-
ציטיר
-
0
צו לייגן א דאנק דארפט איר זיין אריינגעלאגט
תגובה
דורך פ' לך לך »
נישטא וואס צו רעדן, דער גאווענאר האט זיך צולאזט די לעצטע תקופה קעגן אונז אויף אן אופן וואס וואלט נישט געטארט פאסירן.
מען דארף אבער געדענקן צוויי נקודות.
א. דער גאווענאר האט אן היסטאריע פון זיין א אוהב ישראל און זיך ארויסגעשטעלט כסדר זיך אנצונעמען פאר אונזערע רעכטן אפילו ווען ס'איז נישט געווען פאפולער.
ב. די איצטיגע קאראנע קריזיס נעמט דער גאווענאר זייער פערזענליך און נוצט דאס זיך צו שטאלצירן ווי געלונגען ער איז אז ער האט געקענט אונטערברענגן דעם וויירוס אין ניו יארק. דאס איז זיין שווארץ אפעל, און מיט דעם וואס עס איז ארויף די נומערן ביי אונזערע געגענטער צושמעטערט מען איהם זיין כבוד, און ער זעהט דאס ווי א פערזענליכע דורכפאל. דעריבער איז פארשטענדליך פארוואס ער איז געווארן אזוי ווילד און ארויס מיט אזעלכע אטאקעס.
פון די אנדערע זייט, צו מיר זענען גערעכט צו נישט, האט די פרעסע ברייט צושמירט דאס אז מיר פאלגן נישט די געזעץ, מען דרייט זיך אהן מאסקעס, ס'קומען פאר גרויסע פארזאמלונגען, איז אוודאי אז דאס ברענגט ארויף א צארן ביי יעדע רעכטדענקיגע גוי און דאס האט גורם געווען אזא שטארקע העצע קעגן אונז.
למעשה יעצט זענען שוין ב"ה די נומבער'ס אראפ, דער גאווענאר ווייסט גאנץ גוט אז ס'איז נישט די קעיסעד וואס זענען בעסער, נאר ס'איז בעיקר ווייל מען טעסט זיך מער במילא ווערן די נומבער'ס בעסער, נאר ס'גייט איהם נישט אהן, וכל זמן ער קען זיך בארימען אז די נומבער'ס זענען נידעריג, איז ער צופרידן. מען קען זעהן פון זיינע ווערטער אז די עיקר איז אז די נומבער'ס זאלן זיין גוט און דאן איז ער גרייט צו עפענען 100%.
נו, אז ער קען יעצט נעמען ווידעראמאל קרעדיט פארן דערשטיקן די אויסברוך, האט ער זיך בארואיגט, און זוכט א וועג צוריק, דארפן מיר דאס אויסנוצן און לאזן צוריק איינשטעלן א שלום, וואס סוכ"ס וועלן אונז אלע הנאה האבן דערפון.