מסתמא האט געשריבן:די צוקונפט פון די רעפובליקאנער פארטיי
דער מין האנושי איז צוזאמענגעשטעלט פון צוויי אפטיילונגען
1] די חצוניות'דיגע חלק וואס יעדער זעהט, די חיי יום יום, אדער ווי מיר טרעפן די געדאנק אין חז"ל פון מצות אנשים מלומדים
נאכדעם איז דא די מער איידעלערע חלק פונעם מענטש
2] די טיפע גלויבונג און איבערצייגונג פונעם מענטש וואס איז די אינטערליגנדע שטויס-קראפט אינטער דעם מענטשנס חיי יום יום
וואס איז דער אינטערליגענדע טיפע גלויבונג וואס יעדער מענטש האט אין זיך נאטורליך? נעמליך, רעליגיע
(עכ"פ אזוי איז עס געווען טראדיציאנאל)
די חורבן ווען אט די טיפע איבערצייגונג וואס איז איינגעווארצלט אינעם מענטשנס הארץ ווערט דער צענטראלער פירער פונעם הילוך החיים איז נישט פשוט, דאס איז וואס איז געליגן אינטער די אלע יארן השמדות און פארפאלגונגען אויף כלל ישראל בפרט און אויף די גאנצע וועלט בכלל
(פון אידישע אטאריטעט/פירערשאפט רעדן מיר נישט ווייל אין דעם הינזיכט איז אלעס פונקט קאפויער, מיר רעדן פונעם גוי)
מצד שני, אן קיין רעליגיע פארוואס זאל איך נישט היינט גיין דערשיסן מיינע שונאים און באראבעווען א האלבע וועלט?
דאס געזעץ?
וואס איז די תוקף פונעם געזעץ? ווער איז בכלל קובע אז עפעס איז בכלל אן עולה? און אויב איז דאס גאנצע וואס דו סטראשעסט מיר פחד.. דאן פארוואס זאל איך נישט זיין סתם א קרוק וועלכע פרובירט יעדע קרומע מיטל אויף די בוק וואו מוועט מיר נישט כאפן
בקיצור, יוסטיץ און בכלל די יסודות פון דאס מענטשהייט איז בהכרח געקניפט און געבינדן מיט די טיפערע איבערצייגונג וואס מיר רופן אן רעליגיע
נאכן קומען צום הכרה אז אוי לי אם אומר ואוי לי אם לא אומר.. דהיינו, רעליגיע איז נישט קיין מהלך אבער מצד שני איז אן קיין רעליגיע זיכער נישט קיין מהלך, איז אויפגעקומען די געניאלע געבענטשטע לאנד "די פאראייניגטע שטאטן"
אמעריקע איז געגרינדעט אויף פרינציפן אז מיר אלץ א לאנד גלויבן אינעם איין איינציגן באשעפער אבער היות די קאמפליקאציעס הייבן זיך אן ווען יעדער פרובירט ארויפציצווינגען זיין ווערסיע וואס ער זעהט אלץ ריכטיג, במילה מוז מען בהכרח נעמען די סאמע גלויבונג פונעם מענטש און די סאמע יסוד וואס מאכט אים בעצם אויפשטיין צופרי און עס אראפדריקן, מדארף זאגן פאר זיך אליינס
אויב וועל איך היינט שטופן דאס געזעץ אויף מיין וועג וואס איך זעה אלץ ריכטיג וועט עס מארגן יענער שטופן אויף די וועג וואס ער זעהט אלץ ריכטיג און כדי דאס זאל נישט פאסירן מוז מען אוועקשטעלן א סיסטעם וועלכע ערלויבט נישט צו מישן די טעגליכע ווערטשאפט מיט רעליגיע אבער מצד שני גאר שטארק סופארטן די געדאנק פון זיין רעליגיעז
דאס איז די נשמה אינטערן באדייט "סעפערעישאן אוו סטעיט ענד טשורטש" בו בזמן וואס מיר שרייבן "אין גא-ד ווי טראסט"
--------
נאך א פאקטאר וואס די אויסטרעפער פון די פאראייניגטע שטאטן האבן זיך שטארק געזארגט איז געווען די פראבלעם פון מאכט הונגעריגע מענטשן
עס צו לייגן אין קאנטעקסט
הגם וואס מיר האבן פריער אריינגעשטעלט דאס מענטשהייט אין א קעסטל פון העכערע אינדיווידואלן מיט א העכערע גלויבונג איז די פאקט נישט ממש אזוי..
מיר האבן גערעדט פריער פון דאס מענטשהייט בכלליות אז דאס ווערט געטריבן פון העכערע איבערצייגונגען, אבער ווען סקומט צום יחיד איז שוין גארנישט אזוי מוכרח אז ער האט בכלל עפעס א העכערע ציל.. דאס מיינט אז גנבנען און מארדן וכו' איז א פראבלעם וואס דארף אדרעסירט ווערן..
פאר דעם, און טאקע נאר פאר דעם, האט מען געגערינדעט דעם באגריף "רעגירונג"
מנעמט ארויס די צענטראלע יסודות פון רעליגיע און דאס איז די חלק וואס באשיצט יעדעם, נעמליך דעם, כי בצלם אלוקים נברא האדם
אבער די חלק וואס איז מחייב לאזט מען איבער פאר יעדן יחיד צו באשליסן ווי איין און ווי אויס
אין אנדערע ווערטער יעדער קען טון וואס ער וויל ביז ווילאנג ער גייט נישט אריין אין יענעמס טערעטאריע..
יעצט לאמיר צוקומען צום נקודה
דאס אלעס איז זייער גוט ווען די רעגירונג דיעלט מיט א יחיד
די רעגירונג דארף אנהאלטן דאס יוסטיץ אין די ציוויליזאציע
אבער ווער איז "דער רעגירונג"?
אויב דער רעגירונג איז אליינס א "יחיד", דהיינו א דיקטאטור, דאן מה הואילו תקנתם בחכמתם..?
ווער העט זיין דער רעגירונג איבער די רעגירונג?
סקען דאך זיין פונקט אזוי א שלעכטער יחיד און חרובלייגן דאס גאנצע לאנד
האט מען געגרינדעט די באגריף פון "טשעקס און בעלענסעס"
קיינער האט נישט קיין אויסשליסליכע מאכט!! יעדעס פארעם פון מאכט מוז זיין באלאנסירט און געטשעקט!!
די קאנצעפט אז א ריזגע חלק פאלק קען זיין שלעכט און צונעמען די רעכטן פונעם מיעוט רופט זיך "די טירעני אוו די מעדזשאריטי"
טעכניש איז קאמוניזעם/סאציאליזעם און אפילו די באגריף יוניאן א ריכטיגע סעמפל ווי די מעדזשאריטי באראבעוועט דעם יחיד בלויז ווייל זיי קענען
וועגן אט דעם פראבלעם איז אמעריקע נישט קיין דעמאקראטיע וואו דאס רוב פאלק הערשט נאר איז ענדערש א רעפאבליק וואס פארזיכערט דעם יחידס רעכטן, מגייט טאקע נאך רוב ווייל דאס איז די נענטסטע צו יושר.. הגם סאיז נישט אלץ אזוי, אזויווי יעצט אויסגעשמיסט
-----------
יעצט לאמיר באטראכטן די נייע באגריף ליבעראליזעם...
די יסודות פון ליבעראליזעם ציען זיך ארויף ביז צו קארל מארקס וועלכע האט קובע געווען אז די קאנצעפט רעליגיע איז אויסגעטראכט געווארן דורך די רייכע און מאכטפולע..
לאמיר זיך אפשטעלן און טראכטן א רגע.. דאס פארלייקענען מציאות אלוקית און עס ראציאנאליזירן אלץ א פינאנציעלע און מאכט אנגעלעגנהייט, וואס מיינט דאס?
אלעס וואס דאס מענטשהייט ווייסט ביז היינט און אלעס וואס דאס מענטשהייט טוט און איז געוואוינט צו, איז בטל ומבוטל כעפרא דארעא...
וואס איז דאס יוסטיץ? מיין געלט
וואס איז דאס יושר? מיין געלט
פארוואס דארף בכלל זיין א גאווערנמענט? מיך צו געבן געלט!!
בקיצור, אז דו גלייבסט נישט און גארנישט און אלעס וואס דו זוכסט איז צו זעטיגן דאס בהמיות זעהען מיר אויס זייער שרעקעדיג.. א פרישע סארט מאלפע
דא קומט אריין אבער די נפש פונעם מובחר הבריאה דער מין האנושי וועלכע "גלייבט" פארט אין עפעס העכערס און ציט צו א העכערע ציל, עפעס נאגט דארטן טיף אינעווייניג..
נישט געדאגה'ט. דער ליבעראל האט אויכעט זיין "העכערע" ציל
אלעס וואס ער וויל איז פאר "דע גרעיטער גוד"
ער וועט טון מעשים וועלכע וועלן אים מאכן פילן ווי ער טוט אויף גדולות ונצורות, ער וועט הנאה האבן פון גיין מיט א מאסקע בשעת סתם אזוי וואלט ער זיך נישט אויסגעהיטן אין חלק ההגיענע קיין כי הוא זה
ער האט הנאה צו גיין מיט זיין סלאש אויף פיפט עוועניו מיט א פעיפערנע שטרוי... זיין עקוועטי שטייגט יעצט צעהנפאכיג
ער וועט פליען מיט א "פליגער" צו א מיטינג איבער קלימאטן טויש בשעתן זיך רייבן די בני מעיים אז ער ראטעוועט יעצט דאס גאנצע ערד-קוגל
בכלל איז גלאובל ווארמינג זייער א ווארימע טעמע.. עפעס א קלייניקייט? מראטעוועט דאך יעצט די וועלט (ער האט דאך נישט קיין מצוה מיט וואס ער קען מכריע זיין די וועלט לכף זכות..)
יעצט איינמאל דו פארשטייסט אז ליבעראליזעם איז א ריפלעסמענט פאר רעליגיע לאמיר צוריקגיין צו אנהייב פון אונזער שמועס..
האמיר דא פון איין זייט די רעפאבליקאנער פארטיי וועלכע גלויבט עפ"ר אין א באשעפער, זיי פארשטיין גוט אז זייער סאמע ציל אין לעבן מוז זיין אפגעטיילט פון די רעגירונג פירערשאפט און די באגריף רעגירונג איז נישט מער עפעס א לימיטעט ענטיטי וואס זאל פשוט זיכער מאכן אז דאס מענטשהייט פארט על מי מנוחות
ווידעראום דער ליבעראל
נישטא קיין סעפערעישאן פון סטעיט ענד טשורטש
די סטעיט גופה איז זיין טשורטש
די טירעני אוו די מעדזשאריטי איט איז
ביי אים איז די רעגירונג די ענטפער אויף אלעם, זיי זענען אחראי
ער כאפט נישט אז דער וואס דארף דיסטריביוטן דאס געלט איז נישט אזוי הייליג ווי דו מיינסט, ער כאפט נישט אז די מינוט וואס דו ווערסט נישט געפירט פון א העכערע גלויבונג ביסטו גארנישט אנדערש פון די עליטע קלאס וועלכע איז געזיצן אויפן ארימען המון עם.. אייגענטליך מיט דיין פילאזאפיע שטעלסטו בידים אריין אזא סארט רעגירונג ווייל די כלל איז דאך אז פאוער קאראפט
בכלל, מקען נישט צישפרייטן די קולטור פון "גיב מיך" "סקומט מיך"
גענוג וואס די אלע דיקטאטורן האבן זיך אזוי אויפגעפירט אלע יארן
דיין סעלפישנעס וועט נישט פארשווינדן ווערן מיט די הייליגע מלחמות וואס דו פירסט ווי "קענסל קולטור" "קליימעט טשעינדזש" וכו'
ועל כולם וואס מענטשן כאפן נישט, ביי די ליבעראלן איז נישטא קיין סעפערעישאן צווישן סטעיט און טשורטש, ביי זיי איז די רעגירונג די אלטימעט ענטפער אויף אלעם
דאס מיינט אז סיי וואס זיי גלייבן ווילן זיי מאכן פאר דאס געזעץ ווייל די רעגירונג גופא דאס איז זייער גלויבונג..
זייער שטויס-קראפט איז די זעלבע שטויס-קראפט מיט וואס איך און דיר פראקטיצירן רעליגיע
דאס מיינט אין אנדערע ווערטער אז די אנטשלאסנקייט פונעם רעפאבליקען קומט בכלל נישט צו צום אנטשלאסענקייט פונעם ליבעראל, אויב אזוי וואס איז די עתיד פון די רעפאבליקאנער פארטיי?????