עציץ נקוב האט געשריבן:לייפציק האט געשריבן:אויך בין דער וואס זאגט יעדער זאל טון וואס זיין רב זאגט, פון מקוה ביז גראסערי
דאס איז נישט קיין גרעכטע מהלך ווייל אונז זענען אלע אויף די זעלבע שיף און זיין רב איז נישט א מומחה אויף די ווירוס קען ער נישט ארום גיין אנשטעקן מענטשען און זאגן רב
די עולם מאכט א טעות די אלע זאכן זענען נישט קיין הלכה שאלה די הלכה איז זייער פשוט דאס אלעס איז א מציאות שאלה און דאס פרעגט מען א מומחה וואס קען די מציאות
ווען איך האב געפיבערט אין בעט, און איך האב זיכער געמאכט אז מיין ווייב ווייסט פונקטליך וועגן מיין לייף אינשוראנס פאליסי, און איך האב איבערגעבעטן חברים פון ישיבה פון צענדליגע יארן צירוק, האבן איך אויך און אכט גענומען צו נידערן דעהם טאן וועגען מקוואות און וועגען מנינים. אבער ההכרח לא יגונה. איך קום איצט
נישט שרייבן וועגען מנין אדער מקוה. איך קום דא שרייבן בכלליות.
איך האב יא משפחה אויף רעספירעיטעס, צו פיהל! אויך האבן מיהר ליידער יא באקאנטע וואס זענען שוין געשטארבן, איבערלאזענדיג יתומים.
און וואס וויל איך דא שרייבן??? ניין!!! מען מעג
נישט גיין אין גראסערי, א חוץ איינער פון די משפחה, מיט א מאסק, איינמאהל א וואך ווייל מען מוז האבן עסען. אויב האסטו פארגעסען עפעס, גיב דיך אן עצה אהן דעהם!!! איך האב יא געשריבן די גאנצע צייט מען זאל נישט גיין אין די גאסן, נישט נאר אז אין מקוה זאל מען נישט גיין. און אוואדאי, ח"ו גיין פאר סושי. און ביטע, ביטע, שרייבט מיהר נישט צירוק אז די סמארטפאון חברה גייען נישט אין שוהל אבער גייען יא פאר סושי, און זיי פארשפרייטן אלע קליפס. זיי טארן נישט! איך האב זיי גאר שארף פארדאמט! אבער וואס האט עס מיט אייך???
איך האב א קרוב וואס איז געגאנגן נארמאל אין שוהל מיט זיינע בחורים. ער האט אן אישו (immune compromised). לאמיהר זאגן דייעביטיס... איך וויל נישט מאכן גילו, זאג איך נישט פונטקליך וואס. ער האט זיך אויסגעלאכט! ער איז אראפגעקומען מיט פיבער. מען האט איהם ב"ה געראטעוועט. ער פארפיהרט יעצט וועגן די מצב אין שפיטעלער. אז זיי זענען חיות און רשעים, און מען טוט גארנישט. העלאו!!! מיהר האבן זיך געבעטן ביי אייך פיהר וואכן צירוק אז די שפיטעלער וועלען נישט קענען פארנעמען. מען האט זיך געבעטן אז מען זאך זיכער מאכן אז עס געשעהט נישט וואס איז געשעהן אין איטאלע, א פארגעשריטענע מערב וועלט לאנד! מען האט זיך געבעטן, געבעטן, געבעטן, מען זאל שוין אויפהערן זיך דרייען, אז עס זאל נישט געשעהן דאס אויף וואס איהר פארפיהרט איצט!!!
און רבותי, מען מיינט אז ווען איינער גיט זיך אכטוג איז ער א מקיל. ח"ו. הרב בראנסדארפער זאגט אז מען ברויך מחמיר זיין אויף ונשמרתם, און ח"ו נישט אהנשטעקן יענעם.
עס מוז געזאגט ווערן דעהם אמת אין פנים אריין. נישט ווייל איך וויל איינעם וויי טוהן. נאר פשוט לתועלת: רוב פון די היימישע ציבור האט נישט קיין אנונג וויאזוי germs ארבייטען און וויאזוי די וויירוס פארשפרייט זיך. רבותי! בלייבט אינדערהיים, עד יעבור זעם. איהר ראטעוועט לעבענס.
ביי מיהר קומען נישט די קינדער צום סדר! מיינע עלטערן קומען נישט! יויש וויל איך מען זאל קומען... ביי אונז (אזוי ווי ביי גאנץ כלל ישראל), די סדר איז די הויעך פונקט פון די יאהר. אבער פארפאלען. מיהר האבן א תורה. אויב א קינד קומט און כאפט דאס, ער טראגט עס צירוק אהיים, דאן שפיהלט ער זיך אין דרייוועי מיט די שכנים (א פרשה פאר זיך...), און עס קומט אהן צו א איד וואס ווערט נישט געזונט, ווי קען מען נעמען די אחריות!!?? און ביטע, ביטע, נישט צירוקשרייבן אז איעדער גייט עס סייווי באקומען. די געדאנקט דא איז מען זאל נישט איבערשטרענגן די העלטה קעיר סיסטעם. מען זאל נישט אויסלויפען פון רעספירעיטערס.
קרעדיט אויפן יהי רצון: גליון דמשק אליעזר, ערב פסח, י"ד ניסן - שנת תש"פ לפ"ק - שנה ז' גליון ט"ז
ויהי רצון שיקויים במהרה מאמר חז"ל (ראש השנה יא.) "בניסן נגאלו ובניסן עתידין להיגאל", ואנו תפילה לאבינו שבשמים על החולים היתרפאו ועל הבריאים שלא יחלו, ויהיה לכל בני ישראל פרנסה בריוח, וְשֶׁלֹּא יִצְטָרְכוּ עַמְּךָ בֵּית יִשְֹרָאֵל בְּפַרְנָסָה זֶה לָזֶה וְלֹא לְעַם אַחֵר, אמן ואמן.
עכט
