשטע', יחי ההבדל הקטן.

אוועטאר
שלומי אמוני ישראל
שר האלף
תגובות: 1406
זיך איינגעשריבען אום: דינסטאג דעצמבער 13, 2011 5:04 pm
לאקאציע: אונטער מיין הוט

תגובהדורך שלומי אמוני ישראל » דאנארשטאג אפריל 19, 2012 11:50 am

msp האט געשריבן:איך האב געהערט א בעלזא חסיד אנשטאט די צווייטע זאגט ער די אנדערע
איז דאס א בעלזא קפידא?


דאס איז שוין אינטרעסאנט
איך ווייס פון אידן וואס לאזן נישט זאגן אנדערע זייט ווייל דאס איז אזוי ווי סטרא אחרא רח"ל
אנכי שלומי אמוני ישראל (שמואל ב' כ', י"ט)

אוועטאר
פרעגער
שר האלף
תגובות: 1298
זיך איינגעשריבען אום: זונטאג אוגוסט 09, 2009 11:35 am

תגובהדורך פרעגער » דאנארשטאג אפריל 19, 2012 11:56 am

msp האט געשריבן:איך האב געהערט א בעלזא חסיד אנשטאט די צווייטע זאגט ער די אנדערע
איז דאס א בעלזא קפידא?


אין בעלזא - ווען מען פארקויפט די עליות, צום ערשטן מאל, צום 'אנדערן' מאל און צום דריטן מאל.
פרעגט וואס איהר ווילט, ווען איהר ווילט, ווי אזוי איהר ווילט

אוועטאר
פרעגער
שר האלף
תגובות: 1298
זיך איינגעשריבען אום: זונטאג אוגוסט 09, 2009 11:35 am

תגובהדורך פרעגער » דאנארשטאג אפריל 19, 2012 11:59 am

ישלהוסיף האט געשריבן:מיין שאלה דא איז א פשוטע, אבער וואס קומט מטיפשת הזמן.
גלייך צום ענין, געוויסע צדיקים וואס האבען שוקל געוועהן זייער דיבור, האבען גערופען די לעצטע אדער די צווייטע טעג יום טוב בלשון "דער אינטערשטע" ווייל לשיטתם איז דאס מער לשון נקי' אדער ס'נישט גלייך צו זאגען די לעצטע ווייל מיר ווילען דערלעבען די קומענדיגעי יום טוב אויך, הגם די כוונה פון דער מענטש איז בכלל נישט אויף די ימים טובים נאר אויף די טעג אין דעם יום טוב גופא.

אבער דעם פארגאנגענעם יום טוב האב איך געזעהן בגליון "לקראת שבת" היו"ל ע"י חסידי סקווירא (אין נאך דעם דאס באמערקט אין רוב פין זייער געשרייבעכטס אין אנדערע גליונות), אז דער ווארט "לעצטע" איז בבחינת בל יראה ובל ימצא, איבעראל ווי מען וואלט געדארפט שרייבען דאס ווארט 'לעצטע' קומען זיי אין שרייבען 'אינטערשטע', איז דאס טאקע א מהלך? איז דאס נישט איבערגעטריבען, מ'נעמנט א הנהגה פון א צדיק א טריט ווייטער.

ממהיום והלאה במקום "דער לעצטע געדאנק" תיקון טעות "דער אינטערשטע געדאנק"...


געהערט האבעך אמאל פון אן אלטן חסידישן איד, אז אויף א זאך וואס איז תלוי אין 'זמן' זאגט מען די אונטערשטע - אפשר ווייל מיט'ן אייבירשטנ'ס הילף זאל מען דערלעבן דאס נאכאמאל.
אבער דער "לעצטער געדאנק" זאל טאקע זיין די לעצטע אין יענעם אפטיילונג.
פרעגט וואס איהר ווילט, ווען איהר ווילט, ווי אזוי איהר ווילט

הסרפד
שר האלף
תגובות: 1917
זיך איינגעשריבען אום: מיטוואך סעפטעמבער 07, 2011 9:36 am

תגובהדורך הסרפד » דאנארשטאג אפריל 19, 2012 12:08 pm

פרעגער האט געשריבן:
msp האט געשריבן:איך האב געהערט א בעלזא חסיד אנשטאט די צווייטע זאגט ער די אנדערע
איז דאס א בעלזא קפידא?


אין בעלזא - ווען מען פארקויפט די עליות, צום ערשטן מאל, צום 'אנדערן' מאל און צום דריטן מאל.


לע"ד האט דאס נישט מיט קפידא נאר מיט לשון - אויף אלט יידיש (אין אויך אויף אלט דייטש, און אפילו אויף אלט ענגליש) האט מען געציילט: ערשטער, אנדערער, דריטער - דוק ותשכח.

אוועטאר
msp
שר עשרת אלפים
תגובות: 18003
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » פרייטאג אפריל 20, 2012 3:39 am

פרעגער האט געשריבן:
msp האט געשריבן:איך האב געהערט א בעלזא חסיד אנשטאט די צווייטע זאגט ער די אנדערע
איז דאס א בעלזא קפידא?


אין בעלזא - ווען מען פארקויפט די עליות, צום ערשטן מאל, צום 'אנדערן' מאל און צום דריטן מאל.


ריכטיג
עס איז טאקע געווען אין עקשטיין'ס קעמפ לעצטע - אונטערשטע [שטרייך אויס דער וואס טויג נישט] זוממער
איז געווען א בעלזער יונגערמאן וואס האט פארקויפט די עליות
חכלילי עינים מיין ולבן שנים מחלב

מאטקע
שר מאה
תגובות: 212
זיך איינגעשריבען אום: פרייטאג דעצמבער 05, 2008 4:20 am

תגובהדורך מאטקע » פרייטאג אפריל 20, 2012 3:51 am

צווייטער הערט זיך ווי זוגות!


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 11 געסט